Skip to main content

'தள்ளுபடி, ஒத்திவைப்பு, காவல் நீட்டிப்பு' - கலங்கும் செந்தில் பாலாஜி தரப்பு

Published on 16/05/2024 | Edited on 16/05/2024
'Deferral, Postponement, Extension of Custody'-Agitating Senthil Balaji's side

போக்குவரத்துத்துறையில் சட்ட விரோதமாகப் பணப்பரிமாற்றம் செய்ததாகப் பதியப்பட்ட வழக்கில், கடந்த ஆண்டு ஜூன் மாதம் 14 ஆம் தேதி சட்ட விரோதப் பணப்பரிமாற்றத் தடுப்பு சட்டத்தின் கீழ், அமைச்சராக இருந்த செந்தில் பாலாஜி அமலாக்கத்துறையால் கைது செய்யப்பட்டு நீதிமன்றக் காவலில் இருந்து வருகிறார். தொடர்ந்து பலமுறை நீதிமன்றங்களை நாடியும் அவருக்கு ஜாமீன் கிடைக்காத நிலை தொடர்ந்து வருகிறது.

அமலாக்கத்துறையின் வழக்கில் இருந்து  ஜாமீன் கோரிய முன்னாள் அமைச்சர் செந்தில் பாலாஜியின் வழக்கு இன்று உச்சநீதிமன்றத்தில் விசாரணைக்கு வந்திருந்த நிலையில் இந்த வழக்கின் சூழலை மாதம் உச்சநீதிமன்றம் ஒத்திவைத்துள்ளது. இன்று நடந்த விசாரணையில் தங்கள் தரப்பு வழக்கறிஞர் வேறொரு வழக்கில் வாதிட்டு வருவதால் வழக்கை ஒத்திவைக்க வேண்டும் என அமலாக்கத்துறை கோரிக்கை வைத்தது. 

'Deferral, Postponement, Extension of Custody'-Agitating Senthil Balaji's side

இதனை செந்தில் பாலாஜி தரப்பு எதிர்த்தது. வழக்கை ஒத்திவைக்க கூடாது, 320 நாட்களுக்கு மேலாக அவர் சிறையில் இருக்கிறார். எனவே வழக்கை நாளைய தினமாவது விசாரிக்க வேண்டும் என்று கோரிக்கை வைக்கப்பட்டது. ஆனால் அந்த கோரிக்கையை உச்சநீதிமன்ற நீதிபதிகள் ஏற்க மறுத்தனர். காரணம் அமலாக்கதுறையின் வாதங்களை கேட்காமல் செந்தில்பாலாஜிக்கு ஜாமீன் வழங்குவதோ அல்லது அமலாக்கத்துறையின் கைது நடவடிக்கைக்கு எதிராக உத்தரவுகளை கொடுப்பதோ செய்ய முடியாது. எனவே ஜூலை 10 ஆம் தேதிக்கு வழக்கை ஒத்தி வைக்கிறோம் என நீதிபதிகள் தெரிவித்தனர்.

தற்பொழுது வரும் வாரத்தில் இருந்து கோடை விடுமுறை இருப்பதால் அதன் காரணமாக ஜூலை 10ஆம் தேதி கோடை விடுமுறை முடிந்து வந்தவுடன் முதல் வாரத்தில் மீண்டும் இந்த ஜாமீன் வழக்கு விசாரிக்கப்படும் என தெரிவிக்கப்பட்டுள்ளது. தள்ளுபடி, ஒத்திவைப்பு, காவல் நீட்டிப்பு என கலக்கம் கண்டுள்ளது செந்தில் பாலாஜி தரப்பு என்கின்றனர் அரசியல் விமர்சகர்கள்.

சார்ந்த செய்திகள்

 

Next Story

‘தாயா பிள்ளையா இருந்தாலும் வாயும் வயிறும் வேறு..’ - காவிரி விவகாரத்தில் அமைச்சர் பதில்

Published on 15/07/2024 | Edited on 15/07/2024
duraimurugan said Karnataka on Cauvery will be taken in consultation with cm stalin

வேலூரில் ஊரகப் பகுதிகளில் அரசு நிதி உதவி பெறும் தொடக்கப்பள்ளிகளில் முதலமைச்சரின் விரிவு படுத்தப்பட்ட காலை உணவு திட்டத்தை காட்பாடி அடுத்த கிறிஸ்டியன்பேட்டை பகுதியில் உள்ள நிதியுதவி தொடக்கப்பள்ளியில் நீர்வளத்துறை அமைச்சர் துரைமுருகன் துவக்கி வைத்தார். இதில் வேலூர் மாவட்டத்தில் செயல்பட்டு வரும் 68 ஊரக அரசு நிதியுதவிபெறும் பள்ளிகளில் 1-5-ம் வகுப்புகளில் பயிலும் 1296-மாணவர்கள், 1244-மாணவிகள் மொத்தம் 2540 மாணவ மாணவிகள் இத்திட்டத்தில் பயன்பெறுகின்றனர்.

பின்னர் அமைச்சர் துரைமுருகன் அளித்த பேட்டியில், “தமிழகத்திற்கு அதிகமான தண்ணீர் தேவைப்பட்டாலும் அத்தியாவசிய தேவைக்காக ஒரு டிஎம்சி நீரை தமிழகத்திற்க்கு வழங்க வேண்டும் என காவேரி ஒழுங்காற்று குழு கர்நாடக அரசுக்கு உத்தரவிட்டது. ஆனால் ஒரு டிஎம்சி யை கூட தர மாட்டேன் என அடம்பிடித்தார்கள். நாங்கள் நிலைமைகளை விளக்கி நீதிமன்றத்தில் எடுத்துக் கூறினோம். அதன் பிறகும் அந்தப் போக்கில் இருந்து கர்நாடக அரசு மாறாமல் ஒரு டிஎம்சி வழங்க முடியாது என மறுத்துவிட்டு 8 ஆயிரம் கன அடி தருகிறோம் எனச் சொல்கிறார்கள்.

ஒரு டிஎம்சி என்பது 11 ஆயிரத்தி 574 கனஅடி ஆகும். கர்நாடகாவில் தண்ணீர் இருக்கிறது. கே.ஆர்.எஸ் ஆணையில் 105 ஆடி தண்ணீர் உள்ளது. கபினியில் 64 அடி தண்ணீர் உள்ளது. இது போன்று நமக்கு தண்ணீர் தரும் கர்நாடகாவில் உள்ள 4 அணைகளில் போதுமான தண்ணீர் உள்ளது. இதுவரை(15.07.2024)  4,047 கன அடி தான் மேட்டூருக்கு தண்ணீர் வந்துள்ளது. தற்போது அங்கு மழை பெய்து வருவதால் அதிகமான தண்ணீர் வந்து கொண்டிருக்கிறது. இந்த விவகாரத்தில் தமிழகம் அடுத்த நடவடிக்கை எடுப்பது குறித்து முதல்வருடன் ஆலோசித்து பின்னர் முடிவு எடுக்கப்படும். இதில் கர்நாடக மேல்முறையீடு செய்தால் ரொம்ப நல்லது. அது நமக்கு தான் கை கொடுக்கும். மேலும் கர்நாடகா தண்ணீர் கொடுக்கிறோம் என சொன்னாலும், கொடுக்க மாட்டேன் என்று சொன்னாலும் மழை அதிகமாக பெய்தால் தண்ணீர் வந்து தான் ஆகணும்” என்றார்.

இதையடுத்து, கூட்டணியில் அங்கம் வகிக்கும் முதல்வர் ஸ்டாலின் காவேரி விவகாரத்தில் தமிழக மக்களையும் தமிழக விவசாயிகளையும் பற்றி கவலைப்படாமல் உள்ளார் என எதிர்க்கட்சி தலைவர் எடப்பாடி பழனிசாமி கூறியிருந்தது குறித்து கேட்டதற்கு, “ எடப்பாடி பழனிசாமிக்கு காவேரி விவகாரம் குறித்து அதிகமாக தெரியாது. அவர்கள் ஆட்சியில் மட்டும் கேட்ட உடனேயே தண்ணீர் வந்து விட்டதா?  கூட்டணி என்பது வேறு, அவர்களின் பிரச்சனை வேறு. தாயாக இருந்தாலும் பிள்ளையாக இருந்தாலும் வயிறு வேறு கர்நாடகாவிற்கு உள்ள உரிமையை அவர்கள் கேட்கிறார்கள். தமிழகத்திற்கு உள்ள உரிமையை நாம் கேட்கிறோம். நீதிமன்றம் மூலமாக தீர்வு காணப்படும். இறுதி முடிவு உச்ச நீதிமன்றத்தின் கையில் தான் உள்ளது. நான் மிக நீண்ட காலமாக காவேரி விவகாரத்தை கையாண்டு வருகிறேன் இதில் உள்ள எல்லா பிரச்சனை குறித்தும் எனக்கு தெரியும்” என்றார்.

ஆம்ஸ்ட்ராங் கொலை வழக்கு தொடர்பான என்கவுண்டரில் சந்தேகம் உள்ளதாக எதிர்க்கட்சிகள் குற்றம்சாட்டியிருந்தது குறித்து கேட்டதற்கு, “இன்வெஸ்டிகேஷனில் உள்ளது” என்றார்.

முன்னதாக அவர் பேசுகையில், “காமராஜர் படிக்காதவராக இருந்தாலும், ஏழை மாணவர்களுக்கு கல்வி கொடுத்ததால் அவரது பிறந்த நாளை கல்வி வளர்ச்சி நாளாக அறிவித்த கலைஞர் காமராஜர் கொண்டு வந்த மதிய உணவு திட்டத்தில் இரண்டு முட்டைகளை போட்டு சத்துணவாக மாற்றினார். அன்றைக்கு காமராஜர் பிள்ளைகள் படிக்க மதிய உணவு திட்டத்தை கொண்டு வந்தார். அன்றைக்கு காமராஜருக்கு ஏற்பட்ட ஞானோதயம் போல் இன்று முதல்வர் ஸ்டாலினுக்கு ஏற்பட்டு காலை உணவு திட்டம் தொடங்கப்பட்டது. இந்த மாவட்டத்தில் உள்ள காலை உணவு திட்டம் செயல்படுத்தப்படும் பள்ளிகளை திடீர் ஆய்வு செய்ய உள்ளேன்” எனத் தெரிவித்தார். 

Next Story

“நல்லாட்சிக்குக் கிடைத்த நற்சான்றிதழ்” - முதல்வர் மு.க.ஸ்டாலின்!

Published on 14/07/2024 | Edited on 14/07/2024
Certificate for good governance Chief Minister MK Stalin

விக்கிரவாண்டி இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா, பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியிட்டனர். இந்தத் தேர்தலில் பதிவான வாக்குகள் நேற்று (13.07.2024) எண்ணப்பட்டன. இதனையடுத்து 20 சுற்றுகள் முடிவில் திமுக வேட்பாளர் அன்னியூர் சிவா 1 லட்சத்து 24 ஆயிரத்து 53 வாக்குகள் பெற்று 67 ஆயிரத்து 757 வாக்குகள் வித்தியாசத்தில் வெற்றி பெற்றதாகத் தேர்தல் ஆணையம் அதிகாரப்பூர்வமாக அறிவித்தது.

இந்நிலையில் விக்கரவாண்டி இடைத்தேர்தலில் திமுக வெற்றி பெற்றது தொடர்பாக தமிழக முதல்வரும், திமுக தலைவருமான மு.க. ஸ்டாலின் திமுக தொண்டர்களுக்கு கடிதம் எழுதியுள்ளார். அதில், “விக்கிரவாண்டி தொகுதி இடைத்தேர்தல் களத்தில் உதயசூரியன் சின்னத்தில் போட்டியிட்ட திமுக வேட்பாளர் அன்னியூர் சிவா மகத்தான வெற்றி பெற்றிருக்கிறார். திமுக வேட்பாளருக்கு மக்கள் அளித்த வாக்குகள் 1,24,053. தனக்கு அடுத்தபடியாக வந்த பா.ம.க வேட்பாளரை  67,757 வாக்குகள் வித்தியாசத்தில் வெற்றி பெற்றிருக்கிறார். போட்டியிட்ட மற்ற வேட்பாளர்கள் கட்டுத்தொகையை இழந்திருக்கிறார்கள். 

Certificate for good governance Chief Minister MK Stalin

திராவிட மாடல் அரசு மக்களுக்கான அரசாக இருக்கிறது. தமிழ்நாட்டு மக்கள் திமுக மீது நம்பிக்கை வைத்திருக்கிறார்கள் என்பதைத்தான் இந்த இடைத்தேர்தல் வெற்றி எடுத்துக்காட்டுகிறது. மூன்றாண்டுகால நல்லாட்சிக்குக் கிடைத்த நற்சான்றிதழ்தான் இந்த மகத்தான வெற்றி. அதனை வழங்கிய விக்கிரவாண்டி தொகுதி வாக்காளர்களுக்கு என் மனமார்ந்த நன்றியை திமுக தலைவர் என்ற முறையிலும், தமிழ்நாட்டின் முதலமைச்சர் என்ற முறையிலும் உங்களில் ஒருவனான நான் தெரிவித்துக் கொள்கிறேன்.

விக்கிரவாண்டி இடைத்தேர்தல் களத்தில் போட்டியிடாமல் அதிமுக ஒதுங்கி நின்று, தனது கள்ளக்கூட்டணிக்கு ஆதரவான நிலைப்பாட்டை எடுத்தது. திமுக வெளிப்படையான ஜனநாயக நெறிமுறைப்படி களம் கண்டது. விக்கிரவாண்டியில் உள்ள 2 இலட்சத்து 34ஆயிரத்து 653 வாக்காளர்களையும் திமுக நிர்வாகிகள் வீடு வீடாகச் சென்று நேரில் சந்தித்து, மூன்றாண்டுகால திராவிட மாடல் அரசின் சாதனைகளை எடுத்துச் சொல்லி, அந்தத் திட்டங்களின் பயன்களை நேரடியாகப் பெற்றுள்ள மக்களிடம் உதயசூரியனுக்கு வாக்களிக்கக் கேட்டுக் கொண்டார்கள். திமுக இளைஞரணிச் செயலாளர் உதயநிதி தமது பரப்புரையில், விக்கிரவாண்டி தொகுதியில் நிறைவேற்றப்பட்ட திட்டங்கள், நிறைவேற்றப்படவிருக்கிற திட்டங்களைப் பட்டியலிட்டு வாக்கு சேகரித்தார். 

Certificate for good governance Chief Minister MK Stalin

திட்டங்களின் பயன்கள் எல்லாருக்கும் கிடைத்திடுவதை உறுதி செய்து, பாகுபாடின்றி அதனைச் செயல்படுத்தி வருகிறோம். இதே விக்கிரவாண்டி தொகுதியில் உள்ள வாக்காளர்களிடம் எடுக்கப்பட்ட ஒரு காணொலியைப் பார்க்கும் வாய்ப்பு அமைந்தது. அதில் மாற்றுக் கட்சியைச் சேர்ந்த ஒரு பெண்மணி, தன்னுடைய கட்சிக்குத்தான் ஓட்டுப் போடுவேன் என்று சொன்னபோதும், கலைஞர் மகளிர் உரிமைத் திட்டத்தின்கீழ் மாதம் 1000 ரூபாய் தனக்கு வந்து கொண்டிருக்கிறது என்பதை வெளிப்படையாகவே ஒப்புக்கொண்டார். இதுதான் திராவிட மாடல் அரசு. ஒருவர் எந்தக் கட்சிக்காரர் என்று பார்ப்பதில்லை. தமிழ்நாட்டு வாக்காளரான அவர், திட்டத்தில் பயன் பெறத் தகுதியுடையவரா என்பதை மட்டும் பார்த்து, அதன் பயனைக் கிடைக்கச் செய்கின்ற அரசுதான் உங்களில் ஒருவனான என் தலைமையிலான திமுக அரசு.

மிகவும் பிற்படுத்தப்பட்ட சமுதாயத்தைச் சேர்ந்தவர்கள், பட்டியல் இனத்தைச் சேர்ந்தவர்கள், பிற்படுத்தப்பட்ட சமுதாயத்தைச் சேர்ந்தவர்கள், சிறுபான்மைச் சமுதாயத்தினர் வசிக்கின்ற விக்கிரவாண்டி தொகுதியில் சமூகநீதிக் கொள்கை வழியாக அந்தந்தச் சமுதாயங்கள் கல்வியிலும் வேலைவாய்ப்பிலும் முன்னேற்றம் காண வழிவகுத்தவர் கலைஞர் என்பதைத் தொகுதிவாசிகள் மறந்துவிடவில்லை. மிகவும் பிற்படுத்தப்பட்ட சமுதாயம் என்கிற பிரிவை இந்தியாவிலேயே முதன்முறையாக உருவாக்கி, அவர்களுக்கு 20% இடஒதுக்கீடு வழங்கிய தலைவர் கலைஞரின் சமூகநீதிக் கொள்கையால் தலைமுறைகள் கடந்து அடைந்துள்ள முன்னேற்றத்தை அவர்கள் மறக்கவில்லை என்பதைத்தான் விக்கிரவாண்டி மக்கள் தந்துள்ள மகத்தான வெற்றி எடுத்துக் காட்டுகிறது. 

Certificate for good governance Chief Minister MK Stalin

பட்டியல் இனச் சமுதாயத்திற்கு 18% இடஒதுக்கீடு வழங்கியதுடன், அவர்களின் வளர்ச்சிக்காகப் பல திட்டங்களை வழங்கிய கலைஞரின் வழியில், கடந்த மூன்றாண்டு கால திராவிட மாடல் ஆட்சியில் ஆதிதிராவிடர் மற்றும் பழங்குடியினருக்கான பல்வேறு திட்டங்கள் செயல்படுத்தப்பட்டு, வளர்ச்சிப் பாதையில் அவர்களை அழைத்துச் செல்கிறது” எனக் குறிப்பிட்டுள்ளார்.