Skip to main content

உடன்கட்டை ஏறுதல்; அண்ணாமலைக்கு சீமான் கேள்வி

Published on 17/09/2023 | Edited on 17/09/2023

 

"Does Annamala accept or reject Ambedkar's opinion?" - Seaman

 

தமிழ்நாடு முற்போக்கு எழுத்தாளர்கள் கலைஞர்கள் சங்கத்தின் சார்பில் நடைபெற்ற சனாதன ஒழிப்பு மாநாட்டில் கலந்துகொண்டு பேசிய அமைச்சர் உதயநிதி, “டெங்கு, மலேரியா, கொரோனா இதையெல்லாம் நாம் எதிர்க்கக் கூடாது, ஒழித்துக் கட்ட வேண்டும். அப்படித்தான் இந்த சனாதனமும். சொந்த மாநில மக்களை இரண்டு குழுக்களாகப் பிரித்து கலவரத்தை மூட்டி உள்ளார்கள். இதுதான் சனாதனம். சனாதனத்தை எதிர்ப்பதை விட, ஒழிப்பதே நாம் செய்ய வேண்டிய முதல் காரியம்” எனக் கூறியிருந்தார்.

 

அமைச்சர் உதயநிதி ஸ்டாலின் பேசியது இந்தியா முழுவதும் பெரும் அதிர்வலைகளையும் சர்ச்சைகளையும் ஏற்படுத்தியது. பாஜக, இந்துத்துவா அமைப்புகள் போன்றவை அமைச்சர் உதயநிதிக்கு எதிராகக் கருத்து தெரிவித்து வருகின்றனர். இருப்பினும் அவரது பேச்சுக்கு ஆதரவான கருத்துகளும் குவிந்தன. இந்த நிலையில், செப்டம்பர் 2-ஆம் தேதி வள்ளுவர் கோட்டத்தில் பா.ஜ.க. சார்பில் போராட்டம் நடத்தப்பட்டது. அதில் பாஜக தலைவர் அண்ணாமலை படையெடுப்பின் பிறகு தான் உடன்கட்டை ஏறும் பழக்கம் வந்தது என பேசியிருந்தார். 

 

இந்நிலையில், சென்னை வளசரவாக்கத்தில் நாம் தமிழர் கட்சியின் தலைமை ஒருங்கிணைப்பாளர் சீமான் செய்தியாளர்களைச் சந்தித்தார். அபோது, அண்ணாமலையின் கருத்து குறித்தும், சாதியை குறித்த ஆளுநர் ஆர்.என்.ரவி கூறிய கருத்துகள் குறித்தும் செய்தியாளர்கள் கேள்வி எழுப்பினர். அதற்கு பதில் அளித்த சீமான், “வரலாற்றை திரித்து உண்மைக்கு புறம்பான இந்த கட்டுக்கதைகளையே நம்பவைத்தவர்கள் இவர்கள். 

 

புராணம், இதிகாசம், இலக்கியம் சுவைப்பட பேசுவதில் பொய்கள் இருக்கும். வரலாறு என்றும் பொய் பேசாது. வெள்ளையர்கள் இங்கு வரும்போதே தீண்டாமை இருந்தது. தோள் சீலை போராட்டம், எச்சிலை தரையில் துப்பாமல் கொட்டாங்குச்சியில் துப்பிய காலம், தெருவில் நடக்கக்கூடாது, குளத்தில் தண்ணீர் எடுக்கக் கூடாது, வேட்டியை முட்டிக்கு மேல் கட்ட வேண்டும் என்பதெல்லாம் இருந்தது. 

 

பாதி வெள்ளையாக இருக்கும் பிராமணர் தொட்டால் தீட்டு எனும்போது, முழு வெள்ளையாக இருந்த ஆங்கிலேயர் வந்து தொட்டனர். அதன் காரணமாகவே மக்கள் கிறிஸ்துவத்தை ஏற்றுக்கொண்டனர். இது தான் வரலாறு. சனாதன தர்மத்திற்கு எதிராக புரட்சி செய்தவர்கள் பலர். அதில், வள்ளலார் சன்மார்க்கம் என்பதையும், வைகுண்டர் அன்பு மார்க்கம் என்பதையும் தோற்றுவிக்கிறார்கள். வெள்ளையர்கள் வந்து தான் சமத்துவத்தை உருவாக்கினார்கள். 

 

நீங்கள் குலக் கல்வி வைத்து, எங்களை கல்வி கற்க கூடாது என்று வைத்திருந்தீர்கள். வெள்ளையர்கள் வந்துதான் பள்ளிக்கூடங்கள் கட்டி எங்களை படிக்கவைத்தனர். பிறகு அவர்கள் இங்கு சனாதனத்தையும், சாதியும் கொண்டுவந்தார்கள் என்று பேசுவதா.

 

ஒரு தனிமனிதன் 10 ஆயிரம் புத்தகங்கள் படிக்கமுடியும். அம்பேத்கர் 60 ஆயிரத்திற்கும் மேற்பட்ட புத்தகங்களை படித்தவர். அவர், மூன்று ஆயிரம் வருடமாகத் தான் இந்த வர்ணாசிரம கோட்பாடும் சனாதன கோட்பாடும் வந்தது என்கிறார். அதுவும் ஆரியர் வருகைக்கு பிறகு என எழுதியிருக்கிறார். அண்ணாமலையும், ஆளுநர் ஆர்.என். ரவியும் இதனை ஏற்கிறார்களா அல்லது எதிர்க்கிறார்களா? 

 

வெள்ளையர்கள் நாட்டில் நிறவெறி உள்ளது சாதி இருக்கிறதா? எங்களுக்கு இயற்கை வழிபாடு இருக்கிறது; மூத்தோர்கள் தெய்வங்கள். எங்களுக்கு எரிப்பது வழக்கமே கிடையாது. நீங்கள் தீயை வழிபடுபவர்கள்” என்று பேசினார். 

 

 

சார்ந்த செய்திகள்

 

Next Story

கள்ளக்குறிச்சி சென்ற சாட்டை துரைமுருகன்; சூழ்ந்துகொண்ட திமுகவினர்; கைகலப்பால் பரபரப்பு

Published on 21/06/2024 | Edited on 21/06/2024
nn

கள்ளக்குறிச்சியில் கள்ளச்சாராயம் குடித்து 40க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் அதிகரித்து வருகிறது. அந்த வகையில் கள்ளச்சாராயம் குடித்து உயிரிழந்தோர் எண்ணிக்கை 48 ஆக உயர்ந்துள்ளது. இதுவரையில் கள்ளக்குறிச்சி மருத்துவமனையில் 27 பேரும், சேலம் மருத்துவமனையில் 15 பேரும், விழுப்புரம் மருத்துவமனையில் 4 பேரும், புதுச்சேரி ஜிப்மர் மருத்துவமனையில் 3 பேர் என மொத்தம் 49 பேர் உயிரிழந்துள்ளனர். இதில் 4 பெண்களும் அடங்குவர். மேலும் 89 பேருக்கு மருத்துவமனையில் சிகிச்சை அளிக்கப்பட்டு வருகிறது.

பல்வேறு அரசியல் கட்சித் தலைவர்கள், திரை பிரபலங்கள் எனப் பலரும் கள்ளச்சாராய உயிரிழப்பு சம்பவத்திற்கு இரங்கல்களையும், தடுக்க தவறியதாக ஆட்சி நிர்வாகத்திற்கு கண்டனங்களையும் தெரிவித்து வருகின்றனர். இந்நிலையில் நாம் தமிழர் கட்சியின் நிர்வாகியும், 'சாட்டை' என்ற யூடியூப் சேனல் நடத்தி வருபவருமான சாட்டை துரைமுருகன் கள்ளக்குறிச்சி சென்றுள்ளார். இறந்தவர்களின் குடும்பங்களுக்கு ஆறுதல் சொன்ன நிலையில், ஒரு இடத்தில் சூழ்ந்துகொண்ட அந்தப்பகுதி திமுக சட்டமன்ற உறுப்பினரின் ஆதரவாளர்கள் சிலர் சாட்டை துரைமுருகனிடம் வாக்குவாதத்தில் ஈடுபட்டனர். இதில் சிலர் சாட்டை துரைமுருகனை தாக்க முயன்றனர். கைகலப்பில் ஈடுபடும் அளவிற்கு சூழ்நிலை உருவானதால் அங்கிருந்த நாம் தமிழர் கட்சி நிர்வாகிகள் அவரை காரில் ஏற்றி அனுப்பிவைத்தனர். இதனால் அங்கு சிறிது பரபரப்பு ஏற்பட்டது. கள்ளக்குறிச்சி கள்ளச்சாராய மரண சம்பவத்தில் திமுக சட்டமன்ற உறுப்பினர்களுக்கு தொடர்பிருப்பதாக சாட்டை துரைமுருகன் வீடியோ வெளியிட்டிருந்த நிலையில் திமுக எம்.எல்.ஏ ஆதரவாளர்கள் கள்ளக்குறிச்சியில் எதிர்ப்பு தெரிவித்துள்ளதாக தகவல்கள் வெளியாகியுள்ளது. 

Next Story

விக்கிரவாண்டி இடைத்தேர்தல்; நா.த.க. வேட்பாளர் அறிவிப்பு!

Published on 14/06/2024 | Edited on 14/06/2024
Vikravandi by-election; N.t.K. Candidate announced

விழுப்புரம் மாவட்டத்தில் உள்ள விக்கிரவாண்டி சட்டமன்றத் தொகுதியில் திமுக சார்பில்  போட்டியிட்டு வெற்றி பெற்றவர் புகழேந்தி. இவர் கடந்த ஏப்ரல் 6 ஆம் தேதி (06.04.2024) உடல்நலக் குறைவால் காலமானார். இவரது மறைந்ததைத் தொடர்ந்து விக்கிரவாண்டி சட்டமன்ற தொகுதி காலியாக இருப்பதாக அறிவிக்கப்பட்டது. இத்தகைய சூழலில் தான் விக்கிரவாண்டி சட்டமன்றத் தொகுதிக்கு ஜூலை 10 ஆம் தேதி இடைத்தேர்தல் நடைபெறும் எனத் தேர்தல் ஆணையம் அறிவித்திருந்தது. அதன்படி இன்று (14.06.2024) விக்கிரவாண்டி இடைத்தேர்தலுக்கான வேட்புமனு தாக்கல் தொடங்கியுள்ளது.

இந்த இடைத்தேர்தலில் திமுக சார்பாக அன்னியூர் சிவாவை வேட்பாளராக அக்கட்சி தலைமை அறிவித்திருந்தது. இவர் திமுகவின் விவசாய அணி செயலாளராகவும் உள்ளார் என்பது குறிப்பிடத்தக்கது. இந்நிலையில் நாம் தமிழர் கட்சியில் தலைமை ஒருங்கிணைப்பாளர் சீமான் வெளியிட்டுள்ள அறிவிப்பில், “ஜூலை 10 அன்று நடைபெறவிருக்கும் விக்கிரவாண்டி சட்டமன்றத் தொகுதிக்கான இடைத்தேர்தலில் நாம் தமிழர் கட்சி சார்பாக அபிநயா (முதுகலை ஓமியோபதி மருத்துவம்) போட்டியிடவிருக்கிறார் என்பதைத் தெரிவித்துக்கொள்கிறேன்.

கட்சியின் மாநில, மண்டல, மாவட்ட, தொகுதி உள்ளிட்ட அனைத்துநிலைப் பொறுப்பாளர்களும், அனைத்துப் பாசறைகளின் அனைத்துநிலைப் பொறுப்பாளர்களும், விக்கிரவாண்டி சட்டமன்ற இடைத்தேர்தலில் நாம் தமிழர் கட்சியின் வெற்றிக்கு முழு ஒத்துழைப்பை நல்குமாறு கேட்டுக்கொள்ளப்படுகிறார்கள்” எனத் தெரிவித்துள்ளார்.