Skip to main content

மல்லையா, நிரவ் மோடி வரிசையில் 8000 கோடி ஏமாற்றிவிட்டு வெளிநாடு பறந்த பிரபல தொழிலதிபர்...

Published on 23/03/2019 | Edited on 23/03/2019

விஜய் மல்லையா, நீரவ் மோடி ஆகியோர் ஆயிரக்கணக்கான கோடி ரூபாய்கள் இந்திய வங்கிகளில் மோசடி செய்துவிட்டு வெளிநாடு தப்பி சென்றனர்.

 

sterling biotech

 

அந்த வரிசையில் குஜராத்தின் வடோதராவை தலைமையிடமாக கொண்டு இயங்கி வந்த ஸ்டெர்லிங் குழும நிறுவனத்தின் நிறுவனர்களான நிதின், சேத்தன் என்ற சகோதரர்கள் இந்திய வங்கிகளில் 8,100 கோடி ரூபாய் மோசடி செய்துவிட்டு தப்பியோடினர்.

உள்நாட்டிலும், வெளிநாடுகளிலும் 300–க்கும் மேற்பட்ட போலி நிறுவனங்களை பினாமி பெயரில் தொடங்கி அதன்மூலம் கொள்ளை அடிக்கப்பட்டது தெரியவந்தது. இவ்வாறு அவர்களுக்கு பினாமி நிறுவனங்கள் அமைக்க அவர்களது மைத்துனரான ஹிதேஷ் படேல் உதவியதாக அமலாக்கத்துறை வழக்கு பதிந்தது.

இந்நிலையில் ஒரு வருடமாக தேடப்பட்டு வந்த ஹிதேஷ் படேலுக்கு கடந்த மாதம் ரெட் நோட்டீஸ் கொடுத்தது அமலாக்கத்துறை. இதனை தொடர்ந்து இன்டர்போல் உதவியுடன் ஐரோப்பிய நாடான அல்பேனியாவில் அவர் தற்போது கைது செய்யப்பட்டுள்ளார். முக்கிய குற்றவாளிகளான நிதின், சேத்தன் ஆப்பிரிக்கா நாடான நைஜீரியாவில் தலைமறைவாக உள்ளதாக தகவல் கிடைத்துள்ளது. இதனை தொடர்ந்து அவர்களை பிடிக்க நடவடிக்கை எடுக்கப்பட்டு வருவதாக அமலாக்க துறை தெரிவித்துள்ளது.  

 

 

சார்ந்த செய்திகள்

 

Next Story

நீரவ்மோடி வழக்கறிஞர் லண்டனில் பரபரப்பு வாதம்..! இந்தியா அதிர்ச்சி..!

Published on 22/07/2021 | Edited on 22/07/2021

 

Neerav Modi's lawyer sensational argument in London

 

மும்பையைச் சேர்ந்தவர் பிரபல வைர வியாபாரி நீரவ் மோடி. பஞ்சாப் நேஷனல் வங்கியில் 13,000 கோடிக்கும் அதிகமாக கடன் பெற்றார். அதனைக் கட்டத் தவறியதால் அவர் மீது மோசடி வழக்கு தொடரப்பட்டது. சி.பி.ஐ. அதிகாரிகளும், அமலாக்கத்துறை அதிகாரிகளும் இவர் மீது தனித்தனியாக வழக்குகளைத் தொடர்ந்தனர். அந்த வழக்குகளில் கைது செய்யப்படுவதிலிருந்து தன்னைக் காப்பாற்றிக்கொள்ள லண்டனுக்குத் தப்பிச் சென்றார் நீரவ் மோடி. பல ஆண்டுகளாக இந்த வழக்கு நடந்துவரும் நிலையில், இந்திய அரசின் கோரிக்கையை ஏற்று லண்டனில் கைது செய்யப்பட்டு அங்குள்ள சிறையில் அடைக்கப்பட்டார் நீரவ் மோடி.

 

அவரை அங்கிருந்து விடுவித்து இந்தியாவுக்கு கொண்டு வர பிரதமர் மோடி தலைமையிலான மத்திய அரசு பல்வேறு சட்ட நடவடிக்கைகளை எடுத்துவருகிறது. இது தொடர்பாக, லண்டன் நீதிமன்றத்தில் மனுவும் தாக்கல் செய்துள்ளது இந்திய அரசு. இதனையடுத்து ஒரு கட்டத்தில், நீரவ் மோடியை இந்தியாவுக்கு நாடு கடத்த,  பிரிட்டனின் உள்துறை அமைச்சகம் அனுமதி வழங்கியது. இதனை நீதிமன்றத்திலும் தாக்கல் செய்தது பிரிட்டன் அரசு.

 

அதனை எதிர்த்து லண்டன் நீதிமன்றத்தில் வழக்கு தொடர்ந்தார் நீரவ் மோடி. அது தள்ளுபடியான நிலையில் மீண்டும் மேல் முறையீடு செய்தார். அந்த மேல்முறையீட்டு மனு மீதான விசாரணை நேற்று (21.07.2021) லண்டன் நீதிமன்றத்தில் நடந்தது. அப்போது நீரவ் மோடி சார்பில் ஆஜரான அவரது வழக்கறிஞர், “நீரவ் மோடி தற்போது மிகவும் மன உளைச்சலில் இருக்கிறார். தன்னுடைய நிலையை உணராதவராகவும் இருக்கிறார். அதனால் அவருக்கு மனநல சிகிச்சை அளிக்கப்பட்டுவருகிறது. இந்தச் சூழலில், இந்தியாவுக்கு நாடு கடத்தப்பட்டால் மனநீதியாக பெரிய பாதிப்புகள் அவருக்கு ஏற்படலாம். அதனால் அவர் தற்கொலை செய்துகொள்ளவும் வாய்ப்பிருக்கிறது. இந்தியாவுக்கு நாடு கடத்துவதிலிருந்து அவருக்கு விலக்கு வேண்டும்’’ என்று வாதிட்டுள்ளார்.

 

நீரவ் மோடி வழக்கறிஞரின் இத்தகைய வாதத்தை ஏற்க மறுத்து இந்திய அரசின் சி.பி.ஐ. தரப்பில் வாதம் முன்வைக்கப்பட்டுள்ளது. இதனால் வழக்கின் விசாரணை ஒத்திவைக்கப்பட்டிருக்கிறது. நீரவ் மோடி தற்கொலை செய்துகொள்வார் என சொல்லப்பட்ட வாதத்தில் அதிர்ச்சியடைந்துள்ளது இந்திய அரசு.

 

 

Next Story

வங்கிகளின் பெயருக்கு மாற்றப்பட்ட சொத்துக்கள்; சுருட்டியது ரூ. 22,500 கோடி... மீட்கப்பட்டது எவ்வளவு..?

Published on 23/06/2021 | Edited on 23/06/2021

 

mallaya modi choksi

 

இந்திய வங்கிகளில் கடன் பெற்று மோசடி செய்த பணக்காரர்கள் விஜய் மல்லையா, நீரவ் மோடி ஆகியோர் இந்தியாவிலிருந்து தப்பிச் சென்று வெளிநாட்டில் வசித்து வருகின்றனர்.  இவர்களைப் போன்றே பண மோசடியில் ஈடுபட்ட மெகுல் சோக்சி, டொமினிக்கா தீவில் சிறையில் உள்ளார்.

 

இந்த மூன்று பணக்காரர்களுக்கும் எதிராக அமலாக்கத்துறையும், சிபிஐயும் வழக்குப் பதிவு செய்து விசாரணை நடத்தி வருகின்றனர். மேலும், இவர்களை இந்தியாவிற்கு கொண்டு  வரவும் முயற்சிகள் மேற்கொள்ளப்பட்டு வருகின்றன. இம்மூவரும் மொத்தமாக 22,586 கோடி வங்கிகளில் மோசடி செய்துள்ளனர்.

 

இந்நிலையில், அமலாக்கத்துறை விஜய் மல்லையா, நீரவ் மோடி, மெகுல் சோக்சி ஆகியோரின் 18,170.02 கோடி ரூபாய் சொத்துக்களை முடக்கியுள்ளதோடு, 9371.17 கோடி மதிப்பிலான சொத்துக்களைக் கடன் வழங்கிய வங்கிகளின் பெயர்களுக்கு மாற்றியுள்ளது. அமலாக்கத்துறை மொத்தமாக முடக்கியுள்ள சொத்துக்களின் மதிப்பான  18,170.02 கோடி ரூபாய் என்பது வங்கிகள் இழந்த தொகையில் 80.45 சதவீதமாகும். தற்போது வங்கிகளுக்கு அமலாக்கத்துறை மாற்றியுள்ள 9371.17 கோடி ரூபாய்  என்பது வங்கிகள் இழந்த தொகையில் 40 சதவீதம் என்பது குறிப்பிடத்தக்கது.