Skip to main content

குமாியில் மாயமாகும் குமாிகள்...

Published on 11/05/2019 | Edited on 11/05/2019

குமாி மாவட்டத்தில் இளம் பெண்கள் மாயமாகும் சம்பவம் தொடா் கதையாகவே உள்ளது. மொத்தமுள்ள 38 காவல் நிலையங்களில் இளம் பெண்கள் மாயம் இல்லாத புகாரே கிடையாது. இதில் தினம் 3-ல் இருந்து 5 பெண்கள் காணவில்லை என்று காவல் நிலையங்களில் புகாராவது வழக்கம்.


            

காணாமல் போகும் இளம் பெண்கள் கல்லூாி மாணவிகள், தனியாா் மற்றும் அரசு நிறுவனங்களில் வேலை பாா்க்கிற படித்த பெண்களாகவே உள்ளனா். இதில் மாயமாகும் சில பெண்களின் பெற்றோா்கள் குடும்ப கௌரவத்தை கருத்தில் கொண்டு காவல் நிலையங்களுக்கு செல்லாமல் உறவினா்களோடு தேடுவதும் ஓரு கதையாக உள்ளது. சிலா் காவல் நிலையங்களில் புகாா் கொடுத்தாலும் போலிசாா் பெயரளவுக்கு புகாரை வாங்கி வைத்து விட்டு மேஜா் பெண் தானே என்ற அடிப்படையில் நடவடிக்கை எடுக்காமல் மெத்தனத்தில் இருக்கிறாா்கள்.

 

 

women

 
சில காவல்நிலையங்களில் உங்க பொண்ணு காதல் விவகாரத்தில் விருப்பப்பட்டு சென்றிருப்பார். உங்கள் பெண்  யாரை காதலித்தார் எங்கு இருக்கிறாா்கள் என்று விசாாித்து விட்டு வாருங்கள் என்று அசால்டா பேசி அனுப்புகிறாா்கள். இதில் சில பெண்கள் போலிசாா் சொன்னது போல் காதலனோடு ஓடி விட்டு ஐந்தாறு நாட்கள் கடந்து காதலனோடு வந்து காவல்நிலையத்தில் சரணடையும் சம்பவங்களும் நடக்கிறது. 


           

காலையில் பெற்றோருக்கு டாட்டா காட்டி விட்டு கல்லூாிக்கு செல்லும்  பெண்கள் மாலையில் வீட்டுக்கு வராமல் காதலனோடு செல்லும் சம்பவம் தினம் அரங்கேறி கொண்டியிருக்கிறது. குடும்ப கஷ்டத்துக்காக வேலைக்கு செல்லும் பெண்கள் ஒரு கட்டத்தில் அந்த குடும்பத்தையை தூக்கியெறிந்து விட்டு காதலனோடு மாயமாவதும் பல சம்பவங்கள் உள்ளன.
          

 

இப்படி குமாி மாவட்டத்தில் கடந்த 5 மாதத்தில் 120 க்கு மேற்பட்ட இளம் பெண்கள் மாயமானதாக காவல்நிலையத்தில் புகாா் உள்ளது.  இதில் அத்தனை பெண்களும் படித்த பட்டதாாிகள் என்பது குறிப்பிட தக்கது. மேலும் காவல் நிலையங்களில் புகாா் இல்லாமலே ஓன்றிரண்டு நாட்களில் திரும்பி வந்த பெண்களும் பலா் உள்ளனா். 
           

women

 

இந்த நிலையில் நேற்று (10-ம் தேதி) மட்டும் ஒரே நாளில் 7 இளம் பெண்கள் மாயமாகி உள்ளனா். இதில் அஞ்சுகிராமம் அருகே பொட்டல் குளத்தை சோ்ந்த செல்வ சிவனைந்த பெருமாள் என்பவரின் 22 வயது மகள் காணாமல் போயிருக்கிறார்.இவர் அழகப்பபுரம் பேருராட்சியில் தூய்மை இந்தியா திட்டத்தின் கீழ் தற்காலிக ஊழியராக பணியாற்றி வந்தாா். வழக்கம் போல் வேலைக்கு சென்றவள் வீடு திரும்பாததால் பெற்றோா்கள் அஞ்சுகிராமம் காவல் நிலையத்தில் புகாா் கொடுத்துள்ளனா்.
             

 

இதேபோல் ஆண்டாா் குளம் பகுதியை சோ்ந்த ஏசுராஜன் மகள் (22) சென்னையில் உள்ள ஒரு கல்லூாியில் படித்து வந்தார். கடந்த சில நாட்களாக ஆண்டாா் குளத்தில் வீட்டில் இருந்த அவரை திடீரென்று காணவில்லை. பெற்றோரும் உறவினா்களும் பல இடங்களில் தேடியும் அவரை  காணாததால் சுசிந்திரம் காவல் நிலையத்தில் புகாா் கொடுத்துள்ளனா். 


              

அழகிய பாண்டிபுரத்தை சோ்ந்த போின்பதாஸ் மகள் (23) நாகா்கோவிலில் தனியாா் நிறுவனத்தில் வேலை பாா்த்து வந்தாா். வேலைக்கு செல்வதாக கூறி சென்றவா் வேலைக்கும் செல்லாமல் மாயமானாா். அவர் வேலைக்கு வராததை அந்த நிறுவனத்தினா் பெற்றோருக்கு தொியபடுத்தியதையடுத்து பெற்றோா் பூதப்பாண்டி காவல் நிலையத்தில் புகாா் கொடுத்தனா்.

 

 contentiously women'a missing in kaniyakumari


          

இதேபோல் குலசேகரம் அருகே தும்பகோடு பகுதியை சோ்ந்த 25 பெண் ஒருவர் பெற்றோா்கள் வீட்டில் இல்லாத போது திடீரென்று காணவில்லை. அக்கம் பக்கம் தேடியும் கிடைக்காததால் குலசேகரம் காவல் நிலையத்தில் புகாா் கொடுத்தனா்.

 


மேலும் இரணியலை சோ்ந்த ஒரு பெண், களியலை சோ்ந்தமற்றோரு பெண், மணவாளகுறிச்சியை சோ்ந்த  கல்லூாி மாணவி ஒருவர் என இருவர் பெற்றோருக்கு டாட்டா காட்டிவிட்டு காலையில் கல்லூாிக்கு சென்ற இவா்கள் மாலையில் வீடு திரும்பாததால் அதிா்ச்சியடைந்த பெற்றோா்கள் அவா்களுடன் படிக்கும் சக மாணவிகளிடம் விசாாித்த போது அந்த 3 பேரும் கல்லூாிக்கு செல்லாதது தொிய வந்தது அவா்களை பெற்றோா்களும் உறவினா்களும் சல்லடை போட்டு தேடிவருகின்றனா்.

 

 

 

சார்ந்த செய்திகள்

Next Story

“இந்த முறையாவது அ.தி.மு.க.வை வெற்றிபெறச் செய்யுங்கள்” - இ.பி.எஸ். ஆதங்கம்!

Published on 27/03/2024 | Edited on 27/03/2024
Make ADMK win at least this time EPS Fear

நாட்டின் 18ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டுள்ளது. மொத்தமாக ஏழு கட்டங்களாகத் தேர்தல் அறிவிக்கப்பட்டுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

இந்நிலையில் அ.தி.மு.க. பொதுச்செயலாளர் எடப்பாடி பழனிசாமி நாகர்கோவில் நாகராஜா கோவில் திடலில் கன்னியாகுமரி மக்களவைத் தொகுதி அ.தி.மு.க. வேட்பாளர் பசிலியான் நசரேத் மற்றும் விளவங்கோடு சட்டமன்ற தொகுதி வேட்பாளர் ராணி ஆகியோரை ஆதரித்து இன்று (27.03.2024) தேர்தல் பிரச்சாரம் மேற்கொண்டார். அப்போது அவர் பேசுகையில், “தேசிய கட்சிகளும் சரி, மாநில கட்சிகளும் சரி, இதுவரை மீனவ சமுதாயத்தினருக்கு இதுபோன்று வாய்ப்பு வழங்கியதில்லை. இந்த முறை அ.தி.மு.க. சார்பில் மீனவ சமுதாயத்தை சேர்ந்த பசிலியான் நசரேத்தை வேட்பாளராக நிறுத்தி உள்ளோம். கன்னியாகுமரி மக்களவைத் தொகுதியைப் பொறுத்தவரையில் ஒரு முறை பா.ஜ.க. வெற்றி பெறுகிறது. அடுத்த முறை காங்கிரஸ் வெற்றி பெறுகிறது. ஆனால் ஒரு முறை கூட அ.தி.மு.க. வேட்பாளர் வெற்றி பெறவில்லை. எனவே இந்த முறையாவது அ.தி.மு.க.வை வெற்றிபெறச் செய்யுங்கள்.

தேர்தல் வாக்குறுதிகளில் 10 சதவீதத்தைக் கூட தி.மு.க. நிறைவேற்றவில்லை. தேர்தல் காலங்களில் ஆசை வார்த்தைகளை கூறி தி.மு.க. மக்களை ஏமாற்றி வருகிறது. நெல் குவிண்டாலுக்கு ரூ. 2,500 கொடுப்பதாக கூறி விவசாயிகளை தி.மு.க. அரசு  ஏமாற்றியுள்ளது. தேர்தல் வாக்குறுதியில் பெட்ரோல், டீசல் விலையில் லிட்டருக்கு ரூ.4 குறைப்பதாக சொன்னார்கள். ஆனால் குறைக்கவில்லை. ஆனால் நாடாளுமன்றத்தில் நாடாளுமன்ற மக்களவையே ஸ்தம்பிக்கும் அளவுக்கு பெட்ரோல் மற்றும் டீசல் விலையை குறைக்க நமது அ.தி.மு.க. வேட்பாளர் குரல் கொடுப்பார். விலைவாசி உயர்வுக்கு டீசல் விலை உயர்வே காரணம். பெட்ரோல் விலை உயர்வால் நடுத்தர மக்கள் பாதிக்கப்பட்டுள்ளனர்.

நீட் தேர்வை கொண்டு வந்தது காங்கிரஸ் மற்றும் தி.மு.க.தான். நீட்டை தடுத்து நிறுத்த போராடுவது அ.தி.மு.க.. அதே சமயம் தி.மு.க. ஆட்சியில் ஒரு மருத்துவக் கல்லூரி கொண்டு வரவில்லை. அ.தி.மு.க. ஆட்சியில் மருத்துவக் கல்லூரி, வேளாண்மை கல்லூரி என பல கல்லூரிகளை அ.தி.மு.க. அரசு கொண்டு வந்தது. மின்சார கட்டண உயர்வு, குடிநீர் கட்டண உயர்வு, குப்பைக்கு கூட வரி விதிப்பு என அனைத்திற்கும் வரி போடும் அரசாக தி.மு.க. உள்ளது. சிறுபான்மையின மக்களுக்கு அதிக திட்டங்களை நிறைவேற்றி தந்துள்ளோம். சிறுபான்மையின மக்களுக்கு அரணாக அ.தி.மு.க. அரசு இருக்கிறது. கண் இமையை பாதுகாப்பது போல் பாதுகாக்கும். தி.மு.க.வினரை தன் குடும்பம் என்று கூறும் முதல்வர் மு.க. ஸ்டாலின் கட்சித் தலைவராக தொண்டரை நிறுத்துவாரா?. வாக்குகளை பெறவே கட்சியினரை தன் குடும்பம் என்று கூறி தி.மு.க.வினரிடம் முதல்வர் மு.க. ஸ்டாலின் இரட்டை வேடம் போடுகிறார். இந்தியாவிலேயே ஜனநாயகம் உள்ள கட்சி அ.தி.மு.க. எனவே சாதாரண தொண்டனும் அ.தி.மு.க.வில் பொறுப்புக்கு வரலாம்” எனத் தெரிவித்தார். 

Next Story

'அப்பாவை விட அதிக வாக்கு வித்தியாசத்தில் வெற்றி பெறுவேன்' - விஜய் வசந்த் நம்பிக்கை

Published on 27/03/2024 | Edited on 27/03/2024
'I will win by a bigger margin than my father' - Vijay Vasant Hope

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

இந்நிலையில் இன்று திமுக கூட்டணியில் உள்ள காங்கிரஸ் சார்பாக கன்னியாகுமரியில் போட்டியிடும் விஜய் வசந்த் வேட்புமனு தாக்கல் செய்தார். அதன் பிறகு செய்தியாளர்களைச் சந்தித்துப் பேசிய அவர், ''நான் காங்கிரஸ் கட்சி சார்பில் மீண்டும் போட்டியிட என்னுடைய வேட்புமனுவைத் தாக்கல் செய்திருக்கிறேன். மீண்டும் வெற்றிபெற்று என்னுடைய மக்கள் பணியை மீண்டும் தொடருவேன் என்று நம்பிக்கையோடு இந்த பயணத்தை தொடர்கிறேன். தேர்தலைப் பொறுத்தவரை 2019ல் எனது தந்தை அதிகபட்ச வாக்கு வித்தியாசத்தில் வெற்றி பெற்றார். இந்த 2024 தேர்தலில் மூன்று லட்சம் வாக்குகள் வித்தியாசத்தில் வெற்றி பெறுவேன் என்ற நம்பிக்கை இருக்கிறது.

2024 பாராளுமன்றத் தேர்தலை பொறுத்தவரை கன்னியாகுமரி என்பது இயற்கை வளம் சார்ந்த பகுதி. குமரி மாவட்டத்தை உலகத்தரம் வாய்ந்த சுற்றுலாத் தலமாக மாற்ற வேண்டும். இளைஞர்கள் வேலை வாய்ப்பு இல்லாமல் இருக்கிறார்கள். அவர்களுக்கான வேலை வாய்ப்புகளை உருவாக்க வேண்டும். இந்த தொகுதியில் நான் எதுவுமே செய்யவில்லை என்று சொல்பவர்கள் ஏதாவது செய்திருக்கிறார்களா? இந்த தொகுதிக்கு இரண்டு ஆண்டுகளில் என்னால் முடிந்த அளவுக்கு செய்து கொண்டு வந்திருக்கிறேன். மெதுவாக நடந்து கொண்டிருந்த ரயில்வே ரெட்டிப்பு பாதையை வேகப்படுத்தியிருக்கிறோம். இப்படி பல விஷயங்கள் செய்து கொண்டிருக்கிறோம். அரசியல் காரணத்திற்காகவும், தேர்தல் நேரம் என்பதாலும் இப்படி குற்றச்சாட்டுகளை வைக்கிறார்கள்'' என்றார்.