Skip to main content

“பாஜகவை நான் தான் வழிநடத்துகிறேன்” - சீமான்

Published on 22/06/2023 | Edited on 22/06/2023

 

"BJP is led by me" - Seeman

 

“பாஜகவை நான் தான் வழிநடத்திக் கொண்டு செல்கிறேன். நான் தான் மெயின் டீம். எனக்கு தான் பாஜக பி டீம்” என சீமான் கூறியுள்ளார்.

 

நாம் தமிழர் கட்சியின் தலைமை ஒருங்கிணைப்பாளர் சீமான் செய்தியாளர்களைச் சந்தித்தார். அப்போது பேசிய அவர், “தேவாரம் பாடி செங்கோல் வாங்கினீர்கள்; தமிழில் பேசுகிறீர்கள். நீதிமன்றங்களில் வழக்காடும் உரிமையை தமிழில் பெற்றுத் தருவீர்களா? என் கோவிலில் என் தெய்வத்தின் முன் தமிழில் வழிபடும் உரிமையை பெற்றுத் தருவீர்களா? நீங்கள் பாடிய தேவாரத்தை பெருவுடையார் கோவிலில் பாட அனுமதிப்பீர்களா? சிபிஎஸ்இ பாடத்திட்டத்தில் தமிழ் பாட மொழியாகுமா? கேந்திர வித்யாலயா, நவோதயா என மத்திய அரசு பள்ளிகளில் தமிழ் மொழி பயிற்றுவிக்கப்படுமா? எதையாவது பேசிக்கொண்டு இருப்பது எல்லாம் நாடகம் தான். 

 

நான் திருவள்ளுவரை பேசினால் அவர்களும் பேசுவார்கள். நான் ராஜ ராஜ சோழனை பேசினால் அவர்களும் பேசுவார்கள். நான் வேலு நாச்சியாரை பேசினால் அவர்களும் பேசுவார்கள். பாஜகவை நான் தான் வழிநடத்திக் கொண்டு செல்கிறேன். நான் தான் மெயின் டீம். எனக்கு தான் பாஜக பி டீம். 

 

வரி, வளம், வாக்கு இதற்காக நம்மை சேர்த்து வைத்துள்ளார்கள். தனிநாட்டை யார் வைத்திருந்தால் என்ன. சில நாட்களில் வளங்களை எல்லாம் சுரண்டி எடுத்த பின் சீமான் தனிநாடு கேட்டால் வைத்துக்கொள்ளுங்கள் எனச் சொல்லிவிடுவார்கள். சுடுகாட்டை யார் வைத்திருந்தால் என்ன. என் வளத்திற்காகவும் வாக்கிற்காகவும் என் வரிக்காகவும் நம்மை சேர்த்து வைத்துள்ளார்கள்” என்றார்.  

 

 

 

சார்ந்த செய்திகள்

Next Story

சாந்தன் மரணம்; கலங்கி கண்ணீர் சிந்திய நளினி

Published on 28/02/2024 | Edited on 28/02/2024

 

 

முன்னாள் பிரதமர் ராஜீவ் காந்தி கொலை வழக்கில் கைது செய்யப்பட்டவர்களில் ஒருவர் சாந்தன். ராஜீவ்காந்தி கொலை வழக்கில் அனைவரும் விடுதலை செய்யப்பட்டிருந்த நிலையில், சாந்தனும் விடுதலை பெற்றிருந்தார். தொடர்ந்து அவர் உடல் நலக்குறைவு காரணமாக சென்னை ராஜீவ்காந்தி அரசு மருத்துவமனையில் தீவிர சிகிச்சை பிரிவில் அனுமதிக்கப்பட்டிருந்த நிலையில், இன்று (28-02-24) அதிகாலை அவர் சிகிச்சை பலனின்றி உயிரிழந்தார். இதனையடுத்து, அவரது உடல் பிரேத பரிசோதனை செய்யப்பட்ட பிறகு,  மருத்துவமனை வளாகத்தில் வைக்கப்பட்டுள்ளது. அவரது உடலுக்கு பலரும் அஞ்சலி செலுத்தி வந்த நிலையில், சீமான், நளினி, பேரறிவாளன், ரவிச்சந்திரன் உள்ளிட்டவர்கள்  அஞ்சலி செலுத்தினார்கள்.
 

Next Story

'பெண்கள் 10; ஆண்கள் 10' - முதற்கட்ட வேட்பாளர் பட்டியலை வெளியிட்ட நாம் தமிழர் கட்சி

Published on 20/02/2024 | Edited on 20/02/2024
'females 10; males 10'-Preliminary list of candidates released by Naam Tamilar Katchi

நாடாளுமன்ற மக்களவைப் பொதுத்தேர்தல் விரைவில் நடைபெற உள்ளது. இதனை முன்னிட்டு அரசியல் கட்சிகள் சார்பில் தேர்தல் பணிகளை மேற்கொள்வதற்காகப் பல்வேறு குழுக்கள் அமைக்கப்பட்டு தீவிர ஆலோசனைகள் நடத்தப்பட்டு வருகின்றன. மேலும் நாடாளுமன்றத் தேர்தலுக்கான பணிகளை அரசியல் கட்சிகள் தற்போதே தீவிரப்படுத்தி வருகின்றன. இத்தகைய சூழலில் இந்தியத் தேர்தல் ஆணையமும் மக்களவைத் தேர்தல் முன்னேற்பாடுகள் குறித்து தொடர்ந்து ஆய்வு நடத்தி வருகிறது.

இந்நிலையில், நாம் தமிழர் கட்சி 20 பேர் கொண்ட முதற்கட்ட வேட்பாளர் பட்டியலை வெளியிட்டுள்ளது. தொடர்ந்து கூட்டணி இன்றி நாம் தமிழர் கட்சி தேர்தலில் போட்டியிட்டு வரும் நிலையில், 10 பெண்கள் மற்றும் 10 ஆண்களைக் கொண்ட முதற்கட்ட  வேட்பாளர் பட்டியலை நாம் தமிழர் கட்சி வெளியிட்டுள்ளது.

கடந்த நாடாளுமன்றத் தேர்தலிலும் 20 பெண்கள், 20 ஆண்கள் கொண்ட வேட்பாளர் பட்டியல் வெளியிட்ட நிலையில் இந்த முறையும் 20 பெண் வேட்பாளர்களுக்கு, 20 ஆண் வேட்பாளர்களுக்கு வாய்ப்பளிக்க இருப்பதாக அக்கட்சியின் ஒருங்கிணைப்பாளர் சீமான் தெரிவித்திருந்த நிலையில், தற்போது தென்சென்னை, ஆரணி, கன்னியாகுமரி, கோவை, மயிலாடுதுறை, திண்டுக்கல், திருநெல்வேலி, திருப்பூர், கரூர், விழுப்புரம், வேலூர், நீலகிரி, தென்காசி, திருவள்ளூர், பொள்ளாச்சி, நாகப்பட்டினம், அரக்கோணம், ஈரோடு உள்ளிட்ட 20 தொகுதிகளுக்கான வேட்பாளர் பட்டியல் வெளியாகியுள்ளது.