Skip to main content

கணவரின் நாக்கை வெட்டிய மனைவி; 15 தையல்கள் போடப்பட்ட பரிதாபம்

Published on 31/01/2023 | Edited on 31/01/2023

 

A wife who cut his tongue in a row over her husband

 

ஹரியானா மாநிலம் ஹிசார் மாவட்டத்தைச் சேர்ந்தவர் கரம்சந்த். இவரது மனைவி சரஸ்வதி. இருவருக்கும் சில தினங்களாக வாக்குவாதங்கள் ஏற்பட்டு வந்துள்ளது. ஒரு கட்டத்தில் இருவரும் ஒருவரை ஒருவர் தாக்கிக் கொண்டனர். 

 

இதனால் ஆத்திரமடைந்த சரஸ்வதி தனது கணவரை பிரம்பால் தாக்கியுள்ளார். அதைத் தொடர்ந்து அவரது நாக்கை கத்தியால் அறுத்து காயப்படுத்தியுள்ளார். இதனால் அலறித் துடித்த கரம்சந்தின் சத்தம் கேட்டு தரைத்தளத்தில் இருந்த குடும்ப உறுப்பினர்கள் ஓடிவந்தனர். அப்போது கரம்சந்த் நாக்கு அறுபட்டு ரத்தம் கொட்டிய நிலையில் கீழே கிடந்ததை பார்த்து அதிர்ச்சி அடைந்தனர்.

 

உடனே கரம்சந்தினை அங்கிருந்து மீட்டு அருகில் இருந்த மருத்துவமனைக்கு அழைத்துச் சென்றனர். அங்கு அவருக்கு தீவிர சிகிச்சை அளிக்கப்பட்டது. தொடர்ந்து சரஸ்வதி மேல் கரம்சந்தின் உறவினர்கள் ஹிசார் காவல் நிலையத்தில் புகார் அளித்தனர். காவலர்கள் சரஸ்வதி மீது வழக்கு பதிவு செய்து விசாரணை நடத்தினர்.

 

இது குறித்து காவல்துறையினர் கூறும்பொழுது, “குடும்பத் தகறாரில் மனைவி தாக்கியதில் கணவர் கரம்சந்துக்கு தலையில் காயம் ஏற்பட்டது. மேலும் நாக்கில் மூன்றில் ஒரு பகுதி துண்டிக்கப்பட்டது. இதனால் படுகாயம் அடைந்துள்ளதால் அவர் மருத்துவமனையில் அனுமதிக்கப்பட்டார். 15 தையல்கள் போடப்பட்டு சிகிச்சை அளிக்கப்பட்டு வருகிறது. கரம்சந்தின் தந்தை கொடுத்த புகாரின் அடிப்படையில் சரஸ்வதி மீது கொலைமுயற்சி உள்ளிட்ட பிரிவுகள் வழக்கு பதிவு செய்யப்பட்டது” என்று கூறினர்.

 

 

சார்ந்த செய்திகள்

 

Next Story

சாராயம் காய்ச்சி குடித்த நபர்கள் மருத்துவமனையில் அனுமதி!

Published on 12/07/2024 | Edited on 13/07/2024
People admitted to hospital after drinking liquor

செங்கல்பட்டு மாவட்டம் மதுராந்தகம் அருகே மழுவங்கரணை கிராமத்தைச் சேர்ந்தவர் தேவன்(65).  அடுப்புக்கரி வியாபாரம் செய்து வரும் இவர் தன்னிடம் வேலை செய்யும் தொழிலாளர்களுக்காக சாராயம் காய்ச்சி வந்ததாகக் கூறப்படுகிறது. இது குறித்த தகவல் மேல்மருவத்தூர் காவல் ஆய்வாளர் ஏழுமலைக்குத் தெரியவர, உடனடியாக  மதுவிலக்கு அமல் பிரிவு போலீசாருடன் தேவன் வீட்டிற்குச் சென்று சோதனை நடத்தியுள்ளார்.

சோதனையில்  சாராயம் காய்ச்சுவதற்காக வைத்திருந்த ஊறல் மற்றும் காய்ச்சி வைத்திருந்த 20 லிட்டர் சாராயத்தைக் கைப்பற்றினர். மேலும் தேவனை போலீசார் கைது செய்து விசாரணை நடத்தியபோது, சாராயத்தைக் காய்ச்சி தன்னிடம் வேலை செய்யும் மணி, பெருமாள், அய்யனார், ராதா கிருஷ்ணன், மதுரை ஆகிய 5 பேருக்கு குடிக்கக் கொடுத்ததாகத் தெரிவித்தார்.

இதனைத் தொடர்ந்து மருத்துவ குழுவினர் அதில் 3 பேரை  பிடித்து முழு மருத்துவ பரிசோதனை செய்தனர். மூவருக்கும் எந்த பாதிப்பு ஏற்படவில்லை என்று  மருத்துவர்கள் தெரிவித்தனர். இருப்பினும் முன்னெச்சரிக்கைக்காக அவர்கள் செங்கல்பட்டு அரசு மருத்துவமனையில் அனுமதிக்கப்பட்டு கண்காணிக்கப்பட்டு வருகின்றனர். எஞ்சியுள்ள 2 பேருடன் சேர்த்து 5 பேரும் நலமுடன் இருப்பதாகத் தெரிவிக்கப்பட்டுள்ளது.

Next Story

பள்ளி மாணவிகளுக்கு பாலியல் தொல்லை கொடுத்த ஆசிரியர்; கோவையில் பரபரப்பு 

Published on 12/07/2024 | Edited on 12/07/2024
teacher misbehaving with schoolgirls

கோவை அருகே செயல்பட்டு வரும் தனியார் பள்ளி ஒன்றில், 800க்கும் மேற்பட்ட மாணவ மாணவிகள் படித்து வருகின்றனர். இந்த பள்ளியில், பால்ராஜ் என்பவர் நூலக பொறுப்பு ஆசிரியராக பணியாற்றி வந்தார். இவர் அப்பள்ளியில் பயின்று வரும் 9 ஆம் வகுப்பு மாணவி ஒருவருக்கு பாலியல் தொல்லை கொடுத்துள்ளார். நாளாக நாளாக பால்ராஜின் தொந்தரவு அதிகரிக்க, ஆத்திரமடைந்த மாணவி தனது பெற்றோர்களிடம் தெரிவித்துள்ளார். 

இதைக்கேட்டு அதிர்ச்சியடைந்த பெற்றோர் பள்ளிக்குச் சென்று சம்பந்தப்பட்ட ஆசிரியர் மீது புகார் அளித்துள்ளனர். அதன்பேரில் நூலக பொறுப்பு ஆசிரியர் பால்ராஜை பள்ளி நிர்வாகம் பணியிடை நீக்கம் செய்தது. இந்த நிலையில் இது சம்பந்தமான புகார் மாவட்ட கல்வி அதிகாரிகளுக்கும், குழந்தை நல வாரிய அதிகாரிகளுக்கும் சென்றுள்ளது. 

உடனடியாக களத்தில் இறங்கிய அதிகாரிகள் சம்பந்தப்பட்ட பள்ளிக்குச் சென்று மாணவிகளிடம் தனித்தனியே விசாரணை நடத்தியுள்ளனர். அப்போது, பால்ராஜ் மேலும் இரு மாணவிகளுக்குத் தொடர்ந்து பாலியல் தொல்லை கொடுத்தது தெரியவந்தது. இதனைத் தொடர்ந்து, மாவட்ட குழந்தை நல அதிகாரிகள் ஆர்.எஸ்.புரம் காவல்துறையிடம் புகார் அளித்துள்ளனர். இதையடுத்து போக்சோ வழக்குப்பதிவு செய்த போலீசார் பால்ராஜை கைது செய்து விசாரணை நடத்தி வருகின்றனர்.