Skip to main content

ஆந்திரா மர்ம நோய் பரவல்: சந்தேகம் கிளப்பும் சந்திர பாபு நாயுடு!

Published on 07/12/2020 | Edited on 08/12/2020

 

chandra babu naidu

 

ஆந்திரா மாநிலத்தின் மேற்கு கோதாவரி பகுதியில் அமைந்துள்ளது எலுரு மண்டலம். இம்மாவட்டத்திலுள்ள 300க்கும் மேற்பட்ட மக்கள் திடீரென மர்ம நோயால் பாதிக்கப்பட்டுள்ளனர். ஒருவர் உயிரிழந்துள்ளார். இந்தநோயால் பாதிக்கப்பட்டவர்கள் வாயில் நுரை தள்ளுவதோடு மயக்கமடைந்து விடுகிறார்கள். இவர்களுக்கு மருத்துவமனைகளில் சிகிச்சையளிக்கப்பட்டு வருகிறது. 

 

இந்த மர்மநோய் எதனால் ஏற்பட்டது என இதுவரை கண்டுபிடிக்கப்படவில்லை. இந்த நோயினால் பாதிக்கப்பட்டவர்களுக்கு குமட்டல், வலிப்பு மற்றும் மயக்கம் ஆகிய அறிகுறிகள் இருப்பதாக அதிகாரப்பூர்வ தகவல்கள் தெரிவிக்கின்றன. மேலும் அவர்களில் சிலர் திடீர், திடீரென ஒலி எழுப்புவதாகவும் தெரிவிக்கப்பட்டுள்ளது. ஆந்திரா மாநில முதல்வர் ஜெகன் மோகன், எள்ளுரு மாவட்ட அரசு மருத்துவமனையில் பாதிக்கப்பட்டவர்களைச் சந்தித்து ஆறுதல் கூறினார்.

 

இதற்கிடையே, ஆந்திர மாநில முன்னாள் முதல்வர் சந்திர பாபு நாயுடு, இந்த மர்ம நோய்க்கு இதற்கு குடிநீர் மாசுப்பாடே காரணம் என குற்றம் சாட்டினார். மேலும், எள்ளுரு மாவட்டத்தில் நடந்த நீர் மாசுபாடு காரணமாக ஆந்திரா முழுவதும் சுகாதார அவசரநிலையை பிரகனப்படுத்த வேண்டிய நிலை ஏற்பட்டுள்ளதாகவும் தெரிவித்த அவர், இந்த பிரச்சனை ஆந்திர சுகாதாரத்துறையின் சீரழிவை காட்டுகிறது என விமர்சித்திருந்தார்.

 

இந்தநிலையில் தற்போது, ஆந்திர அரசு எள்ளுரு பிரச்னையை கையாளும் விதத்தில் சந்தேகத்தை கிளப்பியுள்ளார். இதுத்தொடர்பாக அவர் வெளியிட்டுள்ள ட்விட்டர் பதிவில், " ஆந்திர அரசு, எள்ளுரு சம்பவத்தை தவறாக கையாளும் விதம் சந்தேகத்தை ஏற்படுத்துகிறது. இந்த மர்மமான உடல்நலக்குறைவால் உயிரிழந்த ஸ்ரீதர் என்பவரின் உடல், அவரது குடும்பத்தாரிடம் நேற்று மாலை ஒப்படைக்கப்பட்டது. சுகாதாரத்துறை அதிகாரிகள் நேற்று இரவு திரும்பிவந்து, ஸ்ரீதரின் உடலை உடற்கூறு ஆய்வு செய்யவேண்டுமென திரும்ப கேட்கின்றனர். ஆந்திரா அரசு எதை மறைக்க முயல்கிறது" என கேள்வி எழுப்பி, சுகாதாரத்துறை அதிகாரிகள் உடலை திரும்ப கேட்கும் விடீயோவையும் பதிவிட்டுள்ளார். 

 

 

 

 

சார்ந்த செய்திகள்

 

Next Story

விவாதத்தை கிளப்பிய எலான் மஸ்க்; ஜெகன் மோகன் ரெட்டி ஆதரவு!

Published on 18/06/2024 | Edited on 18/06/2024
upport Jagan Mohan Reddy for Elon Musk who says refuse evm machine

அமெரிக்க முதன்மை தேர்தலின் போது நடைபெற்ற வாக்குப்பதிவின் போது முறைகேடு நடைபெற்றது எனச் சுயேச்சை அதிபர் வேட்பாளர் ராபர்ட் எஃப் கென்னடி குற்றம் சாட்டியிருந்தார். இது தொடர்பாக எக்ஸ் சமூக வலைத்தளத்தில் ஒரு பதிவை பதிவிட்டிருந்தார். இந்தப் பதிவை குறிப்பிட்டு எலான் மஸ்க், “மின்னணு வாக்கு இயந்திரங்களை அகற்ற வேண்டும். மனிதர்கள் அல்லது செயற்கை நுண்ணறிவு (ஏ.ஐ.) மூலம் மின்னணு வாக்கு இயந்திரங்கள் ஹேக் செய்யப்படும் ஆபத்து சிறியதாக இருந்தாலும் அதன் பாதிப்பு மிக அதிகமாக உள்ளது”எனக் கருத்து தெரிவித்திருந்தார். 

மின்னணு வாக்கு இயந்திரங்களை ஹேக் செய்ய முடியும் என்று எலான் மஸ்க் கூறியிருந்த கருத்துக்கு பா.ஜ.கவினர் கடும் எதிர்வினையாற்றி வருகின்றனர். அதே சமயம், எலான் மஸ்க் கருத்து உலகம் முழுவதும் பெரும் விவாதத்தை கிளப்பியுள்ளது. மேலும், காங்கிரஸ் தலைவர் ராகுல் காந்தி உள்ளிட்ட இந்தியாவில் உள்ள பல அரசியல் கட்சித் தலைவர்களும் கருத்து தெரிவித்து வருகின்றனர். 

ஆந்திரப் பிரதேசத்தில் சமீபத்தில் நடைபெற்ற மக்களவைத் தேர்தலோடு கூடிய சட்டமன்றத் தேர்தலில், ஆட்சியில் இருந்த ஜெகன் மோகன் ரெட்டி தலைமையிலான ஒய்.எஸ்.ஆர்.காங்கிரஸ் படுதோல்வியடைந்து ஆட்சியை இழந்தது. அதன் பின்னர், பெருவாரியான வாக்குகளைப் பெற்ற தெலுங்கு தேசம் கட்சி வெற்றி பெற்றி சந்திரபாபு நாயுடு அம்மாநிலத்தில் நான்காவது முறையாக ஆட்சியைப் பிடித்துள்ளார்.

இந்த நிலையில், தேர்தலில் தோல்வியடைந்த ஜெகன் மோகன் ரெட்டி, எலான் மஸ்க் கூறிய கருத்துக்கு தெரிவிக்கும் வகையில் கருத்து தெரிவித்துள்ளார். இது தொடர்பாக அவர் கூறுகையில், “தேர்தலில் வாக்குச் சீட்டு முறைக்கு மாற வேண்டும். ஜனநாயகத்தில் மேம்பட்ட நாடுகளில் வாக்குச்சீட்டு முறையே உள்ளன. அங்கு வாக்கு இயந்திரங்கள் இல்லை. நமது ஜனநாயகத்தின் உண்மையான உணர்வை நிலைநிறுத்த நாமும் அதை நோக்கி நகர வேண்டும்” எனக் கூறினார். 

Next Story

ஆந்திராவில் அமைச்சர்களுக்கு இலாகாக்கள் ஒதுக்கீடு!

Published on 14/06/2024 | Edited on 14/06/2024
Allotment of portfolios to ministers in Andhra Pradesh

நாடாளுமன்ற மக்களவைத் தேர்தலோடு ஒடிசா, ஆந்திரப் பிரதேசம், சிக்கிம், அருணாச்சலப் பிரதேசம் போன்ற மாநிலங்களில் சட்டமன்றத் தேர்தலும் நடைபெற்றது. அந்த வகையில் சட்டமன்ற தேர்தலில் வெற்றி சந்திரபாபு நாயுடு ஆந்திர முதல்வராக நேற்று முன்தினம் (12.06.2024) பதவியேற்றுக் கொண்டார். இந்நிலையில் ஆந்திர அமைச்சர்களுக்கு இலாக்காக்கள் ஒதுக்கப்பட்டுள்ளன.

அதன்படி முதல்வர் சந்திரபாபு நாயுடுவுக்குச் சட்டம் மற்றும் ஒழுங்கு, பொது நிறுவனங்கள் மற்றும் அமைச்சர்களுக்கு ஒதுக்கப்படாத அனைத்து துறைகளும் ஒதுக்கீடு செய்யப்பட்டுள்ளன. பவன் கல்யாண் துணை முதல்வராகவும், பஞ்சாயத்து ராஜ், ஊரக வளர்ச்சி மற்றும் ஊரக நீர் வழங்கல்; சுற்றுச்சூழல், காடு, அறிவியல் மற்றும் தொழில்நுட்ப துறைகள் ஒதுக்கீடு செய்யப்பட்டுள்ளன. 

Allotment of portfolios to ministers in Andhra Pradesh

நாரா லோகேஷ் - மனித வள மேம்பாடு; ஐடி எலக்ட்ரானிக்ஸ் மற்றும் கம்யூனிகேஷன், கிஞ்சராபு அட்சண்னைடு - வேளாண்மை, கூட்டுறவு, சந்தைப்படுத்தல், கால்நடை பராமரிப்பு, பால்வள மேம்பாடு மீன்வளம், கொள்ளு ரவீந்திரன் - சுரங்கங்கள் மற்றும் புவியியல், கலால் வரி, நாதெண்டல மனோகர் - உணவு மற்றும் பொது விநியோகம், நுகர்வோர் விவகாரங்கள், பொங்குரு நாராயணா -  நகராட்சி நிர்வாகம் & நகர்ப்புற வளர்ச்சித்துறைகள் ஒதுக்கீடு செய்யப்பட்டுள்ளன.

அனிதா வாங்கலபுடி - உள்துறை மற்றும் பேரிடர் மேலாண்மை, சத்ய குமார் யாதவ் - ஆரோக்கியம்; குடும்ப நலன் மற்றும் மருத்துவக் கல்வி, நிம்மலா ராமாநாயுடு - நீர்வள மேம்பாடு, நசியம் முகமது பாரூக் - சட்டம் மற்றும் நீதி; சிறுபான்மையினர் நலன், ஆனம் ராம்நாராயண ரெட்டி - நன்கொடைகள், பையாவுல கேசவ் - நிதி; திட்டமிடல்; வணிக வரிகள் மற்றும் சட்டமன்றம், அனகனி சத்ய பிரசாத் - வருவாய், பதிவு முத்திரைகள் துறை, கொலுசு பார்த்தசாரதி - வீட்டுவசதி, தகவல் தொடர்புத்துறை, டோலா பால வீராஞ்சநேய ஸ்வாமி - சமூக நலன்; மாற்றுத்திறனாளிகள் மற்றும் மூத்த குடிமக்கள் நலன்; சசிவாலயம் & கிராம தன்னார்வலர், கோட்டிப்பட்டி ரவிக்குமார் - ஆற்றல், கந்துலா துர்கேஷ் - சுற்றுலா, கலாச்சாரம் மற்றும் ஒளிப்பதிவுத் துறையும் ஒதுக்கீடு செய்யப்பட்டுள்ளன.

கும்மாடி சந்தியா ராணி - பெண்கள் மற்றும் குழந்தைகள் நலன்; பழங்குடியினர் நலன், பிசி ஜனார்தன் ரெட்டி - சாலைகள் மற்றும் கட்டிடங்கள், உள்கட்டமைப்பு மற்றும் முதலீடுகள், டி.ஜி. பரத் - தொழில்கள் மற்றும் வர்த்தகம்; உணவு பதப்படுத்தும்முறை, எஸ்.சவிதா - பிற்படுத்தப்பட்டோர் நலன், பொருளாதாரத்தில் பின்தங்கிய பிரிவினர் நலன்; கைத்தறி மற்றும் ஜவுளி, வாசம்செட்டி சுபாஷ் - தொழிலாளர், தொழிற்சாலைகள், கொதிகலன்கள் மற்றும் காப்பீட்டு மருத்துவ சேவைகள், கொண்டபள்ளி ஸ்ரீனிவாஸ் - சிறு, குறு மற்றும் நடுத்தர தொழில்கள், மண்டிபள்ளி ராம்பிரசாத் ரெட்டி- போக்குவரத்து; இளைஞர் மற்றும் விளையாட்டுத்துறையும் ஒதுக்கீடு செய்யப்பட்டுள்ளன.