Skip to main content

மத்திய சிறையில் மோதல்: விசாரணைக் கைதி கல்லால் அடித்துக் கொலை..!

Published on 23/04/2021 | Edited on 23/04/2021

 

Conflict in central prison; Prisoner passes away

 

நெல்லை மாவட்டத்தின் பணகுடி பகுதியைச் சேர்ந்த ப்ளஸ் 2 மாணவன் விக்னேஷும், அதே பள்ளியில் ப்ளஸ் 2 பயிலும் மாணவியும் காதலித்து வந்தார்கள். மாணவனுடனான மாணவியின் காதல் கசந்ததால், மாணவி வேறு ஒரு நபரைக் காதலிக்க, அந்த விபரம் மாணவனுக்குத் தெரிய வந்திருக்கிறது. அவளிடம் கேட்டதில், “நான் உன்னைக் காதலிக்கவில்லை” என மாணவி அழுத்தமாகச் சொல்லியிருக்கிறாள். 

 

அதிர்ந்த மாணவன், “நாம் நெருக்கமாக இருக்கும் படங்களை உன் தாயிடம் காட்டுவேன், பெண் கேட்பேன்” என்று மிரட்ட அரண்டுபோன மாணவி, மாணவன் கதையை முடிக்க தன் உறவினர் மூலம் கூலிப்படையை நாடினாள். கூலிப்படையினரின் திட்டப்படி மாணவி, மாணவன் விக்னேஷிடம், “நான் தெரியாமல் பேசிவிட்டேன். நான் உன்னைக் காதலிக்கிறேன். வீட்டுச் செலவிற்காக 25 ஆயிரம் கொண்டு வா” என அவனை சிங்கிகுளம் பக்கமுள்ள பெத்தானியா மலைப்பகுதிக்கு வரச் சொல்லியிருக்கிறாள். 

 

Conflict in central prison; Prisoner passes away

 

அதனை நம்பிய மாணவன், ஏப்ரல் 10 அன்று, பெத்தானியா மலைப்பகுதிக்கு சென்றான். மலையில் பதுங்கியிருந்த மாணவி வெடிகுண்டு, வீச்சரிவாள் சகிதம் கூலிப்படையினரோடு வந்திருக்கிறாள். அரிவாளைக் காட்டி மிரட்டிய கூலிப்படை, மாணவியை விட்டு ஒதுங்கிவிடு என்று மிரட்ட, பீதியாகிப் போன மாணவன், “நான் அவள் பக்கம் திரும்பிப் பார்க்க மாட்டேன்” என்று சொல்லிவிட்டு ஓடியிருக்கிறான். மாணவனின் புகாரின் பேரில் களக்காடு இன்ஸ்பெக்டர் மற்றும் போலீஸ் படையினர் மலையில் பதுங்கியிருந்த கண்ணன், வாகைகுளம் முத்துமனோ, சந்திரசேகர் மாதவன் உள்ளிட்ட நான்கு பேரை ஆயுதங்களோடு வளைத்தனர். 

 

இதனை நக்கீரன் இணையதளம் செய்தியாக வெளியிட்டிருந்தது. விசாரணைக்குப் பின்பு கைது செய்யப்பட்ட இவர்களை களக்காடு போலீசார் ஸ்ரீவைகுண்டம் ஜெயிலில் அடைத்தனர். நேற்று (22.04.2021) மாலை அவர்கள் 4 பேரையும் நாங்குநேரி கோர்ட்டில் ஆஜர்படுத்திவிட்டு, போலீஸ் பாதுகாப்புடன் பாளை மத்திய சிறை வார்டன்களிடம் முத்துமனோ, சந்திரசேகர், கண்ணன், மாதவன் நான்கு பேரும் ஒப்படைத்தனர். அது சமயம் அந்த ஏ ப்ளாக்கிலுள்ள எதிர் பிரிவைச் சேர்ந்த சுமார் 20 பேர், கைதிகள் நான்கு பேரையும் சுற்றி வளைத்துத் தாக்கி, கல்லால் அடித்துள்ளனர். 

 

Conflict in central prison; Prisoner passes away

 

தப்பிக்க ஓடியவர்களை சிறைக்குள்ளேயே விரட்டித் தாக்கியது. தடுக்க முயன்ற வார்டன்கள் விரட்டப்பட்டனர். இதில் படுகாயமடைந்த 4 பேரும் பாளை அரசு மருத்துவமனையில் சிகிச்சைக்காக அனுமதிக்கப்பட்டனர். இவர்களில் படுகாயமுற்ற வாகைக்குளம் முத்துமனோ, நேற்றிரவு ஏழரை மணியளவில் சிகிச்சைப் பலனின்றி மரணமடைந்தார். இதையறிந்த பாளை உதவி கமிஷனர்கள் ஜான் பிரிட்டோ, டவுண் சதிஷ்குமார் இன்ஸ்பெக்டர் ஆடிவேல் உள்ளிட்ட போலீசார் காவலை பலப்படுத்தியதோடு பாளை சிறைக் கண்காணிப்பாளர் கிருஷ்ணகுமார் மற்றும் வார்டன்களிடம் விசாரணை நடத்திவருகின்றனர்.

 

இந்நிலையில், இன்று நீதி விசாரணை நடத்தக் கோரியும் சம்பவத்துக்குக் காரணமானவர்களைக் கைது செய்யக் கோரியும் முத்துமனோவின் உறவினர்கள் பாளை அரசு மருத்துவமனை முன்பு உடலை வாங்க மறுத்துப் போராட்டம் நடத்தி வருகின்றனர். கைதி அடித்துக் கொல்லப்பட்ட சம்பவம் காரணமாக நெல்லை மாவட்டக் கிராமப் பகுதிகள் பதற்ற நிலையிலிருக்கின்றன.

 

 

சார்ந்த செய்திகள்

Next Story

நயினார் நாகேந்திரனுக்கு எதிராக வழக்கு; உயர் நீதிமன்றத்தில் விசாரணை!

Published on 17/04/2024 | Edited on 17/04/2024
Case against Nayanar Nagendran; Trial in the High Court

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அந்த வகையில் முதற்கட்டமாக தமிழகம், புதுச்சேரி உள்ளிட்ட 21 மாநிலங்களில் உள்ள 102 மக்களவைத் தொகுதிகளுக்கு நாளை மறுநாள் (19.04.2024) வாக்குப்பதிவு நடைபெற உள்ளது. இந்த வாக்குப்பதிவு காலை 7.00 மணி முதல் மாலை 6.00 மணி வரை நடைபெற உள்ளது. அதன்படி முதற்கட்டமாக வாக்குப்பதிவு நடைபெற உள்ள தொகுதிகளில் தேர்தல் பரப்புரை இன்று (17.04.2024) மாலை 6 மணியுடன் நிறைவு பெறுகிறது. மேலும் இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. அதே சமயம் தேர்தல் நடத்தை விதிமுறைகள் அமலுக்கு வந்துள்ளதால், வாக்காளர்களுக்கு பணம் மற்றும் பரிசுப் பொருட்கள் கொடுப்பதைத் தடுக்கும் வகையில் தேர்தல் பறக்கும் படையினர் தீவிர கண்காணிப்பு பணியில் ஈடுபட்டு வருகின்றனர்.

அந்தவகையில் சென்னை எழும்பூர் ரயில் நிலையத்தில் இருந்து திருநெல்வேலிக்கு செல்லும் ரயிலில் தாம்பரம் ரயில் நிலையத்தில் கடந்த 6 ஆம் தேதி (06.04.2024) இரவு உரிய ஆவணங்களின்றிக் கொண்டு செல்ல முயன்ற ரூ. 4 கோடி மதிப்பிலான ரொக்கம் பறக்கும் படையினரால் பறிமுதல் செய்யப்பட்டது. இதனையடுத்து இந்தப் பணத்தை எடுத்து வந்த புரசைவாக்கம் தனியார் விடுதி மேலாளரும், பாஜக உறுப்பினருமான சதீஷ், அவரின் சகோதரர் நவீன் மற்றும் லாரி ஓட்டுநர் பெருமாள் ஆகிய 3 பேரும் கைது செய்யப்பட்டனர். திருநெல்வேலி மக்களவைத் தொகுதி பாஜக வேட்பாளர் நயினார் நாகேந்திரனுக்கு, இந்தப் பணத்தைக் கொண்டு செல்ல முயன்றதாக மூவரும் பகீர் வாக்குமூலம் கொடுத்ததாகத் தகவல் வெளியாகி இருந்தது. 

Case against Nayanar Nagendran; Trial in the High Court

இதனையடுத்து நயினார் நாகேந்திரனுக்கு தாம்பரம் போலீசார் சம்மன் அனுப்பினர். அதில் 7 நாள்களுக்குள் ஆஜராகி விளக்கம் அளிக்க வேண்டும் எனத் தெரிவிக்கப்பட்டிருந்தது. இந்த விவகாரத்தில் கைது செய்யப்பட்ட 3 பேரிடம் போலீசார் நடத்திய விசாரணையின் அடிப்படையில் இந்த சம்மன் அனுப்பப்பட்டது. தாம்பரம் காவல் நிலைய காவலர் சுடலைமுத்து மூலம் நயினார் நாகேந்திரனின் மைத்துனர் துரையிடம் சம்மன் வழங்கப்பட்டது. மேலும், இந்த வழக்கு தொடர்பான முதல் தகவல் அறிக்கை விவரம் (FIR) வெளியாகி இருந்தது. அதில் ரயிலில் எடுத்துச் செல்லப்பட்ட பணம் திருநெல்வேலி வாக்காளர்களுக்கு கொடுக்க என்றும், இந்த பணம் நயினார் நாகேந்திரனுக்கு சொந்தமானது என்றும் கைதானவர்கள் வாக்குமூலம் கொடுத்துள்ளதாக பதிவாகி இருந்தது. முதல் தகவல் அறிக்கையில் கைது செய்யப்பட்டவர்களின் அடையாள அட்டை, பாஜக உறுப்பினர் அட்டை பறிமுதல் செய்யப்பட்டுள்ளதாகவும் தெரிவிக்கப்பட்டுள்ளது. முன்னதாக கைப்பற்றப்பட்ட பணம் தனது பணம் இல்லை என நயினார் நாகேந்திரன் மறுத்த நிலையில், அவரது பணம் என முதல் தகவல் அறிக்கையில் தெரிவிக்கப்பட்டு இருந்தது. 

Case against Nayanar Nagendran; Trial in the High Court

இத்தகைய சூழலில் தாம்பரம் ரயில் நிலையத்தில் 4 கோடி பறிமுதல் செய்யப்பட்டது தொடர்பாக திருநெல்வேலி மக்களவைத் தொகுதியில் சுயேட்சையாக போட்டியிடும் ராகவன் என்பவர் சென்னை உயர் நீதிமன்றத்தில் இரண்டு மனுக்களைத் தாக்கல் செய்துள்ளார். அதில், ‘பாஜக வேட்பாளர் நயினார் நாகேந்திரனை தேர்தலில் இருந்து போட்டியிட தகுதி நீக்கம் செய்ய தேர்தல் ஆணையத்துக்கு உத்தரவிட வேண்டும்’ என்றும், “சட்டவிரோத பணப்பரிமாற்ற தடைச் சட்டத்தின் கீழ் நயினார் நாகேந்திரன் மீது அமலாக்கத்துறை” நடவடிக்கை எடுக்க  வேண்டும்” எனத் தெரிவிக்கப்பட்டுள்ளது. இந்த வழக்குகளை அவசர வழக்காக விசாரிக்க வேண்டும் எனவும் மனுதாரர் தரப்பில் முறையிடப்பட்டுள்ளது. இந்த முறையீட்டை தலைமை நீதிபதி அமர்வு நாளை (18.04.2024) விசாரிக்கிறது என அறிவிப்பு வெளியாகியுள்ளது. 

Next Story

நயினார் நாகேந்திரனுக்கு எதிரான வழக்கு; உயர் நீதிமன்றம் அதிரடி!

Published on 16/04/2024 | Edited on 16/04/2024
Case against Nayinar Nagendran High Court action

நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு நாடு முழுவதும் ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாக தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. அதே சமயம் தேர்தல் நடத்தை விதிமுறைகள் அமலுக்கு வந்துள்ளதால் வாக்காளர்களுக்கு பணம் மற்றும் பரிசுப் பொருட்கள் கொடுப்பதைத் தடுக்கும் வகையில் தேர்தல் பறக்கும் படையினர் தீவிர கண்காணிப்பு பணியில் ஈடுபட்டு வருகின்றனர்.

இத்தகைய சூழலில் பா.ஜ.க வேட்பாளர் நயினார் நாகேந்திரன் போட்டியிடும் திருநெல்வேலி மக்களவைத் தொகுதிக்குத் தேர்தல் நடத்த தடை விதிக்கக் கோரி சென்னை உயர்நீதிமன்றத்தில் வழக்கு தொடரப்பட்டது. மதுரையைச் சேர்ந்த வழக்கறிஞர் மகாராஜன் என்பவர் நீதிமன்றத்தில் தாக்கல் செய்த மனுவில், ‘வன்கொடுமை தடுப்பு சட்டத்தின் கீழ் பதிவான வழக்கை மறைத்து நயினார் நாகேந்திரன் வேட்புமனு தாக்கல் செய்துள்ளார். அதனால், நயினார் நாகேந்திரனின் வேட்புமனுவை நிராகரிக்க கோரிய தன் ஆட்சேபனை மீது முடிவெடுக்கும் வரை தேர்தலுக்கு தடை விதிக்க வேண்டும். முழுமையாக பூர்த்தி செய்யப்படாத,  தகவல்களை மறைத்த வேட்புமனுவை ஏற்றதை மறுபரிசீலனை செய்ய வேண்டும். மேலும், நயினார் நாகேந்திரனின் வேட்புமனுவை ஏற்றது சட்டவிரோதம் என அறிவிக்க வேண்டும்’ என்று கூறப்பட்டிருந்தது.

இந்நிலையில் இந்த மனு இன்று (16.04.2024) விசாரணைக்கு வந்தது. அப்போது நீதிபதி, “ வாக்குப்பதிவைத் தவிர மற்ற தேர்தல் நடைமுறைகள் முடிந்த நிலையில் தாமதமாக வழக்கு தாக்கல் செய்யப்பட்டுள்ளது. மனுதாரர் பாதிக்கப்பட்டிருந்தால் தேர்தல் முடிந்த பின் தேர்தல் வழக்காக தாக்கல் செய்யலாம்” எனத் தெரிவித்தார். இதனையடுத்து நயினார் நாகேந்திரன் வேட்புமனுவை எதிர்த்த வழக்கை நீதிபதி தள்ளுபடி செய்து உத்தரவிட்டுள்ளார்.