Skip to main content

ஓ.பி.எஸ். தம்பி ஓ.ராஜாவுக்கு கரோனா! தொற்று பரவியது எப்படி?

Published on 29/06/2020 | Edited on 29/06/2020
o raja

 

தேனி மாவட்டத்தில் உள்ள ஓபிஎஸ்-ஸின் சொந்த ஊரான பெரியகுளத்தில் கடந்த 10 நாட்களுக்கும் மேலாக கரோனா தொற்று தீவிரமாக பரவி வருகிறது. அதைக்கண்டு சுகாதாரத்துறையினர் நகரிலுள்ள பல பகுதிகளுக்கு சீல் வைத்தும், ஊரடங்கு உத்தரவும் கடுமையாகக் கடைப்பிடித்தும் வருகிறார்கள். அதனாலேயே துணை முதல்வர் ஓபிஎஸ் கடந்த சில தினங்களுக்கு முன்பு தேனி வந்தும் கூட கரோனா பீதியால் பெரியகுளம் செல்லாமல் போடியில் வீடு எடுத்து தங்கினார். 

ஓபிஎஸ் தம்பி ஓ.ராஜா தேனி மாவட்ட ஆவின் தலைவராக இருந்து வருகிறார். அவருடைய  வீடும் ஓபிஎஸ் பழைய வீடு அருகிலேயே இருக்கிறது. இந்த நிலையில் பெரியகுளத்தில் கரோனா தொற்று அதிகமாக பரவி வருவதை கண்டு சுகாதாரத்துறையினர் வீடு வீடாக சென்று பரிசோதனை செய்து வந்தனர். அதுபோல் ஓபிஎஸ்ஸின் தம்பி ஓ.ராஜாவுக்கும் சுகாதாரத் துறையை சேர்ந்த தினேஷ் குமார் என்பவர் நான்குமுறை தொடர் பரிசோதனை செய்தும்கூட கரோனா தொற்று இல்லை என (NEGATIVE) வந்தது. இருந்தாலும் பெரியகுளம் நகர் பகுதியில் கரோனா வைரஸ் அதிகமாக பரவி வருவதை கண்ட ஓ.ராஜா இனிமேல் இங்கே இருக்கக்கூடாது என மாமனார் ஊரான போடி அருகே இருக்கும் போடேந்திரபுரத்திற்கு கடந்த ஒரு வாரத்துக்கு முன்பு குடும்பத்துடன் போய் தங்கியிருக்கிறார்.

இந்த நிலையில்தான் நேற்று சுகாதாரத் துறையினர் அப்பகுதியில் வீடு வீடாக சென்று கரோனா பரிசோதனை செய்தனர். அப்போது சுகாதாரத் துறையினர் ஓ. ராஜா வீட்டுக்கும் சென்று கரோனா பரிசோதனை செய்தபோது ஓ.ராஜாவுக்கு கரோனா (POSITIVE) இருப்பது உறுதி செய்யப்பட்டது. அதைக்கண்டு ஓ.ராஜா அதிர்ச்சி அடைந்துவிட்டார். உடனே ஓ.ராஜாவை மதுரைக்கு அழைத்துச் சென்று, அப்போலோ மருத்துவமனையில் சிகிச்சையில் சேர்க்கப்பட்டதின் மூலம் ஓ. ராஜாவுக்கு கரோனா சிகிச்சை அளிக்கப்பட்டு வருகிறது. இதேபோல் அதே மருத்துவமனையில் ஓ. ராஜாவின் மனைவியும் கரோனா தொற்று காரணமாக அனுமதிக்கப்பட்டுள்ளார். இதனிடையே போடேந்திரம்புரம் முழுவதும் சுகாதாரத்துறையினர் கிருமி நாசினி அடித்து ஓ. ராஜாவுடன் தொடர்பில் இருந்தவர்களை தனிமைப்படுத்தி வருகிறார்கள்.  

 

சார்ந்த செய்திகள்

 

Next Story

நியோ மேக்ஸ் மோசடி வழக்கு; காவல்துறையினருக்கு நீதிமன்றம் கெடு!

Published on 12/07/2024 | Edited on 12/07/2024
Court time for the police for Neo Max Fraud Case

மதுரையைத் தலைமையிடமாகக் கொண்டு நியோ மேக்ஸ் என்ற நிதி நிறுவனம் செயல்பட்டு வந்தது. இந்த நிறுவனத்திற்கு சுமார் 20க்கும் மேற்பட்ட கிளை நிறுவனங்களும் உள்ளன. அதிக வட்டி தருவதாகக் கூறி மக்களிடம் கோடிக்கணக்கில் மோசடி செய்யப்பட்டது. இந்த மோசடி தொடர்பாக நெல்லை, பாளையங்கோட்டை, ராமநாதபுரம் உள்ளிட்ட பல்வேறு கிளைகளை நிர்வகித்து வந்த நிர்வாகிகள் கைது செய்யப்பட்டு சிறையில் உள்ளனர். கைது செய்யப்பட்டவர்களில் முக்கிய சில நபர்களுக்கு ஜாமீன் வழங்கப்பட்டுள்ளது. மேலும், இந்த வழக்கை சிபிஐக்கு மாற்றக்கோரியும், சிலருக்கு வழங்கப்பட்ட ஜாமீனை ரத்து செய்யக்கோரியும் ஏராளமான வழக்குகள் தாக்கல் ஆகின. 

இந்த வழக்குகள் அனைத்து மதுரை உயர்நீதிமன்ற கிளை நீதிபதி தண்டபானி முன்னிலையில் விசாரணைக்கு வந்தது. அனைத்து தரப்பு வாதங்களை கேட்ட நீதிபதி, ‘நிதி நிறுவனங்களில் ஆசை வார்த்தையை நம்பி 3.6 லட்சம் பேர் பாதிக்கப்பட்டிருக்கிறார்கள். இதில், 11,709 பேர் மட்டுமே தங்களுடைய முதலீட்டுகளை திரும்ப பெற்றிருக்கிறார்கள். இந்த வழக்கை பொறுத்தவரை குற்றம் சாட்டப்பட்டவர்கள் விசாரணைக்கு முழுமையான ஒத்துழைப்பு தர வேண்டும். தங்களிடம் முதலீடு செய்தவர்களின் விபரங்கள், முதலீடு செய்யப்பட்ட தொகை, நிறுவனத்திற்கு சொந்தமான இடங்கள், சொத்துக்கள் ஆகிய முழு விவரங்களையும் பொருளாதார குற்றப்பிரிவு காவல்துறையினரிடம் வழங்க வேண்டும். 

அதே போல், பாதிக்கப்பட்டவர்கள் இந்த விவகாரம் தொடர்பாக முழுவதுமாக அறியும் வகையிலும், மோசடி குறித்து பாதிக்கப்பட்டவர்கள் புகார் செய்யும் விதமாகவும் பரந்த அளவில் விளம்பரம் செய்யப்பட வேண்டும். இதன் மூலம், பாதிக்கப்பட்டவர்களிடம் இருந்து புகார்களை பெறுவதில் பொருளாதார குற்றப்பிரிவு காவல்துறையினர் முனைப்பு காட்ட வேண்டும். பாதிக்கப்பட்ட மக்களிடம் இருந்து புகார்களை பெற்று, இந்த வழக்கு தொடர்பான அனைத்து விசாரணைகளையும் முடித்து 15 மாதங்களில் சிறப்பு நீதிமன்றத்தில் பொருளாதார குற்றப்பிரிவு காவல்துறையினர் குற்றப்பத்திரிகை தாக்கல் செய்ய வேண்டும்” என உத்தரவு பிறப்பிக்கப்பட்டுள்ளது. 

Next Story

தம்பியின் உடலை மீட்டுத் தாருங்கள்; ஆட்சியர் காலில் விழுந்து கதறிய அக்கா

Published on 11/07/2024 | Edited on 11/07/2024
sister asked collector to return body of her brother who passed away in Malaysia

வேலூர் மாவட்டம் காட்பாடி அடுத்த சேவூர் பகுதியைச் சேர்ந்தவர் அனுன் தேவராஜ் (39). இவர் எலக்ட்ரீசியன் வேலை தேடி மலேசியா சென்ற நிலையில் அங்கு இன்று காலை திடீரென உயிரிழந்துள்ளார். அவரது உடலை மீட்டுத்தரக்கோரி இன்று காட்பாடி அடுத்த சேவூர் பகுதியில் நடைபெற்ற ஊரகப் பகுதிகளில் மக்களுடன் முதல்வர் நிகழ்ச்சியில் மனு அளிக்க வந்த உயிரிழந்த அணு தேவராஜன் சகோதரி விக்டோரியா மாவட்ட ஆட்சியர் சுப்புலட்சுமி காலில் விழுந்து கதறி விழுந்த காட்சி அனைவரையும் சோகத்தில் ஆழ்த்தியது.

“எப்படியாவது எனது தம்பியின் உடலை மீட்டுத் தாருங்கள்..” எனக் கோரிக்கை வைத்து மயக்கம் அடைந்து கீழே விழுந்ததால் அவரை மருத்துவர்கள் பரிசோதித்துப் பிறகு அங்கிருந்து ஆம்புலன்ஸ் மூலமாக மருத்துவமனைக்கு சிகிச்சையாக அழைத்துச் சென்றனர். இங்கிருந்து தூதரகத்திற்கு தகவல் கொடுக்கப்பட்டுள்ளது. விரைவில் நடவடிக்கை எடுக்கப்படும் என மாவட்ட ஆட்சியர் பதிலளித்துள்ளார்.

The website encountered an unexpected error. Please try again later.