Skip to main content

“சாத்தான்குளத்தில் தவறு செய்தவர்களை முதல்வர் காப்பாற்ற மாட்டார்..” -அமைச்சர் கே.டி.ராஜேந்திரபாலாஜி உறுதி! 

Published on 30/06/2020 | Edited on 30/06/2020
K. T. Rajenthra Bhalaji

 

சிவகாசி ஊராட்சி ஒன்றிய பகுதிகளில்,  சட்டமன்ற உறுப்பினர் நிதியிலிருந்து, கட்டிடங்கள் கட்டுவதற்கான அடிக்கல் நாட்டு விழாவில் கலந்துகொண்ட தமிழக பால்வளத்துறை அமைச்சர் கே.டி.ராஜேந்திரபாலாஜி, செய்தியாளர்களை சந்தித்தார். 

அப்போது செய்தியாளர்கள் எழுப்பிய கேள்விகளும், கே.டி.ராஜேந்திரபாலாஜி அளித்த பதில்களும்.. 


கேள்வி: கரோனா தடுப்பு பணியில் தமிழக அரசின் செயல்பாடுகள் சரியில்லை என்கிறாரே காங்கிரஸ் தலைவர் கே.எஸ்.அழகிரி?

பதில்: குறை கூறுபவர்கள் குறை சொல்லிக் கொண்டுதான் இருப்பார்கள். கரோனா தாக்கத்தினால் தமிழ்நாட்டில் தண்ணீர் தட்டுப்பாடோ, மின் தடையோ,  வேறு எந்த ஒரு பிரச்சனையுமோ மக்களுக்கு இல்லை. 

 

கேள்வி: சாத்தான்குளம் சம்பவத்தில் தவறு செய்தவர்களைக் காப்பாற்ற நினைக்கிறாரா தமிழக முதல்வர்?

பதில்: சாத்தான்குளம் சம்பவத்தில், தவறு செய்தவர்களைக்  காப்பாற்றும் முயற்சியை முதல்வர் ஒருபோதும் எடுக்க மாட்டார்.  அதனால்தான்,  சிபிஐ விசாரணைக்கு பரிந்துரைத்துள்ளார்.  

 

கேள்வி: கரோனா தாக்கம் அதிகமாக இருக்கும்போது, முதல்வரும் அமைச்சர்களும், மாவட்ட ஆட்சியர்களையும், அதிகாரிகளையும் பணி செய்யவிடாமல் தடுத்து, அடிக்கல் நாட்டு விழா, பூமி பூஜை போன்றவற்றில் கவனம் செலுத்துகிறார்கள் என்று விருதுநகர் எம்.பி. மாணிக்கம் தாகூர் குற்றம் சாட்டுகிறாரே? 

பதில்: மக்கள் பிரதிநிதிகள், அமைச்சர்கள், முதலமைச்சர் என  யாருமே கிராமப் பகுதிகளுக்குள் செல்லவில்லை என்றால், மக்களுக்கு பயம் வந்துவிடும். அதனால்தான் அனைத்து பகுதிகளுக்கும் செல்கிறோம்.  கரோனாவுக்கு முதலில் மருந்தே மன தைரியம்தான். மன தைரியத்தைக் கொடுக்கும் ஒரு ஆட்சியாக,  எடப்பாடியார் ஆட்சி இருக்கிறது.  மாவட்ட ஆட்சியர் மற்றும் அரசு அதிகாரிகளை எதற்காகவும், எப்போதும், பணி செய்யவிடாமல் தடுப்பது கிடையாது. அவர்கள் அனைவருமே அவர்களது பணியை செய்து கொண்டுதான் இருக்கிறார்கள்.

 

கேள்வி: மு.க.ஸ்டாலின் கூறும் அறிவுரைகளை அரசு ஏன் கண்டுகொள்வதில்லை?  

பதில்: தமிழக அரசுக்கு ஸ்டாலின் கூறும் அறிவுரைகள் அனைத்தும் ஆக்கப்பூர்வமாக இருந்தால், முதல்வர் ஏற்றுக் கொள்வார். அவை, அக்கப்போராக அல்லவா இருக்கிறது.

 

 

சார்ந்த செய்திகள்

 

Next Story

கணவனின் திருமணத்தை மீறிய உறவைக் கண்டித்த மனைவி; அடுத்து நடந்த சோகம்!

Published on 20/07/2024 | Edited on 20/07/2024
A wife who condemned her husband's adulterous relationship

நீலகிரி மாவட்டம் குன்னூர் பகுதியைச் சேர்ந்தவர் மணிகண்டன் (32). இவர் எலெஜ்ட்ரீசியனாக வேலை பார்த்து வந்தார். இவருக்கு திருமணமாகி பெண் குழந்தைகள் உள்ளனர். இந்த நிலையில், மணிகண்டனுக்கும், அதே பகுதியைச் சேர்ந்த ஒரு பெண்ணுக்கும் பழக்கம் ஏற்பட்டுள்ளது. 

அவர்களுக்குள் ஏற்பட்ட பழக்கம் நாளடைவில், திருமணத்தை மீறிய உறவாக மாறியது. இந்த விவகாரம், மணிகண்டனின் குடும்பத்துக்கு தெரியவர, தனது பெண் தோழியோடு எடப்பாடி அருகே வளையசெட்டியூர் பகுதியில் வசித்து வந்துள்ளார். இதனிடையே, தனது கணவர் காணாததைக் கண்டு அதிர்ச்சியடைந்த மணிகண்டனின் மனைவி மற்றும் உறவினர்கள் பல்வேறு இடங்களில் தேடி வந்தனர். 

பின்னர், மணிகண்டன் வளையசெட்டியூர் பகுதியில் இருப்பதை அறிந்த அவரது மனைவி அந்த இடத்துக்கு சென்று மணிகண்டனின் தகாத உறவைக் கண்டித்ததோடு மட்டுமல்லாமல் தன்னோடு வரும்படி அழைத்துள்ளார். இதில் கோபமடைந்த மணிகண்டன் வீட்டை விட்டு வெளியேறி அருகே உள்ள மதுபானக் கடை அருகில் விஷம் குடித்துள்ளார். இதுகுறித்து தகவல் அறிந்த உறவினர்கள், மணிகண்டனை மீட்டு மருத்துவமனையில் அனுமதித்தனர். ஆனால், அங்கு அவர் சிகிச்சை பலனின்றி பரிதாபமாக உயிரிழந்தார். இந்தச் சம்பவம் தொடர்பாக, போலீசார் வழக்குப்பதிவு செய்து விசாரணை நடத்தி வருகின்றனர். கணவன் வைத்திருந்த தகாத உறவை மனைவி கண்டித்ததால், எலெக்ட்ரீசியன் தற்கொலை செய்துகொண்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது. 

Next Story

'நகைக்காகப் பாசத்தைப் பொழிந்த மாமியார்; மருமகள் எடுத்த சோக முடிவு

Published on 19/07/2024 | Edited on 19/07/2024
'Mother-in-law who showered affection on jewelry; A sad decision taken by the daughter-in-law

நகை கொடுக்கல் வாங்கல் பிரச்சனையில் மருமகள் மாமியார் இடையே ஏற்பட்ட சண்டையில் மருமகள் தூக்கிட்டு தற்கொலை செய்துகொண்ட சம்பவம் சென்னை தாம்பரம் அருகே பரபரப்பை ஏற்படுத்தியுள்ளது.

சென்னை தாம்பரம் பவானி நகர் பகுதியில் வசித்து வருபவர்கள் பிரேம்குமார்-மஞ்சுளா தம்பதி. ஆட்டோ ஓட்டி வந்த பிரேம்குமார் டிவி ஷோரூமில் பணியாற்றி வந்த மஞ்சுளாவை சில ஆண்டுகளுக்கு முன் காதலித்து இரு வீட்டார் சம்மதத்துடன் திருமணம் செய்து கொண்டதாக கூறப்படுகிறது. தொடர்ந்து மருமகள் மஞ்சுளாவை நன்கு கவனித்து வந்த மாமியார் சித்ரா, மஞ்சுளா அணிந்திருந்த 15 சவரன் நகைகளில் 12 சவரன் நகையை அவசர தேவைக்காக கேட்டுள்ளார்.

மஞ்சுளாவும் மாமியார் சித்ராவிற்கு நகைகளை கொடுத்ததாகக் கூறப்படுகிறது. இந்நிலையில் நான்கு மாதங்களுக்கு பிறகு தன்னுடைய நகையை திரும்பத் தரும்படி மாமியார் சித்ராவிடம் மஞ்சுளா கேட்டுள்ளார். ஆரம்பத்தில் பாசத்தை பொழிந்த மாமியார் சித்ரா மருமகள் மீண்டும் நகையை கேட்டதால் ஆத்திரமடைந்து வாக்குவாதத்தில் ஈடுபட்டார். இதனால் அடிக்கடி மாமியார் மருமகள் இருவருக்கும் இடையே சண்டை ஏற்பட்டது. இதனால் மணிமங்கலத்தில் தனியாக வீடு எடுத்து பிரேம்குமாரும் மஞ்சுளாவும் வசித்து வந்தனர்.

இந்நிலையில் கணவன் பிரேம்குமாரிடம் நகையைக் கேட்டு வாங்கி தரும்படி மஞ்சுளா கேட்ட பொழுது பிரேம்குமாருக்கும் மஞ்சுளாவிற்கும் இடையே வாக்குவாதம் ஏற்பட்டு சண்டை ஏற்பட்டது. இதனால்  வீட்டின் அறைக்குள் சென்ற மஞ்சுளா பல மணி நேரமாகியும் வெளியே வராததால் பிரேம்குமார் அக்கம் பக்கத்தினர் உதவியுடன் அறையின் கதவை உடைத்துக் கொண்டு சென்ற பொழுது உள்ளே மின்விசிறியில் மஞ்சுளா தூக்கிட்டு தற்கொலை செய்து கொண்டது அதிர்ச்சியை ஏற்படுத்தியது. இந்த சம்பவத்தில் தற்கொலை செய்து கொண்ட மஞ்சுளா இரண்டு மாதம் கர்ப்பமாக இருந்ததாகவும் தகவல்கள் வெளியாகியுள்ளது. 

மஞ்சுளாவின் உடல் பிரேதப் பரிசோதனைக்காக மருத்துவமனைக்கு அனுப்பி வைக்கப்பட்டது. இந்த தகவலை அறிந்த பெண்ணின் உறவினர்கள் அந்த பகுதியில் உள்ள சாலையில் அமர்ந்து, உடனடியாக தன்னுடைய மகளின் உயிரிழப்பு காரணமானவர்களை உடனடியாக கைது செய்ய வேண்டும் எனப் போராட்டத்தில் ஈடுபட்டதால் பரபரப்பு ஏற்பட்டது. அங்கு வந்த போலீசார் சமாதானப்படுத்தி போராட்டம் நடத்தியவர்களை அங்கிருந்து அனுப்பி வைத்தனர்.