Skip to main content

தமிழர்களை கொச்சைப்படுத்தும் வெப் சீரிசை தடை செய்க! டெல்லிக்கு தமிழக அமைச்சர் அவசர கடிதம் ! 

Published on 25/05/2021 | Edited on 25/05/2021

 

Ban web series slandering Tamils! Tamil Nadu Minister's urgent letter to Delhi!


'தி ஃபேமிலி மேன் – 2' என்கிற ஹிந்தி வெப் சீரிசை அமேசான் ப்ரைம் விரைவில் ரிலீஸ் செய்யவிருக்கிறது. இதற்கான ட்ரைலர் சமூக வலைதளத்தில் சமீபத்தில் வெளியிடப்பட்டது. ட்ரைலரில் வெளியான பல காட்சிகள் தமிழர்களையும் விடுதலைப் புலிகளையும் கொச்சைப்படுத்துவதாகவும், அவர்களைப் பயங்கரவாதிகளாக சித்திரிப்பதாகவும் இருக்கிறது என சுட்டிக்காட்டி, அந்தத் தொடரை ரத்து செய்ய வேண்டும், ட்ரைலரைத் திரும்பப் பெற வேண்டும் என நாம் தமிழர் கட்சியின் தலைமை ஒருங்கிணைப்பாளர் சீமான் கடும் கண்டனங்களை எழுப்பியிருந்தார். இதனால், இந்த வெப் தொடர் குறித்த விவகாரங்கள் பரபரப்பானது.

 

இந்த நிலையில், சர்ச்சைகளை ஏற்படுத்தும் இந்த தொடரை வெளியிட தடை விதிக்க வேண்டும் என்று மத்திய தகவல் மற்றும் விளம்பரத் துறை அமைச்சர் பிரகாஷ் ஜவடேகருக்கு அவசர கடிதம் எழுதியிருக்கிறார் தமிழக தகவல் தொழில் நுட்பவியல் அமைச்சர் மனோ தங்கராஜ்.

 

இதுகுறித்து அவர் எழுதியுள்ள கடிதத்தில், “'தி ஃபேமிலி மேன் – 2' எனும் ஹிந்தி மொழியில் வெளியாகியுள்ள வெப் தொடரின் ட்ரைலர் காட்சிகள் மிகவும் கண்டனத்திற்குரியது. அந்த ட்ரைலரில் ஈழ விடுதலையைப் பற்றி இழிவாகவும், கொச்சையாகவும் பல காட்சிகள் இடம்பெற்றுள்ளன. இதனை ஏற்க முடியாது. அத்தகைய காட்சிகள் கண்டனத்திற்குரியது.

 

தமிழீழ மக்களின் நீண்டகால விடுதலைப் போராட்டம் ஜனநாயக ரீதியாக நடந்தவை. அத்தகைய போராட்டத்தைக் கொச்சைப்படுத்தியிருப்பது வேதனையைத் தருகிறது. புகழ்ப்பெற்ற தமிழ் கலாச்சாரத்திற்கு எதிரான அவமானங்களும் தூண்டுதல்களும் நிறைந்த ஒரு தொலைக்காட்சித் தொடர், எந்த விதத்திலும் பரந்த மதிப்பைக் கொண்டதாக கருத முடியாது. தமிழ் மொழி பேசும் நடிகை சமந்தாவை பயங்கரவாதியாக முத்திரைக் குத்துவது தமிழர்களின் பெருமைக்கு எதிரானது. இந்த வகையிலான, கீழ்த்தரமான, கேவலமான பிரச்சாரத்தை செய்யும் இந்த தொடரை தமிழகம் பொறுத்துக்கொள்ளாது.

 

இந்த தொடர், ஈழத் தமிழர்களை மட்டுமல்ல; உலகம் முழுவதும் உள்ள அனைத்து தமிழர்களையும் மிகவும் புண்படுத்தியிருகிறது. இந்த சூழலில், 'தி ஃபேமிலி மேன் – 2' வெப் தொடரை அமேசான் ஓ.டி.டி. தளத்தில் வெளியிட தடை விதிக்க வேண்டும். தமிழகத்தில் மட்டுமல்ல; உலகம் முழுவதும் ஒளிபரப்பத்  தடை விதிக்க வேண்டும்” என்று அந்தக் கடிதத்தில் குறிப்பிட்டிருக்கிறார் அமைச்சர் மனோ தங்கராஜ்.

 

 

சார்ந்த செய்திகள்

Next Story

ஒவ்வொரு வாரமும் வெள்ளிக்கிழமையில் 4 புதிய எபிசோடுகள்!

Published on 20/03/2024 | Edited on 20/03/2024
hot bread web series update

டிஸ்னி+ ஹாட்ஸ்டார் தளம், அதன் ஸ்பெஷல்ஸ் சீரிஸான 'ஹார்ட் பீட்' சீரிஸை மார்ச் 8 ஆம் தேதி சர்வதேச மகளிர் தினக் கொண்டாட்டமாக ஸ்ட்ரீம் செய்யத் துவங்கியது. இந்த சீரிஸில் நடிகை அனுமோல், தீபா பாலு, யோகலட்சுமி, தாபா, சாருகேஷ், ராம், சபரேஷ், சர்வா, பதினே குமார், குரு லக்ஷ்மன், ஜெயராவ், கிரி துவாரகேஷ், சந்திரசேகர், தேவிஸ்ரீ, கவிதாலயா கிருஷ்ணன், தியான்ஷ், ரியா, ஸ்மைல் செல்வா மற்றும் சரவணன் ராஜவேல் ஆகியோர் நடித்துள்ளனர்.

'ஏ டெலி பேக்டரி' நிறுவனம் இந்த சீரிஸை தயாரித்துள்ளது. இந்த சீரிஸை இயக்குநர் தீபக் சுந்தர்ராஜன் இயக்கியுள்ளார். ரெஜிமெல் சூர்யா தாமஸ் ஒளிப்பதிவு செய்துள்ளார். ஒரு மருத்துவமனையில் பணியாற்றும் மருத்துவர்களைச் சுற்றி நடக்கும் பரபரப்பு சம்பவங்கள் தான் ஹார்ட் பீட் சீரிஸின் கதைக்களம் எனத் தெரிவிக்கப்பட்டுள்ளது.

ஒவ்வொரு வாரமும் வெள்ளிக்கிழமையில், நான்கு எபிஸோடுகளாக ஒளிபரப்பாகி வரும் இந்த சீரிஸில், கடந்த வார இறுதி எபிஸோடில் ரீனா, மருத்துவர் ரதியின் மகள் எனும் டிவிஸ்ட் தெரிய வந்துள்ளது. மருத்துவமனையில் ரதி என்னும் மருத்துவருக்கு கீழ், புதிதாக வேலைக்குச் சேரும் ரீனா, தான்தான் மருத்துவர் ரதியின் மகள் எனும் உண்மையை உடைக்கிறாள்.

இந்த சூழ்நிலையில் ரீனாவின் கேள்விக்கு ரதியின் பதில் என்ன? ஏன் ரீனாவை பிறந்தவுடன் தன்னுடன் வளர்க்காமல் குழந்தைகள் காப்பகத்தில் விட்டுச் சென்றாள்? ரீனாவை மகளாக ஏற்றுக்கொண்டு தன் குடும்பத்தில் இணைத்துக் கொள்வாரா?. இத்தனை கேள்விகளுக்கு அடுத்தடுத்த எபிஸோடுகளில் பதில் காத்திருப்பதாக தெரிவிக்கப்பட்டுள்ளது.

Next Story

ஹார்ட் பீட் சீரிஸ் - அடுத்தடுத்து வெளியாகும் ட்விஸ்ட்

Published on 19/03/2024 | Edited on 19/03/2024
hot bread web series update

டிஸ்னி+ ஹாட்ஸ்டார் தளம், அதன் ஸ்பெஷல்ஸ் சீரிஸான 'ஹார்ட் பீட்' சீரிஸை மார்ச் 8 ஆம் தேதி சர்வதேச மகளிர் தினக் கொண்டாட்டமாக ஸ்ட்ரீம் செய்யத் துவங்கியது. இந்த சீரிஸில் நடிகை அனுமோல், தீபா பாலு, யோகலட்சுமி, தாபா, சாருகேஷ், ராம், சபரேஷ், சர்வா, பதினே குமார், குரு லக்ஷ்மன், ஜெயராவ், கிரி துவாரகேஷ், சந்திரசேகர், தேவிஸ்ரீ, கவிதாலயா கிருஷ்ணன், தியான்ஷ், ரியா, ஸ்மைல் செல்வா மற்றும் சரவணன் ராஜவேல் ஆகியோர் நடித்துள்ளனர்.

'ஏ டெலி பேக்டரி' நிறுவனம் இந்த சீரிஸை தயாரித்துள்ளது. இந்தத் சீரிஸை இயக்குநர் தீபக் சுந்தர்ராஜன் இயக்கியுள்ளார். ரெஜிமெல் சூர்யா தாமஸ் ஒளிப்பதிவு செய்துள்ளார். ஒரு மருத்துவமனையில் பணியாற்றும் மருத்துவர்களைச் சுற்றி நடக்கும் பரபரப்பு சம்பவங்கள் தான் ஹார்ட் பீட் சீரிஸின் கதைக்களம் எனத் தெரிவிக்கப்பட்டுள்ளது.

ஒவ்வொரு வாரமும் வெள்ளிக்கிழமையில், நான்கு எபிஸோடுகளாக ஒளிபரப்பாகி வரும் இந்த சீரிஸில், கடந்த வார இறுதி எபிஸோடில் ரீனா, மருத்துவர் ரதியின் மகள் எனும் டிவிஸ்ட் தெரியவந்துள்ளது. இனி என்ன நடக்கும், உண்மை தெரிய வரும்போது ரதி என்ன செய்வார்? ஏன் ரதி ரீனாவை ஒதுக்கி வைத்தார். ரதியின் குடும்பத்தில் ரீனா இணைவாரா? ஆகிய கேள்விகளுக்குப் பதில் அடுத்த எபிசோடுகளில் இருப்பதாக தெரிவிக்கப்பட்டுள்ளது.