Skip to main content

பா.ஜ.க. தேசிய செயற்குழு உறுப்பினர் ஹெச்.ராஜா மீது மேலும் ஒரு புகார்!

Published on 08/04/2022 | Edited on 08/04/2022

 

BJP Another complaint against National Executive Committee member H. Raja!

 

புதுக்கோட்டை மாவட்டம், கீரமங்கலம் அருகில் உள்ள மேற்பனைக்காடு கிராமத்தைச் சேர்ந்தவர் முகமது அலி. அதேபகுதியில் உள்ள வயல் பகுதியில் வீடு கட்டுவதற்காக அனுமதி பெற்று கட்டிடம் கட்டியுள்ளார். பின்னர் தனது மனைவி பெயரில் அறக்கட்டளை தொடங்கி, அதற்கான அலுவலகம் என்று பெயர் பலகையும் வைத்திருந்தார்.

 

மேலும் கட்டிடம் கட்டுமானப் பணியின் போது கட்டிடத்தின் முகப்பில் பள்ளிவாசல்களில் அமைக்கப்படுவது போல மனோராக்கள் அமைத்து வருவதால், வீடுகட்ட அனுமதி பெற்று வழிபாட்டு தலம் கட்டுவதாகக் கூறி கட்டிடத்தின் முகப்பில் உள்ள மனோராக்களை அகற்ற வேண்டும் என்று சில மாதங்களுக்கு முன்பு அப்பகுதி பா.ஜ.க வினர் போராட்டம் அறிவித்த நிலையில் வருவாய் துறை, ஊரக உள்ளாட்சி துறை, காவல் துறை அதிகாரிகள் நடத்திய சமாதானப் பேச்சுவார்த்தையில் மனோராக்களை 2021 டிசம்பருக்குள் அகற்ற உறுதியளிக்கப்பட்டு எழுதிக் கொடுத்துள்ளனர். ஆனால் தற்போது வரை மனோராக்கள் அகற்றப்படவில்லை அவற்றை அகற்ற வேண்டும் என்று கடந்த மார்ச் 4- ஆம் தேதி பா.ஜ.க. தேசிய செயற்குழு உறுப்பினர் ஹெச்.ராஜா தலைமையில் மழைமாரியம்மன் கோயிலில் இருந்து பா.ஜ.க வினர் ஊர்வலமாகச் சென்று முற்றுகை போராட்டம் நடத்த முயன்ற போது சாலையிலேயே தடுத்து நிறுத்தப்பட்டனர். 

 

அதன் பிறகு சாலையிலேயே நடந்த பேச்சுவார்த்தையில் ஏப்ரல் 12- ஆம் தேதிக்குள் கட்டிட உரிமையாளரே மனோராக்களை அகற்றிக் கொள்ள கேட்டுக் கொள்வது, அகற்றத் தவறினால் ஏப்ரல் 13- ஆம் தேதி அதிகாரிகள், காவல்துறையினர் முன்னிலையில் மனோராக்களை அகற்றுவதாக அதிகாரிகள் முன்னிலையில் ஊராட்சி மன்றத் தலைவர் மஞ்சுளா எழுதிக் கொடுத்தார். அதன் பிககே சுமார் 2 மணி நேரத்திற்கு பிறகு போராட்டம் முடிவுக்கு வந்தது.

BJP Another complaint against National Executive Committee member H. Raja!

இந்த போராட்டத்திற்கு வந்திருந்த பா.ஜ.க தேசிய செயற்குழு உறுப்பினர் ஹெச்.ராஜா, தமிழ்நாடு முதலமைச்சர், அமைச்சர் மெய்யநாதன், புதுக்கோட்டை மாவட்ட ஆட்சியர் மற்றும் அரசு அதிகாரிகளைப் பற்றி அவதூறாக பேசியதால் அதனால் ஹெச்.ராஜா மீது வழக்கு பதிவு செய்து நடவடிக்கை எடுக்க வேண்டும் என்று கடந்த ஏப்ரல் 6- ஆம் தேதி மார்க்சிஸ்ட் கம்யூனிஸ்ட் கட்சியின் மாவட்டச் செயலாளர் கவிவர்மன் கீரமங்கலம் காவல் நிலையத்தில் புகார் மனு கொடுத்திருந்தார். 

 

அதேபோல இன்று மேற்பனைக்காடு ஜமாத் நிர்வாகத்தினர் ஹெச்.ராஜா மீது நடவடிக்கை எடுக்கக் கோரி காவல் நிலையத்தில் புகார் கொடுத்தனர். இதேபோல கடந்த மூன்று மாதங்களுக்கு முன்பு ஹெச்.ராஜா மீது புகார் கொடுத்தும் நடவடிக்கை இல்லை. அதனால் தற்போது நடவடிக்கை இல்லை என்றால் போராட்டங்கள் நடத்தப்படும் என்றனர். பா.ஜ.க தேசிய செயற்குழு உறுப்பினர் ஹெச்.ராஜா மீது அடுத்தடுத்து காவல் நிலையத்தில் புகார் கொடுக்கப்படும் நிலையில் வழக்கு பதிவு செய்வது குறித்து காவல் உயர் அதிகாரிகள் சம்பவதன்று எடுக்கப்பட்ட வீடியோக்களை ஆய்வு செய்து வருகின்றனர். விரைவில் ஹெச்.ராஜா மீது கீரமங்கலம் காவல் நிலையத்தில் வழக்குப் பதிவு செய்யப்படலாம் என்று கூறப்படுகிறது.


 

சார்ந்த செய்திகள்

 

Next Story

ரவுடிகள் வேட்டை; சரணடைந்த சாமி ரவி

Published on 15/07/2024 | Edited on 16/07/2024
owdies hunting; Surrendered Sami Ravi

தமிழகத்தில் பகுஜன் சமாஜ் கட்சி தலைவர் ஆம்ஸ்ட்ராங் படுகொலை செய்யப்பட்டதைத் தொடர்ந்து தமிழகம் முழுவதும் போலீசார் ரவுடிகளை கைது செய்து வருகின்றனர். பல்வேறு இடங்களில் தீவிர கண்காணிப்பு ஏற்பாடுகள் மேற்கொள்ளப்பட்டு வருகிறது. ஆம்ஸ்ட்ராங் கொலை வழக்கில் சரணடைந்த 11 பேரில் திருவேங்கடம் என்ற ரவுடி போலீசார் விசாரணையின் பொழுது தப்பிக்க முயன்றதோடு பதுக்கி வைத்திருந்த துப்பாக்கியால் போலீசாரை நோக்கி சுட முயன்றதால் என்கவுன்டர் செய்யப்பட்டது பரபரப்பை ஏற்படுத்தி இருந்தது. இந்த என்கவுன்டர் ரவுடிகள் மத்தியில் கலக்கத்தை ஏற்படுத்தியுள்ளது.

இந்நிலையில் தஞ்சை மாவட்டம் திருக்காட்டுப்பள்ளி காவல் நிலையத்தில் பிரபல ரவுடி சாமி ரவி சரணடைந்துள்ளதாக தகவல் வெளியாகி உள்ளது. ராமஜெயம் கொலை வழக்கில் சம்பந்தப்பட்டவர் என்று கூறப்படுபவரும், பல்வேறு குற்றச் சம்பவங்களில் தொடர்புடையவராகவும் உள்ள சாமி ரவி காவல் நிலையத்தில் சரணடைந்துள்ளதாக தகவல்கள் வெளியாகி உள்ளது. அதேபோல் ராக்கெட் ராஜா மீதுள்ள வழக்கு ஒன்றிற்காக காவல்துறை அழைத்து விசாரித்து அனுப்பியதாகவும் தகவல் வெளியாகியுள்ளது.

Next Story

ஜன்னல் வழியே வெளியான புகை; எரித்து கொல்லப்பட்ட மூவர்;காவல்துறை தீவிர விசாரணை

Published on 15/07/2024 | Edited on 15/07/2024
Smoke from the window; Three were burnt to death

கடலூரில் ஒரே குடும்பத்தில் 3 பேரை கொலை செய்து உடல்கள் எரிக்கப்பட்ட சம்பவம் பரபரப்பை ஏற்படுத்திய சம்பவம் தொடர்பாக போலீசார் விசாரணை நடத்தி வருகின்றனர். ராஜஸ்தான் மாநிலத்தைச் சேர்ந்த கமலேஸ்வரி, சுரேஷ்குமார் தம்பதியினர் சுரேஷ்குமார் நெல்லிக்குப்பத்தில் உள்ள இஐடி சர்க்கரை ஆலையில் மருந்தாளுனராக பணியாற்றி ஓய்வு பெற்றுள்ளார். இவருக்கு 70 வயதான நிலையில் வயது மூப்பின் காரணமாக கடந்த 6 மாதங்களுக்கு முன் உயிரிழந்தார்.

இவர்கள் நெல்லிக்குப்பம் அருகே உள்ள காராமணிக்குப்பம் ஜோதி  நகரில் வாடகை வீட்டில் பல ஆண்டுகளாக வசித்து வருகின்றனர். தற்சமயம் கமலேஸ்வரி அவரது மகன் சுகந்தகுமார், பேரன் இஷான் ஆகியோர் வசித்து வருகின்றனர். சுகந்த குமார் திருமணம் ஆகி சில வருடங்களிலேயே அவர் மனைவி பிரிந்து சென்று விவாகரத்து பெற்று சென்றுவிட்டார். சுகந்தகுமார் ஹைதராபாத்தில் உள்ள ஐடி நிறுவனத்தில் பணி செய்து வரும் நிலையில் 15 நாட்கள் அலுவலகத்திலும் 15 நாட்கள் வீட்டில் இருந்தும் பணி செய்து வந்துள்ளார். இவர் கடந்த வெள்ளிக்கிழமை இரவு ஹைதராபாத்தில் இருந்து  வீட்டிற்கு வந்ததாக கூறப்படுகிறது.

இந்நிலையில் அதே தினம் கமலேஸ்வரி அவரது உறவினர் வீட்டிற்கு துக்க நிகழ்ச்சிக்கு சென்று விட்டு அவரும் இரவு 8 மணிக்கு வீட்டிற்கு வந்துள்ளார். இவர்களின் வீட்டு வேலை செய்யும் பணி பெண் சனிக்கிழமை காலை வீட்டிற்கு வந்து பார்க்கும் பொழுது வெளி இரும்பு கேட் பூட்டி இருந்த நிலையில் அவர் மீண்டும் சென்றுள்ளார்.  அதன் பிறகு அவரும் தொலைபேசியில் தொடர்பு கொண்ட பொழுது தொலைபேசி எண் சுவிட்ச் ஆப் செய்யப்பட்டிருந்ததால் அவரும் இரண்டு நாள் வேலைக்கு வரவில்லை.

திங்கட்கிழமை வீட்டின் ஜன்னல் பகுதியில் இருந்து லேசாக புகை வந்ததால் அக்கம்பக்கத்தினர் காவல் துறைக்கு தகவலளித்தனர். இதையடுத்து சம்பவம் குறித்து நெல்லிக்குப்பம் போலீசார்  தீயணைப்புத் துறைக்கு தகவல் கொடுத்தனர். இதையடுத்து வீட்டின் கதவை உடைத்து உள்ளே சென்று பார்க்கும் பொழுது, ஒவ்வொரு பகுதியிலும் கொலை செய்யப்பட்டு ரத்த வெள்ளத்தில் எரிந்த நிலையில் உடல்களை கண்டு அதிர்ந்து போன போலீசார் உடனடியாக மாவட்ட காவல் கண்காணிப்பாளருக்கு தகவல் அளித்தனர்.

Smoke from the window; Three were burnt to death

சம்பவ இடத்திற்கு மோப்ப நாய் கைரேகை நிபுணர்கள் வரவழைக்கப்பட்டு தடயங்கள் சேகரிக்கும் பணியில் போலீசார் ஈடுபட்டனர். சம்பவ இடத்திற்கு மாவட்ட காவல் கண்காணிப்பாளர் ராஜாராம் நேரடியாக வந்து விசாரணை செய்தார். சுமார் 3 மணி நேரம்  விசாரணை செய்தார். அதில் வீட்டில் பணிபுரியும் பெண் மற்றும் உறவினர்கள் வீட்டைச் சுற்றியுள்ள பலரிடம் தனித்தனியாக விசாரணை செய்தார். விசாரணை மேற்கொள்ள  5 தனிப்படை அமைக்கப்பட்டுள்ளதாகவும், முதல்கட்ட விசாரணையில் இது கொலையாக இருக்கும் என தெரிவித்தார். பின்னர் 3 பேர்களின் உடல்களைக் கைப்பற்றி பிரேதப் பரிசோதனைக்காக கடலூர் தலைமை அரசு மருத்துவமனைக்கு கொண்டு சென்று உள்ளனர். ஒரே குடும்பத்தைச் சேர்ந்த 3  பேர் கொலை செய்து எரிக்கப்பட்ட சம்பவம் சுற்றுவட்டப் பகுதியில் பரபரப்பை ஏற்படுத்தியது.