Skip to main content

பழுதுபார்ப்பதில் தாமதம்! பெயர்ந்து விழுந்த தொடக்கப்பள்ளி மேற்கூரை!

Published on 23/01/2024 | Edited on 23/01/2024
Delay in repair! The roof of the elementary school that fell!

‘அரசுப் பள்ளி மேற்கூரை இடிந்து விழுந்து..’ என்னும் தலைப்பில் நாளிதழ்களில் செய்தியைப் படிக்கும்போதெல்லாம், டி.வி.யில் பெயர்ந்து விழுந்த சிமென்ட் பூச்சுகளைப் பார்க்கும்போதெல்லாம்,  ‘நம்ம புள்ளைங்க படிக்கிற ஸ்கூல் பில்டிங்கும் அப்படித்தானே இருக்கு..’ என்ற பதைபதைப்பு, தங்களையும் அறியாமல் அரசுப் பள்ளிகளில் படிக்கின்ற மாணவர்களின் பெற்றோருக்கும், அங்கு பணிபுரியும் ஆசிரியர்களுக்கும், மாணவர்களுக்கும் ஏற்படும்.

கட்டிடம் பழுதடைந்த நிலையில் உள்ள விருதுநகர் மாவட்டம் – சித்தலக்குண்டு – திருச்சுழி ஊராட்சி ஒன்றிய தொடக்கப்பள்ளியிலும் கட்டிட மேற்கூரை பெயர்ந்து விழுந்துள்ளது. இரவு நேரத்தில் இது நடந்ததால் யாருக்கும் பாதிப்பில்லை.

Delay in repair! The roof of the elementary school that fell!

119 மாணவர்கள் படிக்கும் இந்த அரசுத் தொடக்கப் பள்ளியில் 5 வகுப்புகள் உள்ளன. 16 வருடங்களுக்குமுன் கட்டப்பட்ட அந்த மூன்று வகுப்பறைக் கட்டிடத்தின் மேல் பகுதியில் மழை நீர் தேங்குவதும், மேற்கூரையில் நீர் இறங்கி ஈரப்பதமாவதும், நீர்க்கசிவால் கட்டிடச் சுவரில் வெடிப்பு விழுவதும் நடந்துள்ளது. இதுகுறித்த தகவல் கல்வித்துறை அதிகாரிகளுக்கு தெரிவிக்கப்பட்டு, பள்ளிக் கட்டிடத்தைப் பழுது பார்ப்பதற்கான ஒப்பந்தமும் விடப்பட்டுள்ளது. ஒப்பந்தக்காரர் தொடர்ந்து காலம் தாழ்த்தியதாலேயே, மேற்கூரை பெயர்ந்து விழுந்துள்ளது.

அந்தப் பள்ளியின் தலைமை ஆசிரியை சுபாவை தொடர்புகொண்டோம். “கல்வித்துறை அதிகாரிகளுக்கு தகவல் தெரிவிக்கப்பட்டு, அவர்களும் நேரில் வந்து பார்த்தார்கள். பள்ளிக் கட்டிடம் பழுதுபார்க்கும் ஒப்பந்தப்பணிக்கு ரூ.13 லட்சம் வரை ஒதுக்கீடு செய்திருப்பதாகவும், ஒப்பந்தகாரர் வேலையை ஆரம்பித்துவிடுவார் என்றும் தெரிவித்தார்கள்” என்றார்.

Delay in repair! The roof of the elementary school that fell!

நாம் விருதுநகர் மாவட்ட முதன்மைக் கல்வி அலுவலர் வளர்மதியிடம் பேசினோம். “அந்த ஸ்கூல் பில்டிங்கை பழுதுபார்ப்பதற்கு உடனே நடவடிக்கை எடுக்கிறேன்” என்று உறுதியளித்தார்.

‘லாபநோக்கம் உள்ள அரசு ஒப்பந்தக்காரர்கள் கட்டும் எந்த ஒரு கட்டிடமும் தரமான கட்டுமானத்துடன் இருப்பதில்லை’ என்ற பொதுவான குற்றச்சாட்டை நிரூபிப்பது போலவே, அரசுக் கட்டிடங்களின் மேற்கூரை இடிந்து விழுவது வாடிக்கையாகிவிட்டது. 

எந்த ஒரு குறையையும் உடனடியாகச் சரிசெய்து அசம்பாவிதம் நடப்பதற்குமுன் தடுக்கவேண்டியது அரசாங்கத்தின் கடமை என்பதை அரசு அலுவலர்கள் உணர்ந்து செயல்பட வேண்டும். 

சார்ந்த செய்திகள்

Next Story

'ஒரே குடும்பத்தில் 90 பேர்'-வண்டி கட்டிக்கொண்டு வாக்களிக்க வந்த சம்பவம்

Published on 19/04/2024 | Edited on 19/04/2024
'90 people in the same family'-incident of carting and coming to vote

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்ற தேர்தல் நாடு முழுவதும் களைகட்டி வருகிறது. அதன்படி முதற்கட்டமாக இன்று தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது. முதற்கட்டமாக 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு இன்று வாக்குப்பதிவு நடைபெறுகிறது.

அந்த வகையில் தமிழகத்தில் உள்ள 39 நாடாளுமன்ற தொகுதிக்கும், புதுச்சேரியில் உள்ள ஒரு நாடாளுமன்ற தொகுதிக்கும் இன்று வாக்குப்பதிவு நடைபெற்று வருகிறது. பதற்றமான வாக்குச்சாவடிகளில்  பல அடுக்கு பாதுகாப்பு போடப்பட்டுள்ளது. சரியாக காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெறவுள்ளது.  இந்நிலையில் காலை 7 மணி முதல் வாக்காள பெருமக்கள் ஆர்வத்துடன் வாக்களித்து வருகின்றனர். அதேபோன்று அரசியல் கட்சி தலைவர்கள், வேட்பாளர்கள் என பலரும் தங்களின் வாக்குகளை வாக்குச்சாவடிகளில் செலுத்தி வருகின்றனர்.

தமிழகத்தில் பிற்பகல் 3 மணி நிலவரப்படி சராசரியாக 50 சதவீதத்திற்கும் மேலாக வாக்குப்பதிவு நடந்துள்ளது. இந்நிலையில் விருதுநகரில் ஒரே குடும்பத்தைச் சேர்ந்த 90 பேர் வண்டி கட்டிக் கொண்டு சென்று வாக்களித்த சம்பவம் நிகழ்ந்துள்ளது. விருதுநகர் மாவட்டம் சிவகாசி அருகே உள்ள பூசாரி நாயக்கன்பட்டி ஊரில் உள்ள ஒரே குடும்பத்தைச் சேர்ந்த 90க்கு மேற்பட்டோர் வாக்காளர் அடையாள அட்டை மற்றும் ஆதார் கார்டுடன் வண்டி கட்டிக்கொண்டு வாக்களிக்க வந்தனர். விவசாயத் தொழிலில் ஈடுபட்டிருக்கும் 100 பேர் கொண்ட கூட்டுக் குடும்பத்தினர் வாக்களித்தனர்.

Next Story

விருதுநகர் தொகுதி; ஜனநாயகக் கடமையை நிறைவேற்றும் மக்கள் (படங்கள்)!

Published on 19/04/2024 | Edited on 19/04/2024

 

விருதுநகர் கூரைக்குண்டு, அரசு தொடக்கப்பள்ளி வாக்குச்சாவடி மையத்தில்,விருதுநகர்  மாவட்ட தேர்தல் நடத்தும் அலுவலர் / மாவட்ட ஆட்சித் தலைவர் முனைவர் வீ.ப.ஜெயசீலன் இ.ஆ.ப.,  தனது வாக்கினைப்  பதிவு செய்தார்.

மல்லங்கிணர் அரசுத் தொடக்கப்பள்ளியில் அமைச்சர் தங்கம் தென்னரசு,தனது குடும்பத்தினருடன் வந்து வாக்களித்தார். திருப்பரங்குன்றம் – திருநகரிலுள்ள சீதாலட்சுமி பெண்கள் மேல்நிலைப்பள்ளியில் காங்கிரஸ் வேட்பாளர் மாணிக்கம் தாகூர் வாக்களித்தார். திருத்தங்கல் கே.எம்.கே.ஏ.பள்ளியில் முன்னாள் அமைச்சர் ராஜேந்திரபாலாஜி வாக்களித்தார்.

விருதுநகர் பாராளுமன்றத் தொகுதியில் மொத்தம் 15,01,942 வாக்காளர்கள் உள்ளனர். மொத்தம் 1689 மையங்களில் வாக்காளர்கள் வாக்களித்துக் கொண்டிருக்கிறார்கள். ஏற்பாடு செய்யப்பட்ட சக்கர நாற்காலிகளில் மாற்றுத்திறனாளிகளும் முதியோரும் வாக்களித்துள்ளனர்.  இந்தத் தேர்தலில் 18 வயது நிரம்பிய வாக்காளர் பட்டியலில் இடம் பெற்றுள்ள முதல் முறை, இளம் தலைமுறை வாக்காளர்கள்,  மூத்த வாக்காளர்கள், திருநங்கைகள், பெண்கள், கர்ப்பிணிகள், மாற்றுத்திறனாளிகள் என அனைத்துத் தரப்பு வாக்காளர்களும் வாக்களித்து, தங்களது ஜனநாயகக் கடமையை நிறைவேற்றி வருகின்றனர். 

விருதுநகர் பாராளுமன்றத் தொகுதி  வாக்குப் பதிவு  மதியம் 1.00 மணி நிலவரப்படி விருதுநகர்- 40.19%, திருப்பரங்குன்றம் - 39.33%, திருமங்கலம் - 41.70%, சாத்தூர் - 44.32%, சிவகாசி- 36.14%, அருப்புக்கோட்டை - 41.31%, என மொத்தம் - 40.45% வாக்குகள் பதிவாகியுள்ளது.