Skip to main content

புதிய வாடிக்கையாளர்களைச் சேர்க்க 'Paytm'- க்கு தடை- ரிசர்வ் வங்கி அறிவிப்பு!

Published on 11/03/2022 | Edited on 11/03/2022

 

RBI issues ban on 'Paytm' for adding new customers

 

புதிய வாடிக்கையாளர்களைச் சேர்க்க 'Paytm' நிறுவனத்திற்கு தடை விதித்து ரிசர்வ் வங்கி அறிவித்துள்ளது. 

 

இது தொடர்பாக, ரிசர்வ் வங்கியின் தலைமை பொது மேலாளர் யோகேஷ் தயாள் வெளியிட்டுள்ள அறிவிப்பில், "இந்திய ரிசர்வ் வங்கி இன்று, அதன் அதிகாரங்களைப் பயன்படுத்தி, வங்கி ஒழுங்குமுறைச் சட்டம், 1949 இன் பிரிவு 35A இன் கீழ், Paytm Payments Bank Ltd- ஐ புதிய வாடிக்கையாளர்களைச் சேர்ப்பதற்கு தடை விதிக்கப்பட்டுள்ளது. வங்கி அதன் தகவல் தொழில்நுட்ப அமைப்பின் விரிவான கணினி தணிக்கையை நடத்த ஒரு ஐடி தணிக்கை நிறுவனத்தை நியமிக்கவும் உத்தரவிடப்பட்டுள்ளது. பணப்பரிவர்த்தனை விதியை முறையாகப் பின்பற்றாத காரணத்தால் புதிய வாடிக்கையாளர்களைச் சேர்க்கத் தடை விதிக்கப்பட்டுள்ளது. Paytm Payments Bank Ltd மூலம் புதிய வாடிக்கையாளர்களைச் சேர்ப்பது, IT ஆடிட்டர்களின் அறிக்கையை மதிப்பாய்வு செய்த பிறகு ரிசர்வ் வங்கி வழங்கும் குறிப்பிட்ட அனுமதிக்கு உட்பட்டது." இவ்வாறு ரிசர்வ் வங்கி அறிவிப்பில் தெரிவிக்கப்பட்டுள்ளது. 
 

 

சார்ந்த செய்திகள்

 

Next Story

'மாற்றமில்லை...' - ரிசர்வ் பேங்க் ஆஃப் இந்தியா கொடுத்த அப்டேட்

Published on 07/06/2024 | Edited on 07/06/2024
'No change in repo interest rate' - Reserve Bank of India announcement

பணவீக்கத்தை கட்டுப்படுத்தும் நோக்கில் குறுகிய கால கடன்களுக்கான ரெப்போ வட்டி விகிதத்தில் மாற்றம் இல்லை என ரிசர்வ் பேங்க் ஆஃப் இந்தியாவின் கவர்னர் சக்தி காந்ததாஸ் தெரிவித்துள்ளார்.

தேர்தலுக்குப் பிறகு ரிசர்வ் வங்கி வெளியிட்டுள்ள அறிவிப்பில், அதன் கவர்னர் சக்தி காந்ததாஸ், 'பண வீக்கத்தை கட்டுப்படுத்தும் நடவடிக்கையாக குறுகிய கால கடன்களுக்கான ரெப்போ வட்டி விகிதங்களில் மாற்றம் இருக்காது. இதனால் ரெப்போ வட்டி விகிதம் 6.5 சதவீதமாகவே தொடரும்' என அறிவித்துள்ளார்.

பணவீக்கம் இன்னும் கட்டுக்குள் வராத நிலை உள்ளது. நான்கு சதவீதத்திற்கு கீழ் பணவீக்கம் இருக்க வேண்டும் என்பதை ரிசர்வ் வங்கி இலக்காக வைத்திருக்கும் நிலையில் விலைவாசி உயர்வைக் குறிக்கும் பணவீக்கம் அதிகமாக இருக்கும் பொழுது கடன்களுக்கான வட்டி விகிதங்கள் அதிகரிக்கப்படமாட்டாது. அதேநேரம் வட்டி விகிதத்தை குறைக்கவும் முடியாது. எனவே ரெப்போ விகிதத்தில் எந்த மாற்றமும் இல்லை என அறிவிக்கப்பட்டுள்ளது. இப்பொழுது மட்டுமல்ல கடந்த 2023 பிப்ரவரி மாதத்தில் இருந்தே மாற்றமில்லாமல் இதேநிலை தொடர்வது குறிப்பிடத்தகுந்தது. ரெப்போ வட்டி விகிதத்தில் மாற்றம் இல்லாததால் வீடு, வாகன மற்றும் தனிநபர் கடன்களுக்கான வட்டி உயர வாய்ப்பில்லை எனப் பொருளாதார நிபுணர்கள் தெரிவித்துள்ளனர்.

Next Story

நாளை முதல் பே.டி.எம் பாஸ்டேக் செல்லாது

Published on 14/03/2024 | Edited on 14/03/2024
Paytm Passtag will be invalid from tomorrow

நாளை முதல் பே.டி.எம் பாஸ்டேக் செல்லாது என மத்திய நெடுஞ்சாலை ஆணையம் சார்பில் தெரிவிக்கப்பட்டுள்ளது.

நெடுஞ்சாலையில் எளிமையாக சுங்க கட்டணங்களை செலுத்துவதற்காக பாஸ்டேக் முறை அறிமுகப்படுத்தப்பட்டிருக்கும் நிலையில் பே.டி.எம் பாஸ்டேக் மூலமும் சேவைகள் நடைபெற்று வருகிறது. இந்நிலையில் நாளை முதல் நெடுஞ்சாலை சுங்கச்சாவடிகளில் சுங்க கட்டணம் செலுத்த பேடிஎம் பாஸ்டேக் செல்லாது என தெரிவித்துள்ள நெடுஞ்சாலை ஆணையம், நாளைக்குள் வாடிக்கையாளர்கள் பே.டி.எம் பாஸ்டேக் கணக்கை வேறு வங்கிக்கு மாற்ற வேண்டும் என அறிவுறுத்தியுள்ளது.

பே.டி.எம் பாஸ்டேக் வைத்திருப்போர் நாளை முதல் இருப்பு தொகையை மட்டும் பயன்படுத்திக் கொள்ளலாம் எனவும் அறிவிக்கப்பட்டுள்ளது. பே.டி.எம் பாஸ்டேக் வைத்திருப்போர் நாளை முதல் ரீசார்ஜ் செய்ய முடியாது எனவும், அபராதமின்றி சுங்கசாவடிகளைக் கடந்து செல்ல பே.டி.எம் பாஸ்டேக் வைத்திருப்போர் வேறு வங்கிக்கு கணக்கை மாற்ற வேண்டியது அவசியம் என அறிவுறுத்தியுள்ளது.

விதிமீறல் புகாரில் சிக்கிய பேடிஎம் பேமெண்ட் வங்கிக்கு ஆர்பிஐ ஏற்கனவே பல்வேறு கட்டுப்பாடுகளை விதித்திருந்த நிலையில் ஆர்பிஐ கட்டுப்பாடுகளை தொடர்ந்து பே.டி.எம் பாஸ்டேக் வைத்துள்ளோருக்கு தேசிய நெடுஞ்சாலை ஆணையம் இந்த அறிவுறுத்தலை வேண்டுகோளாக விடுத்துள்ளது.