Skip to main content

இந்திய வீரர் ஷமி மீதான ஆன்லைன் தாக்குதல்; ஓவைசி, முன்னாள் வீரர்கள் கண்டனம்!

Published on 25/10/2021 | Edited on 25/10/2021

 

OWAISI SEHWAG

 

இந்தியா - பாகிஸ்தான் அணிகளுக்கு இடையேயான இருபது ஓவர் உலகக்கோப்பை போட்டி நேற்று (24.10.2021) நடைபெற்றது. இந்தப் போட்டியில் பாகிஸ்தான் 10 விக்கெட் வித்தியாசத்தில் இந்தியாவை வீழ்த்தி, அபார வெற்றி பெற்றது. உலகக்கோப்பை போட்டியில் பாகிஸ்தான் இந்தியாவை வீழ்த்துவது இதுவே முதன்முறையாகும்.

 

இந்தச்சூழலில் இந்தியாவின் தோல்வியையடுத்து, இந்திய வேகப்பந்து வீச்சாளர் முகமது ஷமியை, ஒரு தரப்பினர் சமூகவலைதளங்களில் கடுமையாக வசை பாடி வருகின்றனர். அதேநேரத்தில் அவருக்கு ஆதரவாகவும் பலர் சமூகவலைதளங்களில் பதிவிட்டு வருகின்றனர்.

 

இந்தநிலையில் அசாதுதீன் ஓவைசி, முகமது ஷமி சமூகவலைதளங்களில் குறிவைக்கப்படுவது முஸ்லிம்களுக்கு எதிரான பயங்கரவாதத்தையும், வெறுப்பையும் காட்டுவதாக அசாதுதீன் ஓவைசி கூறியுள்ளார். இதுதொடர்பாக அவர், "நேற்றைய போட்டிக்காக முகமது ஷமி சமூகவலைதளங்களில் குறி வைக்கப்படுவது, முஸ்லிம்களுக்கு எதிரான பயங்கரவாதத்தையும், வெறுப்பையும் காட்டுகிறது. கிரிக்கெட்டில் நீங்கள் வெல்வீர்கள் அல்லது தோல்வியடைவீர்கள். அணியில் 11 பேர் இருக்கிறார்கள் ஆனால் முஸ்லிம் வீரர் மட்டும் குறி வைக்கப்படுகிறார். பாஜக அரசு இதைக் கண்டிக்குமா?" எனக் கேள்வியெழுப்பியுள்ளார்.

 

இந்தியாவின் முன்னாள் ஆல் ரவுண்டர் இர்பான் பதான், முகமது ஷமி மீது சமுகவலைதளத்தில் வசைபாடப்படுவது குறித்து தனது ட்விட்டர் பக்கத்தில், "இந்தியா தோல்வியடைந்த பாகிஸ்தானுக்கு எதிரான ஆட்டங்களில் நானும் அங்கம் வகித்துள்ளேன். ஆனால் என்னை யாரும் பாகிஸ்தானுக்கு போகும்படி சொல்லவில்லை. நான் சில வருடங்களுக்கு முந்தைய இந்தியாவைப் பற்றிப் பேசுகிறேன். இந்த முட்டாள்தனம் நிறுத்தப்படவேண்டும்" எனத் தெரிவித்துள்ளார்.

 

அதேபோல் முன்னாள் இந்திய வீரர் சேவாக், "முகமது ஷமி மீதான ஆன்லைன் தாக்குதல் அதிர்ச்சியளிக்கிறது. நாங்கள் அவருக்கு ஆதரவாக நிற்கிறோம். அவர் ஒரு சாம்பியன். எந்தவொரு ஆன்லைன் கும்பலை விடவும் அதிகமாக, இந்தியத் தொப்பியை அணிந்திருப்பவர்கள் இந்தியாவை தங்கள் இதயத்தில் வைத்திருப்பார்கள். உன்னுடன் இருக்கிறேன் ஷமி. அடுத்த ஆட்டத்தில் நீ யாரென்று காட்டு" எனக் கூறியுள்ளார்.

 

 

சார்ந்த செய்திகள்

 

Next Story

“நாங்கள் பீரங்கிகளை வைத்துள்ளோம்...” - அடுத்தடுத்து எச்சரிக்கை விடுக்கும் பா.ஜ.க வேட்பாளரால் சர்ச்சை!

Published on 11/05/2024 | Edited on 11/05/2024
BJP candidate warns in succession in hyderabad

தமிழில், நடிகர் கருணாஸ் கதாநாயகனாக நடித்த ‘அம்பாசமுத்திரம் அம்பானி’ திரைப்படத்தில் கதாநாயகியாக நடித்தவர் நவ்நீத் ராணா. இவர் கடந்த 2019ஆம் ஆண்டு நடைபெற்ற மக்களவைத் தேர்தலில் மகாராஷ்டிரா மாநிலம், அமராவதி தொகுதியில் சுயேட்சையாக போட்டியிட்டு வெற்றி பெற்றிருந்தார். அதன் பின்னர், தன்னை பா.ஜ.கவில் இணைத்து கொண்டார். இந்த நிலையில், தற்போது நடைபெற்று கொண்டிருக்கும் மக்களவைத் தேர்தலில் பா.ஜ.க சார்பில், அதே தொகுதியான அமராவதி தொகுதியில் மீண்டும் போட்டியிடுகிறார். இவர் போட்டியிட்ட தொகுதியில், கடந்த ஏப்ரல் 26ஆம் தேதி இரண்டாம் கட்டத் தேர்தல் நடைபெற்றது. 

இதனைத் தொடர்ந்து, நவ்நீத் ராணா, பா.ஜ.க சார்பில் போட்டியிடும் வேட்பாளர்களை ஆதரித்து பிரச்சாரம் மேற்கொண்டு வருகிறார். அந்த வகையில், இவர் ஹைதராபாத் தொகுதியில் பா.ஜ.க சார்பில் போட்டியிடும் மாதவி லதாவை ஆதரித்து பிரச்சாரம் மேற்கொண்டார். அப்போது அவர், அந்தத் தொகுதி எம்.பியும் ஏ.ஐ.எம்.ஐ.எம் கட்சித் தலைவருமான அசாதுதீன் ஓவைசியை கடுமையாக தாக்கிப் பேசினார். குறிப்பாக, அசாதுதீன் ஓவைசியின் சகோதரர் அக்பரூதீன் கடந்த 2013ஆம் ஆண்டு பேசிய கருத்துக்கு பதிலடி கொடுத்து பேசினார். அது பெரும் சர்ச்சையாக மாறியது.

கடந்த 2013ஆம் ஆண்டு அக்பருதீன் பேசிய போது, ‘காவல்துறையை வெறும் 15 நிமிடங்களுக்கு அகற்றினால், நாட்டின் இந்து-முஸ்லீம் விகிதத்தை சமப்படுத்துகிறோம்’ என்று பேசியிருந்தார். இதற்கு பதிலடி கொடுக்கும் விதமாக நவ்நீத் ராணா பேசும் போது, “அக்பராவுதீன் ‘15 நிமிடம் காவல்துறையை அகற்றுங்கள், நாங்கள் என்ன செய்ய முடியும் என்பதைக் காட்டுவோம்’ என்கிறார். நான் அவரிடம் சொல்கிறேன், நீங்கள் 15 நிமிடம் எடுத்துக் கொள்வீர்கள், ஆனால், எங்களுக்கு 15 வினாடிகள் மட்டுமே இருக்கும். நீங்கள் 15 வினாடிகள் காவல்துறையை அகற்றினால், நீங்கள் எங்கிருந்து வந்தீர்கள், எங்கு சென்றீர்கள் என்று உங்களுக்குத் தெரியாது” எனப் பேசினார். 

BJP candidate warns in succession in hyderabad

இதனையடுத்து, நவ்நீத் ராணாவின் இந்தப் பேச்சு குறித்து அசாதுதீன் ஓவைசி பேசுகையில், “பிரதமர் நரேந்திர மோடியிடம் நான் சொல்கிறேன். அவருக்கு 15 வினாடிகள் கொடுங்கள். அவர் என்ன செய்வார்? அவருக்கு 15 வினாடிகள் கொடுங்கள். ஒரு மணிநேரம் கூட கொடுங்கள். அவர்கள் என்ன செய்வார்கள் என்பதை நாமும் பார்க்க வேண்டும். அவர்களிடம் மனிதாபிமானம் எஞ்சியிருக்குமா? யாருக்கு பயம்? நாங்க ரெடி. யாராவது இப்படி செய்தால் அப்படியே ஆகட்டும். செய். உங்களை யார் தடுப்பது?” என்று கூறியிருந்தார். மேலும் அவர், தனது சகோதரர் அக்பருவூதினை தான் கட்டுப்படுத்தி வைத்துள்ளதாகவும், அவர் ஒரு பீரங்கியை போன்றவர் என்றும் கூறியிருந்தார். 

BJP candidate warns in succession in hyderabad

இந்த நிலையில், ஓவைசி கூறிய கருத்துக்கு பா.ஜ.க வேட்பாளர் நவ்நீத் ராணா பதிலடி கொடுத்துள்ளார். இது குறித்து அவர் கூறியதாவது, “அண்ணனை கட்டுக்குள் வைத்துள்ளதாக ஓவைசி கூறுகிறார். அது தான் அவருக்கு நல்லது. அலங்காரத்துக்காக வெளியில் பீரங்கிகளை வைத்துள்ளோம். மற்றபடி ராம பக்தர்களும், மோடியின் சிங்கங்களும் நாடு முழுவதும் ஒவ்வொரு தெருவிலும் உள்ளனர். விரைவில் ஹைதராபாத் வருகிறேன்” என்று கூறினார். 

Next Story

“வெறும் 15 வினாடிகள் போதும்..” - எச்சரிக்கை விடுத்த பா.ஜ.க வேட்பாளரின் சர்ச்சை பேச்சு!

Published on 10/05/2024 | Edited on 10/05/2024
Controversial speech of the BJP candidate navneet rana who warned Asaduddin Owaisi brother

தமிழில், நடிகர் கருணாஸ் கதாநாயகான நடித்த ‘அம்பாசமுத்திரம் அம்பானி’ திரைப்படத்தில் கதாநாயகியாக நடித்தவர் நவ்நீத் ராணா. இவர் கடந்த 2019ஆம் ஆண்டு நடைபெற்ற மக்களவைத் தேர்தலில் மகாராஷ்டிரா மாநிலம், அமராவதி தொகுதியில் சுயேட்சையாக போட்டியிட்டு வெற்றி பெற்றிருந்தார். அதன் பின்னர், தன்னை பா.ஜ.கவில் இணைத்து கொண்டார். இந்த நிலையில், தற்போது நடைபெற்று கொண்டிருக்கும் மக்களவைத் தேர்தலில் பா.ஜ.க சார்பில், அதே தொகுதியான அமராவதியில் தொகுதியில் மீண்டும் போட்டியிடுகிறார். இவர் போட்டியிட்ட தொகுதியில், கடந்த ஏப்ரல் 26ஆம் தேதி இரண்டாம் கட்டத் தேர்தல் நடைபெற்றது. 

இதனைத் தொடர்ந்து, நவ்நீத் ராணா, பா.ஜ.க சார்பில் போட்டியிடும் வேட்பாளர்களை ஆதரித்து பிரச்சாரம் மேற்கொண்டு வருகிறார். அந்த வகையில், இவர் ஹைதராபாத் தொகுதியில் பா.ஜ.க சார்பில் போட்டியிடும் மாதவி லதாவை ஆதரித்து பிரச்சாரம் மேற்கொண்டார். அப்போது அவர், அந்தத் தொகுதி எம்.பியும் ஏ.ஐ.எம்.ஐ.எம் கட்சித் தலைவருமான அசாதுதீன் ஓவைசியை கடுமையாக தாக்கிப் பேசினார். குறிப்பாக, அசாதுதீன் ஓவைசியின் சகோதரர் அக்பராவுதீன் கடந்த 2013ஆம் ஆண்டு பேசிய கருத்துக்கு பதிலடி கொடுத்து பேசினார். அது தற்போது பெரும் சர்ச்சையாக மாறியுள்ளது. 

கடந்த 2013ஆம் ஆண்டு அக்பராவுதீன் பேசிய போது, ‘காவல்துறையை வெறும் 15 நிமிடங்களுக்கு அகற்றினால், நாட்டின் இந்து-முஸ்லீம் விகிதத்தை சமப்படுத்துகிறோம்’ என்று பேசியிருந்தார். இதற்கு பதிலடி கொடுக்கும் விதமாக நவ்நீத் பேசும் போது, “அக்பராவுதீன் ‘15 நிமிடம் காவல்துறையை அகற்றுங்கள், நாங்கள் என்ன செய்ய முடியும் என்பதைக் காட்டுவோம்’ என்கிறார். நான் அவரிடம் சொல்கிறேன், நீங்கள் 15 நிமிடம் எடுத்துக் கொள்வீர்கள், ஆனால், எங்களுக்கு 15 வினாடிகள் மட்டுமே இருக்கும். நீங்கள் 15 வினாடிகள் காவல்துறையை அகற்றினால், நீங்கள் எங்கிருந்து வந்தீர்கள், எங்கு சென்றீர்கள் என்று உங்களுக்குத் தெரியாது” எனப் பேசினார். இவரது பேச்சு தற்போது பெரும் சர்ச்சையை ஏற்படுத்தியுள்ளது.

Controversial speech of the BJP candidate navneet rana who warned Asaduddin Owaisi brother

இதனையடுத்து, நவ்நீத் ராணாவின் இந்தப் பேச்சு குறித்து அசாதுதீன் ஓவைசி பேசுகையில், “பிரதமர் நரேந்திர மோடியிடம் நான் சொல்கிறேன். அவருக்கு 15 வினாடிகள் கொடுங்கள். அவர் என்ன செய்வார்? அவருக்கு 15 வினாடிகள் கொடுங்கள். ஒரு மணிநேரம் கூட கொடுங்கள். அவர்கள் என்ன செய்வார்கள் என்பதை நாமும் பார்க்க வேண்டும். அவர்களிடம் மனிதாபிமானம் எஞ்சியிருக்குமா? யாருக்கு பயம்? நாங்க ரெடி. யாராவது இப்படி செய்தால் அப்படியே ஆகட்டும். செய். உங்களை யார் தடுப்பது?” என்று கூறினார்.