Skip to main content

“சிறுபான்மையின மக்களுக்கு என்றும் பாதுகாப்பாக இருப்பது திமுக அரசு” - அமைச்சர் ஐ.பெரியசாமி

Published on 23/02/2024 | Edited on 23/02/2024
DMK government is always safe for the minority people says Minister I. Periyasamy

திண்டுக்கல் மாவட்டம் ஆத்தூர் சட்டமன்ற தொகுதிக்கு உட்பட்ட ரெட்டியார்சத்திரம் ஒன்றியம் குட்டத்துப்பட்டி ஊராட்சி குட்டத்துப்பட்டியில் புனித பிரான்சிஸ் சேவியர் மேல்நிலைப்பள்ளி உள்ளது. அதைச் சுற்றியுள்ள கிராமங்களைச் சேர்ந்த ஏழை, எளிய மாணவர்கள் இப்பள்ளியில் படித்து வருகின்றனர். சுமார் 800 மாணவ, மாணவியர் படித்து வரும் பள்ளியில் கூடுதல் வகுப்பறைகள் வேண்டுமென ஊரக வளர்ச்சித்துறை அமைச்சர் ஐ.பெரியசாமியிடம்  பங்குத்தந்தை ஜான் நெப்போலியன், கிராம மக்கள் மற்றும் பள்ளி சார்பாக வேண்டுகோள் விடுத்திருந்தார். 

இதனையடுத்து அமைச்சர் ஐ.பெரியசாமி தனது சொந்த செலவில் சுமார் ரூ.50 லட்சம் மதிப்பில் பள்ளிக்கு கூடுதல் வகுப்பறை கட்ட உத்தரவிட்டார். அதைத் தொடர்ந்து தான் புதிய கட்டிட திறப்பு விழா நடைபெற்றது. விழாவிற்கு பங்குத்தந்தை ஜான் நெப்போலியன் தலைமை தாங்கினார். ரெட்டியார்சத்திரம் ஒன்றிய பெருந்தலைவர் சிவகுருசாமி, கிழக்கு மாவட்ட பொருளாளர் கு.சத்தியமூர்த்தி, தலைமை செயற்குழு உறுப்பினர்கள் தண்டபாணி, ஆத்தூர் நடராஜன், மாவட்ட கவுன்சிலர் சுதாசெல்வி, ஆரோக்கியமேரி, ஊராட்சிமன்றத் தலைவர் வேல்கனி, ஹரிசந்திரன், ஆகியோர் முன்னிலை வகித்தனர். பள்ளி தலைமை ஆசிரியர் பாரதி வரவேற்று பேசினார். 

விழாவில் புதிய வகுப்பறையை திறந்து வைத்துவிட்டு பொதுமக்கள் மற்றும் மாணவர்கள் மத்தியில் ஊரக வளர்ச்சித்துறை அமைச்சர் ஐ.பெரியசாமி பேசும் போது, “மாணவ, மாணவியர்களின் பொற்காலமாக திராவிடமாடல் ஆட்சி நாயகன் மு.க.ஸ்டாலின் தலைமையிலான ஆட்சி செயல்பட்டு வருகிறது. குறிப்பாக சிறபான்மையின மக்களின் பாதுகாவலராக செயல்பட்ட முத்தமிழ் அறிஞர் கலைஞர் வழியில் வந்த நமது முதல்வர் சிறுபான்மையின மக்களின் நலன் காப்பதில் அதிக அக்கறைக் கொண்டு செயல்பட்டு வருகிறார். ஆத்தூர் தொகுதியில் சிறுபான்மையின மக்களால் நடத்தப்படும் கல்வி நிறுவனங்கள் மூலம் எண்ணற்ற கல்வியாளர்கள் உருவாகியுள்ளார்கள். அவர்களின் கல்வி சேவையை பாராட்டுகிறேன்.

DMK government is always safe for the minority people says Minister I. Periyasamy

குறிப்பாக ஆத்தூர் தொகுதியில் அரசு பள்ளி முதல் அரசு உதவி பெறும் பள்ளிகளான சிறுபான்மையின மக்களால் நடத்தப்படும் பள்ளிகளுக்கு தனிக்கவனம் செலுத்தி பள்ளிகளின் வளர்ச்சிக்கு எண்ணற்ற நிதி ஒதுக்கீடு செய்யப்பட்டுள்ளது. இங்கு நூற்றுகணக்கான பள்ளி மாணவ, மாணவியர்கள் இருக்கிறீர்கள் நீங்கள் பள்ளி படிப்பு முடிந்தவுடன் பட்டப்படிப்பு படிப்பதற்கு ரெட்டியார்சத்திரம் ஒன்றியத்திலும், ஆத்தூர் ஒன்றியத்திலும் அரசால் நடத்தப்படும் கலை மற்றும் அறிவியல் கல்லூரி உள்ளது. இதன் மூலம் எவ்வித சிரமமின்றி உயர்க் கல்வி கற்கும் நிலைமை உருவாகியுள்ளது. இதை நீங்கள் பயன்படுத்திக்கொண்டு உயர்க் கல்வி கற்க வேண்டும்.

தமிழகத்தில் சிறுபான்மையின மக்களுக்கு எதாவது பிரச்சனை என்றால் முதல் குரல் கொடுக்கும் இயக்கும் திமுக என்பதை யாரும் மறுக்க முடியாது. அதனால்தான் சிறுபான்மையின மக்கள் இன்றுவரை திமுக அரசுக்கு உறுதுணையாக உள்ளார்கள். இப்போது கூட அருகில் உள்ள பள்ளிக்கு மேற்கூரை சீரமைக்க மற்றும் கூடுதல் கழிப்பறைகள், சுற்றுச்சுவர் வேண்டுமென கோரிக்கை மனுகொடுத்துள்ளார்கள் அவர்களின் கோரிக்கை உடனடியாக நிறைவேற்றப்படும்” என்று கூறினார்.

சார்ந்த செய்திகள்

Next Story

'கலைஞரின் பிறந்தநாள் பரிசாக தேர்தல் முடிவு இருக்கும்'-துரை வைகோ நம்பிக்கை

Published on 20/04/2024 | Edited on 20/04/2024
'The result of the election will be an kalaingar's birthday gift' - Durai Vaiko believes

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்றத் தேர்தல் நாடு முழுவதும் களைகட்டி வருகிறது. அதன்படி முதற்கட்டமாக நேற்று (19-04-24) தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது.

தமிழகத்தில் உள்ள 39 நாடாளுமன்ற தொகுதிகளுக்கும், புதுச்சேரியில் உள்ள ஒரு நாடாளுமன்ற தொகுதிக்கும் நேற்று(19-04-24) ஒரே கட்டமாக வாக்குப்பதிவு நடைபெற்றது. பதற்றமான வாக்குச்சாவடிகளில்  பல அடுக்கு பாதுகாப்பு ஏற்பாடுகள் செய்யப்பட்டது. சரியாக காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெற்று முடிந்தது.

இந்நிலையில் சென்னை எழும்பூரில் செய்தியாளர்களைச் சந்தித்த மதிமுகவின் திருச்சி வேட்பாளர் துரை வைகோ பேசுகையில், ''தமிழகத் தேர்தல் முடிவுகள் தமிழக முதல்வர் மு.க ஸ்டாலினுக்கு முன்னாள் முதல்வர் கலைஞரின் பிறந்தநாள் பரிசாக இருக்கும். தனக்காக பரப்புரை செய்த தமிழக அமைச்சர்கள் மற்றும் தோழமை, கூட்டணி கட்சியினருக்கு என்னுடைய மனமார்ந்த நன்றிகள்.

இது ஜனநாயகத்திற்காக, மக்கள் நல அரசியலுக்காக மக்கள் ஆதரவளிக்க வேண்டும் என்பதற்கான தேர்தல். அதேவேளையில் மத அரசியல் புரிந்து மக்களை பிளவுபடுத்தும் ஜாதி, மத அரசியலுக்கு ஒரு முற்றுப்புள்ளி வைக்க வேண்டும் என்பதுதான் தேர்தல் பரப்புரையாக இருந்தது. இந்தத் தேர்தலை பொறுத்தவரை புதுவை உட்பட 40 தொகுதிகளிலும் இந்தியா கூட்டணி ஒரு மிகப்பெரிய வெற்றியைப் பெறும். ஜூன் நான்காம் தேதி தேர்தல் முடிவுகள் வரும் பொழுது கலைஞரின் 101 வது பிறந்தநாள் பரிசாக நமது முதல்வர் மு.க.ஸ்டாலினுக்குத் தேர்தல் முடிவுகள் இருக்கும் என நம்புகிறேன்'' என்றார்.

Next Story

திமுக பிரமுகரின் வீடு சூறை; மோட்டார் சைக்கிள் எரிப்பு - திருச்சியில் பரபரப்பு

Published on 20/04/2024 | Edited on 20/04/2024
beaten on DMK executive house in Trichy

திருச்சி சின்னக்கடை வீதி பகுதியை சேர்ந்தவர் சுரேஷ்குமார்(45). இவரது வீட்டில் நேற்று இரவு மர்ம நபர்கள் ஐந்துக்கும் மேற்பட்டோர் நுழைந்து அவரது வீட்டை அடித்து நொறுக்கியதுடன் வெளியில் நின்று இருந்த இவரது மோட்டார் சைக்கிளை தீயிட்டு கொளுத்தினர். நள்ளிரவில் திடீரென   அக்கம்பக்கத்தினர் ஓடி வந்ததை கண்டதும் மர்ம நபர்கள்  அங்கிருந்து தப்பி சென்றனர். பிறகு அக்கம் பக்கத்தினர்  தீயணைப்பு துறைக்கு தகவல் தெரிவித்தனர். தீயணைப்பு வீரர்கள் விரைந்து வந்து  எரிந்து கொண்டிருந்த மோட்டார் சைக்கிளின் தீயை அணைத்தனர்.

இருப்பினும் மோட்டார் சைக்கிள் முழுவதும் எரிந்து எலும்பு கூடானது. பின்னர் இது குறித்து சுரேஷ்குமார் கோட்டை காவல் நிலையத்தில் புகார் அளித்தார். புகாரில் அவருக்கும் தாராநல்லூர் பகுதியைச் சேர்ந்த ஒரு சில நபர்களுக்கும் கோவில் சம்பந்தமாக பிரச்சனை இருந்து வந்துள்ளது. எனவே அவர்கள் தான் செய்திருக்கலாம் என புகாரில் தெரிவித்துள்ளார்.

இது குறித்து கோட்டை காவல் நிலைய போலீசார் வழக்குப் பதிந்து விசாரித்து வருகின்றனர். நள்ளிரவில் மர்ம நபர்கள் வீடு புகுந்து, வீட்டை  அடித்து நொறுக்கி மோட்டார் சைக்கிளை எரித்த சம்பவம் அப்பகுதி முழுவதும் பதற்றத்தை ஏற்படுத்தியது. சுரேஷ்குமாருக்கும் திருச்சி காந்தி மார்க்கெட் பகுதியில் பழக்கடை நடத்தி வரும் நபர் ஒருவருக்கும் கோவில் திருவிழா சம்பந்தமான பிரச்சனை ஒன்று ஏற்கெனவே உள்ளது. அதுமட்டுமின்றி தேர்தல் வேலைகளில் சுரேஷ்குமார் தீவிரமாக ஈடுபட்டதும், சுரேஷ்குமார் திமுக பிரமுகர் என்பதும் குறிப்பிடத்தக்கது