Skip to main content

ஊரக உள்ளாட்சி தேர்தலில் போட்டியிட்ட தொல்.திருமாவளவனின் தம்பி மனைவி வெற்றி!

Published on 04/01/2020 | Edited on 04/01/2020

தமிழ் நாட்டில் ஊரகப் பகுதிகளுக்கான  உள்ளாட்சி தேர்தல் கடந்த மாதம் 27, 30 என  2 தேதிகளில் 2 கட்டங்களாக நடைபெற்றது.நடத்தப்பட்ட இந்த தேர்தலில் பதிவான வாக்குகள் ஜனவரி இரண்டாம் தேதி மற்றும் மூன்றாம் தேதி வாக்குகள் எண்ணப்பட்டு முடிவுகள் அறிவிக்கப்பட்டது. இதில் தமிழகம் முழுவதும் 315 மையங்களில் வாக்குகள் எண்ணப்பட்டது. தேர்தல் நடந்த 27 மாவட்டங்களில் மொத்தம் உள்ள 515 இடங்களில் 272 மாவட்ட கவுன்சிலர் பதவிகளை திமுக கைப்பற்றியுள்ளது. இந்த தேர்தலில் அதிமுக கூட்டணி 240 இடங்களை கைப்பற்றியுள்ளது. மேலும் ஒன்றிய கவுன்சிலரில் திமுக கூட்டணி 2356 இடங்களையும், அதிமுக கூட்டணி 2136 இடங்களையும் கைப்பற்றியுள்ளது.
 

vck



 

vck



இந்த நிலையில் அரியலூர் மாவட்டம் செந்துறை வட்டத்தில் சன்னாசிநல்லூர், அயன்தத்தனூர் ஆகிய கிராம ஊராட்சிகளை கொண்ட இந்த ஒன்றியக்குழுவில் ஒன்றியக் குழு உறுப்பினா் பதவிக்கு விடுதலை சிறுத்தைகள் கட்சித் தலைவர் திருமாவளவனின் தம்பி செங்குட்டுவனின் மனைவி செல்வி குலையுடன் கூடிய தென்னை மரம் சின்னத்தில் போட்டியிட்டு அவரை எதிர்த்த அதிமுக வேட்பாளரை விட செல்வி 1362 வாக்குகள் கூடுதலாக பெற்று வெற்றி பெற்றார். 

 

சார்ந்த செய்திகள்

 

Next Story

‘2026 தேர்தலை எதிர்கொள்ள ஒருங்கிணைப்புக்குழு அமைப்பு’- தி.மு.க தலைவர் மு.க.ஸ்டாலின் அறிவிப்பு

Published on 20/07/2024 | Edited on 20/07/2024
DMK chief M.K.Stal's announcement Formation of coordination committee to face 2026 elections

2026 சட்டமன்ற தேர்தலை எதிர்கொள்ள திமுகவில் ஒருங்கிணைப்புக்குழு அமைப்பு மேற்கொள்ளப்படும் என தி.மு.க தலைவரும், தமிழக முதல்வரும் மு.க.ஸ்டாலின் அறிவித்துள்ளார். இது குறித்து தமிழக முதல்வர் மு.க.ஸ்டாலின் தெரிவித்துள்ளதாவது, ‘2024 நாடாளுமன்றத் தேர்தலுக்கு முன்பாக கழகப் பணிகளை ஒருங்கிணைக்கவும், மேற்பார்வையிடவும் அமைக்கப்பட்ட ஒருங்கிணைப்புக்குழு தனது பணிகளை மிகச் சிறப்பாகச் செய்தது.

அதே வகையில் வரவிருக்கும் 2026 சட்டமன்றத் தேர்தலை எதிர்கொள்ளும் பொருட்டு, கழகத்தில் மேற்கொள்ள வேண்டிய மாறுதல்கள் - அமைப்பு ரீதியான சீரமைப்புகளைக் கழகத் தலைவருக்கும் தலைமைக்கும் பரிந்துரைக்கவும், தேவையான நடவடிக்கைகளை மேற்கொள்ளவும் “ஒருங்கிணைப்புக்குழு” பின்வருமாறு அமைக்கப்படுகிறது.

அதன்படி, அமைச்சர் கே.என்.நேரு, ஆர்.எஸ்.பாரதி, எ.வ.வேலு, தங்கம் தென்னரசு, உதயநிதி ஸ்டாலின் ஆகியோர் இந்தக் குழுவில் இடம்பெற்றுள்ளனர். இவர்கள் கட்சியில் மேற்கொள்ள வேண்டிய மாற்றங்கள், அமைப்பு ரீதியான சீரமைப்புகளைப் பரிந்துரைப்பது உள்ளிட்ட நடவடிக்கைகளை மேற்கொள்வார்கள்’ எனத் தெரிவித்துள்ளார். 

Next Story

ஹாரிஸ் ஜெயராஜ் இசையில் கவனம் ஈர்க்கும் ‘மக்காமிஷி’

Published on 20/07/2024 | Edited on 20/07/2024
jayam ravi brother first single released

சிவா மனசுல சக்தி, பாஸ் என்ற பாஸ்கரன் போன்ற வெற்றி படங்களைக் கொடுத்தவர் இயக்குநர் ராஜேஷ்.எம். ஆனால் கடந்த சில ஆண்டுகளாக அவர் இயக்கிய படங்கள் தொடர்ந்து தோல்வியடைந்து வருகிறது. இந்த சூழலில் தற்போது அவர், இயக்கி வரும் படம் பிரதர். இதில் ஜெயம் ரவி, பிரியங்கா மோகன் உள்ளிட்டோர் நடிக்கின்றனர். மேலும் பூமிகா, விடிவி கணேஷ், நட்டி நட்ராஜ் உள்ளிட்ட பலர் நடிக்கின்றனர். ஸ்கிரீன் சீன் தயாரிக்கும் இப்படத்திற்கு ஹாரிஸ் ஜெயராஜ் இசையமைக்கிறார். 

இப்படத்தின் அறிவிப்பு கடந்த ஆண்டு  செப்டம்பரில் ஃபர்ஸ்ட் லுக் போஸ்டருடன் வெளியானது. அதன்பிறகு எந்த அப்டேட்டும் வெளியாகாத நிலையில் சமீபத்தில் இப்படத்தின் பாடலின் உரிமையை ‘திங் மியூசிக்’ ஆடியோ வாங்கியிருப்பதாக அறிவிப்பு வெளியானது. மேலும் தமிழ் மற்றும் தெலுங்கில் இப்படம் வெளியாகவுள்ளதாக தெரிவிக்கப்பட்டது. இதையடுத்து படத்தின் சாட்டிலைட் மற்றும் டிஜிட்டல் உரிமையை ‘ஜீ தமிழ்’ நிறுவனம் வாங்கியுள்ளதாக அறிவிக்கப்பட்டது. 

இதனைத் தொடர்ந்து இப்படத்தின் முதல் பாடல் ‘மக்காமிஷி’ என்ற பாடல் வெளியாகவுள்ளதாக தகவல் வெளியானது. அதை உறுதிப்படுத்தும் விதமாக படத்தின் இசையமைப்பாளர் ஹாரிஸ் ஜெயராஜ் அவரது சமூக வலைத்தளப் பக்கத்தில், ‘வாட் இஸ் மக்காமிஷி?’ என்ற போஸ்டரை பகிர்ந்திருந்தார். இதையடுத்து இப்பாடல் இன்று வெளியாகும் என அறிவிக்கப்பட்ட நிலையில் தற்போது பாடல் வெளியாகியுள்ளது. இப்பாடலை பால் டப்பா என்பவர் எழுதி பாடியுள்ளார். ஜாலியான மோடில் இப்பாடல் அமைந்துள்ளது. சில வருடங்களுக்கு முன்பு ஹாரிஸ் ஜெயராஜ் இசையில், ‘ஹசிலி ஃபிசிலி...’, ‘நாணி கோணி...’ என்று கவனம் ஈர்க்கும் பாடல் வரிகள் இடம்பெற்றது. அந்த வரிசையில் இந்த ‘மக்காமிஷி’ பாடலும் அமைந்துள்ளது.