Skip to main content

ஒருங்கிணைந்த மகப்பேறு தீவிர சிகிச்சை மையம் தொடக்கம்... முதலமைச்சர் மு.க. ஸ்டாலின் திறந்து வைத்தார்!

Published on 01/10/2021 | Edited on 01/10/2021

 

Launch of Integrated Maternity Intensive Care Center; Chief Minister MK Stalin opened!

 

தர்மபுரி அரசு மருத்துவக் கல்லூரி மருத்துவமனை வளாகத்தில் 12 கோடி ரூபாயில் கட்டப்பட்டுள்ள ஒருங்கிணைந்த மகப்பேறு தீவிர சிகிச்சை மற்றும் சிசு  பராமரிப்பு மையத்தை, தமிழ்நாடு முதலமைச்சர் மு.க. ஸ்டாலின் வியாழக்கிழமை (30.09.2021) திறந்துவைத்தார்.

 

சேலம், தர்மபுரி மாவட்டங்களில் பல்வேறு அரசு நலத்திட்டப் பணிகளைத் தொடங்கி வைப்பதற்காக தமிழ்நாடு முதலமைச்சர் மு.க. ஸ்டாலின் புதன்கிழமை (செப். 29) சென்னையில் இருந்து விமானம் மூலம் சேலம் வந்தார். சேலம் மாவட்டம் வாழப்பாடி, ஆத்தூர், கருப்பூர் உள்ளிட்ட பகுதிகளில் நடந்த அரசு நலத்திட்ட விழாக்களில் கலந்துகொண்டார். மரவள்ளி விவசாயிகள், சேகோ உற்பத்தியாளர்களுடன் கலந்துரையாடினார்.

 

இரண்டாம் நாளாக வியாழக்கிழமை (செப். 30) அவர் தர்மபுரி மாவட்டத்தில் சுற்றுப்பயணம் மேற்கொண்டார். தர்மபுரி அரசு மருத்துவக் கல்லூரி மருத்துவமனையில் நடந்த நிகழ்ச்சியில், 12 கோடி ரூபாயில் கட்டப்பட்டுள்ள ஒருங்கிணைந்த மகப்பேறு தீவிர சிகிச்சை மற்றும் சிசு பராமரிப்பு மையத்தை முதலமைச்சர் திறந்துவைத்தார்.

 

ஆரம்பத்தில் மாவட்ட தலைமை அரசு மருத்துவமனையாக இருந்த இம்மருத்துவமனை, 2008ஆம் ஆண்டு மருத்துவக் கல்லூரி மருத்துவமனையாக தரம் உயர்த்தப்பட்டது. தற்போது எம்பிபிஎஸ் படிப்பில் 100 மாணவர்கள் சேர்க்கப்பட்டுவருகின்றனர்.

 

தர்மபுரி மட்டுமின்றி கிருஷ்ணகிரி, திருவண்ணாமலை, திருப்பத்தூர் ஆகிய மாவட்டங்களைச் சேர்ந்த நோயாளிகளும் இங்கு சிகிச்சைக்கு வந்து செல்கின்றனர். இம்மருத்துவமனையில் தினமும் 30 முதல் 50 பிரசவங்கள் நடக்கின்றன. இதையடுத்து முதல்வர் மு.க. ஸ்டாலின், 100 சதவீதம் கரோனா தடுப்பூசி செலுத்தப்பட்ட ஊராட்சி மன்றத் தலைவர்களுக்கு விருது மற்றும் குழந்தை பெற்ற தாய்மார்களுக்கு குழந்தை நல பெட்டகத்தை முதல்வர் வழங்கினார். 

Launch of Integrated Maternity Intensive Care Center; Chief Minister MK Stalin opened!

 

புதிய மகப்பேறு கட்டடத்தை திறந்துவைத்த முதல்வர், ஒவ்வொரு அறையாகச் சென்று பார்வையிட்டார். மாவட்ட ஆட்சியர் திவ்யதர்ஷினி, மக்கள் நல்வாழ்வுத்துறை அமைச்சர் மா. சுப்ரமணியன், மருத்துவக்கல்வி இயக்குநர் நாராயணபாபு, மருத்துவக் கல்லூரி மருத்துவமனை முதல்வர் அமுதவள்ளி, எம்எல்ஏ ஜி.கே. மணி உள்ளிட்டோர் கலந்துகொண்டனர். 

 

நிகழ்ச்சிக்கு வந்திருந்த பொதுமக்களிடம் முதல்வர் கோரிக்கை மனுக்களையும் பெற்றுக்கொண்டார். ஒகேனக்கல் செல்லும் வழியில் சாலையோரங்களில் மக்கள் நின்று அவரைப் பார்த்து உற்சாகமாக கையசைத்து வரவேற்பு அளித்தனர். கார் ஓட்டுநரிடம் மெதுவாகச் செல்லும்படி கூறிய முதல்வர், சாலையோர மக்களின் வரவேற்பை ஏற்றுக்கொண்டதோடு, அவர்களிடம் கோரிக்கை மனுக்களையும் பெற்றுக்கொண்டார்.

 

இதையடுத்து முதல்வர், ஒகேனக்கல் கூட்டுக்குடிநீர் திட்டப்பணிகள் மற்றும் நீரேற்று அறையை நேரில் பார்வையிட்டார். ஒகேனக்கல்லில் இருந்து தர்மபுரி செல்லும் வழியில் பென்னாகரம் அருகே போடூர் கிராமத்தில் உள்ள ஆதிதிராவிடர் மாணவர் விடுதியில் முதலமைச்சர் ஸ்டாலின் திடீர் ஆய்வு மேற்கொண்டார். 

 

விடுதி அறைகள், சமையல் கூடத்தைப் பார்வையிட்டதுடன், மாணவர்களைச் சந்தித்து விடுதியில் உள்ள வசதிகள், குறைகளைக் கேட்டறிந்தார். சாப்பாடு தரமாக உள்ளதா எனக் கேட்டறிந்த அவர், மாணவர்களிடம் நன்றாகப் படிக்கும்படி அறிவுரை வழங்கினார். 

 

இதைத் தொடர்ந்து அவர், வத்தல்மலையில் வசிக்கும் பழங்குடியின மக்களைச் சந்தித்து குறைகளைக் கேட்டறிந்து, நலத்திட்ட உதவிகளை வழங்கினார். பின்னர் மாலை 05.30 மணியளவில் காமலாபுரம் விமான நிலையம் சென்று, அங்கிருந்து அவர் மாலை 06.00 மணியளவில் விமானம் மூலம் சென்னைக்குக் கிளம்பிச் சென்றார்.                 

 

 

சார்ந்த செய்திகள்

 

Next Story

'இதுதான் எங்கள் தேர்தல் வெற்றியின் ரகசியம்' - முதல்வர் பேச்சு  

Published on 11/07/2024 | Edited on 11/07/2024
'We must not lose sight of any place' - Chief Minister's speech

தர்மபுரி மாவட்டத்தில் நலத்திட்ட உதவிகளை தொடங்கி வைப்பதற்காக தமிழக முதல்வர் சென்றுள்ள நிலையில் 'மக்களுடன் முதல்வர் திட்டம்' தமிழக முதல்வரால் தர்மபுரியில் உள்ள ஊரகப் பகுதிகளில் தொடங்கி வைக்கப்பட்டுள்ளது. இரண்டாவது நிகழ்வாக 445 கோடி ரூபாய் மதிப்பிலான பல்வேறு முடிவுற்ற பணிகளை பொதுமக்களின் பயன்பாட்டிற்கு தமிழக முதல்வர் தொடங்கி வைத்தார். தர்மபுரி - திருவண்ணாமலையில் நான்கு வழிச் சாலை, அடுக்குமாடி குடியிருப்பு கட்டிடங்கள் உள்ளிட்ட பல்வேறு துறைகளின் சார்பில் கட்டப்பட்டுள்ள முடிவுற்ற பணிகளை முதல்வர் தொடங்கி வைத்துள்ளார். பெண்களுக்கான 20 பேருந்துகளையும் தமிழக முதல்வர் தொடங்கி வைக்க இருக்கிறார். 56 கோடி ரூபாய் மதிப்பில் 2,637 பயனாளிகளுக்கு நலத்திட்ட உதவிகளை தமிழக முதல்வர் வழங்கவுள்ளார்.

தொடர்ந்து தர்மபுரியில் திட்டங்களை துவக்கி வைத்த பின் தமிழக முதல்வர் மு.க.ஸ்டாலின் உரையாற்றுகையில், ''ஆட்சிக்கு வந்த நூறு நாட்களுக்குள் இருக்கக்கூடிய எல்லா காரியங்களையும் நிறைவேற்றிக் காட்டுவேன் என்று சொன்னேன். உங்கள் முன்னாடி அந்தப் பெட்டியை பூட்டி திராவிட முன்னேற்றக் கழகத்தின் தலைமை நிலையமான அண்ணா அறிவாலயத்தில் பாதுகாப்பாக வைத்தோம். உடனடியாக எதிர்க்கட்சிகள் என்ன பேசினார்கள் 'இவர்கள் ஆட்சிக்கும் வரப்போவதில்லை; இந்த பெட்டியையும் திறக்கப் போவதில்லை' என்று இறுமாப்பில் கேலி செய்தார்கள், கிண்டல் செய்தார்கள். ஆனால் பொதுமக்களாகிய நீங்கள் திமுக மேல், என் மேல் நம்பிக்கை வைத்து அந்த கேலி மனிதர்களை தோற்கடித்து எங்களுக்கு பெரிய வெற்றியை தேடித் தந்தீர்கள்.

nn

ஆட்சிக்கு வந்ததும் உங்களுடைய மனுக்களை கவனிப்பதற்காக ஒரு புதிதாக ஒரு துறையை உருவாக்கினேன். அந்த துறையினுடைய பெயர் 'உங்கள் தொகுதியில் முதலமைச்சர்' என்னிடம் கொடுக்கப்பட்ட மனுக்கள் துறைவாரியாக பிரித்து அதிலிருந்து நடைமுறை சாத்தியமுள்ள 2, 29216 மனுக்களுக்கு உடனடியாக தீர்வு கண்டுள்ளோம். மக்கள் வைத்த கோரிக்கைகளில் சாத்தியம் உள்ள அனைத்தையும் நிறைவேற்றி இருக்கிறோம். தேர்தலுக்கு முன் வாங்கிய மனுக்களுக்கு தீர்வு கண்டதுடன் எங்களுடைய கடமை முடிந்துவிட்டது என்று நினைக்கவில்லை. இனிமேல் தான் கடமை தொடங்குகிறது என நினைத்து உழைப்பை கொடுக்கிறோம்.

அதனால்தான் தொடர்ந்து மனுக்களை வாங்கி வருகிறோம். அதை முறைப்படுத்த வேண்டும். எப்படி எல்லாம் முறைப்படுத்த வேண்டும் என்று சொன்னால் முதலமைச்சருடைய தனிப்பிரிவு; முதலமைச்சரின் உதவி மையம்; ஒருங்கிணைக்கப்பட்ட குறை தீர்ப்பு மேலாண்மை அமைப்பு; உங்கள் தொகுதியில் முதலமைச்சர் என எல்லாவற்றையும் ஒருங்கிணைத்து 'முதல்வரின் முகவரி' என்ற ஒரு புதிய துறையை உருவாக்கினோம். பொது மக்களுடைய கோரிக்கைகள் எந்த இடத்திலும் எங்களுடைய பார்வையில் இருந்து தவறி விடக்கூடாது என்பதற்காகத் தான் இவை எல்லாவற்றையும் ஒருங்கிணைத்தோம். முதலமைச்சர் தனிப்பிரிவில் பெறப்படக்கூடிய மனுக்கள் மட்டுமல்லாமல், இணையதளம், அஞ்சல், சமூக வலைத்தளம், மாவட்ட நிர்வாகத்தின் மூலம் பெறப்படும் மனுக்கள், அமைச்சர்கள் மற்றும் மக்கள் பிரதிநிதிகளிடம் கொடுக்கப்படும் மனுக்கள் இப்படி எல்லாம் மனுக்களையும் ஒரே இடத்தில் போய் சேருகிறது. மக்களால் தரப்படும் அனைத்து மனுக்களையும் ஒரு குடையின் கீழ் கொண்டு வந்தோம். எல்லா மக்களின் கோரிக்கைகளும் தலைமைச் செயலகத்திற்கு வந்து விட்டது. நான் முதலமைச்சராக பொறுப்பேற்றதும் 'முதல்வரின் முகவரி' துறையின் கீழ் இப்பொழுது வரைக்கும் பெறப்பட்ட 68,30,281 மனுக்களில் 66,65, 304 மணிகளுக்கு உரிய முறையான தீர்வு கண்டுள்ளோம்.

தமிழ்நாட்டில் தொடர்ந்து தோல்வியை கண்ட பிறகும் ஒன்றிய அரசு பாடம் கற்றுக் கொள்ளவில்லை. மத்திய அரசு விருப்பு வெறுப்பு இல்லாமல் செயல்பட வேண்டும். அனைவர் வீட்டிற்கும் ஏதோ ஒரு வகையில் அரசின் திட்டங்கள் சென்றடைய வேண்டும் என்ற எண்ணத்தில்தான் பணியாற்றி வருகிறோம். எல்லோருக்குமான அரசாக இருப்பது தான் எங்கள் தேர்தல் வெற்றியின் ரகசியம்'' என்றார்.

Next Story

'மக்களுடன் முதல்வர் திட்டம்'-தருமபுரியில் முகாமிடும் முதல்வர்

Published on 11/07/2024 | Edited on 11/07/2024
 makkaludan muthalvar scheme- Chief Minister camped at Dharampuri

தமிழக முதல்வர் தர்மபுரி மாவட்டத்தில் நலத்திட்ட உதவி தொடங்கி வைப்பதற்காக செல்லவிருக்கும் நிலையில் சேலம் ஓமலூர் விமான நிலையப் பகுதியில் ட்ரோன்கள் பறக்க நேற்றே தடை விதிக்கப்பட்டிருந்தது. இந்தநிலையில் போக்குவரத்து மாற்றமும் செய்யப்பட்டுள்ளது.

'மக்களுடன் முதல்வர் திட்டம்' இன்று தமிழக முதல்வரால் தர்மபுரியில் உள்ள ஊரகப் பகுதிகளில் தொடங்கி வைக்கப்பட இருக்கிறது. தர்மபுரி பாளையம்புதூரில் இன்று காலை 11.30 மணிக்கு  தமிழக முதல்வர் மு.க.ஸ்டாலின் தொடங்கி வைக்க இருக்கிறார். தமிழகத்தில் மொத்தமுள்ள 12,500 ஊராட்சிகளில் அடுத்தடுத்து 2500 முகாம்களை நடத்த அரசு திட்டமிட்டுள்ளது. அதேபோல் சேலம் கோட்டத்தில் பெண்களுக்காக 20 பேருந்துகளை தமிழக முதல்வர் இன்று தொடங்கி வைக்க இருக்கிறார்.

முதல்வரின் வருகை காரணமாக சேலத்தில் ட்ரோன்கள் பறக்கத் தடை விதிக்கப்பட்டுள்ளது. மேலும் போக்குவரத்து மாற்றம் செய்யப்பட்டுள்ளது. தர்மபுரியில் பல்வேறு நிகழ்ச்சிகளில் முதல்வர் பங்கேற்க இருப்பதால் காலை 8:30 முதல் நண்பகல் 1:30 வரை கிருஷ்ணகிரி- சேலம் தேசிய நெடுஞ்சாலையில் கனரக வாகனங்கள் செல்ல தடை விதிக்கப்பட்டுள்ளது. ஓசூர், கிருஷ்ணகிரியில் இருந்து மொரப்பூர், அரூர், காரிமங்கலம் வழியாக சேலம் செல்ல வேண்டும் என அறிவுறுத்தப்பட்டுள்ளது. அதேபோல் சேலத்தில் இருந்து கிருஷ்ணகிரி, பெங்களூர் செல்லும் கனரக வாகனங்கள் அரூர் வழியாக செல்ல வேண்டும் என அறிவுறுத்தப்பட்டுள்ளது. தர்மபுரியில் இருந்து இலகு ரக வாகனங்கள் பொம்மிடி, தீவட்டிப்பட்டி வழியாக சேலத்திற்கு செல்ல வேண்டும் எனவும் அறிவிக்கப்பட்டுள்ளது.