Skip to main content

நீதிமன்றத்தில் தடையாணை பெற்று விவசாயிகளின் வயிற்றில் அடித்த எடப்பாடி - எ.வ.வேலு!

Published on 23/12/2020 | Edited on 23/12/2020

 

DMK Velu grama saba meeting at thiruvannamalai


அ.தி.மு.க.வை நிராகரிப்போம் என்கிற பெயரில், டிசம்பர் 23ஆம் தேதி முதல், ஜனவரி 10ஆம் தேதி வரை, தமிழகம் முழுவதும் 16 ஆயிரம் கிராமசபைக் கூட்டங்களை நடத்த முடிவு செய்துள்ளது தி.மு.க. 


காஞ்சிபுரம் மாவட்டம், குன்னத்தில் தி.மு.க. தலைவர் ஸ்டாலின் கலந்துகொள்ள, ஒவ்வொரு மாவட்டத்திலும் தி.மு.க. மா.செ, எம்.எல்.ஏ, எம்.பி.க்கள், ஒ.செக்கள், ஒன்றியக் குழுத் தலைவர்கள் கலந்துகொண்டு கிராம சபாக்களில், ஆளும் அ.தி.மு.க. ஆட்சியின் அவலங்களை எடுத்துரைப்பதோடு, அக்கிராமத்தில் உள்ள குறைகளைப் பொதுமக்களிடம் கேட்கின்றனர்.


திருவண்ணாமலை மாவட்டத்தில் நல்லவன்பாளையம் என்கிற கிராமத்தில் திருவண்ணாமலை தொகுதி எம்.எல்.ஏவான முன்னாள் அமைச்சர் எ.வ.வேலு கலந்துகொண்ட சிறப்புக் கிராமசபைக் கூட்டம் நடைபெற்றது. நல்லவன்பாளையம், சமுத்திரம் கிராமத்திலுள்ள வீடுகள், கடைகளுக்குச் சென்று, வியாபாரிகள், பொதுமக்களிடம் பிரச்சனைகளைக் கேட்டறிந்தார். அப்போது பொதுமக்கள் சிலர் தந்த மனுவை வாங்கியவர், அதிகாரிகளிடம் பேசி நடவடிக்கை எடுக்கச்சொல்கிறேன் என வாக்குறுதி தந்தார்.


அ.தி.மு.க.வை நிராகரிக்கிறோம் என்கிற தலைப்பில் நடைபெற்ற, கிராம சபைக் கூட்டத்தில் கலந்துகொண்டு பேசும்போது, “இங்கு திரளாக தாய்மார்கள் கலந்துகொண்டு இருக்கிறீர்கள். உங்களுக்கு வேலைப்பளு அதிகம். உங்களுக்கு செய்தித்தாள்களையோ, தொலைக்காட்சி செய்திகளையோ கேட்பதற்கு நேரம் கிடைப்பதில்லை. அப்படியே சிறிது ஓய்வு கிடைக்கிற நேரத்தில், தொலைக்காட்சியில் மனநிறைவுக்காக நீங்கள் சீரியல் தொடர்களைத்தான் பார்ப்பீர்கள். அதனால், இந்த ஆட்சியின் அவலங்கள் முழுமையாக உங்களுக்குத் தெரியாது என்பதால், அதை உங்களுக்குக் கூறவே நான் உங்களைச் சந்திக்க வந்திருக்கிறேன்.


கத்திரிக்காய் சொத்தையா, வெண்டைக்காய் பிஞ்சா என்று தரம் பார்த்து வாங்கக்கூடிய தகுதி, பெண்களான உங்களுக்குத்தான் உள்ளது. காய்கறியையே பார்த்து வாங்குகிற நீங்கள், 5 ஆண்டுகாலம் நாட்டை ஆளுகிற தகுதி யாருக்கு இருக்கிறது என்று பார்க்க வேண்டும்.


அ.தி.மு.க.வை நிராகரிக்கிறோம் என்ற அடிப்படையில் இந்த பரப்புரை நடைபெறுகிறது. அ.தி.மு.க. ஆட்சியை ஏன் நீங்கள் நிராகரிக்க வேண்டும்? ஒரு அரசாங்கம் என்பது மக்களுக்கு உதவியாக இருக்க வேண்டும். உபத்திரம் செய்யக்கூடாது. இங்கு எல்லாம் குறு விவசாயிகள்தான். உங்களுக்கு இந்த அரசு ஏதாவது உதவி செய்கிறதா எனக் கேட்டால் எதுவுமில்லை.

 

DMK Velu grama saba meeting at thiruvannamalai


எல்லாக் கட்சிகளிலும் விவசாயப் பிரிவு இருக்கிறது. கூட்டுறவு வங்கிக் கடன்களால் பல விவசாயிகள் தற்கொலை செய்துகொண்டு இறக்கிறார்கள். 2006ஆம் ஆண்டு கலைஞர் ஆட்சிக்கு வந்தபோது, விவசாயிகளின் கோரிக்கையை ஏற்று, 7 ஆயிரம் கோடி ரூபாய் கூட்டுறவுக் கடன்களைத் தள்ளுபடிசெய்து, விவசாயிகளின் துயரங்களைத் தீர்த்தவர் கலைஞர். அப்போது அவர் கட்சிப் பார்க்கவில்லை. அதுபோலவே இப்போது விவசாயம் சரியாக இல்லை, விவசாயிகள் கடன்காரர்களாக இருக்கிறார்கள். அதனால் கடன்களை தள்ளுபடி செய்யுங்கள் எனச் சட்டமன்ற எதிர்க்கட்சித் தலைவரான ஸ்டாலினும், உறுப்பினர்களாகிய நாங்களும் சட்டமன்றத்தில், முதலமைச்சர் எடப்பாடியை பார்த்து கேட்டோம். மதுரை உயர்நீதிமன்றமும் விவசாயிகள் கடன்களைத் தள்ளுபடி செய்ய ஆலோசனை வழங்கியது. ஆனால், பச்சைத் துண்டு போட்டுக்கொண்டு நானும் விவசாயி தான் எனப் பகல் வேஷம் போடும் எடப்பாடி பழனிசாமி உச்சநீதிமன்றத்திற்கு சென்று தடை ஆணைப்பெற்று ஏழை விவசாயிகளின் அடிவயிற்றில் அடித்துவிட்டார். இதனால் தான் அ.தி.மு.க. ஆட்சியை நிராகரிக்கிறோம்.


விவசாயிகளைப் பாதிக்கும் மத்திய மோடி அரசு கொண்டு வந்த வேளாண் சட்டத்தை ஆதரித்து சிறு, குறு விவசாயிகள், வணிகர்களின் வயிற்றில் அடிக்கிறது எடப்பாடி அரசு. இந்தச் சட்டத்தின் மூலம் அதானி, அம்பானி போன்ற பெரும் முதலாளிகளை வாழவைத்து, அத்தியாவசிய உணவுப் பதுக்கலுக்கு, விலைவாசி உயர்வுக்கு, பட்டினி சாவை உருவாக்கும் எடப்பாடியின் அ.தி.மு.க. அரசை நிராகரிக்கிறோம். மோடி அரசு ஒரு வருடத்திற்கு விவசாயிகளுக்கு 6 ஆயிரம் ரூபாய் தருவதாகச் சொன்னதை முடக்கி, பத்தாயிரம் போலி விவசாயிகளைக் கொண்டு ஏமாற்றிய எடப்பாடி அ.தி.மு.க. அரசை தான் நாங்கள் நிராகரிக்கிறோம்.


1ஆம் வகுப்பு முதல் 12ஆம் வகுப்பு வரை பள்ளிக் கல்வித் துறைக்கான செலவு ரூ.28 ஆயிரம் கோடி. பல பெற்றோர்கள் கனவு, தங்கள் பிள்ளைகளை மருத்துவராக்க வேண்டும் என்பது. மக்களின் ஆசையில் மண்ணள்ளி போட்டுள்ளது மத்தியில் ஆளும் பா.ஜ.க.வும், மாநிலத்தில் ஆளும் அ.தி.மு.க.வும். நீட் தேர்வு என ஒன்றைக் கொண்டு வந்துள்ளது. நீட் தேர்வில் தமிழ்நாடு பாடத்திட்டத்தின் அடிப்படையிலா கேள்வி கேட்க்கப்படுகிறது? மத்திய பாடத்திட்டத்தின் அடிப்படையில்தான் தேர்வுகள் வைக்கப்படுகிறது. நம் பிள்ளகைள் மாநிலப் பாடத்திட்டத்தில் படிக்கிறார்கள். இதனால் நம் பிள்ளைகளால் நீட் தேர்வில் வெற்றிபெற்று மருத்துவராக முடியவில்லை. இதை மத்தியில் ஆளும் பா.ஜ.க. அரசை தட்டிக் கேட்கிற உரிமை எடப்பாடி அரசுக்கில்லை. 

 

நீட் தேர்வை எதிர்த்து முதல் குரல் கொடுத்தவர் யார் தெரியுமா? தி.மு.க. தலைவர் ஸ்டாலின்தான். நீட் தேர்வில் இருந்து விலக்கு வாங்கி கிராமத்துப் பிள்ளைகளும், ஏழை எளிய குடும்பத்துப் பிள்ளைகளையும் மருத்துவராக்கியவர் கலைஞர். முதல் மதிப்பெண் பெற்ற அனிதாவில் இருந்து 13 மாணவர்கள் மருத்துவக் கனவு கலைந்து, தற்கொலை செய்து கொண்டார்கள். ஆளுங்கட்சியும், தி.மு.க. எம்.எல்.ஏ.க்களான நாங்களும், நீட் தேர்வுக்கு எதிராக சட்டமன்றத்தில் நிறைவேற்றிய சட்டத்தை, மத்திய மோடி அரசு நிராகரித்து விட்டது. இதைக்கேட்க, மாநில உரிமையை நிலைநாட்ட இந்த அ.தி.மு.க. ஆட்சியை நிராகரிக்கிறோம்.


ஒரே நாடு, ஒரே ரேஷன் என்ற போர்வையில் வெளிமாநிலத்தவர் தமிழ்நாட்டில் வாழவும், தமிழ்நாட்டு மக்கள் வீழவும் துணைப்போகும் இந்த அ.தி.மு.க. அரசை தான் நிராகரிக்கச் சொல்கிறோம். 4-1/2 மணிநேரம் நின்றுகொண்டே மகளிர் சுய உதவிக்குழுக்களுக்கு சுழல் நிதியை தி.மு.க. ஆட்சியின் துணை முதல்வராக இருந்த ஸ்டாலின் வழங்கினார். ஆனால், இன்றைக்கு அ.தி.மு.க. ஆட்சியில் மகளிர் சுய உதவிக்குழுக்கள் முடங்கிவிட்டது. மகளிர் சுய உதவிக் குழுக்களுக்கு லோன் தருவதாக போலி வாக்குறுதி அளித்த இந்த அ.தி.மு.க. அரசைத் தான் நாங்கள் நிராகரிக்கிறோம்.


இன்றைக்கு பிரதமர் மோடி திருக்குறள் சொல்லுகிறாராம். பாரதியார் பாடலைப் பாடுகிறாராம். தமிழ் தொன்மையான மொழி என்று செல்லுகிறார். உண்மையில் உங்களுக்கு மனசாட்சி இருந்தால், இந்தியாவின் ஆட்சி மொழி தமிழ் என்று சட்டம் இயற்ற முடியுமா? தந்தை பெரியார், பேரறிஞர் அண்ணா, முத்தமிழறிஞர் கலைஞர் பண்படுத்திய மண் தான் இந்தத் தமிழ்மண், இங்கு பா.ஜ.க. வேர் ஊன்ற முடியாது” என்றார்.

 

 

 

சார்ந்த செய்திகள்

 

Next Story

செந்தில் பாலாஜி தாக்கல் செய்த மனு தள்ளுபடி!

Published on 12/07/2024 | Edited on 12/07/2024
Petition filed by Senthil Balaji dismissed

சட்டவிரோத பணப்பரிமாற்ற தடை சட்ட வழக்கில் முன்னாள் அமைச்சர் செந்தில் பாலாஜி கைது செய்யப்பட்டு சிறையில் உள்ளார். ஒரு வருடத்திற்கு மேல் நீதிமன்ற காவலில் புழல் சிறையில் உள்ள நிலையில் ஜாமீன் கோரி செந்தில் பாலாஜி தாக்கல் செய்த மனுக்களைச் சென்னை மாவட்ட முதன்மை அமர்வு நீதிமன்றம் மற்றும் சென்னை உயர்நீதிமன்றம் ஆகியவை  தொடர்ச்சியாகத் தள்ளுபடி செய்திருந்தது.

இந்த நிலையில் அமலாக்கத்துறை தொடர்ந்த வழக்கில் இருந்து தன்னை விடுவிக்க வேண்டும் என்று செந்தில் பாலாஜி சென்னை உயர்நீதிமன்றத்தில் மனுத்தாக்கல் செய்திருந்தார். இந்த மனு மீதான விசாரணை நிலுவையில் இருந்த நிலையில் மீண்டும் செந்தில் பாலாஜி தன்னை விடுவிக்க வேண்டும் என்று தொடர்ந்த வழக்கின் உத்தரவைத் தள்ளி வைக்க வேண்டும் என்று மேலும் ஒரு மனுவைத்தாக்கல் செய்திருந்தார். ஏற்கெனவே எம்.பி, எம்.எல்.ஏ.விற்கான நீதிமன்றத்தில் வழக்கு நடந்துவருவதால் மனு மீதான விசாரணையைத் தள்ளிவைக்க வேண்டும் எனக் கேட்டுக்கொண்டார். 

இந்த மனு தொடர்பான விசாரணை இன்று நீதிபதி அல்லி அமர்வு முன் விசாரணைக்கு வந்தபோது, செந்தில் பாலாஜி தாக்கல் செய்த மனுவை தள்ளுபடி செய்த நீதிபதி அமலாக்கத்துறை வழக்கிலிருந்து விடுவிக்க வேண்டும் என்று செந்தில் பாலாஜி தாக்கல் செய்த மனு மீதான உத்தரவு வரும் 16 ஆம் தேதி பிறப்பிக்கப்படும் எனத் தெரிவித்துள்ளார். 

Next Story

‘லட்சக்கணக்கான வீடுகள் கட்டித் தர இருக்கிறோம்’ - அமைச்சர் சக்கரபாணி!

Published on 11/07/2024 | Edited on 11/07/2024
We are going to build lakhs of houses Minister Chakrapani

திண்டுக்கல் மாவட்டத்தில் உள்ள ஒட்டன்சத்திரம் தொகுதியில் உள்ள தொப்பம்பட்டியில் மக்களுடன் முதல்வர் திட்ட சிறப்பு முகாமை துவக்கி வைத்து, 53 பயனாளிகளுக்கு ரூ.12.88 இலட்சம் மதிப்பீட்டில் நலத்திட்ட உதவிகளை உணவு மற்றும் உணவு பொருள் வழங்கல் துறை அமைச்சர் சக்கரபாணி வழங்கினார். இந்த நிகழ்ச்சியில் அமைச்சர் சக்கரபாணி பேசுகையில், “தமிழ்நாடு முதலமைச்சர் மு.க.ஸ்டாலின்,, தமிழக மக்களின் நலனுக்காக பல்வேறு திட்டங்களை அறிவித்து, அந்தத் திட்டங்களின் பயன்கள் அனைத்துத் தரப்பு மக்களையும் சென்றடையும் வகையில் செயல்படுத்தி வருகிறார்.

முதலமைச்சர் எல்லோருக்கும் எல்லாம், தமிழகத்தில் சிறப்பான ஆட்சி நடத்திக் கொண்டியிருக்கிறார். அந்த வகையில் மக்களுடன் முதல்வர் சிறப்பு முகாம் ஏற்கனவே பேரூராட்சி, நகராட்சி ஆகிய பகுதியில் நடைபெற்றது. இந்த முகாமில் பெறப்பட்ட மனுக்களின் மீது உரிய நடவடிக்கை மேற்கொண்டு பொது மக்களுக்கு நலத்திட்ட உதவிகள் வழங்கப்பட்டது. அதனைத்தொடர்ந்து, அரசின் சேவைகள் விரைவாகவும், எளிதாகவும் பொதுமக்களுக்கு சென்று சேரும் வண்ணம் மக்களுடன் முதல்வர் திட்டத்தை முதலமைச்சர் தருமபுரியில் தொடங்கி வைத்துள்ளார். 

We are going to build lakhs of houses Minister Chakrapani

தமிழ்நாடு முதலமைச்சர் தருமபுரியில் தமிழகத்தில் உள்ள 37 மாவட்டங்களில் 388 ஒன்றியங்களில் உள்ள 12,525 ஊராட்சிகளில் ஒவ்வொரு பகுதிகளிலும் 5 ஊராட்சிகளை இணைத்து அல்லது 20 ஆயிரம் மக்கள் தொகை கிராம ஊராட்சிகளை தேர்ந்தெடுத்து, பொதுமக்களிடம் மனுக்களை பெற்று, அந்த மனுவின் மீது உரிய நடவடிக்கை மேற்கொண்டு நலத்திட்டம் வழங்க இருக்கிறார். அந்த வகையில் இன்றைய தினம் திண்டுக்கல் மாவட்டம், தொப்பம்பட்டி வட்டத்தில் உள்ள மேட்டுப்பட்டி, புளியம்பட்டி, கொங்கமுத்தூர், தொப்பம்பட்டி, வேலம்பட்டி, தும்மலப்பட்டி ஆகிய 6 ஊராடசிகளுக்கு உட்பட்ட பகுதிகளை சேர்ந்த மக்களிடம் மனுக்களைப் பெற்று, அதற்கு தீர்வு காணும் வகையில் மக்களுடன் முதல்வர் திட்ட முகாம் நடைபெறுகிறது.

முதலமைச்சர் தேர்தல் நேரத்தில் சொன்ன வாக்குறுதி மட்டுமல்லாமல், சொல்லாத வாக்குறுதிகளையும் நிறைவேற்றி ஒரு பொற்கால ஆட்சியினை நடத்தி வருகிறரர். எனவே முதலமைச்சர ஆட்சி பொறுப்பேற்ற பின்பு குறிப்பாக பெண்களுக்கு கலைஞர் மகளிர் உரிமைத் தொகை 1 கோடி 14 இலட்சம் நபர்களுக்கு வழங்கப்பட்டுள்ளது. மேலும், 1 இலட்சத்து 48 ஆயிரம் நபர்களுக்கு வழங்க நடவடிக்கை மேற்கொள்ளபட்டு வருகிறது. தகுதியுள்ள நபர்கள் அனைவருக்கும் கலைஞர் உரிமைத் தொகை வழங்க நடவடிக்கை மேற்கொள்ளப்படும். பெண்கள் நகர பேருந்துகளில் சென்றால் கட்டணமில்லா சலுகை வழங்கப்பட்டு வருகிறது. சுமார் 7 ஆயிரம் புதிய பேருந்துகள் இயக்குவதற்கு நடவடிக்கை மேற்கொள்ளப்பட்டு வருகிறது தமிழ்நாடு முதலமைச்சர் 1 முதல் 5 வகுப்பு வரை படிக்கின்ற சுமார் 18 இலட்சம் குழந்தைகளுக்கு காலை சிற்றுண்டி வழங்கப்படுகிறது. வருகின்ற 15 ஆம் தேதி அன்று அரசு பள்ளிகள், அரசு உதவி பெறும் பள்ளிகளில் காலை சிற்றுண்டி வழங்கும் நிகழ்வை முதலமைச்சர் துவக்கி வைக்க இருக்கிறார். 

We are going to build lakhs of houses Minister Chakrapani

புதுமைப் பெண் திட்டத்தினை ஏற்படுத்தி மாதந்தோறும் ரூ.1000 வழங்கி வருகிறார். இத்திட்டத்தினை விரிவுபடுத்தி மாணவர்களும் பயன்பெறும் வகையில் தமிழ் புதல்வன் திட்டத்தினை ஏற்படுத்தி மாணவர்களுக்கும் ரூ.1000 வழங்கப்படவுள்ளது. தமிழ்நாட்டினை குடிசை இல்லா மாநிலமாக உருவாக்க கலைஞர் கனவு இல்லம் திட்டத்தின்கீழ் தமிழ்நாட்டில் 8 இலட்சம் வீடுகள் கட்டிதர நடவடிக்கை மேற்கொள்ளப்பட்டு வருகிறது. தமிழ்நாடு முதலமைச்சர் இப்பகுதி பொதுமக்களுக்கு குடிநீர் பிரச்சனைகளை தீர்ப்பதற்கு ரூ.1000 கோடி மதிப்பீட்டில் நிதி ஒதுக்கீடு செய்யப்பட்டு, காவேரியிலிருந்து குடிநீர் கொண்டு வரும் பணிகள், துரிதமாக நடைபெற்று வருகிறது. திண்டுக்கல் மாவட்டத்தில் உள்ள நியாயவிலைக்கடைகளுக்கு சொந்த கட்டிடம் கட்டும் பணிகள் நடைபெற்று வருகிறது.

திண்டுக்கல் மாவட்டத்தில் மக்களுடன் முதல்வர் சிறப்பு  முகாம்கள் 306 கிராமப்புற பஞ்சாயத்து பகுதிகளில் 11.07.2024 முதல் 23.08.2024  வரை 23 நாட்கள்  68 முகாம்கள் காலை 10.00 மணி முதல் பிற்பகல் 3.00 மணி வரை  நடைபெறவுள்ளது. அன்றாடம் பொதுமக்கள் அணுகும் வருவாய்த்துறை, ஊரக வளர்ச்சித்துறை, காவல்துறை, மின்சாரத்துறை, வீட்டு வசதி வாரியத்துறை, மருத்துவத்துறை, மாவட்ட தொழில் மையம், பால்வளத்துறை, மாற்றுத்திறனாளிகள் நலத்துறை, சமூக நலத்துறை, ஆதிதிராவிடர் மற்றும் பிற்படுத்தப்பட்டோர் நலத்துறை, கூட்டுறவுத்துறை, தாட்கோ, வேலைவாய்ப்புத்துறை, வேளாண்மைத்துறை, மீன்வளத்துறை, கால்நடை பராமரிப்புத்துறை, தொழிலாளர் நலத்துறை, பொது மேலாளர் (முன்னோடி வங்கி), மற்றும் மகளிர் திட்டம் ஆகிய 22 துறைகள் தொடர்புடைய கோரிக்கை மனுக்கள் இச்சிறப்பு முகாம்களில் பெறப்பட உள்ளது.

இவ்வாறு பெறப்படும் அனைத்து மனுக்களும் சம்மந்தப்பட்ட துறையினரால் பரிசீலனை செய்யப்பட்டு 30 தினங்களுக்குள் தகுதியின் அடிப்படையில் தீர்வு வழங்கப்படும். அரசின் திட்டங்கள் கடைகோடி மக்களுக்கும் சென்று சேரும் வகையில், மக்களுக்காகவே இந்த அரசு என்ற வகையில் செயல்பட்டு, இந்தியாவிலேயே எந்த மாநிலத்திலும் செயல்படுத்தப்படாத திட்டங்களை செயல்படுத்தி, பொற்கால ஆட்சி நடத்தி வருகிறார்” என்று கூறினார்.