Skip to main content

''தவறுகளை திருத்திக்கொண்டு பாஜகவை வலுப்படுத்துவோம்'' - தோல்வியை ஒப்புக்கொண்ட பொம்மை

Published on 13/05/2023 | Edited on 13/05/2023

 

 "We will correct the mistakes and strengthen the BJP" - Puppet admitting defeat

 

கர்நாடகாவில் 224 தொகுதிகளைக் கொண்ட சட்டப்பேரவைக்கு மே 10, 2023 அன்று ஒரே கட்டமாக தேர்தல் நடைபெற்றது. ஆட்சியிலிருக்கும் பாஜக, எதிர்க்கட்சியான காங்கிரஸ் மற்றும் மதச்சார்பற்ற ஜனதா தளம் ஆகிய கட்சிகள் மும்முனை போட்டியில் உள்ள நிலையில் இன்று காலை 8 மணி முதல் வாக்கு எண்ணிக்கை துவங்கியுள்ளது.

 

பிற்பகல் 12.30 மணி நிலவரப்படி காங்கிரஸ் 131 இடங்களிலும், பாஜக 66 இடங்களிலும், மதச்சார்பற்ற ஜனதா தளம் 21 இடங்களிலும், மற்றவை 6 இடங்களிலும் முன்னிலையில் இருக்கின்றன. பெங்களூரு நகரில் உள்ள பெரும்பாலான தொகுதிகளில் காங்கிரஸ் முன்னிலை வகித்து வருகிறது. இதனால் அங்கு காங்கிரஸ் கட்சியினர் கொண்டாட்டத்தில் ஈடுபட்டுள்ளனர். கடந்த தேர்தலை விட இந்த முறை 47 தொகுதிகளில் காங்கிரஸ் முன்னணியில் இருப்பது கர்நாடக காங்கிரஸ் கட்சியினரை உற்சாகத்தில் ஆழ்த்தியுள்ளது.

 

கர்நாடகாவில் ஆட்சியை இழந்ததால் தென் இந்தியாவில் ஆட்சியில் இருந்த ஒரு மாநிலத்தையும் பாஜக இழந்துள்ளது. இதனால் தென் இந்தியாவில் பாஜக ஆட்சியில் இல்லை என்ற நிலை உருவாகியுள்ளது. இந்நிலையில் செய்தியாளர்களைச் சந்தித்த கர்நாடக முதல்வர் பசவராஜ் பொம்மை, ''தவறுகளை திருத்திக்கொண்டு பாஜகவை வலுப்படுத்துவோம். தேர்தல் முடிவுகள் முழுமையாக வெளியான பிறகு தோல்விக்கான காரணம் குறித்து ஆராயப்படும்'' என தோல்வியை ஒப்புக்கொள்ளும் வகையில் தெரிவித்துள்ளார்.

 

 

சார்ந்த செய்திகள்

 

Next Story

ஒரே குடும்பத்தில் நடந்த கொடூரக் கொலை; விசாரணையில் பகீர் தகவல்

Published on 19/07/2024 | Edited on 19/07/2024
A incident in the same family in karnataka

கர்நாடகா மாநிலம், சைதாப்பூர் அருகே ஜோலட்டா கிராமத்தின் அருகே உள்ள காட்டுப்பகுதியில் இளம்பெண்ணின் உடல் கிடப்பதாக போலீசாருக்கு தகவல் கிடைத்தது. அதன் பேரில், சைதாப்பூர் போலீசார்,  அன்னபூரணியின் உடலை மட்டும் கைப்பற்றி பிரேதப் பரிசோதனைக்காக மருத்துவமனைக்கு அனுப்பி வைத்தனர். இந்தச் சம்பவம் குறித்து போலீசார் நடத்திய விசாரணையில், யாதகிரி மாவட்டம் முனகல் பகுதியைச் சேர்ந்தவர் நவீன் (28). இவர், கடந்த 4 ஆண்டுகளுக்கு முன்பு தாவணகெரே பகுதியைச் சேர்ந்த அன்னப்பூரணியை(25) காதலித்து திருமணம் செய்து கொண்டார். இவர்களுக்கு பெண் குழந்தை ஒன்று உள்ளது. 

இந்த நிலையில், நவீன் அன்னபூரணியை அடிக்கடி அடித்து உதைத்து துன்புறுத்தி வந்துள்ளார். இதனால் மன உளைச்சலுக்கு ஆளான அன்னபூரணி, தனது குழந்தையுடன் கடந்த ஒரு வருடத்திற்கு முன்பு தனது பெற்றோர் வீட்டுக்கு சென்றுள்ளார். இதனிடையே, நவீன் தனது மனைவியை சமாதானப்படுத்த அடிக்கடி அவர் வீட்டுக்குச் சென்று அழைத்து வர முயற்சித்துள்ளார். 

அதன்படி, நேற்று முன்தினம் அன்னபூரணியை அவரது பெற்றோர்களான பசவராஜப்பா (52) மற்றும் கவிதா (45) ஆகியோர் அழைத்துக் கொண்டு நவீனின் வீட்டுக்குச் சென்றுள்ளனர். அவர்கள் அனைவரும் சமாதானம் ஆன பின், அன்னபூரணியின் பெற்றோரை பஸ்ஸில் ஏற்றிவிட நவீன் தனது மனைவியுடன் காரில் அழைத்துக் கொண்டு சென்றுள்ளார். 

காரில் சென்று அவர்களுக்குள் வாக்குவாதம் ஏற்பட்டுள்ளது. இவர்களுக்குள் ஏற்பட்ட வாக்குவாதத்தின் மூலம், நவீன் அன்னபூரணியின் பெற்றோரிடம் தகராறில் ஈடுபட்டுள்ளார். இதில் ஆத்திரமடைந்த நவீன், தனது காரில் வைத்திருந்த இரும்பு கம்பியை எடுத்துக் கொண்டு மனைவி, மாமனார், மாமியார் ஆகிய மூவரையும் கொடூரமாக தாக்கியுள்ளார். மேலும் அவர், அவர்களை சரமாரியாக குத்தி கொலை செய்துள்ளார். அதன் பின்னர், போலீஸுக்கு பயந்த நவீன், 3 பேரின் உடல்களையும் சைதாப்பூர் அருகே ஜோலட்டா கிராமத்தின் அருகே உள்ள காட்டுப்பகுதியில் தனித்தனியாக வீசிவிட்டு அங்கிருந்து தலைமறைவாயுள்ளார் என்பது தெரியவந்தது. 

இதனையடுத்து, காட்டுப்பகுதியில் மீதமுள்ள, கவிதா மற்றும் பசவராஜப்பா ஆகியோர் உடல்களை போலீசார் தீவிரமாக தேடி வருகின்றனர். மேலும், தலைமறைவாக இருக்கும் நவீனைப் பிடிக்க போலீசார் தேடுதல் வேட்டையில் இறங்கியுள்ளனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது. 

Next Story

காவிரி ஆற்றில் நீர்வரத்து அதிகரிப்பு!

Published on 19/07/2024 | Edited on 19/07/2024
Increase in water flow in Cauvery

கர்நாடக மாநிலத்தில் தென்மேற்கு பருவமழை கடந்த ஜூலை முதல் வாரத்தில் தொடங்கி தற்போது வரை விட்டு விட்டு கனமழை பொழிந்து வருகிறது. இதனால் காவிரி நீர்ப்பிடிப்பு பகுதிகளான மைசூர், குடகு, ஹாசன் உள்ளிட்ட பகுதிகளிலும் கடலோர மற்றும் மலை மாவட்டங்களிலும் தொடர்ந்து மழை பொழிவதால் கர்நாடக அணைகளுக்கு நீர்வரத்து அதிகரித்துள்ளது.

அதன்படி கர்நாடகாவின் முக்கிய அணைகளான கிருஷ்ணராஜ சாகர் அணை மற்றும் கபினி, ஹேமாவதி உள்ளிட்ட அணைகளில் நீர்மட்டம் அதிகரித்துள்ளது. இதனால் தொடர்ந்து உபரி நீர் காவிரி ஆற்றில் திறந்து விடப்பட்டு வருகிறது. அதாவது தமிழகத்திற்கு வினாடிக்கு 34 ஆயிரம் கன அடியாக நீர் திறக்கப்படுகிறது. இதனையொட்டி தமிழக கர்நாடக எல்லையான பிலிகுண்டுலுவிற்கு இன்று (19.07.2024) காலை நிலவரப்படி வினாடிக்கு 45 ஆயிரம் கன அடி தண்ணீர் வந்து கொண்டிருக்கிறது.

இந்நிலையில் ஒகேனக்கலுக்கு நேற்று (18.07.2024) வினாடிக்கு 40 ஆயிரம் கன அடியாக இருந்த நீர்வரத்து தற்போது 45 ஆயிரம் கன அடியாக அதிகரித்துள்ளது. அதிகப்படியான நீர்வரத்து காரணங்களால் ஐந்தருவி உள்ளிட்ட அருவிகளில் நான்காவது நாளாக இன்றும் பரிசல்கள் இயக்கவும், குளிக்கவும் சுற்றுலா பயணிகளுக்குத் தடை விதிக்கப்பட்டுள்ளது. அதே சமயம் இன்று மதியம் நீர்வரத்து மேலும் அதிகரிக்கக் கூடும் எனவும் எதிர்பார்க்கப்படுகிறது.