Skip to main content

அவசர ஊர்தியா? சாப்பாடு ஊர்தியா? - அதிர்ச்சி தரும் பகீர் வீடியோ 

Published on 07/09/2023 | Edited on 07/09/2023

 

Ambulance? Do you van food?-Shocking video

 

கோவையில் தனியார் மருத்துவமனை ஒன்றில் மருத்துவமனையின் கேண்டீனுக்கு கொண்டுவரப்படும் உணவு ஆம்புலன்ஸ் மூலமாக கொண்டு வரப்படும் வீடியோ காட்சிகள் இணையத்தில்  வைரலாகி வருகிறது.

 

கோவை சிங்காநல்லூர் பகுதியில் செயல்பட்டு வரும் என்.ஜி மருத்துவமனையில் இந்த சம்பவம் நிகழ்ந்துள்ளது. அவசர தேவைக்காகவும், விபத்தில் சிக்கியவர்களை மீட்கவும், ஒரு மருத்துவமனையில் இருந்து மற்றொரு மருத்துவமனைக்கு நோயாளிகளை மேல் சிகிச்சையாக கொண்டு செல்லவும் ஆம்புலன்ஸ் வாகனங்கள் பயன்படுத்தப்பட்டு வருகிறது. சில நேரங்களில் இப்படி மீட்கப்படுபவர்கள் ஆம்புலன்ஸ் வாகனத்திலேயே உயிரிழந்தும் விடுகின்றனர். இந்த நிலையில் என்.ஜி எனும் அந்த தனியார் மருத்துவமனையின் கேண்டீனில் பயன்படுத்தக்கூடிய பப்ஸ் உள்ளிட்ட உணவுப் பொருட்களை ஆம்புலன்ஸ் வாகனத்தில் வைத்து எடுத்து வந்து அதனை கேண்டீனுக்கு எடுத்து செல்லும் வீடியோ காட்சி ஒன்று இணையத்தில் வைரலாகி வருகிறது. சுகாதாரத்துறை இதுபோன்ற செயலில் ஈடுபடும் மருத்துவமனைகள் மீது நடவடிக்கை எடுக்க வேண்டும் என பலரும் இணையத்தில் கருத்து தெரிவித்து வருகின்றனர்.

 

 

சார்ந்த செய்திகள்

 

Next Story

ஆம்புலன்ஸை இயக்கிய சிறுவன்; வெளியான அதிர்ச்சி சிசிடிவி காட்சி 

Published on 23/05/2024 | Edited on 23/05/2024
The boy who drove the ambulance; Shocking CCTV footage released

அரசு மருத்துவமனையில் ஆம்புலன்சை சிறுவன் ஒருவன் ஓட்டிய போது விபத்து நிகழ்ந்த சம்பவம் கடலூரில் பரபரப்பை ஏற்படுத்தி இருக்கிறது. இது தொடர்பான சிசிடிவி காட்சிகளும் வெளியாகி மேலும் பீதியை ஏற்படுத்தி இருக்கிறது.

கடலூர் அரசு தலைமை மருத்துவமனைக்கு மாவட்டம் முழுவதிலுமிருந்தும் ஆயிரத்திற்கும் மேற்பட்ட உள் நோயாளிகள் மற்றும் புறநோயாளிகள் வந்து செல்கின்றனர். இதனால் அந்தப் பகுதியில் மருத்துவ அவசர சேவைக்காக அரசு 108 ஆம்புலன்ஸ் மற்றும் தனியார் ஆம்புலன்ஸ்கள் நிறுத்தி வைக்கப்பட்டுள்ளது. இந்நிலையில் மருத்துவமனை வளாகத்தின் வெளிப்புறத்தில் நிறுத்தி வைக்கப்பட்டிருந்த சிறிய ஆம்புலன்ஸ் திடீரென வேகமாக கட்டுப்பாட்டை இழந்து ஓடியது.

இது தொடர்பான சிசிடிவி காட்சிகளும் வெளியாகி இருந்தது. இந்த நிலையில் அந்த ஆம்புலன்ஸை இயக்கியது சிறுவன் என்பது தெரிய வந்தது. நோயாளியை அழைத்து வந்த ஆம்புலன்ஸ் டிரைவர் நோயாளியை உள்ளே அழைத்துச் சென்ற நேரத்தில் அங்கு நின்று கொண்டிருந்த சிறுவன் ஆம்புலன்ஸை இயக்க முற்பட்டுள்ளான். தாறுமாறாக ஓடிய ஆம்புலன்ஸ் இரண்டு பெண்கள் மீது மோதியது. இருவரும் படுகாயத்துடன் மீட்கப்பட்டு மருத்துவமனையில் சேர்க்கப்பட்டுள்ளனர். நேற்று நடந்த இந்தச் சம்பவத்தின் சிசிடிவி காட்சிகள் தற்போது வெளியாகி பரபரப்பை ஏற்படுத்தி இருக்கிறது.

Next Story

இறந்த முதியவரின் சடலம்; 7 கிலோ மீட்டர் தூரம் தூக்கிச் சென்ற அவலம்

Published on 03/05/2024 | Edited on 03/05/2024
 the corpse of a dead old man; 7 km of misery carried away

இறந்த முதியவரின் உடலை 7 கிலோ மீட்டர் தூரம் டோலி கட்டி தூக்கிச் சென்ற அவலம், சாலை வசதி இல்லாமல் மலை கிராம மக்கள் வேதனை

திருப்பத்தூர் மாவட்டம் வாணியம்பாடி அடுத்த ஆலங்காயம் அருகே  கடல் மட்டத்திலிருந்து 1500 அடி உயரத்தில் அமைந்துள்ளது நெக்னாமலை கிராமம். இங்கு  172 குடும்பங்களை சேர்ந்த  750 பேர் வசித்து வருகின்றனர். இந்த மலை கிராமத்திற்கு சுதந்திரம் பெற்ற நாளில் இருந்து இன்று வரை சாலை வசதி இல்லாமல் உள்ளது. இதனால் மக்கள் அன்றாட தேவைக்கும், மருத்துவ தேவைக்கு 7 கிலோமீட்டர் நடந்தே சென்று வரக்கூடிய சூழ்நிலையாக உள்ளது. அதே நேரத்தில் கர்ப்பிணி தாய்மார்கள் பிரசவ வலி ஏற்பட்டாலும் சரி, உயிரிழப்புகள் ஏற்பட்டாலும் சரி டோலி கட்டி தூக்கிச்செல்லும் அவல நிலையும் தொடர்ந்து வருகிறது.

கடந்த அதிமுக ஆட்சியின் போது மலை கிராம மக்களின் போராட்டம் நடத்தினர். அரசு சார்பில் நடவடிக்கை எடுப்பதற்கு பதில் தனிப்பட்ட முறையில் சட்டமன்ற தேர்தல் வந்ததால் மண் சாலை அமைத்துக்கப்பட்டது. ஆட்சி மாற்றத்திற்கு பின்  திமுக அரசு தார்சாலை அமைப்பதற்கான நடவடிக்கை தொடங்கியது. ஒன்றிய அரசில் வனத்துறை சட்டங்களை பாஜக அரசு திருத்தி பழஙம்குடியின மக்களை மலையில் இருந்து துரத்தும் வகையில் இருப்பதால் சாலை அமைப்பதில் சிக்கல் உருவாகியுள்ளது. 

இதனால் நெக்னாமலை மக்கள் முழு சாலை வசதி இல்லாததால் உடல் நலம் குன்றியவர்களை டோலி கட்டி தூக்கி செல்லும் அவல நிலைக்கு தள்ளப்பட்டுள்ளனர்.இந்நிலையில் மலை கிராமத்தை சேர்ந்த 78 வயதான முதியவர் முத்து உடல்நிலை சரியில்லாமல் வேலூரில் உள்ள தனது மகள் வீட்டில் தங்கி சிகிச்சை பெற்று வந்தார். மே 2 ஆம் தேதி மதியம் அவர் திடீரென உயிரிழந்தார். அந்த முதியவரின் உடலை சொந்த ஊரான நெக்னாமலை கிராமத்திற்கு கொண்டு செல்ல அமரர் ஊர்தியில் கொண்டு வந்தனர். சாலை வசதி சரியாக இல்லாததால் வாகனம் நின்றது. உடலை கீழே இறக்கி சடலத்தை டோலி கட்டி தூக்கி சென்றனர். 

சின்னத்திரை நடிகர் பாலா நெக்னாமலை கிராமத்திற்கு புதிய ஆம்புலன்ஸ் ஒன்றை  வழங்கினார். அந்த மண் சாலையில் கற்கள் பெயர்ந்து  ஆம்புலன்ஸ் செல்ல முடியாமல் உள்ளது.சுதந்திரம் அடைந்து 77 ஆண்டுகள் ஆகியும் தங்கள் கிராமத்திற்கு சாலைவசதி இல்லாமல் இருக்கிறது என மலை கிராம மக்கள் வேதனை தெரிவித்துள்ளனர்.