Skip to main content

ஓரங்கட்டப்படும் அண்ணாமலை; லைம் லைட்டுக்கு வரும் வானதி - டெல்லியில் புதிய திட்டம்

Published on 24/03/2023 | Edited on 24/03/2023

 

annamalai vs vanathisrinivasan bjp issuse

 

அ.தி.மு.க.வுடன் கூட்டணி வைத்தால் தலைவர் பதவியை ராஜினாமா பண்ணிடுவேன் என அதிரடி கிளப்பிய அண்ணாமலையின் பேச்சின் பின்னணியில் நிறைய பகீர் தகவல்கள் இருக்கின்றன என்கிறார்கள் தமிழக பா.ஜ.க.வினர்.

 

நாடாளுமன்றத் தேர்தலை எதிர்கொள்வது குறித்து பா.ஜ.க.வின் மாநில நிர்வாகிகள் மற்றும் அணித் தலைவர்களின் ஆலோசனைக் கூட்டம் சென்னையில் கடந்த சனிக்கிழமை நடந்தது. காலை 10 மணிக்கு கூட்டம் ஆரம்பிக்கும் எனத் தெரிவிக்கப்பட்டிருந்த நிலையில், வழக்கம் போல அண்ணாமலை வருவதற்கு லேட்டானதால், அவருக்காகக் காத்திருக்காமல் கூட்டத்தை ஆரம்பித்தார் அமைப்புச் செயலாளர் கேசவ விநாயகம். கூட்டத்தில் அவர் பேசும்போது, "தமிழகத்தில் 65,000 பூத்கள் இருக்கின்றன. இதில் ஏ-பிரிவு என 25 ஆயிரம் பூத்களை நாம் அடையாளம் கண்டிருக்கிறோம்” என்று ஆரம்பித்து, தேர்தல் பணிகளை எப்படி முன்னெடுக்க வேண்டுமென க்ளாஸ் எடுத்துக் கொண்டிருந்தார். அவரது உரை போர் அடித்ததால் நிர்வாகிகள் பலரும் நெளிந்து கொண்டிருந்தனர். தேர்தல் குறித்து பல கருத்துக்கள் கூட்டத்தில் விவாதிக்கப்பட்ட நிலையில், மதியம் 12:10 மணிக்கு உள்ளே நுழைந்தார் அண்ணாமலை.

 

கூட்டத்திற்கு வந்தவர் சிறிது நேரம் ஆசுவாசப் படுத்திக்கொண்டார். பிறகு மைக் பிடித்த அண்ணாமலை, “தமிழக பா.ஜ.க.வுக்கு நான் மேனேஜர் கிடையாது; மாநில தலைவர்! கட்சியை வளர்க்க என்னிடம் நிறைய வியூகங்கள் இருக்கிறது. வருகிற தேர்தலில் பா.ஜ.க. தலைமையில் கூட்டணி அமைய வேண்டும் அல்லது தனித்துப் போட்டியிட வேண்டும். தமிழகத்தில் நாம் தனியாக இருந்தால் மட்டுமே கட்சியை வளர்க்க முடியும். அ.தி.மு.க.வுடன்தான் கூட்டணி என தேசிய தலைமை முடிவெடுத்தால் தலைவர் பதவியை ராஜினாமா செய்துவிட்டு சாதாரண தொண்டனாக பணியாற்றுவேன். கர்நாடக சட்டமன்றத் தேர்தலுக்காக மே மாதம் 10-ந் தேதி வரை பிஸியாக இருப்பேன். அதன்பிறகு என் முடிவை தெரிவிக்கிறேன்” என பரபரப்பாகப் பேச, கூட்டத்தில் ஏகத்துக்கும் சலசலப்பு எதிரொலித்தது.

 

அண்ணாமலையின் ஆதரவாளர்கள் சிலர், “ராஜினாமா செய்வேன் என்கிற பேச்சே கூடாது. பேசியதை வாபஸ் வாங்குங்கள்” என்றெல்லாம் குரல் கொடுத்தனர். வானதி சீனிவாசன், நாராயணன் திருப்பதி, கருப்பு முருகானந்தம் போன்றவர்கள் அண்ணாமலையின் பேச்சைக் கண்டித்தும் மறுத்தும் பேசினர். குறிப்பாக வானதி சீனிவாசன் பேசும்போது, “கூட்டணி குறித்தெல்லாம் முடிவு செய்வது தேசிய தலைமைதான். அவர்கள் எடுக்கும் முடிவினை ஏற்று அதனை வெற்றிபெற வைப்பதுதான் நமது கடமை. கட்சியின் மையக் கமிட்டியில் விவாதிக்க வேண்டிய விசயத்தை இந்த கூட்டத்தில் பேசுவது சரி அல்ல” என்றெல்லாம் விளாசினார்.

 

ராஜினாமா செய்வேன் என அண்ணாமலை பேசியது, அதனைக் கண்டிக்கும் வகையில் சீனியர்கள் பேசியது என ஏக பரபரப்பை ஏற்படுத்தியது அந்த ஆலோசனைக் கூட்டம். அண்ணாமலை இப்படி பரபரப்பாகப் பேசியதற்கு ஏதேனும் பின்னணிகள் இருக்கிறதா? என நாம் விசாரித்தபோது, “சித்தன் போக்கு சிவன் போக்கு என்ற நிலையில் தான் கட்சியை நடத்திக் கொண்டிருக்கிறார் அண்ணாமலை. தலைவர் பதவியை வைத்துக் கொண்டு அவரைத்தான் ப்ரமோட் செய்து கொள்கிறாரே தவிர கட்சியை வளர்க்கவில்லை. வெறும் சோசியல் மீடியாக்களில் ஸ்டேடஸ் போட்டால் கட்சி வளர்ந்துவிடும் என நினைக்கிறார். சீனியர்களிடமும் நிர்வாகிகளிடமும் பொறுப்பாளர்களிடமும் எதையும் விவாதிப்பதில்லை. அவருக்கு ஜால்ரா தட்டுகிற நாலு பேர்தான் கட்சி என நினைத்துக்கொண்டு அவர்களிடம் மட்டுமே ஆலோசிக்கிறார். தலைவர் ஆனதிலிருந்தே இப்படித்தான் கட்சியை நடத்தி வருகிறார் அண்ணாமலை.  இதனால் கட்சியினருக்கும் இவருக்குமான இடைவெளிகள் அதிகரித்துவிட்டன. இந்த இடைவெளிதான் பா.ஜ.க.விலிருந்து பலரும் அ.தி.மு.க.வுக்கு செல்ல உந்தித் தள்ளியது. இதையெல்லாம் தேசிய தலைமைக்கு தமிழக தலைவர்கள் ரிப்போர்ட் அனுப்பியபடியே இருந்தனர்.

 

தமிழகத்திலிருந்து ஓரிரு எம்.பி.க்களையாவது இந்த முறை பெற்றாக வேண்டும் என திட்டமிட்டுள்ள ஆர்.எஸ்.எஸ். மற்றும் பா.ஜ.க.வின் தேசிய தலைமைகள், அ.தி.மு.க.வுடன் கூட்டணி வைத்தால் மட்டுமே ஜெயிக்க முடியும் என முடிவெடுத்துள்ளனர். அ.தி.மு.க.வுடன் பா.ஜ.க. கூட்டணி வைத்தால் பட்டியலின  மற்றும் சிறுபான்மையினரின் வாக்குகள் கூட்டணிக்கு கிடைக்காமல் போகும். அதற்கு பதிலாக அதனை ஈடுகட்டும் வகையில் மற்ற சமூகத்தினரின் வாக்குகளும் அ.தி.மு.க.வின் வாக்கு வங்கியும் பா.ஜ.க.வுக்கு கிடைக்கும் என்பதை கணக்கிட்டே அ.தி.மு.க.வுடன்தான் கூட்டணி என முடிவெடுத்து வைத்திருக்கிறார்கள்.

 

இப்படிப்பட்ட சூழலில், அண்ணாமலையின் சர்வாதிகார தொனியிலான அரசியல் தேசிய தலைமையின் முடிவுகளுக்கு செக் வைப்பதாக மோடியிடமும் அமித்ஷாவிடமும் கொடுக்கப்படும் ரிப்போர்ட்டுகள் அலறின. இதனையடுத்துத்தான் தேசிய தலைவர் ஜே.பி.நட்டாவை தமிழகத்திற்கு அனுப்பி வைத்த அமித்ஷா, அ.தி.மு.க. வுடன்தான் கூட்டணி என்பதை அழுத்தமாக சொல்லி வாருங்கள் என உத்தரவிட்டார். அதன்படி கிருஷ்ணகிரி கூட்டத்தில் இதனைத் தெரிவித்த ஜே.பி.நட்டா, அண்ணாமலையிடம் மட்டும் தனியாக, “உங்கள் தலைமை மீது மோடியும் அமித்ஷாவும் அதிருப்தியடைந்திருக்கிறார்கள். நாடாளுமன்றக் கூட்டம் முடிந்ததும் நீங்கள் டெல்லிக்கு அழைக்கப்படுவீர்கள். தலைவர் பதவியிலிருந்து உங்களை நீக்கவும் ஒரு அஜெண்டா மேலிடத்தில் இருக்கிறது” என எச்சரித்தார். அப்போதே அண்ணாமலைக்கு உதறல் எடுத்துவிட்டது.

 

அதன்பிறகு டெல்லியில் தனக்கு எதிராக நடப்பவைகளை அறிந்து அதிர்ச்சி அடைந்த அண்ணாமலை, "அவர்களாக நீக்குவதற்கு முன்பு தேசிய தலைமையிடம் ஒரு மோதல் போக்கினை உருவாக்கி வைத்துக் கொள்வோம் என்கிற திட்டமிடலில்தான், ராஜினாமா அஸ்திரத்தை வீசினார்” என்று விவரிக்கிறார்கள் அண்ணாமலையின் உள்ளும் புறமும் அறிந்த சீனியர்கள்.

 

உளவுத்துறை வட்டாரங்களில் இதுகுறித்து விசாரித்தபோது, "சமீபத்தில் ஜி.கே.வாசனை டெல்லிக்கு அழைத்து அவரிடம் 30 நிமிடங்கள் தனிப்பட்ட முறையில் ஆலோசித்தார் பிரதமர் மோடி. தமிழக அரசியல், நாடாளுமன்ற தேர்தல், தி.மு.க. நிலவரம் என நிறைய ஆங்கிளில் விவாதித்திருக்கிறார்கள். குறிப்பாக, அ.தி.மு.க.-பா.ஜ.க. கூட்டணி நீடித்தால் மட்டுமே அது பா.ஜ.க.வுக்கு லாபம். கூட்டணியை உறுதிப்படுத்துவதில் நீங்கள்தான் முயற்சிக்க வேண்டும். நாடாளுமன்ற தேர்தல் என்பதால், பிரதமர் வேட்பாளரை முன்னிறுத்தித்தான் வாக்கு கேட்க முடியும் என்பதால் அ.தி.மு.க.- பா.ஜ.க. கூட்டணிக்கு அது பலம். எடப்பாடிக்கும் அண்ணாமலைக்குமிடையே தனிப்பட்ட அரசியல் ஓடுவது பா.ஜ.க.வுக்கு நல்லதல்ல. அண்ணாமலையின் அரசியல், கூட்டணிக்குள் சிக்கலைத்தான் ஏற்படுத்துகிறது. எடப்பாடி உள்ளிட்ட அ.தி.மு.க. தலைவர்கள் என்னிடம் பேசும்போது இதனைத்தான் வெளிப்படுத்துகிறார்கள். இதற்கெல்லாம் சரியான தீர்வை நீங்கள்தான் தர வேண்டும் என்றெல்லாம் சொல்லியிருக்கிறார் ஜி.கே.வாசன்.

 

இது மட்டுமல்ல; ஏற்கனவே உளவுத்துறையிடமிருந்து அண்ணாமலையை பற்றி நிறைய ரிப்போர்ட்டுகள் கொடுக்கப்பட்டிருக்கிறது. குறிப்பாக, தலைவர் பதவியை வைத்து சுமார் 300 கோடிக்கும் அதிகமாக நிறைய சம்பாதித்துவிட்டார். தேர்தலில் ஜெயிக்க பணம் இருந்தால் மட்டுமே முடியும்; கொள்கையும், பா.ஜ.க. தலைவர் பதவியும் உதவாது என நம்புகிறார் அண்ணாமலை. அதற்காகவே கோடிகளை சேமித்து வைக்கிறார். அப்படி சேமித்ததுதான் 300 கோடி ரூபாய்.

 

நாடாளுமன்றத் தேர்தலில் போட்டியிட்டு ஜெயித்துவிட வேண்டும்; அதனை வைத்து மத்தியில் அமைச்சராகிவிட வேண்டும்; அந்த இமேஜை வைத்து 2026 சட்டமன்றத் தேர்தலில் தமிழக முதலமைச்சராக வேண்டும் என்பதுதான் அண்ணாமலையின் கனவு; அஜெண்டா எல்லாம்! இதில் தனக்கு எதிராக தேசிய தலைமை ஏதேனும் முடிவெடுத்தால் தனிக்கட்சி ஆரம்பிப்பது என்கிற மூடில் இருக்கிறார் அண்ணாமலை. இதனை நோக்கி அண்ணாமலையை நகர்த்த தி.மு.க.வின் முக்கிய அதிகார மையமும் தூபம் போட்டுக்கொண்டிருக்கிறது. அந்த அதிகார மையத்துடனான நெருக்கம் கடந்த பல மாதங்களாக ஆரோக்கியமாக வளர்ந்துள்ளது. நாடாளுமன்ற தேர்தலில் 40 இடங்களையும் கைப்பற்றத் துடிக்கும் தி.மு.க., எதிர்க்கட்சிகளின் வாக்குகள், ஆளும் கட்சி மீதான அதிருப்தி வாக்குகளை சிதறடிக்கும் யுக்தியை திட்டமிடுகிறது. அந்த வகையில்தான் அண்ணாமலையை தனிக்கட்சி ஆரம்பிக்க வைக்கவும் அதற்கு நிதி உதவி பண்ணுவதாகவும் ஆசைகளைத் தூண்டி விடுகிறது அந்த அதிகார மையம். இதில் மயங்கியுமிருக்கிறார் அண்ணாமலை.

 

உளவுத்துறையின் இத்தகைய ரிப்போர்ட்டுகளை வைத்து அண்ணாமலை மீது மோடியும் அமித்ஷாவும் கடும் கோபத்திலிருக்கிறார்கள். இந்த மாத இறுதியில் டெல்லிக்கு வரவழைக்கப் பட்டிருக்கும் அண்ணாமலையிடம் ராஜினாமா கடிதத்தை அமித்ஷா வாங்குவார். கர்நாடக தேர்தல் முடிந்ததும் அண்ணாமலை நீக்கப்படுவார்” என்று விவரிக்கிறார்கள் உளவுத்துறையினர். இதற்கிடையே அண்ணாமலை நீக்கப்படும் பட்சத்தில், புதிய தலைவராக பொன்.ராதாகிருஷ்ணன், வானதி சீனிவாசன், நயினார் நாகேந்திரன், நரேந்திரன் ஆகியோர் பெயர்கள் அடிபடுகின்றன. இதில் வானதிக்கு அதிக வாய்ப்பிருப்பதாக சொல்கிறது கமலாலய வட்டாரம்.

 

 

 

சார்ந்த செய்திகள்

Next Story

தமிழக பா.ஜ.க.வினருக்கு பிரதமர் மோடி பாராட்டு! 

Published on 29/03/2024 | Edited on 29/03/2024
Prime Minister Modi praises Tamil Nadu BJP

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி முதற்கட்டமாக ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே அரசியல் கட்சிகள் தேர்தல் பணிகளில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

அதே சமயம் இந்த மக்களவை தேர்தலில் திருவள்ளூர், வட சென்னை, தென் சென்னை, மத்திய சென்னை, கிருஷ்ணகிரி, திருவண்ணாமலை, நாமக்கல், திருப்பூர், நீலகிரி, கோயம்புத்தூர், பொள்ளாச்சி, கரூர், சிதம்பரம், நாகப்பட்டினம், தஞ்சாவூர், மதுரை, விருதுநகர், திருநெல்வேலி மற்றும் கன்னியாகுமரி ஆகிய 19 தொகுதிகளில் பா.ஜ.க. நேரடியாக போட்டியிடுகிறது. தாமரை சின்னத்தில் புதிய நீதிக்கட்சி வேலூர் தொகுதியிலும், இந்திய ஜனநாயக கட்சி பெரம்பலூர் தொகுதியிலும், இந்திய மக்கள் கல்வி முன்னேற்ற கழகம் சிவகங்கை தொகுதியிலும், தமிழக மக்கள் முன்னேற்றக் கழகம் தென்காசி தொகுதியிலும் போட்டியிடுகின்றனர்.

மேலும் பா.ஜ.க. கூட்டணியில் இடம் பெற்றுள்ள அ.தி.மு.க. தொண்டர்கள் உரிமை மீட்பு குழு சார்பில் இராமநாதபுரம் தொகுதியில் முன்னாள் முதல்வர் ஓ.பன்னீர்செல்வம் சுயேட்சையாக போட்டியிடுகிறார். அ.ம.மு.க. பிரசர் குக்கர் சின்னத்தில் திருச்சி மற்றும் தேனி ஆகிய இரு தொகுதிகளில் போட்டியிடுகிறது. தமிழ் மாநில காங்கிரஸ் கட்சி சைக்கிள் சின்னத்தில் ஈரோடு, ஸ்ரீபெரும்புதூர் மற்றும் தூத்துக்குடி ஆகிய 3 தொகுதிகளில் போட்டியிடுகிறது. பா.ம.க காஞ்சிபுரம், அரக்கோணம், தர்மபுரி, ஆரணி, விழுப்புரம், கள்ளக்குறிச்சி, சேலம், திண்டுக்கல் மற்றும் மயிலாடுதுறை ஆகிய 10 தொகுதிகளில் போட்டியிடுகிறது.

Prime Minister Modi praises Tamil Nadu BJP

இந்நிலையில் பிரதமர் மோடி நமோ செயலி (NAMO APP) மூலம் ‘எனது பூத், வலிமையான பூத்’ என்ற தலைப்பில் தமிழகத்தைச் சேர்ந்த பா.ஜ.க. நிர்வாகிகளுடன் உரையாடினார். அப்போது அவர் பேசுகையில், “தமிழக பாஜகவின் அனைத்துத் தொண்டர்களும் மிக நீண்ட காலமாக நன்றாக தேர்தல் பணிகளைச் செய்து வருகின்றனர். ‘எனது பூத், வலிமையன பூத்’ என்றால் எனது வாக்குச் சாவடி வலிமையானது என்று பொருள். இந்த திட்டம் அனைத்து பா.ஜ.க. தொண்டர்களையும் இணைப்பதுடன் ஒருவருக்கொருவரும் கற்றுக்கொள்ள உதவும்.

தமிழ்நாட்டிற்கு வரும்போதெல்லாம் வணக்கத்தோடு பேசத் தொடங்குகிறேன், ஆனால் இன்றைய வணக்கம் எனக்கு மிகவும் சிறப்பு வாய்ந்தது. ஏனெனில் ஒரு தொண்டர் மற்றொரு தொண்டரை வாழ்த்துகிறார். வணக்கம் என்றவுடன், தொண்டர்களுக்குள் ஒரு உணர்வு வரும். எவ்வளவு பெரிய ஆளாக இருந்தாலும், பள்ளி நண்பர்களை சந்திக்கும் போதெல்லாம், 25, 30 வருடங்கள் கடந்தாலும், சிறியவர், பெரியவர் என்று யாரும்  பாராமல் ஒருவரை ஒருவர்  மகிழ்ச்சியுடன் சந்திக்கிறார்கள். அதேபோல், இது தேர்தல் பணி தொடர்பான ஒரு திட்டம் என்பதால் நானும் மகிழ்ச்சியில் நிரம்பி வழிகிறேன். உங்கள் எல்லோரையும் போல என் வாழ்வின் பெரும்பகுதியை ஒரு தொண்டனாகவே உழைத்திருக்கிறேன், அதனால்தான் இன்று நான் மிகவும் நன்றாக உணர்கிறேன்.

Prime Minister Modi praises Tamil Nadu BJP

மக்களவைத் தேர்தல் பிரச்சாரம் நடந்து வருவதால் வேட்பாளர்கள் தேர்வு செய்யப்பட்டுள்ளனர். பொது நிகழ்ச்சிகளுக்காக கடந்த முறை தமிழகம் வந்தபோது தமிழக மக்களின் ஆசிர்வாதம் கிடைத்தது எனக்கு மிகுந்த மகிழ்ச்சியை அளித்தது. தொண்டர்களின் கடின உழைப்பைப் பார்க்க முடிந்தது, அப்படிப்பட்ட தொண்டர்களைப் பெற்றதை பெருமையாக உணர்ந்தேன். பெண்கள் தலைமையிலான வளர்ச்சியை முன்மாதிரியாக கொண்டு பா.ஜ.க. செயல்படுகிறது என்பதை நீங்கள் அறிவீர்கள். இந்தியாவை உலகின் மூன்றாவது பெரிய பொருளாதாரமாக மாற்றுவதும், அதில் பெண்கள் முக்கியப் பங்காற்றுவதும் எங்களது உறுதி. பா.ஜ.க.வின் பெண் தொண்டர்கள் கடுமையாக உழைத்து வருவதில் நான் மகிழ்ச்சியடைகிறேன்.

போதைப்பொருட்கள் நம் குழந்தைகள் மற்றும் குடும்பங்களின் வாழ்க்கையை அழிக்கும். கடந்த நாட்களில் கைப்பற்றப்பட்ட அனைத்து போதைப்பொருள் பதுக்கல்களும், அதற்கு முக்கிய காரணமானவர்கள் தமிழ்நாட்டுடன் தொடர்புடையவர்கள். இது மிகவும் கவலைக்குரிய விஷயம். எனவே நீங்கள் அனைவரும் நம் குடும்பங்களையும், குழந்தைகளையும் காப்பாற்ற வேண்டும் என்பதை மக்களுக்கு தெரிவிக்க வேண்டும்” எனப் பேசினார். 

Next Story

மத்திய அமைச்சர் அமித் ஷா தமிழகம் வருகை!

Published on 28/03/2024 | Edited on 28/03/2024
Union Minister Amit Shah visits Tamil Nadu

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

அதே சமயம் தேர்தலுக்கான வேட்புமனு தாக்கல் நேற்று (27.03.2024) முடிவடைந்தது. அந்த வகையில் 39 மக்களவை தொகுதிகளுக்கு 1749 வேட்பு மனுக்கள் பெறப்பட்டன. அதிகபட்சமாக கரூர் தொகுதியில் 62 வேட்பாளர்கள் வேட்பு மனுவைத் தாக்கல் செய்திருந்தனர். அதனைத் தொடர்ந்து இன்று (28.03.2024) வேட்புமனு பரிசீலனை நடைபெற்றது. அதாவது 39 மக்களவைத் தொகுதிகளில் தாக்கலான வேட்புமனுக்கள் மீதான பரிசீலனை நிறைவடைந்துள்ளது. வேட்புமனுக்களை திருப்பப் பெற மார்ச் 30 ஆம் தேதி கடைசி நாள் ஆகும்.

இந்நிலையில் மக்களவைத் தேர்தல் பரப்புரைக்காக ஏப்ரல் 4 ஆம் தேதி மத்திய உள்துறை அமைச்சர் அமித் ஷா தமிழகம் வருகிறார். அதன்படி ஏப்ரல் 4 ஆம் தேதி மதுரை மற்றும் சிவகங்கை மக்களவைத் தொகுதிகளில் தேர்தல் பரப்புரை மேற்கொள்கிறார். அதனைத் தோடர்ந்து ஏப்ரல் 5 ஆம் தேதி சென்னையில் அமித் ஷா பிரச்சாரம் மேற்கொள்ள உள்ளார்.