Skip to main content

இட்லி மாவு கடையில் புகுந்து திமுக பெண் கவுன்சிலரின் கணவர் மீது தாக்குதல்; திமுக பிரமுகர் மீது புகார்

Published on 28/08/2023 | Edited on 28/08/2023

 

DMK woman councilor  husband assault safter breaking into idly flour shop; Complaint against DMK official

 

குளித்தலை நகராட்சி திமுக பெண் கவுன்சிலரின் கணவரை இட்லி, தோசை மாவு கடைக்குள் புகுந்து மற்றொரு தரப்பைச் சேர்ந்த திமுக பிரமுகர் தாக்கிய சம்பவம் பரபரப்பை ஏற்படுத்தி இருக்கிறது.

 

கரூர் மாவட்டம் குளித்தலை நகராட்சியில் 14 ஆவது வார்டு உறுப்பினராக இருப்பவர் திமுகவைச் சேர்ந்த ராணி. இவருடைய கணவர் முருகேசன். ராணிக்கும் அதே வார்டில் முன்னாள் கவுன்சிலராக இருந்த வினோத் என்ற திமுக பிரமுகருக்கும் இடையே கட்சியில் பொறுப்பு வழங்கப்பட்டது தொடர்பாக முன்விரோதம் இருந்துள்ளது. இந்நிலையில் இட்லி,தோசை மாவு விற்கும் கடைக்குள் புகுந்த வினோத் மற்றும் அவரது தரப்பினர் ராணியின் கணவர் முருகேசனை தாக்கியுள்ளனர்.

 

இது தொடர்பாக உறுப்பினர் ராணி சார்பில் போலீசில் புகாரளிக்கப்பட்டுள்ளது. தாக்கப்பட்ட முருகேசன் முகத்தில் மாவு தெறித்த நிலையில் நிற்க, ‘ஆளுங்கட்சியில் இருக்கும் திமுககாரர்களுக்கே இந்த நிலைமைன்னா நான் இந்த அராஜகத்தை எங்கே கொண்டு போய் சொல்வது எனக்கு தெரியவில்லை' என ராணி புலம்பும் வீடியோ ஒன்றும் வெளியாகியுள்ளது.

 

 

சார்ந்த செய்திகள்

 

Next Story

ஓடும் ரயில் மீது மது பாட்டில்கள் வீச்சு; பயணிகள் அச்சம்

Published on 16/07/2024 | Edited on 16/07/2024
Throwing liquor bottles on a moving train; Passengers fear

ஓடும் ரயில்  மீது மது பாட்டில்கள் வீசப்பட்ட சம்பவம் சென்னையில் பயணிகள் மத்தியில் அதிர்ச்சியை ஏற்படுத்தியுள்ளது.

சென்னை மறைமலைநகர் பகுதியில் ரயில் மீது மர்ம நபர்கள் மது பாட்டில் வீசியதாக பயணிகள் அதிர்ச்சி தெரிவித்துள்ளனர். எழும்பூரில் இருந்து புறப்பட்ட பல்லவன் எக்ஸ்பிரஸ் ரயில் மீது மர்மநபர்கள் குடிபோதையில் மதுபாட்டில்களை வீசியதாக கூறப்படுகிறது. இதுபோன்று  ரயில் மீது மது பாட்டில்கள் வீசப்படும் சம்பவங்கள் அடிக்கடி நடைபெறுவதாக பயணிகள் குற்றச்சாட்டுகளை வைத்திருந்த நிலையில் இன்று நடைபெற்ற சம்பவம் தொடர்பாக ரயில்வே போலீசார் விசாரணை மேற்கொண்டு வருகின்றனர்.

Next Story

சுட்டுப் பிடிக்கப்பட்ட ரவுடி சீர்காழி சத்யா; பாய்ந்தது குண்டர் சட்டம்

Published on 16/07/2024 | Edited on 16/07/2024
Rowdy Sirkazhi Satya who was shoot; The thug law was passed

தமிழகத்தில் பகுஜன் சமாஜ் கட்சி தலைவர் ஆம்ஸ்ட்ராங் படுகொலை செய்யப்பட்டதைத் தொடர்ந்து தமிழகம் முழுவதும் போலீசார் ரவுடிகளை கைது செய்து வருகின்றனர். பல்வேறு இடங்களில் தீவிர கண்காணிப்பு ஏற்பாடுகள் மேற்கொள்ளப்பட்டு வருகிறது. ஆம்ஸ்ட்ராங் கொலை வழக்கில் சரணடைந்த 11 பேரில் திருவேங்கடம் என்ற ரவுடி போலீசார் விசாரணையின் பொழுது தப்பிக்க முயன்றதோடு பதுக்கி வைத்திருந்த துப்பாக்கியால் போலீசாரை நோக்கி சுட முயன்றதால் என்கவுன்டர் செய்யப்பட்டது பரபரப்பை ஏற்படுத்தி இருந்தது. இந்த என்கவுன்டர் ரவுடிகள் மத்தியில் கலக்கத்தை ஏற்படுத்தியுள்ளது.

தஞ்சை மாவட்டம் திருக்காட்டுப்பள்ளி காவல் நிலையத்தில் நேற்று பிரபல ரவுடி சாமி ரவி சரணடைந்துள்ளதாக தகவல் வெளியாகி இருந்தது. இந்நிலையில் மயிலாடுதுறை மாவட்டம் சீர்காழியை சேர்ந்த பிரபல ரவடியான சீர்காழி சத்யாவை போலீசார் சுட்டுப்பிடித்த நிலையில் குண்டர் சட்டத்தில் கைது செய்துள்ளனர்.

சீர்காழி ரவுடி சத்யா மீது ஐந்து கொலை வழக்குகள் உட்பட 32 வழக்குகள் நிலுவையில் உள்ளதாகக் கூறப்படுகிறது. கடந்த மாதம் மாமல்லபுரம் அருகே போலீசாரின் என்கவுண்டர் முயற்சியில் சீர்காழி ரவுடி சத்யா சுட்டுப் பிடிக்கப்பட்டு இருந்தார். தொடர்ந்து கைது செய்யப்பட்டு மதுரை மருத்துவமனையில் அனுமதிக்கப்பட்டு நீதிமன்ற காவலில் இருந்த நிலையில் அவர் மீது குண்டர் சட்டத்தின் கீழ் நடவடிக்கை எடுப்பதற்கு காவல்துறை சார்பில் பரிந்துரை செய்யப்பட்டிருந்தது. இந்நிலையில் செங்கல்பட்டு மாவட்ட ஆட்சியர் உத்தரவின் பேரில்  சீர்காழி ரவுடி சத்யா மீது குண்டர் தடுப்புச் சட்டம் பாய்ந்துள்ளது.