Skip to main content

மது பாட்டில்களைச் சூறையாடிய குடிமகன்கள் 

Published on 30/03/2020 | Edited on 30/03/2020

 

கரோனா வைரஸ் தொற்று பரவாமல் தமிழ்நாடு முழுக்க ஊரடங்கு உத்தரவு பிறப்பிக்கப்பட்ட 24-ந் தேதி மாலையில் இருந்து டாஸ்மாக் கடைகள் பூட்டப்பட்டுவிட்டன. கோவையிலும் அப்படி டாஸ்மாக் கடைகள் மூடப்பட்ட பின்னரும் ஆங்காங்கே மது பாட்டில்களைப் பதுக்கி வைத்து விற்பதாகச் சொல்லப்பட்டது.

ஆனாலும் மது பாட்டில்கள் எங்கேயும் கிடைக்கவில்லை என சிங்காநல்லூர் - வெள்ளலூர் சாலையில் உள்ள குடிமகன்கள் புலம்பித் திரிந்தனர்.

இதனால் மது கிடைக்கவில்லை என விரக்தியில் இருந்த சில குடிமகன்கள் தங்கள் ஏரியாவில் உள்ள டாஸ்மாக் கடை எண் 1762 - கடைக்குள் புகுந்து மதுபானங்களைத் திருட திட்டமிட்டுள்ளனர்.

 

tasmac shop



அதன்படி கடந்த 29-ந் தேதி இரவு மதுக்கடையின் பூட்டை உடைத்து உள்ளே நுழைந்த அந்த குடிமகன்கள் கும்பல் 500 மதுபான பாட்டில்களைத் தூக்கிக் கொண்டு ஓடி விட்டது.

இந்த நிலையில் அந்தக் கடையின் பூட்டு உடைக்கப் பட்டிருப்பதாக போலீசுக்கு தகவல் போக போலீஸ் அதிர்ச்சி அடைந்து பார்த்தனர். உடனே வழக்குப் பதிவு செய்து, கடையை உடைத்து மது பாட்டில்களை எடுத்த மர்ம ஆசாமிகளை தேடி வருகின்றனர்.

இதற்கிடையே டாஸ்மாக் அதிகாரி ஒருவர் பேசும்போது, கோவையின் வடக்கு பகுதியில் 161 டாஸ்மாக் கடைகளும், தெற்கு பகுதியில் உள்ள 137 கடைகளில் உள்ள மதுபாட்டில்கள் அனைத்தும் குடோன்களுக்கு மாற்றப்படும் எனத் தெரிவித்தார். திருட்டு சம்பவங்கள் நடக்குமோ என்கிற அச்சமும் இருப்பதாகவும் கூறினார். 
 

 

சார்ந்த செய்திகள்

 

Next Story

‘அதி கனமழை பெய்யும்’ - ரெட் அலர்ட் கொடுத்த வானிலை மையம்!

Published on 19/07/2024 | Edited on 19/07/2024
Heavy rain will fall Meteorological Center gave red alert

தமிழகத்தில் கடந்த மே, ஏப்ரல் மாதங்களில் கோடை வெயில் வாட்டி வதைத்து வந்தது. இத்தகைய சூழலில் தான் கடந்த ஒரு மாதத்திற்கும் மேலாகத்  தமிழகத்தில் மேற்குத் தொடர்ச்சி மலை மாவட்டங்கள் மற்றும் வட மாவட்டங்களில் பரவலாக மழை பெய்து வருகிறது. இதனால் மக்கள் மகிழ்ச்சி அடைந்துள்ளனர். அதன் ஒரு பகுதியாக நீலகிரியில் கடந்த ஒரு சில தினங்களாக பல இடங்களில் கனமழை பொழிந்து வருகிறது. அதன்படி குன்னூர், கோத்தகிரி, கூடலூர் உள்ளிட்ட பகுதிகளில் கனமழை பொழிந்து வருகிறது. இதனால் தாழ்வான பகுதிகளில் வெள்ள நீர் சூழ்ந்து வருகிறது. சில இடங்களில் வெள்ளப்பெருக்கும் ஏற்பட்டுள்ளது.

இந்நிலையில் சென்னை வானிலை ஆய்வு மையம் சார்பில் வெளியிடப்பட்டுள்ள முன்னெச்சரிக்கை அறிவிப்பில், “நீலகிரி மாவட்டத்தில் ஓரிரு இடங்களில் இன்று (19.07.2024) அதி கனமழை பெய்யக்கூடும். அதாவது 21 செ.மீ.க்கும் மேல் மழை பெய்ய வாய்ப்புள்ளதால் ரெட் அலர்ட் விடுக்கப்பட்டுள்ளது. கோயம்புத்தூரில் ஓரிரு இடங்களில் இன்று 12 செ.மீ. முதல் 20 செ. மீ. வரை மிக கனமழை பெய்யக்கூடும். அதோடு திருப்பூர், திண்டுக்கல் மற்றும் தேனி ஆகிய 3 மாவட்டங்களில் இன்று கனமழை பெய்ய வாய்ப்புள்ளது. நீலகிரி, கோயம்புத்தூரில் நாளை (20.07.2024) கனமழைக்கு வாய்ப்பு உள்ளது” எனத் தெரிவிக்கப்பட்டுள்ளது. 

Heavy rain will fall Meteorological Center gave red alert

நீலகிரி மாவட்டத்தில் தொடர்ந்து 5 நாட்களாக கனமழை பெய்து வரும் நிலையில் ரெட் அலர்ட் கொடுக்கப்பட்டுள்ளது குறிப்பிடத்தக்கது. முன்னதாக கனமழை எதிரொலியாக நீலகிரி மாவட்டத்தில் உள்ள உதகை, குந்தா, கூடலூர் மற்றும் பந்தலூர் ஆகிய 4 வட்டங்களில் உள்ள பள்ளிகளுக்கு மட்டும் இன்று (19.07.2024) ஒருநாள் மட்டும் விடுமுறை அறிவித்து மாவட்ட ஆட்சியர் உத்தரவிட்டிருந்தது குறிப்பிடத்தக்கது. 

Next Story

‘நீலகிரிக்கு ரெட் அலர்ட்’ - வானிலை மையம் தகவல்!

Published on 18/07/2024 | Edited on 18/07/2024
'Red Alert for Nilgiris' - Meteorological Department Information

தமிழகத்தில் கடந்த மே, ஏப்ரல் மாதங்களில் கோடை வெயில் வாட்டி வதைத்து வந்தது. இத்தகைய சூழலில் தான் கடந்த ஒரு மாதத்திற்கும் மேலாகத்  தமிழகத்தில் மேற்குத் தொடர்ச்சி மலை மாவட்டங்கள் மற்றும் வட மாவட்டங்களில் பரவலாக மழை பெய்து வருகிறது. இதன்படி தமிழகத்தில் கடந்த சில வாரங்களாக பரவலாக மழை பொழிந்து வருவதால் மக்கள் மகிழ்ச்சி அடைந்துள்ளனர்.

இந்நிலையில் சென்னை வானிலை ஆய்வு மையம் சார்பில் வெளியிடப்பட்டுள்ள முன்னெச்சரிக்கை அறிவிப்பில், “நீலகிரி மாவட்டத்திற்கு இன்று (18.07.2024) ரெட் அலர்ட் எச்சரிக்கை விடுக்கப்பட்டுள்ளது. 21 செ.மீ.க்கும் மேல் மழை பெய்ய வாய்ப்புள்ளதால் ரெட் அலர்ட் விடுக்கப்பட்டுள்ளது.

கோயம்புத்தூரில் இன்று மிக பலத்த மழை பெய்ய வாய்ப்பு உள்ளது. எனவே அம்மாவட்டத்திற்கு ஆரஞ்சு எச்சரிக்கை விடுக்கப்பட்டுள்ளது. அதோடு திருப்பூர், திண்டுக்கல், தேனி, தென்காசி, திருநெல்வேலி மற்றும் கன்னியாகுமரி ஆகிய 6 மாவட்டங்களில் இன்று கனமழை பெய்ய வாய்ப்புள்ளது” எனத் தெரிவிக்கப்பட்டுள்ளது.

நீலகிரி மாவட்டத்தில் தொடர்ந்து 4 நாட்களாக கனமழை பெய்து வரும் நிலையில் ரெட் அலர்ட் கொடுக்கப்பட்டுள்ளது குறிப்பிடத்தக்கது. முன்னதாக கனமழை எதிரொலியாக நீலகிரி மாவட்டத்தில் உள்ள உதகை, குந்தா, கூடலூர் மற்றும் பந்தலூர் ஆகிய 4 வட்டங்களில் உள்ள பள்ளிகளுக்கு மட்டும் இன்று (18.07.2024) ஒருநாள் மட்டும் விடுமுறை அறிவித்து மாவட்ட ஆட்சியர் உத்தரவிட்டிருந்தது குறிப்பிடத்தக்கது.