Skip to main content

'எனது தந்தையின் புகழ் கட்டிடங்களிலும் கற்களிலும் இல்லை'-நினைவிடத்தை அகற்றிய நவீன் பட்நாயக்

Published on 23/05/2023 | Edited on 23/05/2023

 

'My father's fame is not in buildings and stones' - Naveen Patnaik who removed the monument

 

'கற்களிலும், கட்டிடங்களிலும் எனது தந்தை வாழவில்லை' எனக் கூறி ஒடிசா முதல்வர் நவீன் பட்நாயக் அவரது தந்தை பிஜு பட்நாயக்கின் நினைவிடத்தை அகற்றியதாக அவரது தனிச்செயலாளர் தெரிவித்துள்ளார்.

 

ஒடிசா முதல்வர் நவீன் பட்நாயக்கின் தந்தை பிஜு பட்நாயக் ஒடிசாவின் முதல்வராக இருந்தவர். கடந்த 1997 ஆம் ஆண்டு ஏப்ரல் மாதம் 17ஆம் தேதி பிஜு பட்நாயக் உயிரிழந்தார். ஒடிசாவின் மிகப்பிரபலமான பூரி நகரில் சொர்கத்துவாரா கடற்கரையில் அவரது உடல் தகனம் செய்யப்பட்டது. சுமார் 600 சதுர அடியில் நினைவிடம் ஒன்றும் அமைக்கப்பட்டது.

 

'My father's fame is not in buildings and stones' - Naveen Patnaik who removed the monument

 

இந்த நினைவிடமானது பூரி ஜெகநாதர் கோவிலிலிருந்து ஒருமையில் தொலைவில் அமைந்துள்ளது. பூரி தகன பூமியை மேம்படுத்துவதற்காக பிரம்மாண்ட திட்டம் ஒன்று ஒடிசா அரசால் வரையறுக்கப்பட்டுள்ளது. இந்நிலையில் ஒடிசா முதல்வரின் தனிச்செயலாளரான தமிழகத்தைச் சேர்ந்த கார்த்திகேயன் பாண்டியன் துபாய் சென்றபோது அங்குள்ள ஒடிசா மக்களுடன் கலந்துரையாடினார்.

 

அப்பொழுது 'பூரி தகன பூமியை மேம்படுத்தும் திட்டத்திற்காக பிஜு பட்நாயக் நினைவிடம் தடையாக இருந்ததாகவும் இதனை தான் நவீன் பட்நாயக்கிடம் எடுத்துக் கூறினேன். அதைக் கேட்டுக்கொண்ட அவர் உடனடியாக தந்தையின் நினைவிடத்தை அகற்ற உத்தரவிட்டதாகவும் கூறினார். மேலும் 'தன்னுடைய தந்தை தான் செய்த பணிகளால் மக்களுடைய மனங்களில் வாழ்கிறாரே தவிர கற்கள், செங்கற்கள், கட்டிடங்களில் வாழவில்லை' என்றும் நவீன் பட்நாயக் தன்னிடம் தெரிவித்ததாக கார்த்திகேயன் பாண்டியன் நெகிழ்ச்சியுடன் தெரிவித்துள்ளார்.

 

 

சார்ந்த செய்திகள்

 

Next Story

பிஜு ஜனதா தளம் கட்சியின் அதிரடி அறிவிப்பு; பா.ஜ.கவுக்கு ஏற்பட்டுள்ள அடுத்த சிக்கல்?

Published on 24/06/2024 | Edited on 24/06/2024
Biju Janata Dal Action Announcement to BJP's next problem?

நடைபெற்று முடிந்த மக்களவைத் தேர்தலோடு ஒடிசா, ஆந்திரப் பிரதேசம், சிக்கிம், அருணாச்சலப் பிரதேசம் போன்ற மாநிலங்களில் சட்டமன்றத் தேர்தலும் நடைபெற்றது. இதில், ஒடிசா மாநிலத்தில் ஆட்சியில் இருந்த பிஜூ ஜனதா தளம் கட்சியை வீழ்த்தி முதல் முறையாக பா.ஜ.க ஆட்சியைப் பிடித்தது. 

முதல்வராக பொறுப்பு வகித்து வந்த பிஜு பட்நாயக் மறைவுக்கு பிறகு, அவருடைய மகன் நவீன் பட்நாயக், பிஜு ஜனதா தளம் என்ற கட்சியை தொடங்கினார். பின்பு கடந்த 2000ஆம் ஆண்டில் நடைபெற்ற சட்டசபை தேர்தலில் நவீன் பட்நாயக் அமோக வெற்றி பெற்று அம்மாநில முதல்வரானார். அதனைத் தொடர்ந்து, ஐந்து தேர்தல்களில் வெற்றி பெற்று 24 ஆண்டுகளாக முதல்வராக பணியாற்றி வந்த நவீன் பட்நாயக், மக்களவைத் தேர்தலில் தோல்வியடைந்தார். 

அதன்படி, மொத்தம் 147 இடங்களில்  78 இடங்களிலும் பா.ஜ.க கைப்பற்றி முதல்முறையாக ஆட்சியை பிடித்தது. பிஜு ஜனதா தளம் 51 இடங்களையும், காங்கிரஸ் 14 இடங்களிலும், மார்க்சிஸ்ட் கம்யூனிஸ்ட் 1 இடங்களிலும், சுயேட்சை 1 இடங்களிலும் வென்றது. அதே போல், மொத்தம் உள்ள 21 மக்களவைத் தொகுதிகளில் பா.ஜ.க 20 தொகுதிகளிலும், காங்கிரஸ் ஒரு தொகுதியையும் வெற்றி பெற்றியிருந்தது. பிஜு ஜனதா தளம் ஒரு தொகுதியைக் கூட பெற முடியாமல் படுதோல்வியடைந்துள்ளது. இந்த நிலையில், பா.ஜ.கவுக்கு எங்களின் ஆதரவு இல்லை என்று அறிவிப்பை நவீன் படநாயக்கின் பிஜு ஜனதா தளம் அறிவித்துள்ளது. 

கடந்த 2000, 2004ஆம் ஆண்டுகளில் பா.ஜ.கவோடு பிஜு ஜனதா தளம் கட்சி சட்டமன்றத் தேர்தலில் போட்டியிட்டது வெற்றி பெற்றது. கடந்த 2009ஆம் ஆண்டு மக்களவை, சட்டமன்றத் தேர்தலின் போது பிஜு ஜனதா, பா.ஜ.க கூட்டணி உடைந்தது. இரு கட்சிகளும் தனித்தனியே போட்டியிட்டாலும், கடந்த ஐந்து ஆண்டுகளில் பிரச்சனையின் அடிப்படையில் பா.ஜ.க தலைமையிலான தேசிய ஜனநாயகக் கூட்டணிக்கு வெளியில் இருந்து ஆதரவை பிஜு ஜனதா தளம் கடைபிடித்து வந்தது. 

Biju Janata Dal Action Announcement to BJP's next problem?

இதனிடையே, நடைபெற்று முடிந்த தேர்தலில் பிஜு ஜனதா தளம் படுதோல்வியடைந்துள்ளது. இந்த நிலையில், தான் தேசிய ஜனநாயகக் கூட்டணிக்கு ஆதரவு இல்லை என்ற நிலைப்பாட்டை பிஜு ஜனதா தளம் எடுத்துள்ளது. இது குறித்து கூறப்பட்டுள்ளதாவது, ‘நாடாளுமன்றத்தில் இனி பா.ஜ.கவுக்கு எங்களின் ஆதரவு இல்லை. தேசிய ஜனநாயகக் கூட்டணிக்கு ஆதரவு என்ற கேள்விக்கே இடமில்லை. இனி நாங்கள் எதிர்கட்சி மட்டுமே’ என்று தெரிவிக்கப்பட்டுள்ளது. 

Next Story

ஒடிசா முதல்வராக மோகன் சரண் மாஜி பதவியேற்பு!

Published on 12/06/2024 | Edited on 12/06/2024
Mohan Charan Majhi Chief Minister of Odisha sworn in

மக்களவைத் தேர்தலோடு ஒடிசா, ஆந்திரப் பிரதேசம், சிக்கிம், அருணாச்சலப் பிரதேசம் போன்ற மாநிலங்களில் சட்டமன்றத் தேர்தலும் நடைபெற்றது. இதில் ஒடிசா மாநிலத்தில் ஆட்சியிலிருந்த பிஜூ ஜனதா தளம் கட்சியை வீழ்த்தி முதல் முறையாக பா.ஜ.க ஆட்சியைப் பிடித்தது. காங்கிரஸ் கோட்டையாக இருந்த ஒடிசா மாநிலத்தில் 1990 ஆம் ஆண்டு வரை காங்கிரஸ் ஆட்சியே நடைபெற்றது. காங்கிரஸ் கட்சியில் முக்கிய பொறுப்பிலிருந்த பிஜு பட்நாயக், அம்மாநிலத்தில் முதல்வராக பணியாற்றி வந்தார்.

இதனையடுத்து பிஜு பட்நாயக், ஜனதா தளம் கட்சியில் இணைந்து, 1995 ஆம் ஆண்டில் முதல்வராக பொறுப்பு வகித்து வந்தார். பிஜு பட்நாயக் மறைவுக்குப் பிறகு, அவருடைய மகன் நவீன் பட்நாயக், பிஜு ஜனதா தளம் என்ற கட்சியை தொடங்கினார். அதன் பின்பு கடந்த 2000 ஆம் ஆண்டில் நடைபெற்ற சட்டசபை தேர்தலில் நவீன் பட்நாயக் அமோக வெற்றி பெற்று அம்மாநில முதல்வரானார். இத்தகைய சூழலில் தான் 147 சட்டமன்றத் தொகுதிகள் கொண்ட ஒடிசாவில் பிஜு ஜனதா தளம் 51 இடங்களை மட்டுமே கைப்பற்றி தோல்வியடைந்தது. பா.ஜ.க 78 இடங்களிலும், காங்கிரஸ் 14 இடங்களிலும், மார்க்சிஸ்ட் கம்யூனிஸ்ட் 1 இடங்களிலும், சுயேட்சை 1 இடங்களிலும் வென்றது. 

Mohan Charan Majhi Chief Minister of Odisha sworn in

இதனையடுத்து பாஜக சார்பாக ஒடிசாவின் சட்டப்பேரவைக் கட்சித் தலைவரை தேர்ந்தெடுப்பதற்கான கூட்டம் புவனேஸ்வரில் நேற்று (11.06.2024) நடைபெற்றது. இந்தக் கூட்டத்தில் மத்திய அமைச்சர்களும், பாஜக மேலிட பார்வையாளர்களுமான ராஜ்நாத் சிங் மற்றும் பூபேந்தர் யாதவ் ஆகியோர் கலந்து கொண்டனர். இந்தக் கூட்டத்தின் முடிவில் ஒடிசாவில் பாஜக சட்டமன்றக் கட்சியின் தலைவராக மோகன் சரண் மாஜி தேர்ந்தெடுக்கப்பட்டார். பழங்குடியினர் இனத்தைச் சேர்ந்த மோகன் மாஜி கியோஞ்சர் சட்டமன்றத் தொகுதியில் இருந்து வெற்றி பெற்றவர் ஆவார்.

இந்நிலையில் ஒடிசா மாநில முதலமைச்சராக மோகன் சரண் மாஜி இன்று (12.06.2024) பதவியேற்றார். இவ்விழாவில் பிரதமர் நரேந்திர மோடி, ஒடிசா முன்னாள் முதலமைச்சர் நவீன் பட்நாயக் உள்ளிட்டோர் பங்கேற்றனர். முதன்முறையாக ஒடிசாவில் பாஜக தலைமையிலான அரசு பதவியேற்றுள்ளது குறிப்பிடத்தக்கது. மோகன் சரண் மாஜிக்கு ஒடிசா ஆளுநர் ரகுபர் தாஸ் பதவிப்பிரமாணம் செய்துவைத்தார். அதனைத் தொடர்ந்து பிரவதி பரிதா, கனக் வர்தன் சிங் தியோ ஆகியோர் ஒடிசா மாநில துணை முதலமைச்சர்களாக பதவியேற்றனர். 

Mohan Charan Majhi Chief Minister of Odisha sworn in

மேலும் முதல்வர் மோகன் சரண் மஜி தலைமையிலான அமைச்சரவையில் சுரேஷ் பூஜாரி, ரபிநாராயண் நாயக், நித்யானந்தா கோண்ட், க்ருஷ்ண சந்திர பத்ரா, கோகுல நந்தா மல்லிக், சம்பத் குமார் ஸ்வீன், கணேஷ் ராம் சிங் குந்தியா, சூர்யபன்ஷி சூரஜ் மற்றும் பிரதீப் பாலசமந்தா ஆகியோர் அமைச்சர்களாக பதவியேற்றனர். முதல்வர் மோகன் சரண் மஜியின் பதவியேற்பு விழா முடிந்ததும், ஒடிசா மாநில முன்னாள் முதல்வரும், பிஜேடி தலைவருமான நவீன் பட்நாயக்குடன் பிரதமர் மோடி சிறிது நேரம் உரையாடினார்.