Skip to main content

மிகப்பெரிய அளவில் போராட்டம்: வேல்முருகன் அறிவிப்பு

Published on 10/09/2019 | Edited on 10/09/2019

 

நெய்வேலி என்.எல்.சி நிறுவனத்தில் பணியாற்றும் ஒப்பந்த தொழிலாளர்கள் மற்றும் இன்கோர்வ்,  ஹவுசிங் தொழிலாளர்கள் பணி நிரந்தரம்,  சம வேலைக்கு சம ஊதியம், மருத்துவ சிகிச்சை உள்ளிட்ட பல்வேறு கோரிக்கைகளை வலியுறுத்தி கடந்த பல ஆண்டுகளாக தொடர்ந்து பல்வேறு போராட்டங்களை நடத்தி வருகின்றனர்.

 

nlc



இந்நிலையில்  என்.எல்.சி நிர்வாகம் அனைத்து கட்சி ஒப்பந்த தொழிலாளர்கள் சங்கத்தினரிடம் பேச்சுவார்த்தை நடத்தியதையடுத்து பேச்சுவார்த்தை மூலம் தீர்வு காண்பதற்கு தி.மு.க, அ.தி.மு.க, பா.ம.க, காங்கிரஸ் உள்ளிட்ட தொழிற்சங்கத்தினர்  ஒப்புதல் தெரிவித்தனர் அதனால் அக்கட்சிகளின் போராட்ட நடவடிக்கை தள்ளிவைக்கப்பட்டது. 
 


அதேசமயம் சி.ஐ.டி.யு,  தமிழக வாழ்வுரிமைக் கட்சி, வி.சி.க, ஏ.ஐ.டி.யு.சி, ஜீவா ஒப்பந்த தொழிலாளர்கள் சங்கம் ஆகிய தொழிற்சங்கங்கள் சார்பில் நேற்று வேலைநிறுத்த அறிவிக்கை பேரணி நடைபெற்றது. நெய்வேலி டிஎஸ்பி லோகநாதன் தலைமையிலான போலீசார் பேரணியை வழியிலேயே தடுத்து நிறுத்தி 5 பேர் மட்டுமே தலைமை அலுவலகத்திற்கு செல்லுமாறு அறிவுறுத்தினார்.
 

முக்கிய நிர்வாகிகள் என்எல்சி மனிதவளத்துறை முதன்மை பொது மேலாளர் தியாகராஜுவை சந்தித்து கோரிக்கை மனு மற்றும் வேலைநிறுத்த அறிக்கையை வழங்கினர். பிறகு பேசிய வேல்முருகன் "நெய்வேலியில் துரோக அரசியல் நடக்கிறது.  ஏற்கனவே ஒப்பந்த தொழிலாளர்களுக்கு துரோக ஒப்பந்தம் போடப்பட்டுள்ளது என்றும் கடலூர் எம்.பி ரமேஷ் ஒப்பந்த தொழிலாளர்கள் பிரச்சனை குறித்து பாராளுமன்றத்தில் பேச வேண்டும்". மேலும் பேசிய அவர் " ஒப்பந்த தொழிலாளர்கள் கோரிக்கைகள் குறித்து என்எல்சி நிர்வாகம் உடனடியாக பேச்சுவார்த்தை நடத்தி சுமூக தீர்வு காண வேண்டும் அப்படி இல்லை என்றால் 15 நாட்களுக்கு பிறகு தமிழக அளவில் பெரிய அளவிலான போராட்டம் நடத்தப்படும்" என்றார்.   


 

சார்ந்த செய்திகள்

 

Next Story

பழனி கோவில் நிர்வாகத்தை கண்டித்து போராட்டம் அறிவிப்பு

Published on 10/07/2024 | Edited on 10/07/2024
Notice of protest against Palani temple management

பழனி தேவஸ்தான நிர்வாகத்தை கண்டித்து ஜூலை 13 தேதி கவன ஈர்ப்பு கடையடைப்பு நடைபெறும் என பழனி நகர் மன்றம் சார்பில் அறிவிப்பு வெளியாகியுள்ளது.

திண்டுக்கல்லில் அமைந்துள்ள பிரசித்தி பெற்ற கோவிலான பழனி தண்டாயுதபாணி முருகன் கோவிலின் கிரிவலப் பாதை 1948 ஆம் ஆண்டு முதல் பழனி நகராட்சி நிர்வாகத்திற்கு கட்டுப்பாட்டில் இருந்தது. இந்நிலையில் அண்மையில் நீதிமன்றத்தில் தொடுக்கப்பட்ட வழக்கு ஒன்றில் பழனி கிரிவலப் பாதையில் உள்ள ஆக்கிரமிப்புகளை அகற்றவும், கிரிவலப் பாதையில் எந்த விதமான வாகனங்கள் செல்லவும் தடை விதித்து தனி நீதிபதி உத்தரவிட்டிருந்தார்.

மேலும் கிரிவலப் பாதையில் உள்ள ஆக்கிரமிப்புகளை அகற்றவும், அதனை ஆய்வு செய்யவும் ஓய்வு பெற்ற நீதிபதி பாரதிதாசன் தலைமையில் குழு ஒன்று அமைக்கப்பட்டது. அதனைத் தொடர்ந்து பழனி அடிவாரம் பகுதியில் உள்ள 150க்கும் மேற்பட்ட ஆக்கிரமிப்பு கட்டிடங்கள் அகற்றப்பட்டது. இதனால் ஆயிரக்கணக்கான சிறு குறு வியாபாரிகள் பாதிக்கப்பட்டதாக போராட்டங்கள் எழுந்தது. இதற்கான மாற்று ஏற்பாடுகளை செய்ய வேண்டும் என நகராட்சி மன்ற கூட்டத்தில் பழனி கோவில் நிர்வாகத்திற்கு எதிராக தீர்மானங்கள் நிறைவேற்றப்பட்டது. இந்நிலையில் கோவில் நிர்வாகத்தைக் கண்டித்து நகர்மன்றம் சார்பில் ஜூலை 13ம் தேதி அனைத்து கடைகளும் அடைக்கப்பட்டு கவன ஈர்ப்பு போராட்டம் நடைபெறும் என அறிவிக்கப்பட்டுள்ளது. ஜூலை 13ஆம் தேதி ஓய்வு பெற்ற நீதிபதி பாரதிதாசன் தலைமையிலான குழு வர உள்ள நிலையில், அந்த தேதியில் போராட்டம் அறிவிக்கப்பட்டது குறிப்பிடத்தகுந்தது.

Next Story

என்.எல்.சி தொழிலாளி உயிரிழப்பு; உறவினர்கள் முற்றுகை போராட்டம்

Published on 08/07/2024 | Edited on 08/07/2024
 Relatives siege protest on  NLC worker incident

கடலூர் மாவட்டம் நெய்வேலி என்.எல்.சி இந்தியா லிமிடெட் என்ற நிலக்கரி நிறுவனம் செயல்பட்டு வருகிறது. இங்கு, சுரங்கம் 1, சுரங்கம் - 1 விரிவாக்கம், சுரங்கம் 2 என மூன்று திறந்தவெளி சுரங்கம் மூலம் நிலக்கரி வெட்டி எடுக்கப்பட்டு மின் உற்பத்தி செய்யப்பட்டு வருகின்றன. 

இந்த நிலையில், நெய்வேலி அருகே புது இளவரசன்பட்டு கிராமத்தைச் சேர்ந்த அன்பழகன்(42) என்ற தொழிலாளி இன்று வழக்கம்போல் பணிக்கு சென்றுள்ளார். அப்போது, அவர் அங்குப் பணியாற்றிக் கொண்டிருந்த போது கன்வேயர் பெல்ட்டில் சிக்கி சம்பவ இடத்திலேயே பரிதாபமாக உயிரிழந்தார். இதனைக் கண்ட, சக தொழிலாளர்கள், அன்பழகனி உடலை மீட்டு வெளியே கொண்டு வந்து ஆம்புலன்சில் ஏற்றினர்.

அப்போது, அன்பழகனின் உறவினர்கள் மற்ற தொழிலாளர்களும் ஆம்புலன்சை வழிமறித்து கதறி அழுதனர். மேலும், அவர்கள் நிலக்கரி சுரங்கத்தை முற்றுகையிட்டு போராட்டத்தில் ஈடுபட்டு வருகின்றனர். இதனால், அப்பகுதியில் பரபரப்பை ஏற்படுத்தி வருகிறது. 

The website encountered an unexpected error. Please try again later.