Skip to main content

திருமணத்தை மீறிய உறவு; லாரி ஓட்டுநரை கல்லால் அடித்துக் கொன்ற கல்லூரி மாணவன்!

Published on 01/04/2023 | Edited on 01/04/2023

 

 College student arrested in case lorry driver

 

நாமக்கல் அருகே, திருமணத்தை மீறிய உறவில் இருந்த லாரி ஓட்டுநரை கல்லால் அடித்துக் கொலை செய்த கல்லூரி மாணவனை சேந்தமங்கலம் காவல்துறையினர் கைது செய்தனர்.     

 

நாமக்கல் மாவட்டம் சேந்தமங்கலம் பகுதியைச் சேர்ந்தவர் லாரி ஓட்டுநர் சுரேஷ் (45). இவருக்கு 14 வயதில் ஒரு மகள் இருக்கிறார். சுரேஷின் மனைவி கடந்த 12 ஆண்டுகளுக்கு முன்பு இறந்துவிட்டார். இதையடுத்து அவர் தனது மகள், பெற்றோருடன் ஒரே வீட்டில் வசித்து வந்தார். இந்நிலையில், லாரிக்குச் செல்லும்போது எருமப்பட்டி அருகே வசிக்கும் முத்தையன் மனைவி கஸ்தூரி என்பவருடன் சுரேஷுக்கு பழக்கம் ஏற்பட்டது. நாளடைவில் அவர்களுக்குள் நெருக்கம் அதிகமானதை அடுத்து, அடிக்கடி இருவரும் தனிமையில் சந்தித்து வந்துள்ளனர். சில நேரங்களில் கஸ்தூரி வீட்டிலேயே இரவு தங்கவும் ஆரம்பித்தார். கஸ்தூரிக்கு 19 வயதில் ஒரு மகன் உள்ளார். இவர் தனியார் கல்லூரி ஒன்றில் பி.இ., முதலாம் ஆண்டு படித்து வருகிறார். தனது தாயுடன், லாரி ஓட்டுநர் சுரேஷ் உறவு வைத்திருப்பது கஸ்தூரியின் மகனுக்கு பிடிக்கவில்லை. அக்கம்பக்கத்தினரும் அவரை கேலி செய்து வந்ததால், சுரேஷுடனான தொடர்பை விட்டுவிடுமாறு கஸ்தூரியிடம் அவரது மகன் பலமுறை கூறியுள்ளார். சுரேஷும் அதை கண்டுகொள்ளவில்லை.    

 

இந்நிலையில், மார்ச் 29 ஆம் தேதி இரவு, சுரேஷ் குடி போதையில் கஸ்தூரி வீட்டுக்கு வந்துள்ளார். அப்போது கஸ்தூரியின் மகன், எங்கள் வீட்டுக்கு இனி நீ வரக்கூடாது எனக்கூறி அவரிடம் தகராறு செய்துள்ளார். ஒரு கட்டத்தில் இருவருக்கும் கைகலப்பாக மாறியது. ஆத்திரம் அடைந்த கஸ்தூரியின் மகன், கீழே கிடந்த கல்லை எடுத்து சுரேஷை தாக்கியுள்ளார். இதில், தலையின் பின் பக்கத்தில் பலத்த காயம் ஏற்பட்டு நிகழ்விடத்திலேயே சுரேஷ் இறந்தார். இதைப் பார்த்து பதறிப் போன கஸ்தூரியின் மகன், ஒரு மினிடோர் ஆட்டோக்காரரை வாடகைக்கு அழைத்து வந்துள்ளார். அவரிடம், சுரேஷ் எனக்குத் தெரிந்தவர்தான். அவர் குடிபோதையில் கீழே விழுந்துவிட்டார். அவரையும், அவருடைய மோட்டார் சைக்கிளையும் வீட்டில் விட்டு விட்டு வந்துவிடலாம் எனக் கூறியுள்ளார். இதையடுத்து சுரேஷின் சடலத்தையும், மோட்டார் சைக்கிளையும் மினிடோர் ஆட்டோவில் ஏற்றிக்கொண்டு நள்ளிரவு நேரத்தில் ராமநாதபுரம் புதூருக்குச் சென்றுள்ளார். அவருடைய வீட்டின் முன்பு சுரேஷின் சடலத்தையும், மோட்டார் சைக்கிளையும் போட்டுவிட்டு அங்கிருந்து அவர்  தப்பி ஓடி விட்டார்.    

 

இதுகுறித்து தகவல் அறிந்த சேந்தமங்கலம் காவல்நிலைய காவல்துறையினர், சடலத்தை மீட்டு உடற்கூராய்வுக்காக சேந்தமங்கலம் அரசு மருத்துவமனைக்கு அனுப்பி வைத்தனர். விசாரணையில், சுரேஷை கொலை செய்தது கஸ்தூரியின் மகன்தான் என்பது தெரிய வந்தது. இதையடுத்து அவரை கைது செய்து விசாரித்து வருகின்றனர். இந்த சம்பவம் அப்பகுதியில் பரபரப்பை ஏற்படுத்தி உள்ளது.  

 

 

சார்ந்த செய்திகள்

 

Next Story

கல்லூரி மாணவிக்கு பாலியல் தொல்லை கொடுத்த இளம் பெண்; அடுத்தடுத்து நடந்த பகீர் சம்பவம்

Published on 21/06/2024 | Edited on 21/06/2024
young woman misbehaves with a college student

சென்னையில் உள்ள பிரபல தனியார் கல்லூரியில் 20 வயதான மாணவி ஒருவர் பொறியியல் இறுதியாண்டு படித்து வருகிறார். இவர் திருமங்கலத்தில் உள்ள ஒரு வாடகை வீட்டில் தங்கிப் படிப்பைத் தொடர்ந்து வருகிறார். இந்த நிலையில் அந்த பெண்ணின் வீட்டில் இருந்த 26 வயதான இளம்பெண்ணுடன் மாணவிக்குப் பழக்கம் ஏற்பட்டுள்ளது. இதன் காரணமாக இருவரும் இரவு நேரத்தில் மது அருந்தியுள்ளனர். 

அப்போது, மாணவிக்கு இளம்பெண் பாலியல் ரீதியாகத் தொல்லை கொடுத்ததாகவும், தன்னுடன் ஓரினச்சேர்க்கையில் ஈடுபட வற்புறுத்தியதாகவும் கூறப்படுகிறது. ஆனால் மாணவி அதற்கு மறுப்பு தெரிவித்து, பின்னர் அவருடன் பேசுவதையே தவிர்த்து வந்துள்ளார். இதனால் ஆத்திரடமைந்த அந்தப் பெண் மாணவி குளிக்கும் போது அவரை ஆபாசமாகப் படம் பிடித்து ஓரினச்சேர்க்கைக்கு மீண்டும் அழைத்துள்ளார். ஒரு கட்டத்தில் இளம்பெண் எல்லையை மீறிப்போக, அதிர்ச்சியில் மாணவி வீட்டை காலி செய்ய முடிவெடுத்துள்ளார். மேலும் ஆத்திரமடைந்த அந்த இளம்பெண் மாணவியிடம் வீட்டை காலி செய்தால் உனது ஆபாச வீடியோவை சமூக வலைத்தளத்தில் வெளியிட்டுவிடுவேன் என்றும் என்னுடன் பேசுவதைத் தவிர்த்தால் மிகப்பெரிய விளைவுகளைச் சந்திக்க நேரிடும் என்றும் மாணவிக்கு மிரட்டல் விடுத்துள்ளார். 

இதனைத் தொடர்ந்து மாணவி திருமங்கலம் அனைத்து மகளிர் காவல்நிலையத்தில் நடந்த சம்பவம் குறித்து புகார் அளித்துள்ளார். அதன்பேரில்  விசாரணை மேற்கொண்ட போலீசார் மாணவி கூறியதில் உண்மை இருப்பதைக் கண்டறிந்தனர். பின்னர் இளம்பெண் மீது ஆபாசமாகப் பேசுதல், கொலைமிரட்டல் விடுத்தல் உள்ளிட்ட 5 பிரிவுகளின் கீழ் வழக்குப்பதிவு செய்து அவரை கைது செய்து அம்பத்தூர் நீதிமன்றத்தில் ஆஜர்படுத்தினர். அப்போது அந்தப் பெண் தனக்கு என்ன நடக்கிறது என்று தெரியவில்லை. ஏன் நான் அப்படிச் செய்தேன் என்று புரியவில்லை என்று கூறி என்னை மனநல மருத்துவமனையில் அனுமதிக்க வேண்டும் என்று கண்ணீர் வடித்துள்ளார். இதனையேற்றுகொண்ட நீதிபதியின் உத்தரவின் பேரில் அயனாவரம் மனநல மருத்துவமனையில் சிகிச்சைக்காக அனுமதிக்கப்பட்டுள்ளார். 

Next Story

அப்பாவையே அடித்துக்கொன்ற மகன்; விசாரணையில் அதிர்ச்சி

Published on 15/06/2024 | Edited on 15/06/2024
The son who attacked his father, shocked in the investigation

சொத்துக்காக தந்தையை மகனும் மருமகனும் சேர்ந்து கொலை செய்த சம்பவம் நாமக்கல்லில் பரபரப்பை ஏற்படுத்தி இருக்கிறது.

நாமக்கல் மாவட்டம் மல்லசமுத்திரம் பகுதியில் வசித்து வந்தவர் செல்வம். பேருந்து ஓட்டுனரான செல்வத்தைக் காணவில்லை என அவருடைய மருமகள் சசிகா கடந்த மூன்றாம் தேதி காவல் நிலையத்தில் புகார் அளித்திருந்தார். இது தொடர்பாக போலீசார் வழக்குப்பதிவு செய்து விசாரணை மேற்கொண்டு வந்தனர். விசாரணையில் சொத்து பிரச்சனை காரணமாக மகனும் மருமகனும் ஒன்று சேர்ந்து செல்வத்தை அடித்து கொலை செய்தது தெரிய வந்தது.

திருச்செங்கோடு அருகே திம்மராவுத்தம்பட்டி ஏரி பகுதியில் உள்ள தனியார் நிலத்தில் கொலை செய்த செல்வத்தின் உடலை புதைத்ததாக இருவரும் போலீசாருக்கு வாக்குமூலம் கொடுத்தனர். அதனடிப்படையில் அந்தப் பகுதிக்குச் சென்ற போலீசார் செல்வத்தின் உடல் புதைக்கப்பட்ட இடத்தில் இருந்து தோண்டி எடுத்து, உடலை பிரேதப் பரிசோதனைக்காக அனுப்பி வைத்தனர். இந்தச் சம்பவம் தொடர்பாக செல்வத்தின் மகன், மருமகன் மற்றும் கூலிப்படையைச் சேர்ந்த மூன்று பேர் என ஐந்து பேரை போலீசார் கைது செய்தனர். சொத்து தகராறு காரணமாக அப்பாவையே மகனும், மருமகனும் ஒன்று சேர்ந்து கொலை செய்தது அங்குப் பரபரப்பை ஏற்படுத்தியிருக்கிறது.