Skip to main content

'கை கட்டுடன் வலம்... லபக்கென பைக்கை திருடிக்கொண்டு ஜூட்...' –கில்லாடி திருடனை வளைத்த போலீஸ்!

Published on 31/01/2022 | Edited on 01/02/2022

 

bike theft in thirupathur

 

திருப்பத்தூர் மாவட்டம் வாணியம்பாடி சுற்றுவட்டாரப் பகுதிகளில் தொடர்ந்து இருசக்கர வாகனங்கள் திருடு போவதாக காவல் நிலையங்களில் புகார் வந்த வண்ணம் இருந்தது. இதன்மீது புகார்கள் எதுவும் பதிவு செய்யாமல் காவல்துறை குற்றப்பிரிவு விசாரணை நடத்தி வந்தது.

 

திருப்பத்தூர் மாவட்ட காவல் கண்காணிப்பாளர் டாக்டர் பாலகிருஷ்ணன் குற்றவாளிகளைப் பிடிக்க தனிப்படை அமைத்து உத்தரவிட்டார். அதன்படி வாணியம்பாடி நகரத்தில் அடிக்கடி திருடு போகும் பகுதிகளில் காவல்துறை மற்றும் தனிநபர்கள் வைத்துள்ள சிசிடிவி கேமரா காட்சிகளில் வாணியம்பாடி நகர காவல்துறையினர் பார்த்து ஆய்வு செய்து வந்தனர். ஒரு வீடியோ பதிவில் வாணியம்பாடி பேருந்து நிலையம் அருகே கையில் கட்டுடன் வரும் ஒரு வாலிபர் சுற்றும் முற்றும் பார்த்துவிட்டு கழுத்தில் கட்டி தொங்கவிடப்பட்டிருந்த கையை எடுத்துவிட்டு அங்கிருந்த ஒரு இருசக்கர வாகனத்தை லாவகமாக சாவியில்லாமல் திறந்து  எடுத்துக்கொண்டு செல்லும் காட்சி பதிவாகியிருந்தது.

 

யார் அந்த மர்ம நபர் என போலீசார் விசாரணையை நடத்தினர். அந்த காட்சியை சமூக ஊடகங்களில் போலீசார் பரப்பினர். அந்த நபர் குறித்த தகவல்கள் போலீசாருக்கு கிடைத்தன. தகவலின் அடிப்படையில் அந்த நபர் உதயேந்திரம் பகுதியை சேர்ந்த விஜய் என்பது தெரியவந்தது. அவனை போலீசார் கடந்த ஜனவரி 30 ஆம் தேதி கைது செய்தனர். அவனிடம் நடத்திய விசாரணையில், வாணியம்பாடி சுற்றுவட்டார பகுதிகளில் அடுத்தடுத்து மூன்று இருசக்கர வாகனங்களை திருடியதை ஒப்புக் கொண்டதாக போலீஸ் தரப்பில் கூறினர். அவன் பதுக்கி வைத்திருந்த மூன்று இருசக்கர வாகனங்களைப் பறிமுதல் செய்து அவன் மீது வழக்குப்பதிவு செய்து நீதிமன்ற காவலில் சிறையில் அடைத்தனர்.

 

bike theft in thirupathur

 

அந்த நபர் வேறு ஏதாவது குற்ற சம்பவத்தில் ஈடுபட்டுள்ளாரா, வேறு எங்காவது வாகனங்களை திருடியுள்ளாரா, தனியாளா அல்லது பின்னணியில் திருட்டு கும்பல் ஏதாவது உள்ளதா? திருடிய வாகனங்களை எங்கு விற்பனை செய்கிறான் என போலீஸ் தனிப்படை தீவிரமாக விசாரணை நடத்தி வருகிறது.

 

கையில் அடிபட்டதைப்போல் கட்டுப்போட்டுக் கொண்டு ஊரில் வலம் வந்து அய்யோ பாவம் என தன்னை பார்ப்பவர்களை ஏமாற்றியபடி இருசக்கர வாகன திருட்டில் ஈடுப்பட்டவன் கேமரா கண்களில் சிக்கி கைதாகியுள்ளான்.

 

 

சார்ந்த செய்திகள்

 

Next Story

அண்ணனை கொலை செய்த தம்பி; உடந்தையாக இருந்த தாயும் கைது

Published on 22/07/2024 | Edited on 22/07/2024
The brother who attack his brother; The accomplice mother was also arrested

குடிபோதையில் தாயிடம் தகராறு செய்த அண்ணனை தம்பி கொலை செய்ததும், அதற்கு உடந்தையாக இருந்த தாயும் கைது செய்யப்பட்ட சம்பவம் திருச்சியில் பரபரப்பை ஏற்படுத்தியுள்ளது.

திருச்சி பீமநகர் சேர்ந்தவர் பர்வீன் பானு (வயது 48). இவருக்கு தமிமுன் அன்சாரி (வயது 33), சையது அபுதாஹிர் ( 29) ஆகிய 2 மகன்கள் உள்ளனர். இதில் மூத்த மகன் தமிமுன் அன்சாரி ஆட்டோ டிரைவராகவும், டீ மாஸ்டராகவும் பணிபுரிந்து வந்தார். இவருக்கு கடந்த 2017 ஆம் ஆண்டு திருமணம் நடைபெற்றது. 5 வயதில் ஆண் குழந்தை ஒன்று உள்ளது.

குடி போதைக்கு அடிமையான தமிமுன் அன்சாரியின் நடவடிக்கை பிடிக்காததால் அவரது மனைவி அவரை விட்டு பிரிந்து சென்று விட்டார். அதன் பின்னர் தினமும் தமிமுன் அன்சாரி தனது தாயிடம் குடிப்பதற்கு பணம் கேட்டு தகராறு செய்து வந்தார். நேற்று இரவு தனது தாயிடம் பணம் கேட்டு தகராறில் ஈடுபட்டு அடிக்க முயன்றதாக கூறப்படுகிறது.

இதனைக் கண்ட தம்பி சையது அபுதாஹிர் வீட்டில் இருந்த  அரிவாளால் தமிமுன் அன்சாரியின் தலையில் வெட்டினார். இருப்பினும் ஆத்திரம் அடங்காமல் அவரது கழுத்தில் மின்வயரை சுற்றி இறுக்கினார். இதில் மூச்சுத்திணறி சம்பவ இடத்திலேயே தமிமுன் அன்சாரி இறந்து விட்டார். விபரீதத்தை உணர்ந்த பர்வீன் பானு அதிகாலை 4 மணி அளவில் யாரும் அறியாத வகையில் சையது அபுதாகீருடன் சேர்ந்து தமிமுன் அன்சாரியின் உடலை அவரது ஆட்டோவிலேயே ஏற்றிக்கொண்டு கொள்ளிடம் ஆற்றில் நீரில் போட்டு விட்டு வர முடிவு செய்தார்.

அதன்படி கொள்ளிடம் ஆற்றுப் பாலத்தில் உடலை இறக்கும் போது இருசக்கர வாகனங்கள் வரவே உடலை அங்கேயே போட்டுவிட்டு ஆட்டோவில் தப்பி விட்டனர்.இதுகுறித்து தகவல் அறிந்த ஸ்ரீரங்கம் போலீசார் சம்பவ இடத்திற்கு விரைந்து சென்று இறந்த உடலை மீட்டு ஸ்ரீரங்கம் அரசு மருத்துவமனைக்கு அனுப்பி வைத்து தீவிர விசாரணை மேற்கொண்டனர்.பாலத்தில் இருந்த சிசிடிவி கேமரா பதிவினை ஆய்வு செய்து ஆட்டோ நம்பரை கண்டுபிடித்தனர். பின்னர் ஆட்டோ உரிமையாளர் யார்?  மாநகர  சிசிடிவி கேமரா பதிவின் அடிப்படையில் கொலையாளிகள் பர்வீன் பானு மற்றும் சையது அபுதாகிர் என உறுதி செய்தனர்.

இதனைத் தொடர்ந்து வீட்டில் பதுங்கி இருந்த இருவரையும் கைது செய்து தீவிர விசாரணை மேற்கொண்டு வருகின்றனர்.

Next Story

ரவுடி என்கவுண்டர்; ஆயுதங்களை ஒப்படைத்த போலீசார்

Published on 22/07/2024 | Edited on 22/07/2024

 

Rowdy Encounter; Surrender of arms to court

 

தமிழ்நாட்டில் பரபரப்பை ஏற்படுத்திய ஒரு சம்பவம் திருச்சி ரவுடி வண்ணாரப்பேட்டை துரை என்கிற துரைசாமி  என்கவுண்டர். கடந்த வாரம் புதுக்கோட்டை மாவட்டம் திருவரங்குளம் - வம்பன் இடையே தனியார் வேளாண் கல்லூரி எதிரே உள்ள வனத்துறைக்கு சொந்தமான தைலமரக்காட்டில் ரவுடி துரை என்கவுண்டர்  செய்யப்பட்டார்.

இது குறித்து ஆலங்குடி போலிசாரின் முதல் தகவல் அறிக்கையில்,  'திருவரங்குளம் - வம்பன் இடையே உள்ள தைலமரக்காட்டில் மர்ம நபர்கள் பதுங்கி இருப்பதாக தகவல் கிடைத்து ஆலங்குடி காவல் ஆய்வாளர் முத்தையா தலைமையிலான போலீசார் அங்கு சென்று சோதனை செய்தனர். அப்போது மறைந்திருந்த திருச்சி ரவுடி வண்ணாரப்பேட்டை துரை என்கிற துரைசாமி மற்றுமொரு நபர் போலீசாரை தாக்க முயன்ற போது போலீசார் சரணடையச் சொல்லியும் கேட்காமல் துரை நாட்டுத் துப்பாக்கியால் போலீசாரை நோக்கி சுட்டார். அரிவாளை காட்டி மிரட்டியதோடு பிடிக்க முயன்ற உதவி ஆய்வாளர் மகாலிங்கத்தை முயன்றார். ஆய்வாளர் முத்தையா தற்காப்பிற்காக சுட்டதால் ரவுடி துரை உயிரிழந்தார்.

உடனிருந்த நபர் தப்பி ஓடிவிட்டார்' என பதிவு செய்யப்பட்டிருந்தது. சம்பவ இடத்தை தொடர்ந்து போலீசார் பாதுகாத்து வரும் நிலையில் ரவுடி துரையிடம் இருந்து கைப்பற்றப்பட்ட சிங்கிள் பேரல் துப்பாக்கி மற்றும் அரிவாளை ஆலங்குடி போலீசார் இன்று ஆலங்குடி நீதிமன்றத்தில் ஒப்படைத்தனர். மேலும் சம்பவ இடத்தை மனித உரிமை அமைப்பினர் ஆய்வு செய்ய வேண்டியுள்ளதால் பாதுகாப்பு தொடர்கிறது.