Skip to main content

‘14 சிறுவர்களுக்கு எச்.ஐ.வி; அரசின் அலட்சியத்தால் குழந்தைகளுக்கு தண்டனை’ - கார்கே காட்டம்

Published on 25/10/2023 | Edited on 25/10/2023

 

mallikarjuna garkhe has condemned the 14 children were affected by HIV

 

உத்திரப் பிரதேச மாநிலம் கான்பூரில் செயல்பட்டு வரும் அரசு மருத்துவமனையில் அனுமதிக்கப்பட்ட 14 குழந்தைகளுக்கு இரத்த மாற்றம் செய்யப்பட்டது. பின்னர் 14 குழந்தைகளையும் மருத்துவர்கள் சோதனை செய்த போது அவர்களுக்கு எச்.ஐ.வி மற்றும் ஹெபடைடிஸ் பி, சி உள்ளது கண்டறியப்பட்டுள்ளது.

 

இது பெரும் பரபரப்பை ஏற்படுத்திய நிலையில் ரத்த தானம் மூலம் இச்சம்பவம் நடந்ததா அல்லது வேறு ஏதேனும் காரணமா என்று அதிகாரிகளின் விசாரணை நடத்தி வருகின்றனர். உத்திர பிரதேச மாநில எதிர்க்கட்சிகள், அரசின் அலட்சியத்தால் தான் இதுபோன்ற சம்பங்கள் நடைபெறுவதாகக் குற்றம் சாட்டுகின்றனர்.

 

இந்த நிலையில், இது குறித்து எதிர்க்கட்சி தலைவர் மல்லிகார்ஜுன கார்கே கடும் கண்டனம் தெரிவித்துள்ளார். இது தொடர்பாக அவர் வெளியிட்ட சமூக வலைத்தள பதிவில், “இரட்டை இயந்திர அரசாங்கம் நமது சுகாதார அமைப்பை இரட்டிப்பாக்கியுள்ளது. உ.பி., மாநிலம் கான்பூரில் உள்ள அரசு மருத்துவமனையில் தலசீமியாவால் பாதிக்கப்பட்ட 14 குழந்தைகளுக்கு எச்ஐவி பாதிக்கப்பட்டோரின் ரத்தம் செலுத்தப்பட்டிருக்கிறது. அதன் காரணமாகவே, 14 குழந்தைகளும் எச்.ஐ.வி மற்றும் ஹெபடைடிஸ் பி, சி போன்ற கடுமையான நோய்கள் வந்துள்ளது. இப்படி அலட்சியமாக நடந்த சம்பவம் வெட்கக்கேடானது. பாஜக அரசின் இந்த மன்னிக்க முடியாத குற்றத்திற்கு அப்பாவி குழந்தைகள் தண்டனையை அனுபவிக்க வேண்டியுள்ளது” என்று காட்டமாக விமர்சித்துள்ளார். 

 

 

 

சார்ந்த செய்திகள்

 

Next Story

நயினார் நாகேந்திரன் சிபிசிஐடி விசாரணைக்கு ஆஜர்!

Published on 16/07/2024 | Edited on 16/07/2024
Nayanar Nagendran appeared before the CBCID investigation

சென்னை எழும்பூர் ரயில் நிலையத்தில் இருந்து திருநெல்வேலிக்கு செல்லும் ரயிலில் தாம்பரம் ரயில் நிலையத்தில் கடந்த ஏபரல் மாதம் 6 ஆம் தேதி (06.04.2024) இரவு உரிய ஆவணங்களின்றி கொண்டு செல்ல முயன்றதாக சுமார் ரூ.4 கோடி மதிப்பிலான ரொக்கம் பறக்கும் படையினரால் பறிமுதல் செய்யப்பட்டது. இந்தப் பணத்தை எடுத்து வந்த புரசைவாக்கம் தனியார் விடுதி மேலாளரும் பாஜக உறுப்பினருமான சதீஷ், அவரின் சகோதரர் நவீன் மற்றும் லாரி ஓட்டுநர் பெருமாள் ஆகிய 3 பேரும் கைது செய்யப்பட்டனர்.

அப்போது திருநெல்வேலி மக்களவைத் தொகுதி பாஜக வேட்பாளர் நயினார் நாகேந்திரனுக்கு, இந்தப் பணத்தைக் கொண்டு செல்ல முயன்றதாக மூவரும் வாக்குமூலம் கொடுத்ததாகத் தகவல் வெளியாகி இருந்தது. இத்தகைய சூழலில் இந்த வழக்கை சிபிசிஐடி விசாரணைக்கு மாற்றி தமிழக போலீஸ் டிஜிபி சங்கர் ஜிவால் உத்தரவு ஒன்றை பிறப்பித்திருந்தார். அதனைத் தொடர்ந்து இந்த வழக்கு குறித்து சிபிசிஐடி போலீசார் வழக்குப்பதிவு செய்து விசாரணை நடத்தி வருகின்றனர்.

இந்நிலையில் ரூ.4 கோடி பறிமுதல் செய்யப்பட்ட விவகாரம் தொடர்பான விசாரணைக்கு பாஜகவின் தமிழக சட்டமன்ற குழு தலைவரும், எம்.எல்.ஏ.வுமான நயினார் நாகேந்திரன் சென்னை எழும்பூரில் உள்ள சிபிசிஐடி தலைமை அலுவலகத்தில் இன்று (16.07.2024)) காலை ஆஜரானார். இதனைத் தொடர்ந்து அவரிடம் சிபிசிஐடி போலீஸார் தீவிர விசாரணை மேற்கொண்டு வருகின்றனர். 

Next Story

பூரி ஜெகந்நாதர் கோயில் பொக்கிஷ அறை திறப்பு!

Published on 14/07/2024 | Edited on 14/07/2024
Puri Jagannath temple treasure room opening

சமீபத்தில் நடந்து முடிந்த நாடாளுமன்றத் தேர்தலோடு ஒடிசா மாநில சட்டப்பேரவைக்கும் தேர்தல் நடைபெற்றது. இந்த தேர்தல் பிரச்சாரத்தின் போது பூரி ஜெகந்நாதர் கோயில் பொக்கிஷ அறை மற்றும் தொலைந்து போனதாகச் சொல்லப்படும் அதன் சாவி குறித்த விவகாரங்களை பாஜக கையில் எடுத்திருந்தது. இது தொடர்பாக ஒடிசாவில் முன்பு ஆட்சி செய்த பிஜு ஜனதா தள கட்சிக்கு எதிராக பாஜக தீவிரமாகப் பரப்புரை செய்தது. இந்த சட்டமன்ற தேர்தலில் வென்று பாஜக ஆட்சியைப் பிடித்துள்ளது. மேலும் கடந்த 1978 ஆம் ஆண்டுக்குப் பின் தற்போது வரை பொக்கிஷ அறை திறக்கப்படாமல் இருந்து வந்தது.

இந்நிலையில் 46 ஆண்டுகளுக்குப் பின் இன்று (14.07.2024) பூரி ஜெகந்நாதர் கோயிலின் பொக்கிஷ அறையை மீண்டும் திறக்கப்பட்டது. இதனையடுத்து பூரி மாவட்ட ஆட்சியர் உள்பட 11 பேர் கொண்ட குழுவினர் பொக்கிஷ அறைக்குச் சென்று ஆய்வு செய்தனர். அதே சமயம் பொக்கிஷ அறையில் உள்ள நகைகளை மதிப்பிடும் பணி நாளை (15.07.2024) தொடங்க உள்ளது. முன்னதாக பூரி ஜெகந்நாதர் கோயில் பொக்கிஷ அறையில் உள்ள ஆபரணங்கள் மற்றும் பிற மதிப்புமிக்க பொருள்களைக் கணக்கீடு செய்வதற்காக ஓய்வு பெற்ற உயர்நீதிமன்ற நீதிபதி விஷ்வநாத் ராத் தலைமையில் குழு அமைக்கப்பட்டது குறிப்பிடத்தக்கது.