Skip to main content

காருக்குள் அழுகிய நிலையில் சிறுவன் சடலம்; கொலையா? - நீடிக்கும் மர்மம்

Published on 31/05/2023 | Edited on 31/05/2023

 

Boy body rotting inside car in Salem

 

சேலத்தில், காருக்குள் அழுகிய நிலையில் மர்மமான முறையில் இறந்து கிடந்த சிறுவன், கொலை செய்யப்பட்டானா? என்பது குறித்து காவல்துறையினர் தீவிர விசாரணை நடத்தி வருகின்றனர்.    

 

சேலம் அம்மாபேட்டை ரஷ்யா காலனியைச் சேர்ந்தவர் மாணிக்கம். இவர், குமரகிரி புறவழிச்சாலையில் கார் பழுதுபார்ப்பு பட்டறை வைத்திருக்கிறார். உறவினர் வீட்டுத் திருமணத்தில் கலந்து கொள்வதற்காக சில நாள்களாக பட்டறைக்கு விடுமுறை விட்டிருந்தார். பின்னர், மே 27 ஆம் தேதி பட்டறையை மீண்டும் திறந்தபோது அந்த வளாகத்தில் நிறுத்தி வைக்கப்பட்டு இருந்த காருக்குள் இருந்து துர்நாற்றம் வீசியது. காரை திறந்து பார்த்தபோது, 7 வயது மதிக்கத்தக்க சிறுவன் ஒருவன் அழுகிய நிலையில் சடலமாகக் கிடந்தான். இதுகுறித்து அவர் அம்மாபேட்டை காவல்நிலைய காவல்துறைக்கு தகவல் அளித்தார். சடலம் அழுகியிருந்ததால் அந்தப் பட்டறையில் வைத்தே சேலம் அரசு மருத்துவமனை மருத்துவர்கள் உடற்கூராய்வு செய்தனர்.     

 

காவல்துறை விசாரணையில், காருக்குள் சடலமாகக் கிடந்த சிறுவன் ரஷ்யா காலனியைச் சேர்ந்த சுகன்யா என்பவருடைய மகன் சிலம்பரசன் (7)  என்பது தெரிய வந்தது. சடலம் கிடந்த கார், மாணிக்கத்தின் பட்டறையில் 4 மாதத்திற்கு முன்பு பழுது பார்ப்புக்காக வந்துள்ளது. அந்த காருக்குள் சிறுவன் இறந்து கிடந்ததால் அவனுடைய மரணத்தில் மர்மம் நீடித்தது. யாராவது அவனை கொலை செய்துவிட்டு, அங்கு  மறைத்து வைத்திருக்கலாம் என்ற சந்தேகமும் எழுந்தது. இதனால் பட்டறையின் உரிமையாளர் மற்றும் சிறுவனின் தாயாரிடமும் தீவிர  விசாரணை நடந்தது. சுகன்யாவுக்கு கடந்த 8 ஆண்டுக்கு முன்பு காரிப்பட்டி அருகே உள்ள கோலாத்துக்கோம்பையைச் சேர்ந்த கண்ணன் என்பவருடன் திருமணம் நடந்துள்ளது. அவர் மூலமாக சிலம்பரசன் என்ற மகனும், இரண்டு பெண் குழந்தைகளும் பிறந்துள்ளனர்.

 

கணவருடன் ஏற்பட்ட கருத்து வேறுபாடு காரணமாக சுகன்யா அவரைப் பிரிந்து வசித்து வந்தார். இந்நிலையில், ரஷ்யா காலனியைச் சேர்ந்த வினோத் என்பவருடன் பழக்கம் ஏற்பட்டு கடந்த சில மாதங்களுக்கு முன்பு அவரை திருமணம் செய்து கொண்டார். தனது மகனையும் தன்னுடன் வைத்துக் கொண்டார்.  சிறுவன் சிலம்பரசனை சுகன்யாவின் உறவினர்கள் அடிக்கடி கோலாத்துக்கோம்பைக்கு அழைத்துச் செல்வார்கள். இந்நிலையில்தான் கடந்த சில நாள்களுக்கு முன்பு சிறுவன் திடீரென்று காணாமல் போனான். ஒருவேளை, அவனை உறவினர்கள் சொந்த ஊருக்கு அழைத்துச் சென்றிருக்கலாம் எனக் கருதிய சுகன்யா, அவனை தேடாமல் இருந்துவிட்டார்.

 

இப்படியான நிலையில்தான் சிலம்பரசனின் சடலம் மீட்கப்பட்டுள்ளது. பட்டறை உரிமையாளர் மாணிக்கம் தனது பட்டறைக்கு விடுமுறை விடப்பட்டு  இருந்தபோது அந்த வளாகத்தில் நிறுத்தப்பட்டு இருந்த பழுதடைந்த காருக்குள் விளையாட்டாக ஏறி இருக்கிறான். காருக்குள் சென்ற சிறுவன் கதவை சாத்தியபோது அதை மீண்டும் திறக்க முடியாத அளவுக்கு பூட்டிக் கொண்டிருக்கிறது. கார் கதவை திறக்க முடியாததால் மூச்சுத்திணறி சிறுவன் இறந்திருக்கலாம் என்பது முதல்கட்ட விசாரணையில் தெரிய வந்துள்ளது.  எனினும், உடற்கூராய்வு அறிக்கை கிடைத்த பிறகே சிறுவனின் சாவுக்கான உண்மையான காரணம் தெரிய வரும் என்கிறார்கள் காவல்துறையினர். இதுகுறித்து தொடர்ந்து விசாரணை நடத்தி வருகின்றனர். இந்த சம்பவம் அம்மாபேட்டை ரஷ்யா காலனி பகுதியில் பரபரப்பை ஏற்படுத்தி உள்ளது.  

 

 

சார்ந்த செய்திகள்

 

Next Story

அதிமுக பிரமுகர் படுகொலை; 9 பேர் கைது - சேலத்தில் உச்சக்கட்ட பரபரப்பு 

Published on 04/07/2024 | Edited on 04/07/2024
9 people arrested in Salem AIADMK executive Shanmugam case

சேலம் மாவட்டம் தாதகாப்பட்டி, தாகூர் தெருவைச் சேர்ந்தவர் சண்முகம்(60). இவர், கடந்த அதிமுக ஆட்சியில் சேலம் மாநகராட்சியின் மண்டலக் குழு தலைவராக இருந்துள்ளார். தற்போது, இவர் சேலம் கொண்டலாம்பட்டி பகுதியின் அதிமுக செயலாளராக இருந்து வந்தார். சமீபகாலமாக சண்முகத்திற்கு கொலை மிரட்டல் விடுத்து அடிக்கடி புதிய புதிய எண்ணிலிருந்து கால் வந்துள்ளது. ஆனால் அதனைப் பொருட்படுத்தாமல் இருந்து வந்துள்ளார். 

இந்த நிலையில், கடந்த புதன்கிழமை இரவு 10 மணியளவில் சண்முகம், சேலம் தாதகாப்பட்டி அருகே உள்ள சஞ்சீவிராயன் பேட்டை மாரியம்மன் கோயில் தெரு பகுதிக்கு, தன்னுடைய இரு சக்கர வாகனத்தில் வந்துள்ளார். அப்போது, அங்கு மறைந்திருந்த மர்ம நபர்கள் சிலர், சண்முகத்தை வழிமறித்து வெட்டிப் படுகொலை செய்துவிட்டு அங்கிருந்து தப்பி ஓடினர். இதைக் கண்டு அதிர்ச்சிக்குள்ளான அக்கம் பக்கத்தினர் அன்னதானப்பட்டி காவல்துறைக்கு தகவல் தெரிவித்துள்ளனர். தகவல் அறிந்ததும் அதிமுகவினர் அந்தப் பகுதியில் ஒன்று கூடியுள்ளனர்.

சம்பவ இடத்திற்கு வந்த சண்முகத்தின் குடும்பத்தினர் கதறி துடித்து கண்ணீர் விட்டனர். மேலும் இறந்துபோன சண்முகத்தின் உறவினர்கள் கொலை செய்த நபர்களை கைது செய்யும் வரையிலும், உடலை வாங்கமாட்டோம் என அரசு மருத்துவமனையிலேயே தர்ணாவில் ஈடுபட்டனர். மேலும் உறவினர்களிடம் போலீஸார் பேச்சு வார்த்தை நடத்தினர். அப்போது, அதிமுகவினருக்கும் போலீஸாருக்கும் இடையில் தள்ளுமுள்ளு ஏற்பட்டது. இதையடுத்து அதிமுக நிர்வாகிகள், தொண்டர்கள் அங்கிருந்து அகற்றப்பட்டனர். இதனால் அந்த பகுதியில் பதற்றம் நிலவியது. நீண்ட நேர பேச்சுவார்த்தைக்கு பின்னர், மாநகர் காவல் துணை ஆணையர் மதிவாணன் தலைமையிலான போலீஸார் சம்பவ இடத்திலிருந்து உடலை கைப்பற்றி சேலம் அரசு மருத்துவமனைக்கு அனுப்பி வைத்தனர். உயிரிழந்த சண்முகம் 2011 முதல் 2016 ஆம் ஆண்டு வரை, சேலம் மாநகராட்சி கொண்டலாம்பட்டி மண்டலத் தலைவராக பதவி வகித்துள்ளார். ரியல் எஸ்டேட் உள்ளிட்ட தொழில்களிலும் அவர் ஈடுபட்டு வந்துள்ளார். அத்துடன் இவர், சந்துக்கடை வியாபாரம் குறித்தும் லாட்டரி விற்பனை குறித்தும் போலீசாருக்கு அடிக்கடி தகவல் கொடுத்து வந்ததாக சொல்லப்படுகிறது. இதனால், கொலைக்கான காரணம் முன்விரோதமா? அல்லது வேறு ஏதேனும் காரணமா என்பது தொடர்பாக மோப்ப நாயுடன் போலீசார் விசாரணை மேற்கொண்டு வந்தனர்.

இதுதொடர்பாக அதிமுக பொதுச்செயலாளர் எடப்பாடி பழனிசாமி வெளியிட்டுள்ள இரங்கல் அறிக்கையில், “நாங்கள் ஏற்கனவே சொல்வதுபடி தமிழகத்தில் சட்டம் ஒழுங்கு சீர்குலைந்து போய் காணப்படுகிறது. அதற்கு அதிமுக தொண்டர் பலியாகி இருப்பது பெரும் வேதனையை அளிக்கிறது. உடனே சம்பந்தப்பட்ட கொலையாளிகளை கைது செய்யவேண்டும். இந்த கொலையில் சம்பந்தப்பட்டவர்கள் மீது உரிய நடவடிக்கை எடுக்கவேண்டும் " எனத் தெரிவித்துள்ளார். 

இந்த நிலையில், சண்முகம் கொலை வழக்கில் சேலம் தாதகாப்பட்டியைச் சேர்ந்த லாட்டரி வியாபாரி எனச் சொல்லப்படும் சதீஷ், அருண்குமார், முருகன் உட்பட 9 பேர் கைதுசெய்யப்பட்டுள்ளனர். போலீசார் நடத்திய விசாரணையில்.. திமுகவை சேர்ந்த சதீஷ், கடந்த 2 ஆண்டுகளாக தாதகாப்பட்டியில் சட்டவிரோதமாக கஞ்சா விற்பனை, லாட்டரி விற்பனை செய்து வந்தாரென கூறப்படுகிறது. இதன் காரணமாக சண்முகத்திற்கும் சதீஷ்கும் இடையே தகராறு ஏற்பட்டதாக சண்முகத்தின் உறவினர்கள் தரப்பில் கூறப்படுகிறது. இதன் அடிப்படையில்தான், சண்முகத்தை சதீஷ் கூலிப்படைகளை ஏவி வெட்டி படுகொலை செய்துள்ளதாகச் சண்முகத்தின் மனைவியும் குடும்ப உறுப்பினர்களும் தெரிவித்த நிலையில், தற்போது சதீஷ் கைது செய்யப்பட்டுள்ளார்.

ஏற்கெனவே கடலூரில் அதிமுக நிர்வாகி ஒருவர் திருட்டு ஆடுகள் வாங்கியதில் ஏற்பட்ட முன்விரோதத்தில் கொலை செய்யப்பட்ட நிலையில் தற்போது சேலத்தில் அதிமுக நிர்வாகி ஒருவர் மர்ம நபர்களால் சாலையிலேயே வெட்டி படுகொலை செய்யப்பட்டது மீண்டும் பரபரப்பை ஏற்படுத்தி இருக்கிறது.

Next Story

அதிமுக பிரமுகர் கொலை; திமுக நிர்வாகி உட்பட 8 பேர் கைது 

Published on 04/07/2024 | Edited on 04/07/2024
AIADMK leader killed; 8 people including DMK executive arrested

சேலத்தில் அதிமுக பிரமுகர் இரவில் வெட்டி கொலை செய்யப்பட்ட சம்பவம் பதற்றத்தையும், பரபரப்பையும் ஏற்படுத்திய நிலையில் திமுக நிர்வாகி உட்பட 8 பேர் கைது செய்யப்பட்டுள்ளனர்.

சேலம் கொண்டலாம்பட்டி அதிமுக செயலாளர் சண்முகம். இவர் தன்னுடைய இருசக்கர வாகனத்தில் சென்று கொண்டிருந்த நிலையில் சஞ்சீவிராயன் பேட்டை மாரியம்மன் கோவில் தெரு பகுதியில் திடீரென அவரை வழிமறித்த அடையாளம் தெரியாத மர்ம நபர்களால் வெட்டி படுகொலை செய்யப்பட்டார். அதிர்ச்சிக்குள்ளான அக்கம் பக்கத்தினர் மற்றும் அதிமுகவினர் நிகழ்விடத்திற்கு வந்தனர்.

காவல்துறைக்கும் தகவல் தெரிவிக்கப்பட்டது. சம்பவ இடத்திற்கு வந்த சண்முகத்தின் குடும்பத்தினர் கதறி அழுதது சோகத்தை ஏற்படுத்தியது. குற்றவாளிகளை கைது செய்யும் வரை சடலத்தை எடுக்கக் கூடாது என அங்கிருந்தவர்கள் போராட்டத்தில் ஈடுபட்டனர். இதனால் அந்த பகுதியில் பதற்றம் நிலவியது. நீண்ட நேர பேச்சுவார்த்தைக்கு பின்னர் உடலை மீட்ட போலீசார் சேலம் அரசு மருத்துவமனைக்கு பிரேதப் பரிசோதனைக்கு அனுப்பி வைத்தனர். உயிரிழந்த சண்முகம் 2011 முதல் 2016 ஆம் ஆண்டு வரை சேலம் மாநகராட்சி கொண்டலாம்பட்டி மண்டலத் தலைவராக பதவி வகித்துள்ளார். ரியல் எஸ்டேட் உள்ளிட்ட தொழில்களிலும் அவர் ஈடுபட்டு வந்துள்ளார். கொலைக்கான காரணம் முன்விரோதமா? அல்லது வேறு ஏதேனும் காரணமா என்பது தொடர்பாக மோப்ப நாயுடன் போலீசார் விசாரணை மேற்கொண்டனர்.

AIADMK leader killed; 8 people including DMK executive arrested

இந்நிலையில் இந்தக் கொலை சம்பவம் தொடர்பாக ஐந்து தனிப்படைகள் அமைக்கப்பட்ட நிலையில் திமுக பிரமுகர் சதீஷ் உட்பட 8 பேரை போலீசார் கைது செய்துள்ளனர். வார்டு கவுன்சிலரின் கணவரான திமுக நிர்வாகி சதீஷ் அந்தப் பகுதியில் லாட்டரி சீட்டு மற்றும் கஞ்சா விற்பனையில் தொடர்புடையவர் என்று கூறப்படுகிறது. ஒரு காலத்தில் சண்முகமும் சதீஷும் நெருங்கிய நண்பர்களாக இருந்து லாட்டரி விற்பனை உள்ளிட்ட தொழில்களை செய்து வந்துள்ளனர். இந்தச் சூழ்நிலையில் இவர்களுக்குள் தொழில் மற்றும் அரசியல் ரீதியாகவும் போட்டி ஏற்பட்டு தனித்தனியாக பிரிந்து விரோதிகளாக இருந்து வந்தனர். இந்நிலையில் சதீஷ் தனிப்பட்ட முறையில் லாட்டரி மற்றும் கஞ்சா விற்பனை செய்து வந்ததால் அது குறித்து சண்முகம் காவல்துறை மற்றும் அரசியல் பிரமுகர்களிடம் புகார் தெரிவித்து வந்துள்ளார். இதனால் ஏற்பட்ட ஆத்திரத்தில் சதீஷ் அதிமுக நிர்வாகி சண்முகத்தை கொலை செய்துள்ளது முதற்கட்ட விசாரணையில் தெரியவந்துள்ளது.