Skip to main content

ஆட்சியர் அலுவலகத்தில் லஞ்ச ஒழிப்புத்துறையினர் சோதனை!

Published on 27/05/2024 | Edited on 27/05/2024
The anti-corruption department raided the collector's office

திண்டுக்கல் மாவட்ட ஆட்சியர் அலுவலகத்தில் லஞ்ச ஒழிப்பு போலீசார் திடீர் சோதனை செய்த சம்பவம் பரபரப்பை ஏற்படுத்தியுள்ளது.

திண்டுக்கல் மாவட்டத்தில் 14 ஊராட்சி ஒன்றியங்கள் உள்ளன. இந்த 14 ஒன்றியங்களின் கட்டுப்பாட்டில் 306 கிராம ஊராட்சிகள் உள்ளன. அதே சமயம் திண்டுக்கல் மாவட்ட ஆட்சியர் அலுவலக வளாகத்தில் ஊரக வளர்ச்சி தணிக்கைத்துறையின் உதவி இயக்குநர் அலுவலகம் செயல்பட்டு வருகிறது. இத்தகைய சூழலில் திண்டுக்கல் மாவட்டத்தில் உள்ள ஊராட்சி ஒன்றியம் மற்றும் கிராம ஊராட்சிகளின் வருடாந்திர வரவு செலவு கணக்குகளை ஊரக வளர்ச்சி தணிக்கை குழுவினர் கடந்த இரண்டு நாட்களுக்கு மேலாக ஆய்வு செய்து வருகின்றனர்.

இந்த ஆய்வின் போது ஊராட்சி ஒன்றியங்கள் மற்றும் ஊராட்சியைச் சேர்ந்த அதிகாரிகள் தனிக்கைத்துறை அதிகாரிகளுக்கு லஞ்சம் கொடுப்பதாகத் தகவல் வெளியாகி உள்ளது. இதனையடுத்து லஞ்ச ஒழிப்பு போலீசார் ஊரக வளர்ச்சி தணிக்கைத்துறையின் உதவி இயக்குநர் அலுவலகத்தில் அதிரடி சோதனை மேற்கொண்டனர். திண்டுக்கல் மாவட்ட லஞ்ச ஒழிப்புத்துறை துணை கண்காணிப்பாளர் நாகராஜன், ஆய்வாளர் ரூபா தலைமையிலான பத்துக்கும் மேற்பட்ட லஞ்ச ஒழிப்பு போலீசார் இந்தச் சோதனையில் ஈடுபட்டனர். அப்போது அதிகாரிகளிடமிருந்து கணக்கில் வராத பணத்தைப் பறிமுதல் செய்ததுடன் அதற்கான விபரங்களையும் சேகரித்து வருகின்றனர். 

சார்ந்த செய்திகள்

 

Next Story

அமைச்சர் உதயநிதியைச் சந்தித்து வாழ்த்து பெற்றார் திண்டுக்கல் எம்.பி

Published on 11/06/2024 | Edited on 11/06/2024
Dindigul MP ​​met and congratulated Minister Udhayanidhi

நடந்து முடிந்த பாராளுமன்ற தேர்தலில் திண்டுக்கல் பாராளுமன்ற தொகுதியில் போட்டியிட்ட சிபிஎம் வேட்பாளர் சச்சிதானந்தம் அமோக வெற்றி பெற்றார். திண்டுக்கல் பாராளுமன்ற தொகுதியில் திமுக கூட்டணியில் உள்ள மார்க்சிஸ்ட் கம்யூனிஸ்ட் இத்தொகுதியை ஒதுக்கியதின் பேரில் வேட்பாளராக சச்சிதானந்தம் களமிறங்கினார்.

இதில் ஊரக வளர்ச்சித்துறை அமைச்சர் ஐ.பெரியசாமி, உணவு மற்றும் உணவுப்பொருள் வழங்கல்துறை அமைச்சர் அர.சக்கரபாணி மற்றும் பழனி சட்டமன்ற உறுப்பினர் ஐ.பி.செந்தில்குமார் ஆகியோர்களின் தீவிர தேர்தல் பிரச்சாரத்துடன் கூட்டணி கட்சிகள் மற்றும் கட்சிப் பொறுப்பாளர்கள் தேர்தல் களத்தில் தீவிரமாக பிரச்சாரம் செய்ததின் மூலம் 4,43,821 ஓட்டுக்கள் வித்தியாசத்தில் அமோகமாக வெற்றி பெற்றதுடன் மட்டுமல்லாமல் தமிழகத்திலேயே மூன்றாவது இடத்தையும் சச்சிதானந்தம் பிடித்தார். 

அதுபோல் தன்னை எதிர்த்து போட்டியிட்ட எஸ்டிபிஐ கட்சி வேட்பாளர்  முகமது முபாரக்கை தவிர பா.ம.க. வேட்பாளர் திலகபாமா, நாம் தமிழர் கட்சி உட்பட சுயேட்சைகள் டெபாசிட் இழந்தனர். அந்த அளவுக்கு இரண்டு அமைச்சர்கள் முயற்சியினால்தான் இப்படி ஒரு வெற்றியை பெற்று இருக்கிறார் எனக் கூறப்படுகிறது. அதைக்கண்டு சிபிஎம் கட்சியின் மாநில தலைவர் பாலகிருஷ்ணன் உட்பட பலரும் சிபிஎம் வேட்பாளரின் வெற்றிக்காக உறுதுணையாக இருந்த இரண்டு அமைச்சர்கள் உட்பட ஐ.பி.செந்தில்குமாரை பாராட்டினார்கள். 

Dindigul MP ​​met and congratulated Minister Udhayanidhi

இதைத் தொடர்ந்து அமைச்சர்களான ஐ.பெரியசாமி மற்றும் சக்கரபாணி, எம்எல்ஏ செந்தில்குமார் ஆகியோர் வெற்றி பெற்ற சிபிஎம் வேட்பாளர் சச்சிதானந்தத்தை திமுக தலைவரும் முதல்வருமான ஸ்டாலினிடம் அழைத்துச் சென்று வாழ்த்து பெற்றனர். இதனையடுத்து அமைச்சர்கள் ஐ.பெரியசாமி மற்றும் சக்கரபாணி இருவருடன் சச்சிதானந்தம் இளைஞர் நலன்,  மற்றும் விளையாட்டுத்துறை அமைச்சர் உதயநிதி ஸ்டாலினை சந்தித்தார். அப்போது, அமைச்சர் உதயநிதி சச்சிதானந்ததிற்கு சால்வை அணிவித்து வாழ்த்து தெரிவித்தார்.

Next Story

10 ஆண்டுகளுக்குப் பிறகு கிராமங்கள் தோறும் பேருந்து வசதி! - அமைச்சர் ஐ.பெரியசாமிக்குப் பாராட்டு!

Published on 06/06/2024 | Edited on 06/06/2024
After 10 years, i.Periyasamy has provided bus facility in every village

திண்டுக்கல் மாவட்டத்தில் உள்ள ரெட்டியார்சத்திரம் ஒன்றியத்தில் இருக்கும் குட்டத்துப்பட்டி, குட்டத்து ஆவாரம்பட்டி, குஞ்சனம்பட்டி, வெயிலடிச்சான்பட்டி, மைலாப்பூர் ஆகிய கிராமங்களில் பூ விவசாயிகள் அதிகம். தங்கள் விளை பொருட்களை அருகில் உள்ள திண்டுக்கல்லுக்கு கொண்டு செல்ல பேருந்து வசதி இல்லாமல் அவதிப்பட்டு வந்தனர். ஆனால் பன்னிரெண்டு வருடங்களுக்கு முன்பு கடந்த திமுக ஆட்சியின் போது வருவாய் துறை அமைச்சராக இருந்த ஐ.பெரியசாமி குட்டத்துப்பட்டி கிராமத்திற்கு பேருந்து வசதி ஏற்படுத்திக்கொடுத்தார். மேலும் மினி வேன் வசதியும் செய்து கொடுத்தார்.

அதன் பின்னர் வந்த அதிமுக ஆட்சியில் பேருந்துகள் நிறுத்தப்பட்டதோடு மினி வேன்களை இயக்க முடியாமல் செய்துவிட்டனர். கடந்த பத்து வருடங்களாக சட்டமன்ற உறுப்பினராக இருந்த ஐ.பெரியசாமி தொடர்ந்து கோரிக்கை விடுத்தும் அதிமுக அரசு பேருந்து வசதி செய்து கொடுக்கவில்லை. அதன்பின்னர் தற்போது மீண்டும் ஆட்சி வந்தவுடன் ஊரக வளர்ச்சித்துறை அமைச்சர் ஐ.பெரியசாமியின் ஏற்பாட்டின்படி தற்போது புதியபேருந்துகள் மீண்டும் குட்டத்துப்பட்டி, குட்டத்து ஆவாரம்பட்டி, குஞ்சனம்பட்டி, வெயிலடிச்சான்பட்டி, மைலாப்பூர் உட்பட கிராமங்கள் தோறும் புதியவழித்தடத்தில் இயங்க ஆரம்பித்து விட்டன.

After 10 years, i.Periyasamy has provided bus facility in every village

புதிய பேருந்து இயக்க விழாவிற்கு ஊர்ப் பெரியதனக்காரர்கள் தலைமை தாங்கினார்கள். பொதுக்குழு உறுப்பினர் டென்னி, மாவட்ட ஊராட்சிக்குழு உறுப்பினர் சுதாசெல்வி ஆரோக்கியமேரி, குட்டத்துப்பட்டி ஊராட்சி மன்ற முன்னாள் தலைவர் ரோஸ்லின் சந்தானம், அமைப்புசாரா ஓட்டுநர் அணியைச் சேர்ந்த ராஜா, அவைத் தலைவர் மைலாப்பூர் சூசை, தகவல் தொழில்நுட்ப அணியைச் சேர்ந்த மரியசர்ச்சில் ஆகியோர் முன்னிலை வகித்தனர். ஊர் பெரிய தனக்காரர்கள் பஸ்டெப்போவைச் சேர்ந்த  செயலாளர் லியோரிச்சர்டு, பேருந்து ஓட்டுனர் ஆரோக்கியம், நடத்துநர் காளியப்பன் ஆகியோர்களுக்கு சால்வை அணிவித்து வாழ்த்து தெரிவித்தனர்.  அதன்பின்னர் பேருந்து வசதி தொடங்கியது.

இதுகுறித்து குட்டத்துப்பட்டி ஊராட்சியைச் சேர்ந்த பொதுக்குழு உறுப்பினர் டென்னி கூறும்போது, “தென்பாண்டி சிங்கம் எங்களின் வழிகாட்டி ஊரக வளர்ச்சித்துறை அமைச்சர் ஐ.பெரியசாமி எடுத்த நடவடிக்கையின் பயனாக புதிய பேருந்துகள் இயங்கத் தொடங்கி உள்ளன. எங்கள் ஊராட்சி கிராம மக்கள் மற்றும் பள்ளி மாணவர்கள், சமூக ஆர்வலர்கள் சார்பாக அமைச்சர் ஐ.பெரியசாமி அவர்களுக்கு எங்களுடைய மனமார்ந்த நன்றியைத் தெரிவித்துக் கொள்கிறோம்” என்று கூறினார்!