Skip to main content

தமிழக மக்களை ஏமாற்றும் பட்ஜெட்: விஜயகாந்த்

Published on 15/03/2018 | Edited on 15/03/2018


 

தமிழக மக்களை ஏமாற்றும் பட்ஜெட் என்று தேமுதிக தலைவர் விஜயகாந்த் கூறியுள்ளார்.
 

இதுதொடர்பாக அவர் வெளியிட்டுள்ள அறிக்கையில்,
 

தமிழக அரசின் தற்போதைய வருவாய் 1 லட்சத்து 76 ஆயிரத்து 251 கோடியாக உள்ளது. ஆனால் ஏற்கனவே 3.55 லட்சம் கோடி ரூபாய் தமிழக அரசு கடனில் தத்தளிக்கும் இந்த நேரத்தில், இன்றைக்கு அறிவிக்கும் தமிழக அரசு பட்ஜெட், பற்றாக்குறை பட்ஜெட்டாகவே இருக்கிறது. வருவாயைவிட கடன் அதிகமாக இருக்கும் சூழ்நிலையில், தமிழகத்தில் பல திட்டங்களுக்கு, பல கோடி ரூபாய் நிதி ஒதுக்கியதாக அறிவித்திருப்பது ஏற்றுக்கொள்ளமுடியாத கண்துடைப்பு நாடகமாகவே தெரிகிறது. சென்னை வெள்ளத்தடுப்புக்கு 2 ஆயிரம் கோடி, ஜெயலலிதா நினைவகம் அமைப்பதற்கு 20 கோடி, பள்ளி கல்வித்துறைக்கு 27 ஆயிரத்து 205 கோடி, சுகாதாரத்துறைக்கு 11 ஆயிரத்து 638 கோடி, உள்ளாட்சி தேர்தல் நடத்துவதற்கு 172 கோடி, மருத்துவ காப்பீட்டுக்கு 1,361 கோடியும், 3 ஆயிரம் புதிய பேருந்துகள் வாங்குவது எனவும், வறுமை ஒழிப்பு திட்டத்திற்கு 520 கோடி, காவல்துறை மேம்பாட்டிற்கு 7 ஆயிரத்து 877 கோடி, சத்துணவு திட்டத்திற்கு 1,747 கோடி, மகப்பேறுக்கு திட்டத்திற்கு 18 ஆயிரம் கோடியாக அதிகரிக்கப்பட்டுள்ளது. இலவச வேட்டி சேலை திட்டத்திற்கு 490 கோடி, என மேலும் பல திட்டங்களுக்கு பல ஆயிரம் கோடிகளை ஒதுக்கிய தமிழக அரசின் இந்த பட்ஜெட் அறிவிப்புகளை செயல்படுத்துவது தமிழகத்தில் எப்படி சாத்தியமாகும். இந்த பட்ஜெட்டால் தமிழ்நாட்டின் கடன்சுமை மென்மேலும் அதிகமடையுமே தவிர, இந்த பட்ஜெட்டால் தமிழகம் வளர்ச்சியடையாது.
 

    சென்ற நிதி ஆண்டில் அறிவித்த பல திட்டங்கள் இன்னும் நிறைவேற்றப்படாத சூழ்நிலையில், தற்போது பல திட்டங்களுக்கு பல ஆயிரம் கோடி ஒதுக்கி தமிழக அரசு அறிவித்து இருப்பது, ஒரு கண்துடைப்பு நாடகமாகவும், தமிழக மக்களை ஏமாற்றும் செயலாகவுமே இந்த பட்ஜெட் அறிவிப்பு உள்ளது.
 

    இந்த பட்ஜெட்டில் தமிழகத்தில் உள்ள நதிகளை இணைப்பதை பற்றியோ, மழைநீர் சேகரிப்பு, விவசாயம், நெசவுத்தொழில் மேம்பாட்டிற்கோ, மாவட்டம் வாரியாக தொழிற்சாலைகள் அமைப்பதற்கோ, இளைஞர்களின் வேலைவாய்ப்பு போன்றவற்றிகோ என்ற எந்தவொரு வளர்ச்சி திட்டங்களும் இந்த பட்ஜெட் அறிவிப்பில் இல்லாதது பெருத்த ஏமாற்றத்தையும், கவலையையும் தருகிறது. மொத்தத்தில் தமிழக அரசு தாக்கல் செய்துள்ள இந்த நிதி ஆண்டிற்கான பட்ஜெட் அறிவிப்புகள் “மக்களின் கண்களை மறைத்து மாயவித்தைகளை காட்டுகின்றனவோ” என நினைக்க தோன்றும் பட்ஜெட்டாகவே தேமுதிக கருதுகிறது. மேலும் 

“கூழும் குடியும் ஒருங்கிழக்கும் கோல்கோடிச் 
சூழாது செய்யும் அரசு” 

என்ற வள்ளுவரின் வாக்கு பலிக்குமோ என நினைக்கத் தோன்றுகிறது. இவ்வாறு கூறியுள்ளார். 

சார்ந்த செய்திகள்

 

Next Story

'கேப்டன் நேரில் வருகை' - வெளியான வீடியோவால் தேமுதிக தொண்டர்கள் நெகிழ்ச்சி

Published on 19/06/2024 | Edited on 19/06/2024
nn

நடிகரும், தேமுதிக கட்சியின் நிறுவனமான விஜயகாந்த் மறைந்ததைத் தொடர்ந்து அக்கட்சியினர் கோயம்பேட்டில் உள்ள தலைமை அலுவலகத்தில் தினமும் அவருடைய  நினைவிடத்தில் மலர் தூவி பூஜை செய்து வருகின்றனர். அதேபோல் தினமும் அங்கு வரும் மக்களுக்கு உணவு வழங்கப்பட்டு வருகிறது.

இந்நிலையில் நேற்று (18/06/2024) செவ்வாய்க்கிழமை திடீரென தேமுதிக அலுவலகத்தில் நாகப் பாம்பு ஒன்று புகுந்தது. இதனை உடனடியாக கட்சியின் பொதுச் செயலாளரான பிரேமலதா விஜயகாந்துக்கு கட்சியின் தொண்டர்கள் தெரிவித்துள்ளனர். விஜயகாந்த் பாம்பு ரூபத்தில் வந்திருப்பதாகத் தெரிவித்ததோடு அதனை வீடியோவாகவும் பதிவு செய்தனர் தேமுதிக தொண்டர்கள்.

பின்னர் சிறிது நேரம் அலுவலக வளாகத்திலேயே ஊர்ந்து கொண்டிருந்த பாம்பு பின்னர் அங்கிருந்து வெளியே தப்பி சென்றது. இந்த வீடியோவை தேமுதிக நிறுவனர் விஜயகாந்த் தொடங்கி வைத்த 'கேப்டன் நியூஸ்' இணையதளபக்கத்தில் வெளியிடப்படுள்ளது. அதில் 'இன்று தலைமை  கழகத்திற்கு கேப்டன் நேரில் வருகை' எனக் கேப்சன் கொடுக்கப்பட்டு இந்த வீடியோ பகிரப்பட்டுள்ளது. மேலும் அதில், 'செவ்வாய்க்கிழமை தேமுதிக தலைமை அலுவலகத்திற்கு கேப்டன் எந்த வழியாக அலுவலகத்திற்கு வருவாரோ அதே வழியில் நாகம் வந்து, அவர் அமர்ந்திருந்த அறைக்கு சென்று, அங்கிருந்து வெளியேறியது' எனவும் குறிப்பிடப்பட்டுள்ளது. இதனை தேமுதிக தொண்டர்கள் நெகிழ்ச்சியுடன் சமூக வலைத்தளங்களில் பகிர்ந்து வருகின்றனர்.

Next Story

விஜயகாந்தின் சமூக வலைத்தளப் பக்கம் ஹேக்! 

Published on 30/05/2024 | Edited on 30/05/2024
vijayakanth faceboook page hacked

தமிழ் சினிமாவில் முன்னணி நடிகராகவும், தேமுதிக நிறுவனத் தலைவரராகவும் முன்னாள் சட்டமன்ற எதிர்க்கட்சித் தலைவராகவும் இருந்தவர் விஜயகாந்த். கடந்த டிசம்பர் மாதம் 28 ஆம் தேதி உடல் நலக்குறைவு காரணமாக உயிரிழந்தார். இவரது மறைவு தமிழக மக்கள் மத்தியில் பெரும் அதிர்ச்சியையும், சோகத்தையும் ஏற்படுத்தி இருந்தது. அவரது இறுதி ஊர்வலத்தில் பல்லாயிரக்கணக்கானோர் கலந்து கொண்டு அஞ்சலி செலுத்தினர். 

இவரது நினைவிடத்தில் 125 நாட்களில் சுமார் 15 லட்சம் பேர் அவரது நினைவிடத்தில் அஞ்சலி செலுத்தியுள்ளதாக ‘லிங்கன் புக் ஆப் ரெக்கார்ட்ஸ்’ சார்பில் உலக சாதனை விருது வழங்கப்பட்டது. கலைத்துறையில் சிறந்த சேவையாற்றியதற்காக அவருக்கு பத்ம பூஷன் விருது வழங்கி கவுரவித்தது மத்திய அரசு. அதனைப் பிரேமலதா விஜயகாந்த் கடந்த 9ஆம் தேதி  டெல்லியில் குடியரசுத் தலைவர் மாளிகையில் நடந்த நிகழ்ச்சியில் குடியரசு தலைவர் திரௌபதி முர்மூ கையால் பெற்றுக்கொண்டார்.  

இந்த நிலையில் விஜயகாந்தின் ஃபேஸ்புக் பக்கம் ஹேக் செய்யப்பட்டுள்ளதாகத் தெரிகிறது. அவரது பக்கத்தில் வழக்கமாக அவருடைய கட்சி தொடர்பான செய்திகளே வெளியாகி வந்த நிலையில் தற்போது சம்மந்தமில்லாத சில புகைப்படங்கள் வெளியாகியுள்ளது. விரைவில் இது சரி செய்யப்படும் என எதிர்பார்க்கப்படுகிறது.