Skip to main content

வார்டு பிரச்சனையை எடுத்துகூறிய நபர்; சாதியை சொல்லி கடுமையாக தாக்கிய கவுன்சிலர்

Published on 24/02/2024 | Edited on 24/02/2024
councillor called the person who asked him to solve the sewage problem and beated him

ஈரோடு மாவட்டம் அரச்சலூர் அடுத்த குள்ளரங்கம்பாளையம் காலனியை சேர்ந்தவர் சண்முகம். இவரது மனைவி கோகிலா. இவர்களுக்கு சதீஸ்குமார் மற்றும் ரமணிசந்திரன் ஆகிய இரு மகன்கள் உள்ளனர். இந்நிலையில் கடந்த 18ம் தேதி ரமணிச்சந்திரன் தனது வீட்டின் முன்பு உள்ள சாக்கடை அடைத்துள்ளதாக 6-வது வார்டு கவுன்சிலர் கவின்குமாருக்கு தொலைபேசியில் தொடர்பு கொண்டதாக கூறப்படுகிறது. அப்போது அவரது செல்போனை அவரது மனைவி எடுத்து பேசி உள்ளார்.

இதனையறிந்த கவின்குமார் ஆத்திரத்தில் சண்முகம் வீட்டுக்கு சென்று எப்படி என் மனைவியுடன் செல்போனில் பேசலாம் என்று சண்டையிட்டு உள்ளார். இந்நிலையில் மீண்டும் 19ம் தேதி கவுன்சிலர் கவின்குமார் தனது இரு நண்பர்களுடன் கோகிலா வீட்டிற்கு வந்து சாதி பெயரை சொல்லி தகாத வார்த்தைகளால் திட்டி கோகிலா மற்றும் ரமணிசந்திரன் ஆகியோரை கட்டையால் தலை மற்றும் இடது தோள்பட்டையில் கடுமையாக தாக்கியுள்ளார். மேலும் ஜன்னல்களை உடைத்துள்ளனர்.

இதனையடுத்து சத்தம் கேட்டு அக்கம்பக்கத்தினர் வந்ததும் மூவரும் அங்கிருந்து தப்பிச் சென்றுள்ளனர். இதனையடுத்து ஈரோடு அரசு தலைமை மருத்துவமனையில் காயமடைந்த ரமணிசந்திரன் மற்றும் பலத்த காயமடைந்த கோகிலா ஆகியோரும் சிகிச்சைக்காக அனுமதிக்கப்பட்டனர்‌. தொடர்ந்து அரச்சலூர் காவல்நிலையத்தில் கோகிலா அளித்த புகாரின்பேரில் 6-வது வார்டு கவுன்சிலர் கவின்குமார் மற்றும் நண்பர்கள் உட்பட மூவர் மீது எஸ்.சி, எஸ்.டி. வன்கொடுமை தடுப்புச் சட்டத்தின் கீழ் வழக்கு பதிவு செய்தனர். இந்நிலையில் கவுன்சிலர் கவின்குமார் மற்றும் அவரது நண்பர்கள் தலைமறைவாகிவிட்டனர். அவர்களை போலீசார் தேடி வருகின்றனர்.

சார்ந்த செய்திகள்

Next Story

“அது தான் அதிமுகவுக்கு விழுந்த முதல் அடி” - திமுக வேட்பாளர் பிரகாஷ்

Published on 12/04/2024 | Edited on 12/04/2024
DMK candidate Prakash interviewed and says That was the first blow to AIADMK

நாடாளுமன்றத் தேர்தல், ஏப்ரல் 19ஆம் தேதி முதல் ஜூன் 1ஆம் தேதி வரை நடைபெறவிருக்கிறது. நாடு முழுவதும் ஏழு கட்டங்களாக நடைபெறும் இந்த தேர்தல்களின் வாக்கு எண்ணிக்கையானது ஜூன் 4ஆம் தேதி நடைபெற்று அன்றே தேர்தல் முடிவுகள் அறிவிக்கப்பட இருக்கிறது. தமிழ்நாட்டை பொறுத்தவரை ஏப்ரல் 19ஆம் தேதி ஒரே கட்டமாக நடைபெறுகிறது. அந்த வகையில், தி.மு.க. அ.தி.மு.க உள்ளிட்ட கட்சிகள் தேர்தல் பிரச்சாரத்தில் தீவிரம் காட்டி வருகிறது. அதில், ஈரோடு மக்களவைத் தொகுதியில் தி.மு.க. கட்சி சார்பாக தி.மு.க. வேட்பாளராக பிரகாஷ் போட்டியிடுகிறார். நக்கீரன் சார்பாக அவரை பேட்டி கண்டோம். நம்முடைய கேள்விகளுக்கு  பிரகாஷ் அளித்த பேட்டி பின்வருமாறு...

அ.தி.மு.க வேட்பாளர்கள் எல்லாம் சாதாரண பின்னணி கொண்டவர்கள். ஆனால், தி.மு.க நிறுத்தும் வேட்பாளர்கள் எல்லாம் பொருளாதார பின்னணி கொண்டவர்களையும், வலுவான ஆட்களை தான் நிறுத்துகிறது என்று எடப்பாடி பழனிசாமி சொல்கிறாரே?

“நான் சாதாரண விவசாய குடும்பத்தில் இருந்து வந்தவன். சாதாரண வேட்பாளராக தான் நிற்கிறேன். அதனால், இந்த ஈரோடு நாடாளுமன்ற தேர்தல் பணமா? குணமா?. அவர்கள் பணத்தை நம்பி நிற்கிறார்கள்”.

ஏழைக் குடும்பங்களுக்கு வருடத்திற்கு ஒரு லட்ச ரூபாய் என்ற வாக்குறுதியை காங்கிரஸ் கொடுத்திருக்கிறது என்று நீங்கள் பிரச்சாரம் செய்து வருகிறீர்கள். ஆயிரம் ரூபாய் கொடுக்கும் இந்த திட்டத்தில் நிதிச்சுமை இருக்கிறது என்று நீங்கள் சொல்கின்ற இந்த நிலையில் ஒரு லட்ச ரூபாய்க்கான நிதி ஆதாரங்கள் எல்லாம் எங்கிருந்து வரும் என்ற கேள்வி வருகிறதே?

“சாதாரண, அதானி அம்பானிக்கு எப்படி இத்தனை லட்சம் கோடி இன்றைக்கு வந்தது. ரெண்டு பேருக்கு மட்டும் குவியும் பணத்தை மக்களுக்கு பிரித்து கொடுக்க போகிறோம் அவ்வளவுதான்”.

அகில இந்திய அளவில் நீங்கள் எதிர்பார்க்கும் அளவிற்கு மேல் இந்தியா கூட்டணி வெற்றி பெறும் பட்சத்தில், தி.மு.க.விற்கு அமைச்சரவையில் எந்த மாதிரியான மரியாதை கிடைக்கும் என்று எதிர்பார்க்கிறீர்கள்?

“எங்களுக்கு பதவி என்பது ஒரு பொறுப்பு தான். வாஜ்பாய் ஆட்சியிலும் அண்ணன் டி.ஆர். பாலு இருந்திருக்கிறார். அதேபோல், மன்மோகன் சிங் தலைமையிலான காங்கிரஸ் அமைச்சரவையிலும் டி.ஆர்.பாலு இருந்திருக்கிறார். மந்திரி சபை என்பது எங்களுக்கு முக்கியம் கிடையாது. எங்களைப் பொறுத்தவரை இந்திய நன்றாக இருக்க வேண்டும், இந்தியா வலுப்பெற வேண்டும், சிறந்த ஆட்சி கொடுக்க. அதற்கு பக்கபலமாக இருக்க வேண்டும் என்பதுதான் எங்கள் தலைவருடைய குறிக்கோள். அந்த குறிக்கோளுக்கு பின்னாடி எங்களுடைய இந்தியா கூட்டணியினுடைய 40 வேட்பாளர்களும் பின் தொடர்ந்து செல்வார்கள் என்று உறுதியாக கூறுகிறேன்”.

அ.தி.மு.க என்றால் கொங்கு மண்டலம் தான். கொங்கு மண்டலம் என்றால் அ.தி.மு.க தான், என்ற அந்த நம்பிக்கையில் தான் எடப்பாடி பழனிச்சாமி இருக்கிறார் என்று சொல்கிறார்களே?

“அந்த நம்பிக்கை எல்லாம் உள்ளாட்சி தேர்தலிலே உடைந்து விட்டது. உள்ளாட்சி தேர்தலில், அவர்கள் எந்த ஒரு மாநகராட்சியும் பிடிக்கவில்லை, எந்த ஒரு நகராட்சியும் பிடிக்கவில்லை. எல்லாமே தி.மு.க. பிடித்து விட்டது. அதுதான் அவர்களுக்கு முதல் அடி. இனிமேல் அடிமேல் அடி விழும். இனி, அதிமுகவுக்கு மேற்கு மண்டலமோ, கொங்கு மண்டலமோ அவர்களது கோட்டை கிடையாது. இந்த நாடாளுமன்ற தேர்தலுக்குப் பிறகு தி.மு.க.வின் கோட்டையாக மாறப்போகிறது. ஏழு நாடாளுமன்ற தொகுதி இருக்கிறது. இந்த ஏழு நாடாளுமன்ற தொகுதியிலும் பா.ஜ.க.வும், அ.தி.மு.க.வும், நோட்டாவும் யார் முன்னாடி வருவார்கள் என்று போட்டி போடுவார்கள். இந்த ஏழு தொகுதிகளிலும் தி.மு.க மிகப்பெரிய வெற்றி பெறும். கடந்த உள்ளாட்சித் தேர்தலிலே அவர்கள் கோட்டை எல்லாம் உடைந்து விட்டது”.

இந்திய கூட்டணியில் திமுக டெபாசிட் கூட வாங்காது என்று எடப்பாடி பழனிசாமி கூறுகிறாரே?

“அவர் எடப்பாடியில் தூங்கி கொண்டே இருப்பார் போல. வெளியே வந்து பார்க்க சொல்லுங்கள். ஏனென்றால், அவர் கட்சியையே எடப்பாடியில் தான் நடத்துகிறார் என்று அவரது கட்சிகாரர்களே சொல்கிறார்கள்”.

370, 400 தொகுதிகளிலும் பா.ஜ.க வெற்றி பெறும் என்று பிரதமர் மோடி சொல்கிறாரே?

“மோடி தூக்கத்தில் உளறிக் கொண்டிருக்கிறார். உறுதியாக சொல்கிறேன் 400 தொகுதிக்கும் மேல் இந்தியா கூட்டணி வெற்றி பெற்று ஆட்சி அமைக்கும். நூறு தொகுதிகளில் தான் பாஜக வெல்லும்”.

முதலமைச்சரும், அமைச்சர் உதயநிதியும் இத்தனை கூட்டங்களில் பேசியும் ஒரு கூட்டத்தில் கூட விவசாயிகளைப் பற்றி பேசவே இல்லை என்று எடப்பாடி பழனிச்சாமி கூறுகிறாரே?

“அவர் ஒரு விவசாயியாக இருந்து கொண்டு, விவசாயிகளின் கஷ்டம் தெரியாமல் இருக்கிறாரே. எத்தனையோ பிரச்சினைகள் இருந்திருக்கிறது. விவசாயிகளுக்கு தனி பட்ஜெட்டை நாம் உருவாக்கினோம். ஆனால் அவர்கள் பத்தாண்டு கால கட்சியில் அதை செய்ய முடியவில்லை. அவர் ஒரு போலி விவசாயி என்று தான் சொல்வேன். மக்களுடைய உணர்வை புரிந்து கொள்ள வேண்டும். அதனால், எங்களுடையது விவசாயிகளை காப்பாற்றக்கூடிய அரசு”.

தி.மு.க மீண்டும் வந்துவிட்டால் தமிழகத்தை ஆண்டவனாலும் காப்பாற்ற முடியாது என்று எடப்பாடி கூறுகிறாரே?

“காமெடியாக இருக்கிறது. கடந்த 1996 ஆம் ஆண்டிலேயே நாங்கள் சொல்லிவிட்டோம். திருப்பி அந்த டயலாக்கை அவர் சொல்லிக் கொண்டிருக்கிறார். அன்றைக்கு இருந்த அ.தி.மு.க வேறு. அது எம்ஜிஆருடைய அ.தி.மு.க, ஜெயலலிதாவின் அ.தி.மு.க. ஆனால், இன்றைக்கு இருப்பது வியாபார அ.தி.மு.க. அதை உண்மையான அ.தி.மு.க தொண்டர்கள் அனைவரும் புரிந்து  விட்டார்கள்” என்று கூறினார்.

Next Story

“லட்சக்கணக்கான உயிர்கள் இறந்ததற்கு காரணம் எடப்பாடி பழனிச்சாமி தான்” - திமுக வேட்பாளர் பிரகாஷ்

Published on 12/04/2024 | Edited on 12/04/2024
Erode Dmk candidate prakash interview at nakkheeran for loksabha election

நாடாளுமன்றத் தேர்தல், ஏப்ரல் 19ஆம் தேதி முதல் ஜூன் 1ஆம் தேதி வரை நடைபெறவிருக்கிறது. நாடு முழுவதும் ஏழு கட்டங்களாக நடைபெறும் இந்த தேர்தல்களின் வாக்கு எண்ணிக்கையானது ஜூன் 4ஆம் தேதி நடைபெற்று அன்றே தேர்தல் முடிவுகள் அறிவிக்கப்பட இருக்கிறது. தமிழ்நாட்டை பொறுத்தவரை ஏப்ரல் 19ஆம் தேதி ஒரே கட்டமாக நடைபெறுகிறது. அந்த வகையில், தி.மு.க. அ.தி.மு.க உள்ளிட்ட கட்சிகள் தேர்தல் பிரச்சாரத்தில் தீவிரம் காட்டி வருகிறது. அதில், ஈரோடு மக்களவைத் தொகுதியில் தி.மு.க. கட்சி சார்பாக தி.மு.க. வேட்பாளராக பிரகாஷ் போட்டியிடுகிறார். நக்கீரன் சார்பாக அவரை பேட்டி கண்டோம். நம்முடைய கேள்விகளுக்கு  பிரகாஷ் அளித்த பேட்டி பின்வருமாறு...

ஈரோடு மக்களுக்கு மக்களவைத் தொகுதியில் பிரதானமாக விவசாய தொழிலும், ஜவுளி தொழிலும் இருக்கிறது. பத்தாண்டு காலமாக இந்த தொழில்கள் அனைத்தும் நலிவடைந்து இருப்பதன் மூலம் விவசாயிகளும், தொழிலாளர்களும் பாதிக்கப்படுகிறார்கள் என்ற பிரச்சனை இருக்கிறது அதற்கு தீர்வு என்ன?

“கடந்த 1989ஆம் வருடம் இதே ஈரோடு மண்ணில் தான், கலைஞர் விவசாயிகளுக்கு இலவச மின்சார திட்டத்தை அறிவித்தார். அதை அறிவிக்காமல் இருந்திருந்தால் இங்கு ஒரு துளி விவசாயம் கூட இருந்திருக்காது. 35 ஆண்டுகளுக்கு முன்பாகவே விவசாயிகளை காக்க வேண்டும் என்ற தொலைநோக்கு பார்வையோடு கலைஞர் அந்த திட்டத்தை கொண்டு வந்தார். அதேபோல், இன்றைக்கு விவசாயிகள் நலிவடைந்து வருகிற இந்த நிலையில் மு.க.ஸ்டாலின் தலைமையிலான திமுக ஆட்சியில் விவசாயிகளுக்கென தனி பட்ஜெட்டை அறிவித்துள்ளது. அந்த பட்ஜெட் மூலமாக விவசாயிகளுக்கு விலை நிர்ணயம் செய்திருக்கிறார்கள். அதனால், விவசாயிகளுக்கு பாதுகாப்பான அரசாகத்தான் இந்த அரசு எப்போதும் இருக்கும். அதேபோல் நெசவாளர்களுக்கு மின்சாரத்தை இலவசமாக வழங்கி வருகிறார்கள்”.

விசைத்தறி தொழிலாளர்கள் பாதிக்கப்பட்டதே தி.மு.க ஆட்சியில் தான் என்று பாஜகவினர் சொல்கிறார்களே?

“மனசாட்சி இல்லாமல் பேசக்கூடாது. பாஜக குற்றச்சாட்டு வைக்கலாம். ஏனென்றால் அவர்கள் தான் முழுக்க முழுக்க பொய்யே பேசி வருகிறார்கள் விசைத்தறி முதலாளிகள், தொழிலாளர்கள் இதை சொல்கிறார்களா? என்பதைத்தான் பார்க்க வேண்டும். எதிர்க்கட்சிகள், அனைத்தையும் பொய்யாக தான் சொல்லி வருகிறார்கள்”.

இங்கு மஞ்சள் உற்பத்தி அதிகமாக இருக்கிறது என்றும் அதற்கு ஏற்றுமதி அதற்கான கிடங்கு, மற்றும் அதற்கான விலை நிர்ணயம் செய்ய வேண்டும் என்ற கோரிக்கை எல்லாம் வருகிறதே?

“பத்தாண்டு கால ஆட்சியில் இவர்களெல்லாம் அதை செய்யாமல் விட்டு விட்டார்கள். இந்த முறை இந்தியா கூட்டணி ஆட்சி அமைந்தவுடன் மஞ்சள் உட்பட அனைத்து விவசாய பொருட்களுக்கும் ஆதார விலையை நிர்ணயம் செய்யப் போகிறோம். எங்கள் ஆட்சி அமைந்தவுடன் பவானிசாகர் பகுதியில் மஞ்சள் ஆராய்ச்சி மையம் கொண்டு வரப் போகிறோம். விவசாயி முதலமைச்சர் என்று சொல்லக்கூடிய எடப்பாடி பழனிச்சாமி விவசாயிகளுக்கு என்ன செய்தார் என்றால், எதையும் செய்யவில்லை என்று தான் சொல்ல வேண்டும். அதனால், கலைஞர் எப்படி விவசாயிகளை கட்டிக் காப்பாற்றினாரோ, மு.க. ஸ்டாலின் ஒரு படி மேலே சென்று தனி பட்ஜெட் போட்டு விவசாயங்களை காத்து வருகிறார்”.

உங்களுக்கு முதலமைச்சரும், அமைச்சர் உதயநிதியும் பிரச்சாரம் செய்திருக்கிறார்கள். அது எந்த வகையில் பலமாக அமையும் என்று நினைக்கிறீர்கள்?

“அவர்களுடைய சாதனை தான் என்னுடைய பலமாக அமையும் என்று நம்புகிறேன். அவர்களுடைய சாதனைகளை நாங்கள் சொல்வதைவிட, இதுவரைக்கும் செய்த சாதனைகளையும், இனி செய்யப்போகிற சாதனைகளை அவர்களே சொல்லும் போது அது எனக்கு பலமாக அமைகிறது”.

மக்களிடத்தில் தி.மு.க.வின் எந்த திட்டம் அதிகமாக பேசப்படுகிறது என்று நினைக்கிறீர்கள்?

“ஆயிரம் ரூபாய் உரிமைத் தொகை திட்டம், மகளிர் மத்தியில் முக்கிய திட்டமாக இருக்கிறது. அதேபோல், பெண்களுக்கான கட்டணம் இல்லாத பேருந்து திட்டத்தின் மூலம் ஆயிரம் ரூபாய் மிச்சமாக இருக்கிறது என்று அவர்கள் மிகவும் மகிழ்ச்சியாக இருக்கிறார்கள். அதேபோல் மாணவர்களுக்காக காலை சிற்றுண்டி உணவு திட்டம். இதை எல்லாம் பொதுமக்கள் மிகவும் விரும்புகிறார்கள்”.

ஆயிரம் ரூபாய் உரிமைத்தொகை என்ற வாக்குறுதியை கொடுத்து செய்யாமல் இருந்தார்கள். நான் தான் 27 மாதமாக சட்டமன்றத்தில் வலியுறுத்தி, போராட்டம் செய்து பொது வெளியில் பேசினேன். அதன் பிறகு தான், வேறு வழி இல்லாமல் இவர்கள் இந்த திட்டத்தை கொண்டு வந்திருக்கிறார்கள் என்று எடப்பாடி பழனிச்சாமி சொல்கிறாரே?

“அவர்கள் ஆட்சியை விட்டு விலகும் போது தமிழ்நாட்டினுடைய நிதிச் சுமை 7 லட்சம் கோடியாக இருந்தது. அதற்குண்டான வட்டி தொகையை கட்ட முடியவில்லை. அரசு ஊழியர்களுக்கு சம்பளம் கொடுக்க முடியவில்லை. அதன் பிறகு எட்டு மாதம் கொரோனா காலம். கொரோனாவில் தமிழ்நாட்டையே முடக்கியது இந்த எடப்பாடி பழனிச்சாமி தான். லட்சக்கணக்கான உயிர்கள் இறந்ததற்கு காரணம் எடப்பாடி பழனிச்சாமி தான். இந்த பாவங்கள் எல்லாம் அவரை சும்மா விடாது. முன்பாக அதை தடுத்து இருக்கலாமே? பிரதமர் மோடியிடம் சொல்லி விமான போக்குவரத்து, கப்பல் போக்குவரத்து ஆகிய போக்குவரத்துகளை தடுத்து நிறுத்தியிருக்கலாம். அப்படி நிறுத்தியிருந்தால் இந்தியாவிற்கு கொரோனாவே வந்திருக்காது. அந்த காலத்தில் அத்தனை நிதி சுமை இருந்த போதிலும் பத்தாயிரம் கோடி ரூபாய் ஒதுக்கி மக்களுக்கு நிதி கொடுத்தார். அதேபோல் இன்றைக்கு 8 லட்சம் கோடி ரூபாய் அந்நிய முதலீடுகளை இழுத்து அதன் மூலமாக வரும் வருமானத்தை எடுத்து இன்றைக்கு இந்த திட்டங்கள் செயல்படுகிறது”  கூறினார்.

பேட்டி தொடரும்...