Skip to main content

கிடா வெட்டு விருந்தில் இருதரப்பினர் மோதல் 

Published on 18/09/2023 | Edited on 18/09/2023

 

A bipartisan conflict at the Kida cut party

 

மயிலாடுதுறை பகுதியை சேர்ந்தவர் குமரவேல். கடலூர் மாவட்டம் விருத்தாசலம் அருகே உள்ள கோமங்கலத்தில் உள்ள அய்யனார் கோயில் தங்கள் குடும்ப விசேஷங்கள் எதுவானாலும் இங்கு வந்து குலதெய்வத்தை வழிபட்ட பிறகுதான் குமரவேல் குடும்ப சுப நிகழ்ச்சிகள் நடத்துவது வழக்கம். அதன்படி தனது பிள்ளைகளுக்கு காதணி விழா நடத்த முடிவு செய்த குமரவேல் கோமங்கலம் அய்யனார் கோவிலுக்கு நண்பர்கள் உறவினர்களுடன் வாகனங்களில் வருகை தந்தார். அய்யனார் கோவிலில் பிள்ளைகளுக்கு காதுகுத்து விழாவில் ஒரு பகுதியாக அங்கிருந்த சாமிகளுக்கு கிடா வெட்டி பூஜை நடத்தப்பட்டது.

 

படையலிட்ட பிறகு உறவினர் நண்பர்கள் அனைவருக்கும் கறி விருந்து வைக்கப்பட்டு அனைவரும் விருந்து சாப்பிட்டுக் கொண்டிருந்தனர். அப்போது அதே ஊரைச் சேர்ந்த சிலர் சென்று அந்த கறி விருந்தில் கலந்து கொண்டு சாப்பிட்டுள்ளனர். அப்போது குமரவேல் உறவினர்களுக்கும் உள்ளூர் காரர்களுக்கும் இடையே தகராறு ஏற்பட்டுள்ளது. இதனால் ஒருவரை ஒருவர் தாக்கிக் கொண்டனர். இதில் கோமங்கலம் காலனி பகுதியை சேர்ந்த மணிகண்டன் ஜெயப்பிரகாஷ் ஆகியோருக்கும், குமரவேல் அவரது உறவினர் சிவதாஸ் ஆகியோருக்கும் காயம் ஏற்பட்டு விருத்தாசலம் அரசு மருத்துவமனையில் சிகிச்சைக்கு கொண்டு சென்று சேர்த்தனர்.

 

இதற்கு கோமங்கலம் பகுதியை சேர்ந்தவர்கள் திரண்டு வந்து குமரவேல் தரப்பைச் சேர்ந்த ரமேஷ், சக்திவேல் ஆகிய இரண்டு பேரை மட்டும் கோவிலுக்குள் வைத்து பூட்டி சிறை வைத்தனர். இது குறித்த தகவல் விருத்தாசலம் காவல் நிலையத்திற்கு தெரிவிக்கப்பட்டது. உடனடியாக டிஎஸ்பி ஆரோக்கியராஜ், இன்ஸ்பெக்டர் முருகேசன் மற்றும் போலீசார் சம்பவம் நடந்த கோமங்கலம் கிராமத்திற்கு விரைந்து சென்றனர். அங்கு உள்ளூர் மக்களிடம் பேச்சுவார்த்தை நடத்தினர். அப்போது அவர்கள் காதணி விழா நடத்த வந்த குமரவேல் தரப்பினர் தங்களை சாதி பெயரை சொல்லி திட்டினார்கள் அவர்களை கைது செய்ய வேண்டும் அதோடு அவர்கள் எங்களிடம் மன்னிப்பு கேட்க வேண்டும் அப்போதுதான் கோவிலை விட்டு அவர்களை வெளியே அனுப்புவோம் என்று கூறினர்.

 

போலீசார் கோவிலுக்குள் இருப்பவர்களை மீட்க அவர்களிடம் பேச்சுவார்த்தை நடத்தினர். இதன் பிறகு ஏழு மணி அளவில் கோவிலில் அடைத்து வைக்கப்பட்டிருந்த குமரவேல் உறவினர்கள் ரமேஷ், சக்திவேல் ஆகிய இருவரையும் போலீசார் வெளியே கொண்டு வந்தனர். அவர்களை அங்கிருந்து போலீஸ் வாகனத்தில் ஏற்றி அழைக்க செல்ல முயன்றனர். ஒரு போலீசாரிடம் வாக்குவாதத்தில் ஈடுபட்டனர் உள்ளூர் மக்கள். இருப்பினும் போலீசார் அவர்களை சமாதானம் செய்து சிறை பிடிக்கப்பட்ட இரண்டு பேரையும் பாதுகாப்பாக அழைத்துச் சென்றனர். இந்த குறித்து போலீசார் தவறு செய்தவர்கள் மீது வழக்கு பதிவு செய்யப்படும் என்று உறுதி அளித்தனர். காதணி விழாவிற்கு வெளியூரிலிருந்து வந்தவர்களுக்கும் உள்ளுக்காரர்களுக்கும் இடையே ஏற்பட்ட மோதல் பெரும் பரபரப்பை ஏற்படுத்தி உள்ளது.

 

 

சார்ந்த செய்திகள்

 

Next Story

பகலில் அர்ச்சகர், இரவில் திருடன்; கோவில் நகை முதல் இருசக்கர வாகனம் வரை  திருட்டு!

Published on 18/06/2024 | Edited on 18/06/2024
priest stole everything from temple jewels to two-wheelers

கள்ளக்குறிச்சி மாவட்டம் சங்கராபுரம் நகர பகுதியில் கடந்த சில நாட்களாக இருசக்கர வாகன திருட்டு சம்பவங்கள் அதிகரித்து வருகிறது. இந்நிலையில் சங்கராபுரம் காவல் நிலைய போலீசார் சங்கராபுரம் நகரப்பகுதி உள்ளிட்ட பல்வேறு பகுதிகளில் ரோந்து பணிகளை தீவிரப்படுத்தி இருசக்கர வாகன கொள்ளை சம்பவத்தில் ஈடுபட்ட குற்றவாளியை கைது நடவடிக்கைகளை மேற்கொண்டனர். 

அந்த வகையில் சங்கராபுரம் காவல் நிலையத்திற்கு உட்பட்ட கொளத்தூர் சங்கராபுரம் - திருக்கோவிலூர் சாலையில் சங்கராபுரம் காவல் நிலைய போலீசார் மேற்கொண்ட வாகன தணிக்கையில் ஈடுபட்டிருந்தனர். அப்போது அவ்வழியாக இரு சக்கர வாகனத்தில் வந்த கணியாமூர் பகுதியைச் சேர்ந்த ராஜேஷ் என்பவர் மீது சந்தேகம் அடைந்த போலீசார் அவரிடம் விசாரணை மேற்கொண்டதில் அவர் முன்னுக்கு பின் முரணாக பதில் அளித்துள்ளார். 

இதனைத் தொடர்ந்து ராஜேஷ் மீது சந்தேகம் அடைந்த போலீசார் அவரை காவல் நிலையத்திற்கு அழைத்துச் சென்று விசாரணை மேற்கொண்டதில் ராஜேஷ் கனியாமூர் பகுதியில் உள்ள சிவன் கோயிலில் அர்ச்சகராக பணியாற்றி வருவதும் வயிற்று பிழைப்பிற்காக சங்கராபுரம் கள்ளக்குறிச்சி உள்ளிட்ட பகுதிகளில் இருசக்கர வாகன திருட்டு சம்பவங்களில் ஈடுபட்டு வந்ததையும் ஒப்புக்கொண்டார். தொடர்ந்து போலீசார் அவரிடம் மேற்கொண்ட விசாரணையில், பாசார் கிராமத்தில் உள்ள சிவன் கோயிலில் சிவன் கழுத்தில் இருந்த ஒன்றரைப் பவுன் தாலியை திருடியதையும் ஒப்புக்கொண்டார்.

இதனைத் தொடர்ந்து மாவட்டத்தின் பல்வேறு பகுதிகளில் இருசக்கர வாகன திருட்டு சம்பவங்களில் ஈடுபட்ட கோயில் அர்ச்சகரான ராஜேஷ் என்பவரை கைது செய்த போலீசார் அவரிடம் இருந்து சுமார் 4 லட்சம் மதிப்பிலான ஆறு இரு சக்கர வாகனங்களை பறிமுதல் செய்தனர். தொடர்ந்து கைது செய்யப்பட்ட ராஜேஷ் சங்கராபுரம் நீதிமன்றத்தில் ஆஜர் படுத்தப்பட்டு சிறையில் அடைக்கப்பட்டார்.

கள்ளக்குறிச்சி மற்றும் சங்கராபுரம் உள்ளிட்ட பகுதிகளில் இருசக்கர வாகன திருட்டு சம்பவம் தொடர்பாக பதிவான சிசிடிவி காட்சிகளின் அடிப்படையிலும் போலீசாரின் தீவிர வாகனத்தை அணியின் காரணமாகவும் இருசக்கர வாகன திருட்டு சம்பவத்தில் ஈடுபட்ட கோயில் அர்ச்சகரை போலீசார் கைது செய்துள்ளனர் என்பது குறிப்பிடத்தக்கது.

Next Story

வளைகாப்பு நிகழ்விற்குச் சென்ற பெண்; வீட்டில் காத்திருந்த அதிர்ச்சி! 

Published on 18/06/2024 | Edited on 18/06/2024
Broke the lock of the house and stole 10 pounds of jewellery

கள்ளக்குறிச்சி மாவட்டம் சங்கராபுரம் அருகே உள்ள புத்திராம்பட்டு கிராமத்தைச் சேர்ந்த திருமால் மனைவி மீரா. திருமால் வெளிநாட்டில் வேலை செய்து வருவதாக கூறப்படுகிறது. இந்த நிலையில் மீராவின் அண்ணன் மனைவிக்கு புதுபாலப்பட்டு கிராமத்தில் நடைபெற்ற வளைகாப்பு நிகழ்ச்சியில் கலந்து கொள்வதற்காக மீரா தனது குடும்பத்தினருடன் வீட்டை பூட்டிக்கொண்டு நேற்று மாலை புதுபாலப்பட்டு கிராமத்திற்குச் சென்றுள்ளார். 

தொடர்ந்து நிகழ்ச்சி முடித்துவிட்டு மீரா குடும்பத்தினர் வீட்டிற்கு வந்து பார்த்தபோது வீட்டின் பின்பக்க கதவு உடைக்கப்பட்டு இருந்ததை கண்டு அதிர்ச்சி அடைந்தனர். மீரா உள்ளே சென்று பார்த்தபோது பீரோ உடைக்கப்பட்டு பீரோவில் இருந்த 10 பவுன் தங்க நகைகள் காணாமல் போனதை கண்டு மீரா அதிர்ச்சி அடைத்தார். இதுக்குறித்து மீரா வடபொன்பரப்பி காவல் நிலையத்திற்கு தகவல் தெரிவித்தார், புகாரின் பேரில் சம்பவ இடத்திற்கு விரைந்து சென்ற திருக்கோவிலூர் டிஎஸ்பி மனோஜ் குமார் தலைமையிலான போலீசார் கொள்ளை சம்பவம் நடைபெற்ற வீட்டில் உள்ள நபர்களிடம் தீவிர விசாரணை மேற்கொண்டனர். தொடர்ந்து கைரேகை நிபுணர் ராஜவேல் குழுவுடன் மோப்பநாய் ராக்கி வரவழைக்கப்பட்டு கொள்ளை சம்பவம் நடைபெற்ற வீட்டில் உள்ள கைரேகைகள் மற்றும் தடயங்கள் சேகரிக்கப்பட்டது.

Broke the lock of the house and stole 10 pounds of jewellery

இதுக்குறித்து மீரா அளித்த புகாரின் அடிப்படையில் போலீசார் வழக்கு பதிவு செய்து டிஎஸ்பி மனோஜ் குமார் மற்றும் சங்கராபுரம் காவல் நிலைய காவல் ஆய்வாளர் விநாயக முருகன் ஆகியோர் தலைமையில் தனிப்படை அமைக்கப்பட்டு போலீசார் தீவிர விசாரணை மேற்கொண்டு வருகின்றனர். தொடர்ந்து சங்கராபுரம் பகுதியில் கொள்ளை சம்பவம் அதிகரித்து வருவதால் பொதுமக்கள் பெரும் அச்சத்தில் இருந்து வரும் நிலையில் போலீசார் கண்காணிப்பு பணியினை தீவிரப்படுத்தி கொள்ளை சம்பவங்களை தடுக்க வேண்டும் என்று பொதுமக்கள் கோரிக்கை விடுத்துள்ளனர்.