Skip to main content

சின்ன கீரல் வந்தாலும்.... : பாரதிராஜா எச்சரிக்கை

Published on 22/05/2018 | Edited on 22/05/2018
Bharathiraja

 

 


ஸ்டெர்லைட் ஆலையை மூடவேண்டும் என்பதனை வலியுறுத்தி தடை அதை உடை என்ற தமிழ்த்திரைப்படத்தின் பாடல் வெளியீட்டு விழா இன்று சென்னையில் நடைப்பெற்றது. இந்த நிகழ்ச்சியில் திரைப்பட இயக்குநர் பாரதிராஜா, தமிழக வாழ்வுரிமைக் கட்சியின் தலைவர் வேல்முருகன், திரைப்பட இயக்குநர் அமீர், சமூக ஆர்வலர் டிராபிக் ராமசாமி மற்றும் படக்குழுவினர் கலந்து கொண்டனர்.

 

 

 

Bharathiraja


விழாவில் பேசிய பாரதிராஜா, ஆங்கிலேயர் காலத்தில் இதுபோன்ற அடக்கு முறை இல்லை. தற்போது அடக்குமுறை அதிகமாய் உள்ளது. இதனை அரசு நிறுத்திக்கொள்ள வில்லை என்றால் போராட்டங்கள் தீவிரமாகும். நான் எந்த அரசியல் கட்சியையும் சாரதவன். நான் இந்த மண்ணுக்கு, மொழிக்கு, கலாசாரத்திற்கு, சின்ன கீரல் வந்தாலும் இந்த பாரதிராஜா போராட்டம் நடத்துவான் என்றார்.

சார்ந்த செய்திகள்

 

Next Story

“கள்ளச்சாராயத்தை ஒழிக்க சட்டத் திருத்தத்தை அரசு கொண்டு வர வேண்டும்” - வேல்முருகன்

Published on 24/06/2024 | Edited on 24/06/2024
Govt should bring amendment to eliminate adulterated liquor says Velmurugan

தமிழக வாழ்வுரிமை கட்சியின் மாநில செயற்குழுக்கூட்டம் திருப்பத்தூர் மாவட்டம், ஏலகிரி மலையில்  நடந்தது. அக்கட்சியின் நிறுவனத்தலைவர் வேல்முருகன் சிறப்பு விருந்தினராகக் கலந்து கொண்டார். அப்போது, செய்தியாளர்களிடம் அவர் பேசும்போது, “தமிழகத்தில் அதிமுக, திமுக ஆட்சி செய்யும் போது கள்ளச்சாராய மரணம் தொடர்கிறது. இதைத் தடுக்க காவல் துறை, வருவாய்த் துறையினர் தீவிர நடவடிக்கை எடுக்க வேண்டும். 

இது தவிர கள்ளச்சாராய மரணம் நடைபெற்றால் அதற்கு அந்தந்தப் பகுதியில் உள்ள உள்ளளாட்சி பிரநிதிகள் தொடங்கி, சட்டப்பேரவை உறுப்பினர், மக்களவை உறுப்பினர்,  மாவட்ட அமைச்சர் என அனைவரும் அதற்கு பொறுப்பு ஏற்க வேண்டும். அதற்கான புதிய சட்ட திருத்தத்தை தமிழக அரசு கொண்டு வர வேண்டும். இது மட்டுமின்றி காவல் துறை மற்றும் வருவாய்த் துறையினரும் பொறுப்பேற்க வேண்டும். 

அப்போது தான் கள்ளச்சாராயம் இல்லாத மாநிலமாக தமிழகம் மாறும். தமிழகத்தில் சமூக நீதி நிலை நாட்ட வேண்டும். இங்கு ஜாதி வாரி கணக்கெடுப்பை அரசு தொடங்க வேண்டும். இந்தியாவில், பீஹார், கேரளா, கர்நாடகா, ஆந்திரா போன்ற மாநிலங்களில் ஜாதிவாரி கணக்கெடுப்பு பணி நடத்த நடவடிக்கை எடுக்கப்பட்டுள்ளது. ஆனால், தமிழகத்தில் அதற்கான அறிவிப்பு இதுவரை இல்லை. எனவே, சட்டப்பேரவையில் தற்போது மானிய கோரிக்கை நடந்து வருகிறது. இதில், காவல் துறையினர் மானியக்கோரியின் போது ஜாதிவாரி கணக்கெடுப்பு நடத்துவது குறித்து முதல்வர் மு.க.ஸ்டாலின் அறிவிக்க வேண்டும் என எதிர்பார்க்கிறோம். 

தமிழக அரசு போக்குவரத்து கழகத்தில் ஓட்டுநர் மற்றும் நடத்துநர் பணிக்கான ஆட்களை தேர்வு செய்யும்போது தகுதியுள்ளவர்களுக்கு நிரந்தரப்பணி வழங்க வேண்டும். வேலை வாய்ப்பு அலுவலகத்தில் பதிவு செய்துள்ளதுபடி முன்னுரிமை அடிப்படையில் வேலை வழங்கி சமூக நீதியை அரசு நிலை நாட்ட வேண்டும். பரந்தூர் மக்கள் வேறு மாநிலத்துக்கு குடியேறுவதாக அறிவித்துள்ளனர். எனவே, அங்கு விமான நிலையம் அமைப்பதற்கான முயற்சிகளை மத்திய அரசு கைவிட வேண்டும், அதற்கான நடவடிக்கைகளை தமிழக  அரசு  மேற்கொள்ள வேண்டும். 

தமிழகத்தில் மணல் திருட்டு அதிகரித்து வருகிறது. இங்கிருந்து ஆந்திரா, கர்நாடகா, கேரளா போன்ற மாநிலங்களுக்கு மணல்கடத்தப்படுகிறது. இதை அரசு இரும்பு கரம் கொண்டு தடுக்க வேண்டும்” என்று கூறினார்.

Next Story

பிரபல பிண்ணனி பாடகர் வேல்முருகன் கைது

Published on 13/05/2024 | Edited on 13/05/2024
play back singer velmurugan arrest for metro officer beating issue

தமிழில் பிரபல பிண்ணனி பாடகராக வலம் வருபவர் வேல்முருகன். சென்னை மதுரவாயல் பகுதியில் வசித்து வரும் இவர், நேற்று முன்தினம் விருகம்பாக்கம் ஆற்காடு சாலை வழியாக தனது காரில் சென்றுள்ளார். அப்போது அப்பகுதியில் மெட்ரோ பணிகள் நடைபெற்று வருகிறது. அதனால் இரும்பு தடுப்பு போடப்பட்டு அந்த சாலை தற்காலிகமாக மூடப்பட்டிருந்தது. அந்த இரும்பு தடுப்பை தள்ளிவிட்டு வேல்முருகன், சென்றதாக கூறப்படுகிறது. 

அதனால் அங்கு பணியிலிருந்த மெட்ரோ ரயில் கட்டுமான நிறுவனத்தின் ஊழியர் வேல்முருகனை கண்டித்துள்ளார். பின்பு வேல்முருகனும் ஊழியரிடம் கடுமையாக பேசியதாக கூறப்படும் நிலையில் இருவருக்கும் இடையே வாக்குவாதம் நடைபெற்றுள்ளது. ஒரு கட்டத்தில் வாக்குவாதம் முற்றி ஊழியரை வேல்முருகன் தாக்கியதாக சொல்லப்படுகிறது. இந்த மோதலில் காயமடைந்த வடிவேல் அங்குள்ள தனியார் மருத்துவமனைக்கு சிகிச்சைக்காக அனுமதிக்கப்பட்டு பின் வீடு திரும்பினார்.

இதனிடையே அந்த ஊழியர் விருகம்பாக்கம் காவல் நிலையத்தில் வேல்முருகனுக்கு எதிராக புகார் கொடுத்துள்ளார். இது தொடர்பாக விசாரணை நடத்தி வந்த காவல் துறையினர், தற்போது வேல்முருகனை கைது செய்துள்ளனர். பின்பு ஜாமீனில் அவர் வெளியே வந்துள்ளார். இது அப்பகுதியில் சற்று பரபரப்பை ஏற்படுத்தியுள்ளது. ஏற்கனவே இதே போன்று கடந்த மார்ச் மாதம் சென்னை விமான நிலையத்தில் வேல்முருகன், மது போதையில் சென்று பாதுகாப்பு அதிகாரிகளுடன் வாக்குவாதத்தில் ஈடுபட்ட வீடியோ சமூக வலைதளங்களில் வைரலானது குறிப்பிடத்தக்கது.