Skip to main content

பள்ளி மாணவர்களுக்கு கரோனா தொற்று; பரிசோதனை நடத்த உத்தரவு!

Published on 11/02/2021 | Edited on 11/02/2021

 

covid

 

கரோனா ஊரடங்கு தளர்வுகளுக்குப் பிறகு, இந்தியாவின் பல்வேறு மாநிலங்களில் பள்ளிகள் திறக்கப்பட்டு வருகின்றன. கேரளாவில் சமீபத்தில் இரண்டு பள்ளிகளைச் சேர்ந்த 192 மாணவர்களுக்கும், 72 ஆசிரியர்களுக்கும் கரோனா தொற்று உறுதியானது. அவர்கள் அனைவரும் தனிமைப்படுத்தப்பட்டுள்ளனர்.

 

இந்தநிலையில், ராஜஸ்தான் மாநிலத்திலும் பள்ளி மாணவர்கள் மற்றும் ஆசிரியருக்கு கரோனா தொற்று உறுதியாகியுள்ளது. ஜலவார், ஜல்ராபதன் மற்றும் பவானிமண்டி அரசு பெண்கள் பள்ளியில் தலா ஒரு மாணவிக்காவது கரோனா தொற்று உறுதி செய்யப்பட்டுள்ளது. பவானிமண்டியில் உள்ள ஒரு தனியார் பள்ளியின் மாணவனுக்கும், ஜலாவர் பகுதியிலுள்ள ஒரு பள்ளியின் ஆசிரியருக்கும் கரோனா தொற்று உறுதியாகியுள்ளது.

 

கரோனா தொற்றால் பாதிக்கப்பட்டவர்கள் அனைவரும் தனிமைப்படுத்தப்பட்டுள்ளனர். மேலும், மாணவர்களுக்குக் கரோனா உறுதியான பகுதிகளில் கரோனா பரிசோதனை நடத்தவும் உத்தரவிடப்பட்டுள்ளது.

 

 

 

சார்ந்த செய்திகள்

 

Next Story

கைதி துப்பாக்கியால் சுட்டு தற்கொலை; பதட்டத்தில் சிறைச்சாலை!

Published on 17/07/2024 | Edited on 17/07/2024
Prisoner lost their life in Rajasthan jail

ராஜஸ்தான் மாநிலம் கோட்ட பகுதியில் கடந்த 2014 ஆம் ஆண்டு 7 வயது சிறுவன் கடத்தி கொலை செய்யப்பட்டார். இந்தச் சம்பவம் அப்பகுதியில் பெரும் பரபரப்பை ஏற்படுத்திய நிலையில், போலீசார் வழக்குப் பதிவு செய்து தீவிரமாக விசாரணை நடத்தி வந்தனர். அதன்பின் இந்தக் கொலையில் சம்பந்தப்பட்ட அங்குர் படியா(43) என்ற நபரை போலீசார் கைது செய்து நீதிமன்றத்தில் ஆஜர்படுத்தினர். அதில் அவருக்கு மரண தண்டனை வழங்கி நீதிமன்றம் தீர்ப்பளித்தது. 

இதனைத் தொடர்ந்து இந்த வழக்கு தொடர்பாக அங்குர் படியா ராஜஸ்தான் உயர்நீதிமன்றத்தில் மேல்முறையீடு செய்தார். அதில் அவரது மரண தண்டனையை ஆயுள் தண்டையாக ராஸ்தான் உயர்நீதிமன்றம் குறைத்துத் தீர்ப்பளித்தது. அதன் பின்னர் அங்குர் படியா பைகானேர் சிறையில் அடைக்கப்பட்டு பின்பு, சங்கானேர் திறந்தவெளி சிறைச்சாலைக்கு மாற்றப்பட்டார்.

இந்த நிலையில்தான் சங்கானேர் சிறைச்சாலையில் அங்குர் படியா துப்பாக்கியால் சுட்டு தற்கொலை செய்து கொண்டார். இந்தச் சம்பவம் சிறைச்சாலையில் பெரும் பதட்டத்தை உருவாக்கிய நிலையில் கைதியின் கையில் எப்படி துப்பாக்கி வந்தது என்றும், எதனால் அவர் தற்கொலை செய்து கொண்டார் என்று போலீசார் விசாரணை நடத்தி வருகின்றனர்.

Next Story

 காசு கொடுக்காமல் ஓடிய காவலர்; தட்டிக்கேட்ட ஊழியருக்கு நேர்ந்த கொடூரம் 

Published on 17/07/2024 | Edited on 17/07/2024
employee was beaten for stopping a policeman who left petrol without paying

கேரள மாநிலம் கண்ணூர் அருகே தளாப் பகுதியில் உள்ள ஒரு பெட்ரோல் பங்கில் அணில்(26) என்ற இளைஞர் ஊழியராக வேலை செய்து வருகிறார். கண்ணூர் ஆயுதப்படையில் காவலராக சந்தோஷ்குமார் என்பவர் பணியாற்றி வருகிறார். இந்த நிலையில் சந்தோஷ்குமார், தளாப் பகுதியில் உள்ள பெட்ரோல் பங்கிற்குச் சென்று காருக்கு பெட்ரோல் போட்டுள்ளார். அதன்பின் அணில் பெட்ரோல் போட்டதற்குப் பணம் கேட்க, அதனைத் தராமல் காவலர் சந்தோஷ்குமார் காரை வேகமாக எடுத்துள்ளார். இதைத் தொடர்ந்து காரின் முன்னே சென்று அணில் தடுத்துள்ளார். 

இதனால் ஆத்திரமடைந்த காவலர் சந்தோஷ்குமார், காரின் முன் நின்றுக் கொண்டிருந்த அணிலை காரை கொண்டு வேகமாக மோதியுள்ளார். அதில் காரின் முன்பு ஆபத்தான நிலையில், ஊழியர் அணில் தொங்கியபடியே அமர்ந்திருந்தார். ஆனால் அதனைப் பொருட்படுத்தாமல், சந்தோஷ்குமார் 600 மீட்டர் வரை காரை ஓட்டிச் சென்றார். இதனை அங்கிருந்தவர்கள் வீடியோ எடுத்து சமூக வலைத்தளங்களில் வெளியிட்டனர். 

இந்த வீடியோ சமூக வலைதளங்களில் வைரலான நிலையில், காவல்துறை ஐ.ஜி.சுனில்குமார் நடந்த சம்பவம் குறித்து விசாரணை நடத்த உத்தரவிட்டார். அதன்பேரில் நடந்த விசாரணையில், காவலர் சந்தோஷ்குமார் பெட்ரோல் போட்டுவிட்டு பணம் கொடுக்காமல் மோசடி செய்ததும், ஊழியரை கார் ஏற்றிக் கொல்ல முயன்றதும் உறுதியானது. இதையடுத்து சந்தோஷ்குமார் மீது வழக்குப் பதிவு செய்து கைது செய்யப்பட்ட நிலையில் தற்போது அவரை பணியிடை நீக்கம் செய்து அதிகாரிகள் உத்தரவிட்டுள்ளனர்.