Skip to main content

என்.எல்.சி சேர்மனுக்காக குத்தாட்டம் - கொந்தளிப்பில் மக்கள்

Published on 05/12/2022 | Edited on 05/12/2022

 

Bump for NLC Chairman - People in angry

 

என்.எல்.சிக்காக நிலம் கொடுத்தவர்கள் திண்டாடும் வேளையில் என்.எல்.சி சேர்மனுக்காக குத்தாட்டமாடி கொண்டாடுவதா என அப்பகுதி மக்கள் கொந்தளிப்பில் உள்ளனர். 

 

கடலூர் மாவட்டம், நெய்வேலியில் மின்சாரம் உற்பத்தி செய்வதற்காக, கடந்த 1957ஆம் ஆண்டு முதல், பழுப்பு நிலக்கரி வெட்டப்பட்டு வருகிறது. பழுப்பு நிலக்கரி வெட்டுவதற்காக 69 கிராமங்களைக் கையகப்படுத்தி சுமார் 25 ஆயிரம் குடும்பங்களை காலி செய்து, நவரத்னா என்ற அந்தஸ்துடன் மாபெரும் பொதுத்துறை நிறுவனமாக,  என்.எல்.சி இந்தியா நிறுவனம் இயங்கி வருகிறது.

 

அதேசமயம் 3 சுரங்கங்கள் அமைவதற்காக கடந்த 50 ஆண்டு காலமாக தங்களது வீடு, நிலங்களை கொடுத்துவிட்டு தற்போது வரை நிரந்தர வேலை கூட கிடைக்காமல் பாதிக்கப்பட்ட மக்கள் போராடிவரும் நிலையில், மீண்டும் புதிதாக மூன்றாவது சுரங்கம் அமைப்பதற்காக 27 கிராமங்களில், 12,125 ஏக்கர் விவசாய நிலங்களைக் கையகப்படுத்த மாவட்ட நிர்வாகத்தின் துணையுடன், தீவிர முயற்சியில் ஈடுபட்டு வருகிறது என்.எல்.சி.

 

நிலம் மற்றும் வீடுகளை கொடுத்துவிட்டு, என்.எல்.சி நிர்வாகத்திடம், துப்புரவு பணியாவது கிடைக்குமா எனக் கடலூர் மாவட்ட பட்டதாரி இளைஞர்கள் காத்துக் கொண்டிருக்கும் நிலையில், வட மாநிலத்தை சேர்ந்தவர்களுக்கு முன்னுரிமை அளித்து வேலை வழங்கப்பட்டு வருவதால் மக்கள் கடும் கோபத்தில் உள்ளனர். கடந்த காலங்களில் ஏமாற்றப்பட்டு, எத்தனையோ போராட்டம் நடத்தியும் என்.எல்.சி. நிர்வாகம் கண்டுகொள்ளவில்லை. 


 

Bump for NLC Chairman - People in angry

 

இந்நிலையில், தற்போது தொழிலக பாதுகாப்பு விதிமுறைகளை மீறி சுரங்க பகுதிக்குள் ஆடல் பாடலுடன் குத்தாட்டம் ஆடி கொண்டாடிய சம்பவம் சமூக வலைத்தளங்களில் வைரலாகி வருவதால் கடலூர் மாவட்ட மக்களை கடும் கோபம் அடைய வைத்திருக்கிறது.

 

கடந்த 2012 ஆம் ஆண்டு என்.எல்.சி நிறுவனத்தில் சண்டிகர் மாநிலத்தைச் சேர்ந்த ராகேஷ்குமார் என்பவர் நிதித்துறை இயக்குநராக பணியில் சேர்ந்தார். பின்னர் 2019 ஆம் ஆண்டு முதல், என்.எல்.சி நிறுவனத்தின் முதன்மை நிர்வாக இயக்குநராக ராகேஷ்குமார் இருந்து வரும் நிலையில், வருகின்ற டிசம்பர் 31-ஆம் தேதி அவர் ஓய்வு பெற உள்ளதாக கூறப்படுகிறது. ஓய்வு பெற உள்ள என்.எல்.சியின் முதன்மை நிர்வாக இயக்குநர் ராகேஷ்குமாரை, குஷிப்படுத்துவதற்காக, என்.எல்.சி அதிகாரிகள், பிரிவு உபச்சார விருந்து விழா சுரங்க பகுதியில் நடத்தும் வீடியோதான் அது.

 

அந்த வீடியோவில், பெண்களைக் கொண்டு ஆடல் பாடல் கச்சேரி நடத்திக் கொண்டாடுவதுடன், அரைகுறை ஆடையுடன் பெண்கள் போடும் குத்தாட்டத்தையும் அதிகாரிகள் கண்டு களிக்கின்றனர். 

 

என்.எல்.சிக்காக நிலம் மற்றும் வீடுகளை இழந்தும், வாழ்வாதாரத்தை இழந்தும் தவித்து வரும் அப்பகுதி மக்கள், வீதியில் போராடிவருகின்றனர். நிரந்தர வேலை வேண்டும் என பல்வேறு கட்சியினர் குரல் கொடுத்துவருகின்றனர். ஆனால், இதை எதையும் காது கொடுத்துக் கூட கேட்க முடியாத என்.எல்.சியை ஆக்கிரமித்துள்ள வட மாநில அதிகாரிகள் மற்றும் வட மாநிலத்தவர்களை குஷி படுத்தும் வகையில் ஹிந்தி பாடல்களையும் பாடி, பாடல்களுக்கேற்றவாறு நடனமாட வைத்தும் கோலாகலமாகக் கொண்டாடுவது அப்பகுதி மக்களை இழிவுபடுத்தும் விதமாக உள்ளதாக சமூக ஆர்வலர்கள் குற்றம் சாட்டுகின்றனர்.

 

 

சார்ந்த செய்திகள்

Next Story

ரூ. 2000 கோடிக்கு என்.எல்.சி. நிறுவனப் பங்குகளை விற்க மத்திய அரசு ஆலோசனை!

Published on 06/03/2024 | Edited on 06/03/2024
Central government advises to sell shares of NLC company for Rs.2000 crore

இந்திய அரசு நிறுவனமான என்.எல்.சி நிறுவனத்தினுடைய 7 சதவீத பங்குகள் விற்பனைக்கு வர இருப்பதாகச் சொல்லப்படுகிறது. இது தற்போது பெரும் சர்ச்சையை உண்டாக்கியுள்ளது.

2013 ஆம் ஆண்டு ஜெயலலிதா தலைமையிலான அதிமுக ஆட்சியில் இருந்தபோது, மத்திய அரசு இதேபோல் என்.எல்.சி இந்தியா லிமிடெட் நிறுவனத்தின் 5 சதவீத பங்குகளைத் தனியாருக்கு விற்பதாக அறிவிப்பு வெளியிட்டது. இதற்கு அன்றைய ஆளும் கட்சியான அதிமுக மற்றும் திமுக உள்ளிட்ட கட்சிகளும் கடும் எதிர்ப்பு தெரிவித்து கண்டன ஆர்ப்பாட்டங்களும் நடத்தின. பிறகு தனியாருக்கு விற்கப்படுவதாக இருந்த 5 சதவீத என்.எல்.சி பங்குகளையும் ஜெயலலிதா தலைமையிலான அதிமுக அரசு வாங்குவதாக முடிவெடுத்தது. 

இந்த நிலையில், தற்போது மீண்டும் என்.எல்.சியின் 7 சதவீத பங்குகள் விற்பனைக்கு வருவதாகத் தகவல் வெளியாகியுள்ளன. இது தொடர்பாக மத்திய அரசு ஆலோசனை நடத்தி வருவதாகவும் சொல்லப்படுகிறது. 2013ல் என்.எல்.சியின் ஒரு பங்கின் விலை ரூ.75 ஆக இருந்தது. தற்போது ஒரு பங்கின் விலை ரூ. 200க்கும் மேல் உள்ளதாகச் சொல்லப்படுகிறது. இதன்படி, 7 சதவீதம் பங்குகள் என்பது ரூ. 2000 கோடிக்கும் மேலாக வரும் எனச் சொல்லப்படுகிறது. 

தமிழ்நாடு அரசின் நிதி நிலை சூழ்நிலையில், 2000 கோடி மதிப்புள்ள பங்குகளை வாங்க இயலுமா என்ற கேள்வி எழுவதாகச் சொல்லப்படுகிறது. என்.எல்.சி. இந்தியா லிமிடெட் அரசு நிறுவனத்திற்காகத் தமிழ்நாட்டில் நிலம் கையகப்படுத்தப்பட்டது. தற்போது வரை நிலம் கையகப்படுத்தியவர்களுக்கு உரிய நிவாரணமும், பணியும் வழங்கவில்லை என்ற குற்றச்சாட்டு நிலவி வருகிறது. இதனைக் கண்டித்து பாஜகவை தவிர ஏனைய கட்சிகள் அனைத்தும் போராடும் நிலையில், மத்திய பாஜக அரசு தற்போது என்.எல்.சி. பங்குகளை விற்பனை செய்ய முடிவெடுத்திருப்பதாக வெளியாகியுள்ள தகவல் மேலும் பிரச்சனையைத் தீவிரப்படுத்துவதாக அரசியல் நோக்கர்கள் கருதுகின்றனர்.

Next Story

'சிறிய அணு உலைகள்'; என்.எல்.சியின் திட்டத்தால் அதிர்ச்சி

Published on 03/03/2024 | Edited on 03/03/2024
'small nuclear reactors'; Shocked by NLC's plan

என்எல்சியில் சிறிய அளவிலான அணு உலைகளை அமைக்க திட்டம்தீட்டி வருவதாக தகவல்கள் வெளியாகி உள்ளது. இதற்கான தகவலை என்.எல்.சி தலைவர் பிரசன்ன குமார் தெரிவித்துள்ளார்.

இதுதொடர்பாக இந்திய அணுசக்தி கழகத்துடன் பேச்சுவார்த்தை நடத்தி வருவதாக தகவல்கள் வெளியாகி உள்ளது. சிறிய வகை அணு உலைகள் மூலம் 300 மெகாவாட்டுக்கும் குறைவான மின்சாரம் உற்பத்தி செய்ய திட்டமிடப் பட்டுள்ளதாகவும், 2070 ஆம் ஆண்டுக்குள் ஜீரோ உமிழ்வு இலக்கை  எட்ட சிறிய அளவிலான அணு உலைகள் முக்கிய பங்கு வகிக்கும் எனவும் என்எல்சி-ன் தலைவர் பிரசன்ன குமார் தெரிவித்துள்ளார்.

nn

நெய்வேலி கடலூர் பகுதியில் என்எல்சிக்கு நிலம் எடுத்துக் கொடுக்கப்பட்டது  பழுப்பு நிலக்கரி எடுப்பதற்காக தான். ஆனால் அந்த பகுதியில் 300 மெகாவாட் மின்சாரம் தயாரிப்பதற்கான சிறு அணு உலைகளை அமைப்போம் என்று சொல்வது மக்களுக்கு விரோதமானது. அணு உலையில் இருந்து வரக்கூடிய அணுக்கழிவுகளை கையாளக்கூடிய தொழில்நுட்பம் எந்த நாட்டிலும் கிடையாது. அப்படி சிறிய அணு உலைகள் அமைக்கப்பட்டால் அதன் கழிவுகளை என்ன செய்யப் போகிறார்கள். அதில் இருந்து வரும் கதிர்வீச்சுகள் எப்படி தடுக்கப்படும் என்பது போன்ற கேள்விகள் எழுந்துள்ளது. தமிழக அரசு மக்களின் நிலங்களை கையகப்படுத்தி கொடுத்தது எதற்காகவோ அந்த பயன்பாட்டிற்கு மட்டும் அதனை பயன்படுத்த வேண்டும். நினைத்தபடி எல்லாம் மாற்றிக் கொள்ளும் எந்த உரிமையும் என்எல்சி நிர்வாகத்திற்கு கிடையாது என பூவுலகின் நண்பர்கள் அமைப்பின் சுந்தர் ராஜன் கருத்து தெரிவித்துள்ளார்.

என்.எல்.சி சிறிய அளவிலான அணு உலைகளை அமைக்க இருப்பதாக வெளியான தகவல் சுற்றுச்சூழல் ஆர்வலர்கள் மத்தியில் அதிர்ச்சியை ஏற்படுத்தியுள்ளது.