Skip to main content

ஓட்டுக்கு பணம் வாங்க மாட்டோம்... கிராம மக்கள் தீர்மானம்...

Published on 21/12/2019 | Edited on 21/12/2019

 

ஓட்டுக்கு பணம் வாங்க மாட்டோம் என ஊர் கூட்டத்தில் பங்கேற்ற மக்கள் தீர்மானம் நிறைவேற்றியுள்ளனர். 
 

கடலூர் மாவட்டம், குறிஞ்சிப்பாடி ஒன்றியத்திற்கு உட்பட்ட வாணதிராயபுரம் ஊராட்சியில் உள்ளது எம்.ஜி.ஆர் நகர். உள்ளாட்சித் தேர்தல் வருவதையொட்டி இந்தப் பகுதி மக்கள் கூட்டம் ஒன்றை நடத்தினர். கூட்டத்தில் ஓட்டுக்கு பணம் வாங்க மாட்டோம் என்று தீர்மானம் நிறைவேற்றியுள்ளனர்.
 

மேலும், பொது மக்களின் அத்தியாவசிய தேவைகளான, குடிநீர் வசதி, மின்சார வசதி, சாலை வசதி, ஆகியவைகளை தங்கு தடையில்லாமல் செய்யகூடிய,  தமிழக அரசின் திட்டங்களை நல்லமுறையில் செயல்படுத்த கூடிய  வேட்பாளர்களுக்கே நமது வாக்குகளை ஜனநாயக முறைபடி அளிக்க வேண்டும் எனவும், ஊர் கூட்டத்தில் பேசபட்டு ஒருமனதாக தீர்மானம் நிறைவேற்றபட்டது.

 

Village People decision


 

வாணதிராயபுரம் ஊராட்சியில், வாணதிராயபுரம், தென்குத்து, தென்குத்து புதுநகர், கல்லுகுழி, வேலுடையான்பட்டு ஆகிய கிராமங்களை உள்ளடக்கியது குறிப்பிடத்தக்கது. வாணதிராயபுரம் ஊராட்சி ஒன்பது வார்டுகளைக் கொண்டதாவும், மொத்தம் 4936 வாக்குகளை கொண்டாதவும் உள்ளன.
 

வாணதிராயபுரம் ஊர் கூட்டத்தில் ஓட்டுக்கு பணம் வாங்க மாட்டோம் என்று நிறைவேற்றப்பட தீர்மானத்தால், இப்பகுதியில் பெரும் பரபரப்பு ஏற்பட்டுள்ளது. ஓட்டுக்கு பணம் வாங்க மாட்டோம் என்று தீர்மானம் நிறைவேற்றி அதை உறுதியாக கடைபிடித்து வரும் எம்ஜிஆர் நகர் பகுதியை சேர்ந்த சமூக ஆர்வலர் சாமிநாதனிடம் சந்தித்தோம்.


 

அப்போது அவர், பொதுவாக உள்ளாட்சி பதவிகளிலும் மட்டுமல்ல, எம்எல்ஏ மற்றும் எம்பி போன்ற பதவிகளுக்கு போட்டியிடுபவர்களிடம் வாக்காள்கள் கைநீட்டி பணம் வாங்கிவிட்டு ஓட்டுப்போடும் நிலை உள்ளது. அதனால் மக்கள் அவர்களிடம் தங்கள் பகுதியின் அடிப்படை தேவைகளை திட்டங்களை செய்து தரக்கோரி உரிமையாக கேட்க முடியவில்லை.
 

அண்ணன் தம்பியாக இருந்தாலும் கூட போட்டியிடும் வேட்பாளர்களிடம் பணம் வாங்கிக் கொண்டால் நாம் அவர்களை தட்டிக் கேட்க முடியாது. பணம் வாங்கி கொண்டு தானே ஓட்டு போட்டீங்கன்னு நேருக்கு நேர் எதிர்க் கேள்வி கேட்கிறார்கள். எனவே தான் எங்கள் ஊர் மக்கள் அனைவரும் ஒற்றுமையுடன் கூடி அமர்ந்து பேசி யாரும் எந்த வேட்பாளரிடம் ஓட்டுக்கு பணம் வாங்குவதில்லை, வாங்கக் கூடாது என்ற உறுதியுடன் முடிவெடுத்து உள்ளோம்.


 

எங்கள் கோரிக்கைகள் என்னவென்றால், எங்கள் பகுதிக்கு  தேவையான அடிப்படைத் தேவைகளை உடனுக்குடன் செய்து கொடுக்க வேண்டும். அப்படி செய்து கொடுப்பதாக எந்த வேட்பாளர் உறுதி அளிப்பவர்களுக்கு வாக்களிப்பதற்கு தயாராகி உள்ளோம். எங்கள் ஊர் முடிவு எடுத்தது போல், தமிழக மக்களும் இதுபோன்று முடிவெடுத்தால் அரசு திட்டங்கள் முறையாக மக்களுக்குப் போய்ச் சேரும். தமிழகம் தன்னிறைவு பெறும். இதை அனைத்து மக்களும் கடைப்பிடிக்க வேண்டும் என்பதே எங்கள் ஊர்மக்களின் விருப்பம் என்கிறார்.
 

இந்த ஊராட்சியில் ஊராட்சி தலைவர் பதவிக்கு ஆறுமுகம், பழனிவேல், வைத்தியநாதன், சர்க்கரையா என நான்கு பேர் போட்டியிடுகின்றனர். இந்த நால்வரில் ஆறுமுகம் 2001 முதல் 2006 வரை ஊராட்சித் தலைவராக இருந்துள்ளார். மற்ற மூவரும் களத்திற்கு புதியவர்கள். நால்வரில் யார் வெற்றி பெறப்போகிறார்கள் என்பதை இந்த ஊர் மக்கள் மட்டுமல்ல, சுற்று வட்டார கிராம மக்களும் ஆவலோடு எதிர்நோக்கி உள்ளனர்.
 


 
 

சார்ந்த செய்திகள்

 

Next Story

மாநகராட்சி குடிநீர் குழாயில் எலும்புத்துண்டு, இறைச்சி கழிவு; ஆய்வில் ஷாக்

Published on 18/06/2024 | Edited on 18/06/2024
A piece of bone, meat waste in the municipal drinking water pipe; Shock in the study

குடிநீர் விநியோகம் செய்யும் குழாயிலிருந்து எலும்புத் துண்டுகள் மற்றும் இறைச்சி கழிவுகள் வெளியானது கோவை மாவட்டம் மேட்டுப்பாளையத்தில் அதிர்ச்சியைக் கொடுத்திருக்கிறது.

கோவை மேட்டுப்பாளையம் 21வது வார்டு கொண்டையூர் பகுதி குடியிருப்பில் மாநகராட்சி சார்பில் குடிநீர் விநியோகம் நடைபெற்று வரும் நிலையில் கடந்த ஒரு வாரமாகவே தண்ணீர் துர்நாற்றத்துடன் வருவதாக பொதுமக்கள் குற்றச்சாட்டு வைத்திருந்தனர். எதனால் குடிநீரில் துர்நாற்றம் வருகிறது என அதிகாரிகள் ஆய்வு செய்ய வேண்டும் என வலியுறுத்தி வந்தனர். இந்நிலையில் அப்பகுதிக்கு தண்ணீர் விநியோகிக்க கட்டப்பட்ட தொட்டியில் இருந்து கீழே வரும் குடிநீர் குழாய்களை குழி தோண்டி மாநகராட்சி அதிகாரிகள் பார்த்த பொழுது அதில் எலும்பு துண்டுகளும் இறைச்சி கழிவுகளும் வந்தது அதிர்ச்சியைக் கொடுத்தது.

ஒருவேளை குடிநீர் தொட்டியில் பறவை ஏதேனும் விழுந்து உயிரிழந்து அதன் எலும்புகள், இறைச்சி கழிவுகள் குழாயில் வெளியேறியதா? அல்லது வேறு ஏதேனும் நிகழ்ந்ததா என்பது தொடர்பாக ஆய்வு செய்து வருகின்றனர். மாநகராட்சி குடிநீர் விநியோகத்தில் எலும்புகள் மற்றும் இறைச்சி கழிவுகள் வந்தது 21வது வார்டு கொண்டையூர் பகுதி மக்களுக்கு அதிர்ச்சியைக் கொடுத்துள்ளது.

Next Story

படிப்பிற்காகப் பிள்ளைகளின் பாசத்தை இழக்கும் பெற்றோர்! - கண்டுகொள்ளாத எம்.எல்.ஏ!

Published on 08/06/2024 | Edited on 08/06/2024
hill dwellers are suffering from restlessness near Javvadu Malai range

வேலூர் மாவட்டத்தில் பல்வேறு மலைக்கிராமங்கள் உள்ளன.  அவற்றுள் அணைக்கட்டு தாலூக்காவில் ஜவ்வாதுமலை தொடரில் அமைந்துள்ள பீஞ்சமந்தை ஊராட்சியில் சுமார் 48 மலைக்கிராமங்கள் உள்ளனர். இந்த ஊராட்சியைச் சேர்ந்த மலை கிராமங்களான கட்டியப்பட்டு, தேந்தூர், புளிமரத்தூர், பாலாண்டூர், புதூர், கோராத்தூர், சாட்டாத்தூர், குடிகம், புதுகுப்பம், குப்சூர், பிள்ளையார் குட்டை, பெரிய கொட்டான்சட்டு, சின்ன கொட்டான் சட்டு, நாச்சிமேடு உள்ளிட்ட 14 க்கும் மேற்பட்ட மலைக்கிராமங்களில் சிறியவர்கள், முதியவர்கள், இளைஞர்கள் என சுமார் 12 ஆயிரத்திற்கும் மேற்பட்ட மக்கள் வசித்து வருகின்றனர்.

இவர்கள் மலைக்கிராமத்தில் இருந்து தங்களுடைய அடிப்படை தேவைகளுக்கும் அன்றாட தேவைகளுக்கும் மலையிலிருந்து கிழே இறங்கி சுமார் 12 கிலோ மீட்டர் தொலைவில் உள்ள ஒடுகத்தூர் பகுதிக்குத்தான் செல்லவேண்டிய சூழலில் உள்ளனர். மேலும் அவசர தேவையான மருத்துவ வசதிக்கு கூட ஒடுகத்தூர் தான் வரவேண்டும்.

இந்த நிலையில் இவர்கள் பயன்படுத்தும் சாலை ஒடுகத்தூர் அடுத்த பெரிய ஏரியூர் எனும் கிராமத்தில் இருந்து கட்டியப்பட்டு மலைக்கிராமம் வரையில் உள்ள சாலையே இவர்களின் பிரதான சாலையாகவும் இருந்து வருகிறது. மேலும் இந்தச் சாலையானது கடுமையாக சேதமடைந்து குண்டும் குழியுமாக காட்சியளிக்கிறது இதனால் இந்த மலைவாழ் மக்கள் கடும் சிரமங்களைச் சந்தித்து வருகின்றனர்.

கடந்த 2001ஆம் ஆண்டு இந்தச் சாலையை மலைவாழ் மக்களே வனத்துறையினர் எதிர்பையும் மீறி தங்களுக்காக அந்தப் பகுதியில் தற்காலிக மண்சாலையை அமைத்து கொண்டுள்ளனர். இதன் பின்னர் கடந்த 2019ஆம் ஆண்டு வனத்துறையினர் மூலம் ரூ.4.80 கோடி மதிப்பீட்டில்  சாலை அமைக்க நிதி ஒதுக்கீடு செய்யப்பட்டு சாலை அமைக்கும் பணி ஆனது துவங்கி நடைபெற்று வந்ததாகவும் அந்தச் சாலை பணியும் முழுமையாக போடப்படாமல் ஆங்காங்கே சிறிது தொலைவிற்கு சாலைகள் போடப்பட்டதாகவும் அப்பகுதி மக்கள் குற்றம் சாட்டி வருகின்றனர்.

அதேபோல் சிறிது தொலைவிற்கு போடப்பட்ட சாலைகளும் நான்கு ஆண்டுகள் கூட நிறைவடையாத நிலையில் சேதம் அடைந்து விட்டதாகவும் மலைவாழ் மக்கள் தெரிவித்தனர். மேலும் இங்கு சரியான சாலை வசதி இல்லாததாலும் கல்வி கற்க உயர்நிலை மேல்நிலைப் பள்ளிகள் இல்லாததாலும் இந்தப் பகுதியில் உள்ளவர்கள் தங்களின் பிள்ளைகளை சுமார் 50 கிலோமீட்டர் தொலைவில் உள்ள காட்பாடி பகுதியிலும் 30 கிலோமீட்டர் தொலைவில் உள்ள பள்ளிகொண்டா பகுதியிலும் உள்ள பள்ளிகளில் சேர்த்து அரசு விடுதிகளில் தங்க வைத்து படிக்க வைத்து வருகின்றனர்.  இதனால் தங்களின் பிள்ளைகளுக்கு தங்கள் மீது பாசம் இல்லாமல் இருப்பதாகக் கடும் மன வேதனையுடன் பாசத்திற்காக ஏங்கி வருவதாகவும் கூறுகின்றனர்.

hill dwellers are suffering from restlessness near Javvadu Malai range

இதனைத் தொடர்ந்து மலையில் உள்ள கர்ப்பிணிகள் பிரசவிக்கும் போது அவர்களை அழைத்துச் செல்ல வரும் ஆம்புலன்ஸ் கூட மேலேயே பிரசவம் பார்த்த பின்னர்தான் அவர்களை கீழே அழைத்துச் சென்று மருத்துவமனையில் சேர்ப்பதாகவும் சாலை வசதி சரியாக இல்லாததால் நடுவழியில் பிரசவித்தால் பிரச்சனை ஏற்படும் என ஆம்புலன்ஸ் ஓட்டுநர்கள் கூட சில சமயங்களில் பயப்படுவதாக தெரிவிக்கின்றனர். எனவே முறையான மருத்துவ வசதிகளும் சாலை வசதியும் இருந்தால் பயப்படாமல் எங்கள் ஊரிலே நாங்கள் பிரசவம் பார்த்துக் கொள்வோம் என்று கூறுகின்றன.

இதேபோல் இந்தப் பகுதியில் உள்ள மக்கள் தங்களின் ஊராட்சி மன்ற அலுவலகத்திற்கு செல்ல வேண்டும் என்றாலும் கூட பீஞ்சமந்தை மலைக்கிராமத்திற்கு செல்ல வேண்டும் அவ்வாறு செல்ல சுமார் 26 கிலோ மீட்டர் தொலைவிற்கு பயணிக்க வேண்டிய சூழல் நிலவுகிறது. எனவே தங்கள் ஊராட்சியே தனி ஊராட்சியாகவும் பிரித்து தர வேண்டும் எனவும் கோரிக்கை வைக்கின்றனர். அதேபோல் அவசர தேவைக்கான மருத்துவ வசதிகளும் சாலை வசதிகளும் ஏற்படுத்தித் தர வேண்டும் என்பது இவர்களின் பிரதான கோரிக்கையாக இருந்து வருகிறது.

இது குறித்து தொகுதியின் எம்எல்ஏவாக இரண்டாவது முறையாக வெற்றி பெற்றுள்ள நந்தகுமாரிடம் முறையிட்ட போது பெரியதாக இதன் மீது ஆர்வம் காட்டவில்லை என மக்கள் குறை கூறினர். தமிழக அரசும் மாவட்ட நிர்வாகமும் உடனடியாக நடவடிக்கை எடுக்க வேண்டும் என அப்பகுதி மக்கள் சாலையில் நின்று கோஷங்கள் எழுப்பி தங்களுடைய கோரிக்கைகளை முன் வைத்தனார்.