Skip to main content

தண்ணீர் எடுக்க இறங்கிய இளைஞர்; தண்டவாளத்தில் சிக்கிய பரிதாபம்

Published on 16/09/2022 | Edited on 16/09/2022

 

The young man went down to fetch water; Caught on the rail, fingers severed

 

ரயில் நிலையத்தில் தண்ணீர் எடுக்க இறங்கிய இளைஞர் ஒருவர் தவறி தண்டவாளத்தில் விழுந்ததால் கைவிரல் துண்டானது.

 

உத்திரப்பிரதேச மாநிலத்தைச் சேர்ந்த ராஜூ காஸ்யப் என்ற இளைஞர், சூரியவான் ரயில் நிலையத்தில் தண்ணீர் பிடிக்க ரயிலில் இருந்து கீழே இறங்கியுள்ளார். தண்ணீர் பிடித்து விட்டு மீண்டும் ரயிலில் ஏற முற்படுகையில் ரயில் புறப்பட  நிலை தடுமாறி கீழே விழுந்துள்ளார். சக்கரத்தின் அடியில் மாட்டாமல் இருக்க தண்டவாளத்திலேயே படுத்துவிட்டார். துரதிர்ஷ்டவசமாக கையின் இரு விரல்கள் துண்டான நிலையில் ரயில் சென்றதும் ரயில் நிலையத்தின் நடைபாதையில் இருந்தவர்கள் அவரை மீட்டனர். 

 

இதனை தொடர்ந்து இது தொடர்பான வீடியோ பதிவு சமூக வலைதளங்களில் வேகமாக பரவுகிறது.

 

 

சார்ந்த செய்திகள்

 

Next Story

ஜன்னலோர பயணம்; அடுத்தடுத்து 2 பெண்களுக்கு நேர்ந்த துயரம்

Published on 21/06/2024 | Edited on 21/06/2024
 window travel by train; Next is the tragedy of 2 women

ஈரோட்டிற்கு அடுத்தடுத்து வந்த ரயில்களில் ஜன்னலோரம் பயணித்த 3 பெண்களிடம் நகை பறிப்பு சிக்னலில் மெதுவாக சென்ற போது மர்ம நபர்கள் கைவரிசை காட்டிய சம்பவம் பரபரப்பை ஏற்படுத்தியுள்ளது.

ஈரோடு ரயில்வே போலீஸ் எல்லைக்குட்பட்ட ஆனங்கூர் ரயில் நிலையம் பகுதியில் சம்பவத்தன்று இரவு குர்லா எக்ஸ்பிரஸ் ரயிலில் ஜன்னலோரம் அமர்ந்திருந்த பெண் கழுத்தில் இருந்த 5 கிராம் தங்க செயினை மர்ம நபர்கள் பறித்துச் சென்றனர். இதனையடுத்து வந்த நீலகிரி எக்ஸ்பிரஸ் ரெயில், சேரன் எக்ஸ்பிரஸ் ரயில்களிலும் ஜன்னலோரம் பயணம் செய்த 2 பெண்களிடம் தலா 1.5 பவுன் தங்கச் செயினை மர்ம நபர்கள் பறித்துக் கொண்டு அங்கிருந்து தப்பிச் சென்றனர். இந்தத் துணிகர கொள்ளை பரபரப்பு ஏற்படுத்தியது.

இதுகுறித்து ஈரோடு ரயில்வே போலீசார் வழக்கு பதிவு செய்து பாதிக்கப்பட்ட பெண்களிடம் விசாரணை நடத்தினர். இதில் ஆனங்கூர் பகுதியில் ரயில் மெதுவாக சென்றபோது தண்டவாளம் பகுதியில் பதுங்கி இருந்த மர்ம நபர்கள் கண்ணிமைக்கும் நேரத்தில் செயினைப் பறித்துச் சென்றது தெரிய வந்தது. ஆனால் செயின் பறிப்பில் ஈடுபட்ட மர்ம நபர்களை அடையாளம் காண முடியவில்லை.

இது குறித்து ரயில்வே போலீசார் கூறியதாவது:- 'ஈரோட்டிற்கு அடுத்தடுத்து வந்த ரயில்களில் பெண்களிடம் நகை பறிப்பில் ஈடுபட்ட மர்ம நபர்கள் குறித்து சிசிடிவி கேமரா பதிவு கிடைக்கவில்லை. தொடர்ந்து ஆனங்கூர் பகுதியில் உள்ள சிசிடிவி கேமரா காட்சிகளைப் பெற்று ஆராய்ந்து வருகிறோம். மேலும் அப்பகுதியில் உள்ள செல்போன் டவருக்கு வந்து சென்ற செல்போன் அழைப்புகளையும் பட்டியலிட்டு விசாரணை நடத்தி வருகிறோம். விரைவில் செயின் பறிப்பில் ஈடுபட்ட நபர்களை கைது செய்வோம்.

இது போன்ற சம்பவத்தைத் தடுக்கவும் மர்ம நபர்களைப் பிடிக்கவும் ஈரோடு வழியே வந்து செல்லும் ரயில்களில் இரவு ரோந்து அதிகரிக்கப்பட்டுள்ளது.  ரயில்வே போலீசார், ரயில்வே பாதுகாப்புப் படையினர் கூட்டாக இணைந்து இரவு நேரத்தில் ரோந்து பணியில் ஈடுபட்டு வருகிறோம்' இவ்வாறு அவர்கள் கூறினர்.

Next Story

110 பாசஞ்சர் ரயில் மீண்டும் வருமா? மக்கள் கோரிக்கை!

Published on 17/05/2024 | Edited on 17/05/2024
People demand to run 110 passenger train again

மீட்டர் கேஜ் ரயில் பாதையில் ரயில் போக்குவரத்து நடைபெற்ற காலத்தில் சென்னையில் இருந்து செங்கோட்டை வரையில் கடலூர், மயிலாடுதுறை, தஞ்சாவூர், மதுரை வழியாக 109/110 எண் கொண்ட ரயில் இயக்கப்பட்டது. மெயின் லைன் என்று அழைக்கப்படும் விழுப்புரம், கடலூர், மயிலாடுதுறை, தஞ்சாவூர் மாவட்ட மக்கள் சென்னை மற்றும் தென் மாவட்டங்களுக்கு செல்ல பயன்படுத்தி வந்த ரயில் இது.

மக்களின் மனங்களில் நிறைந்த நினைவுகளை கொண்ட இந்த ரயில், அகல ரயில் பாதை திட்டம் காரணமாக நிறுத்தப்பட்டது. துரதிருஷ்டவசமாக இந்த ரயில் தற்போது மயிலாடுதுறை செங்கோட்டை இடையே இயக்கப்படுகிறது. இந்த ரயில் மயிலாடுதுறையோடு நிறுத்தப்பட்டு விடுவதால் கடலூர், விழுப்புரம், செங்கல்பட்டு மாவட்ட பயணிகள் இதைப் பயன்படுத்த முடியவில்லை. மேலும் தஞ்சாவூர், மயிலாடுதுறை, விருதுநகர், தென்காசி மாவட்டப் பயணிகளும் சென்னை செல்ல முடியவில்லை.

மீட்டர் கேஜ் காலத்தில் சென்னை வரை இயங்கி வந்த ரயில் தற்போது மயிலாடுதுறையோடு நிறுத்தப்படுவதால் பலரும் சிரமத்திற்கு ஆளாகி வருகின்றனர்... எனவே இந்த ரயிலை மீண்டும் தாம்பரம் முனையத்தில் இருந்து செங்கோட்டை வரை இயக்க வேண்டும் என்று கோரிக்கை விடுத்துள்ளனர்.

இது தொடர்பாக தொடர்ந்து வலியுறுத்தி வரும் மயிலாடுதுறை, கடலூர், விருதுநகர், தென்காசி மாவட்ட ரயில் பயணிகள் மயிலாடுதுறை & கடலூர் வழியாக பகல் நேரத்தில் சென்னை செல்லும் சோழன் எக்ஸ்பிரஸ் நிரம்பிய நிலையில் தான் தினமும் செல்கிறது. மேலும் விருதுநகர், ராஜபாளையம், சிவகாசி, சங்கரன்கோவில், கடையநல்லூர், தென்காசி, செங்கோட்டை பகுதியில் இருந்து பகல் நேரத்தில் சென்னை செல்ல ரயில் இல்லை. எனவே சென்னை -  செங்கோட்டை ரயிலை மயிலாடுதுறையோடு நிறுத்தப்படாமல் மீண்டும் தாம்பரத்தில் இருந்து இயக்க வேண்டும் என்று கோரிக்கை வலுத்து வருகிறது.