Skip to main content

தினகரனை எரிச்சலூட்டிய ஒ.எஸ்.மணியன்

Published on 26/09/2018 | Edited on 26/09/2018
ttv-maniyan



நாகையில் நடைபெற்ற மக்கள் சந்திப்பு பயணத்தில் பேசிய டி.டி.வி. தினகரன் ஆர்.கே.நகரை போல திருவாரூர் மற்றும் திருபரங்குன்றம் இடைதேர்தலிலும் வெற்றிபெறுவோம் என சூளுரைத்தார்.
 

அம்மா மக்கள் முன்னேற்ற கழகத்தின் துணை பொது செயலாளர் டிடிவி தினகரன் மக்கள் சந்திப்பு பயணத்தை இரண்டாவது நாளாக திருக்குவளையில் துவங்கினார். அதனை தொடர்ந்து நாகை வந்த அவருக்கு அந்த அக்கட்சியினரால், மேளதாளத்துடன், மலர்தூவி உற்சாக வரவேற்பு அளித்தனர். 
 

தொண்டர்களின் கூட்டத்தில் பேசிய டிடிவி தினகரன், "நாடாளுமன்றம் மற்றும் சட்டமன்ற தேர்தல்கள் விரைவில் வரப்போகிறது. இந்த நாகை தொகுதி வேட்பாளர் யார் என்று உங்களுக்கு தெரியும் மாவட்ட செயலாளர் சந்திரமோகன் தான்.  அவரை தோற்கடிக்க எந்த மணியும் வந்தாலும் முடியாது (பணத்தையும், ஒ.எஸ்.மணியனையும் குறிப்பிட்டே மணி என்றார்) அவரை வரும் தேர்தலில் மகத்தான  வெற்றிபெற செய்யவேண்டும். ஆர்கே.நகர் தேர்தலை  போலவே நடந்துவரும் அடிமை பழனிச்சாமி துரோக ஆட்சிக்கு முற்றுபுள்ளி வைக்கும் வகையில் வரப்போகும் திருவாரூர் மற்றும் திருபரங்குன்றம் இடைதேர்தலிலும் வெற்றிபெறுவோம் என்றார்.
 

நாகை பிரச்சாரத்தை முடித்துக்கொண்டு மாவட்ட ஆட்சியர் அலுவலகம் இருக்கும் ஏரியாவான காடம்பாடியில் 58 அடி உயரத்தில் அமைக்கப்பட்டிருந்த ராட்சத கொடிமரத்தில் அம்மா மக்கள் முன்னேற்ற கழகத்தின் கொடியினை ஏற்றினார். அதனை தொடர்ந்து புகழ்பெற்ற  நாகூர் தர்கா பகுதியிக்கு சென்றவர்  குல்லா அணிந்துகொண்டு அங்கு குழுமியிருந்த மக்களிடம் உரையாற்றினார். 
 

அப்போது அங்கு கூடியிருந்தவர்களில் சிலர், பக்கத்தில் இருக்கும் காரைக்கால் தனியார் துறைமுகத்தில் இறக்குமதி செய்யப்படும் நிலக்கரியால் எங்களின் வாழ்வாதாரமே சிதையுது, அதப்பற்றி பேசுங்க இல்லன்னா இங்கிருந்து கிளம்புங்க என்று கோஷங்கள் எழுப்பியதால் சிறிது நேரம்  பரபரப்பு ஏற்பட்டது. பிறகு பேசவந்ததை குறைத்துப்பேசிவிட்டு சென்றார்.
 

ஏற்கனவே நாகை அவுரித்திடலில் ஒரு லட்சம் ரூபாய் மதிப்பீட்டில் அமைக்கப்பட்டிருந்த கொடிகம்பத்தை அதிமுக அமைச்சர் ஒ,எஸ்,மணியனின் உத்தரவின் பெயரில் காவல்துறையினரோடு நகராட்சி ஊழியர்கள் இடித்து அப்புறப்படுத்தினர். இந்த கோபத்தில் இருந்த தினகரனுக்கு நாகூரிலும் தனது ஆட்களை கூட்டத்தில் புகுத்தி இடையூறு செய்யவைத்திருக்கிறாரே என்கிற எரிச்சலில் ஒ.எஸ்.மணியன் குறித்து அனைத்துவிதமான தவறுகள், மோசடிகள் குறித்து தயாரிக்குமாறு தனது ஆதரவாளர்களிடம் இன்ஜக்சன் கொடுத்துவிட்டே சென்றிருக்கிறார். விரைவில் ஒ.எஸ்.மணியன் மற்றும் அவரது பினாமிகளை கண்டித்து ஆர்பாட்டம் நடக்கும்  என்கிறார்கள் அவரது ஆதரவாளர்கள்.
 

 

 

 

சார்ந்த செய்திகள்

 

Next Story

“என்கவுண்டர் சம்பவம் பெரும் சந்தேகத்தை ஏற்படுத்துகிறது” - டிடிவி தினகரன்!

Published on 14/07/2024 | Edited on 14/07/2024
TTV Dhinakaran says chennai thiruvenkadam incident raises doubts

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 05.07.2024 அன்று இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டார். இது தொடர்பாக 11 பேர் சரணடைந்த நிலையில் 11 பேரும் கைது செய்யப்பட்டு போலீஸ் கஸ்டடி காவலில் விசாரணைக்காக அனுமதிக்கப்பட்டனர். இந்த வழக்கில் கைது செய்யப்பட்ட ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது. இத்தகைய பரபரப்பான சூழலில் தான் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் போலீசாரால் என்கவுண்டர் செய்யப்பட்டார்.

இந்நிலையில் இந்த என்கவுண்டர் சம்பவம் தொடர்பாக அமமுக பொதுச் செயலாளர் டிடிவி தினகரன் தனது எக்ஸ் சமூகவலைத்தளப்பதிவில், “பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் கொலை வழக்கில் கைது செய்யப்பட்டுள்ள விசாரணைக் கைதி திருவேங்கடம் என்பவர், சென்னை மாதவரம் அருகே தப்பியோட முயன்ற போது காவல்துறையினரால் என்கவுண்டரில் சுட்டுக்கொலை செய்யப்பட்டிருப்பதாகச் செய்திகள் வெளியாகியுள்ளன. ஆம்ஸ்ட்ராங் கொலை வழக்கில் சரணடைந்தவர்கள் குற்றவாளிகள் அல்ல எனவும், உண்மையான குற்றவாளிகளைக் கண்டறிய வேண்டும் என அவரது குடும்பத்தினர் உட்பட பல்வேறு தரப்பினரும் வலியுறுத்திய நிலையில், தமிழகக் காவல்துறை அரங்கேற்றியிருக்கும் என்கவுண்டர் சம்பவம் பெரும் சந்தேகத்தை ஏற்படுத்துகிறது.

கொலை நடந்த அன்றே தாமாக முன்வந்து காவல்துறையினரிடம் சரணடைந்த விசாரணைக் கைதி திருவேங்கடம், தப்பியோட முயன்றதன் காரணமாகவே சுட்டுக்கொலை செய்யப்பட்டதாக காவல்துறை விளக்கம் அளித்திருப்பதாக வெளியாகியிருக்கும் செய்தி முன்பின் முரணாக அமைந்துள்ளது. எனவே, விசாரணைக் கைதி திருவேங்கடம் சுட்டுக்கொலை செய்யப்பட்டது தொடர்பாக விரிவான விசாரணை மேற்கொள்வதோடு, ஆம்ஸ்ட்ராங் கொலை வழக்கு நேர்மையாகவும், நியாயமாகவும் நடைபெறுவதை உறுதி செய்ய வேண்டும் எனத் தமிழக அரசை வலியுறுத்துகிறேன்” எனக் குறிப்பிட்டுள்ளார். 

Next Story

“இரட்டை இலையுடன் கூடிய மாங்கனி உள்ளது” - ஓ. பன்னீர்செல்வம் பேச்சு!

Published on 04/07/2024 | Edited on 04/07/2024
O Panneerselvam speech There is Mango with a double leaf 

விழுப்புரம் மாவட்டத்தில் உள்ள விக்கிரவாண்டி சட்டமன்றத் தொகுதியில் திமுக சார்பில் போட்டியிட்டு வெற்றி பெற்றவர் புகழேந்தி. இவர் கடந்த ஏப்ரல் 6 ஆம் தேதி (06.04.2024) உடல்நலக் குறைவால் காலமானார். இவர் மறைந்ததைத் தொடர்ந்து விக்கிரவாண்டி சட்டமன்றத் தொகுதிக்கு ஜூலை 10 ஆம் தேதி இடைத்தேர்தல் நடைபெறும் எனத் தேர்தல் ஆணையம் அறிவித்திருந்தது. இந்த இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியில் உள்ளனர்.

அதே சமயம் அதிமுக, தேமுதிக ஆகிய இருகட்சிகளும் இந்த இடைத்தேர்தலைப் புறக்கணிக்கிறது எனத் தெரிவிக்கப்பட்டிருந்தது. மேலும் தவெக தலைவரும், நடிகருமான விஜய் விக்கிரவாண்டி இடைத்தேர்தலில் தமிழக வெற்றிக் கழகம் போட்டியிடாது என்றும், எந்தக் கட்சிக்கும் ஆதரவு இல்லை என்றும் தெரிவித்திருந்தார். இத்தகைய சூழலில் அரசியல் கட்சியினர் தீவிர பிரசாரம் மேற்கொண்டு வருகின்றனர். இந்நிலையில் விக்ரவாண்டியில் பாமக வேட்பாளர் சி.அன்புமணியை ஆதரித்து பிரசார பொதுக்கூட்டம் நடைபெற்றது. 

O Panneerselvam speech There is Mango with a double leaf 

இதில் அதிமுக தொண்டர்கள் உரிமை மீட்புக் குழுத் தலைவரும், தமிழக முன்னாள் முதலமைச்சருமான ஓ. பன்னீர்செல்வம் பேசுகையில், “இரட்டை இலை சின்னம் இல்லையென்றாலும் இரட்டை இலையுடன் கூடிய மாங்கனி சின்னம் நம்மிடம் இருக்கிறது. அனைத்து நிலையிலும் திமுக அரசு தோல்வி அடைந்துள்ளது. தமிழகத்தில் சட்டம் மற்றும் ஒழுங்கு சீர்கெட்டுள்ளது. கள்ளச்சாராயம், போதைப்பொருள் நிறைந்த ஆட்சியாக உள்ளது” எனத் தெரிவித்தார். மேலும் அமமுக பொதுச்செயலாளர் டிடிவி தினகரன் பேசுகையில், “நானும், ஒ. பன்னீர்செல்வமும் இந்த கூட்டணியில் இருக்கிறோம். எனவே முன்னாள் முதல்வர் ஜெயலலிதாவின் படத்தைப் பயன்படுத்த பாமகவிற்கு அனைத்து உரிமையும் இருக்கிறது” எனத் தெரிவித்தார்.