Skip to main content

“தாஜ்மஹாலை இடிக்க வேண்டும்” - பாஜக எம்.எல்.ஏ பிரதமருக்கு வைத்த கோரிக்கை

Published on 06/04/2023 | Edited on 06/04/2023

 

"Taj Mahal should be demolished" is the demand of BJP MLA to the Prime Minister

 

அசாம் மாநிலம் கவுஹாத்தி பாஜக எம்.எல்.ஏ தாஜ்மஹால் காதலுக்கான சின்னம் இல்லை, அதை இடிக்க வேண்டும் என கூறியுள்ளது சர்ச்சையை ஏற்படுத்தியுள்ளது.

 

தேசிய கல்வி ஆராய்ச்சி மற்றும் பயிற்சி கவுன்சிலான என்.சி.இ.ஆர்.டி அதன் புதிய பாடப்புத்தகங்களில் (12 ஆம் வகுப்பு) முகலாய சாம்ராஜ்ஜியத்தைப் பற்றி சுருக்கப்பட்ட உள்ளடக்கத்துடன் வெளியிட்ட நிலையில், அந்த வரலாற்றுப் பகுதி நீக்கம் செய்யப்பட்டதாக தகவல் வெளியானது. தொடர்ந்து அப்பகுதி நீக்கம் செய்யப்பட்டதற்கு கண்டங்கள் எழுந்த நிலையில் என்.சி.இ.ஆர்.டி தலைவர் அப்பகுதிகள் நீக்கம் செய்யப்படவில்லை என விளக்கம் அளித்துள்ளார்.

 

இந்நிலையில் அசாம் மாநிலத்தில் உள்ள பாஜக எம்.எல்.ஏ ருப்ஜோதி குர்மி இது குறித்து கூறும் போது, “முகலாய மன்னர் ஜஹாங்கீர் 20 முறை திருமணம் செய்து கொண்டார். மற்றொரு மன்னரான ஷாஜஹான் 4 திருமணம் செய்து கொண்டு காதலுக்கு நினைவுச் சின்னம் எழுப்பினார் என்பதை சிறு குழந்தைகளுக்கு நாங்கள் கற்றுத்தர விரும்பவில்லை. வரும் தலைமுறையினருக்கு இதுபோன்ற தகவல்களை வழங்க நாங்கள் விரும்பவில்லை. இப்போது முகலாயர்களின் உள்ளடக்கத்தை குறைக்க NCERT முடிவு செய்துள்ளது. நாங்கள் அதை ஆதரிக்கிறோம்.

 

"Taj Mahal should be demolished" is the demand of BJP MLA to the Prime Minister

 

முகலாயர்கள் இந்தியாவிற்கு வந்து 1526 ஆம் ஆண்டு தாஜ்மஹாலை உருவாக்கினர். ஷாஜகான் தாஜ்மஹாலை இந்து மன்னர்களிடம் இருந்து எடுத்த பணத்தில் கட்டினார். அது நமது பணம். அவர் தனது நான்காவது மனைவிக்காக தாஜ்மஹாலை உருவாக்கினார். அவருக்கு ஏழு மனைவிகள் மற்றும் மும்தாஜ் நான்காவது மனைவி. அவர் மும்தாஜை மிகவும் நேசித்திருந்தால் பின்னர் ஏன் மேலும் மனைவிகளை திருமணம் செய்தார்?

 

முகலாயர்கள் தாஜ்மஹாலையும் குதுப்மினாரையும் கட்டினார்கள். தாஜ்மஹால் மற்றும் குதுப்மினார் உடனடியாக இடிக்கப்பட வேண்டும் என்று பிரதமரிடம் வலியுறுத்துகிறேன். இந்த இரண்டு நினைவுச் சின்னங்களுக்குப் பதிலாக உலகின் மிக அழகான கோயில்கள் கட்டப்பட வேண்டும். அந்த இரண்டு கோயில்களின் கட்டடக்கலை வேறு எந்த நினைவுச்சின்னங்களும் அவற்றை நெருங்க முடியாத வகையில் இருக்க வேண்டும்” எனக் கூறியுள்ளார். பாஜக எம்.எல்.ஏவின் இந்த கருத்துக்கு எதிர்ப்புகள் வலுத்து வருகின்றன.

 

 


 

சார்ந்த செய்திகள்

Next Story

'சில கெட்ட சக்திகள் வெளியேறியுள்ளது'-ஈ.வி.கே.எஸ்.இளங்கோவன் பேட்டி

Published on 03/03/2024 | Edited on 03/03/2024
nn

காங்கிரஸில் சிட்டிங் எம்எல்ஏவாக இருந்த விஜயதரணி அண்மையில் பாஜகவில் சேர்ந்திருந்தது அரசியல் வட்டாரத்தில் பரபரப்பு ஏற்படுத்தி இருந்தது. அதேநேரம் தமிழ்நாடு காங்கிரஸ் திமுகவுடன் கூட்டணி தொகுதி பங்கீடு பேச்சுவார்த்தையை நடத்தி வருகிறது. இந்த நிலையில் ஈரோட்டில் செய்தியாளர்களைச் சந்தித்த காங்கிரஸ் எம்.எல்.ஏ, ஈ.வி.கே.எஸ்.இளங்கோவன் பேசுகையில், ''மீண்டும் வாரணாசி தொகுதியில் பிரதமர் மோடி போட்டியிட இருக்கிறார். யார் கண்டிப்பாக தோற்பார்கள் என்ற பட்டியலை இன்றைக்கு அறிவித்திருக்கிறார்கள். நம்முடைய ஊரின் சாம்பார் பிடித்திருக்கிறது போல அதனால் தான் மோடி அடிக்கடி தமிழகம் வந்து கொண்டிருக்கிறார்.

திமுக கூட்டணியில் சுமூகமாக பேச்சு வார்த்தைகள் நடைபெற்று வருகிறது. இன்னும் ஒரு சில நாட்களில் தொகுதிப் பங்கீடு குறித்து வெளியிடப்படும். இழுபறி எல்லாம் இல்லை. கண்டிப்பாக இந்த தேர்தலோடு காணாமல் போகப் போகிறவர் யார் என்றால் மோடி தான். வரும் நாடாளுமன்ற தேர்தலுக்கு பிறகு மோடி எங்கு தேடினாலும் இருக்க மாட்டார். தமிழகமே அவர்களுடைய சொந்த பூமி என்று நினைத்துக் கொண்டிருக்கிறார்கள். தமிழகத்திலிருந்து வருகின்ற பணத்தையோ, நிதியையோ, வரியையோ மீண்டும் தமிழக வளர்ச்சிக்கு கொடுக்கலாமென்று இல்லாமல் அவர்கள் சுருட்டிக் கொண்டிருக்கிறார்கள்.

ஏழரை லட்சம் கோடி ரூபாயை மோடி சுருட்டி இருக்கிறார். உலக வரலாற்றில் இவ்வளவு பெரிய அயோக்கியத்தனம், லஞ்சம் ஊழல் எங்கேயும் நடந்தது இல்லை'' என்றார்.

விஜயதரணி பாஜகவிற்கு சென்றது குறித்து கேள்விக்கு, ''சில கெட்ட சக்திகள், மோசமான சக்திகள் காங்கிரசை தூய்மைப்படுத்த வேண்டும் என்பதற்காக வெளியேறி இருக்கிறது. அவர்களுக்கு என்னுடைய நன்றிகள்''எ ன்றார்.

'தமிழகத்தில் போதைப் பொருட்கள் பயன்பாடு அதிகமாக இருப்பதாக எதிர்க்கட்சிகள் குற்றம் சாட்டுகின்றன' என்ற கேள்விக்கு, ''தமிழகத்தில் கஞ்சா குடிக்கும் பழக்கம் என்பது நூற்றுக்கணக்கான வருடங்களாக இருக்கிறது. இப்போது அதை கட்டுப்படுத்துவதற்காக முயற்சிகள் எடுக்கும் பொழுது பல இடங்களில் தப்புத் தண்டாவில் ஈடுபடுகிறவர்கள் பிடிக்கப்படுகிறார்கள். அதிமுகவில் எத்தனை சமூகவிரோதிகள் இருக்கிறார்கள் என பட்டியல் எடுத்தால் தமிழகத்தில் பாஜகவிற்கு அடுத்து அதிகமாக குற்றவாளிகள் இருப்பது எடப்பாடியோடு தான் என்பது தெரிய வரும்'' என்றார்.

Next Story

பிரதமர் மோடிக்கு கார்கே சரமாரி கேள்வி!

Published on 02/03/2024 | Edited on 02/03/2024
For Prime Minister Modi, Karke barrage of questions

காங்கிரஸ் தலைவர் மல்லிகார்ஜுன கார்கே, பிரதமர் மோடியை கடுமையாக விமர்சனம் செய்துள்ளார். இது குறித்து அவர் தனது எக்ஸ் (ட்விட்டர்) பக்கத்தில் தெரிவித்துள்ளதாவது, “பிரதமர் மோடி அறிவித்த ‘மேக் இன் இந்தியா’ என்ற திட்டம் படுதோல்வி அடைந்துவிட்டது. தொழில் உற்பத்தித் துறையில் அரசு அறிவித்த திட்டங்கள் அனைத்தும் முற்றிலும் செயலற்றுவிட்டது. 

கடந்த 10 ஆண்டுகளில் இந்தியாவின் மொத்த உள்நாட்டு உற்பத்தியில், உற்பத்தியால் சேர்க்கப்பட்ட மதிப்பு 16%லிருந்து 13% ஆக ஏன் குறைந்துள்ளது? மோடி அரசின் கீழ் உற்பத்தித் துறையின் சராசரி வளர்ச்சி ஏன் சரிந்தது? காங்கிரஸ் ஆட்சிக் காலத்தில் 7.85% ஆக இருந்தது. இப்போது, அது கிட்டத்தட்ட 6% ஆகக் குறைந்தது. மோடி அரசு 2022க்குள் உற்பத்தித் துறையில் 10 கோடி வேலைகளை வழங்குவதாக உறுதியளித்தது. அந்த வேலைகள் எங்கே? கடந்த 10 ஆண்டுகளில் உற்பத்தித் துறையில் தொழிலாளர் எண்ணிக்கை ஏன் குறைந்துள்ளது? உற்பத்தி இணைக்கப்பட்ட ஊக்கத்தொகை திட்டத்தில் பெரும்பாலானவை செயல்படத் தவறியது ஏன்?

முக்கிய துறைகளுக்கான நிதியில் பாரிய அளவில் பயன்படுத்தப்படாதது ஏன்? ஜவுளித் துறையில் பிஎல்ஐக்கான 96% நிதி பயன்படுத்தப்படவில்லை. ஏ.சி.கள் மற்றும் எல்.இ.டி.யின் பாகங்கள் மற்றும் துணை பாகங்கள் தயாரிப்பதற்காக வெள்ளைப் பொருட்களில் பிஎல்ஐக்கான 95% நிதி பயன்படுத்தப்படாமல் உள்ளது. காங்கிரஸ் ஆட்சிக் காலத்தில் 549% ஆக இருந்த இந்தியாவின் ஏற்றுமதி விகிதம் மோடி ஆட்சியின் போது 90% ஆக சரிந்தது எப்படி? இந்தியாவிற்கு தேவையானது வலுவான மற்றும் உள்ளடக்கிய வேலை வாய்ப்பு உருவாக்கம் ஆகும். உயர் தொழில்நுட்ப நெட்வொர்க்குகளை இணைப்பதன் மூலம் வேலைகளை உருவாக்குபவர்களின் திறன்களை ஊக்குவிப்பது மற்றும் உற்பத்தியை ஒழுங்குபடுத்துவது அவசியம். உற்பத்தி மற்றும் ஏற்றுமதியை ஊக்குவிப்பதில் மதிப்பு கூட்டுதலில் கவனம் செலுத்த வேண்டும்” என்று பதிவிட்டுள்ளார்.