Skip to main content

மக்களை வியக்கவைக்கும் கேரளா அரசு பேருந்து! அசத்தும் தம்பதி! 

Published on 22/07/2022 | Edited on 22/07/2022

 

Kerala government bus that surprises people

 

இளைஞா்கள், இளம் பெண்கள், பள்ளி கல்லூரி மாணவ மாணவிகள் வயதானவா்கள் என காத்து நின்று ஏறக்கூடிய கேரளா அரசு பேருந்து ஒன்று சமூக வலைதளங்களில் வைரலாகி பாராட்டுகளை அள்ளி குவித்து வருகிறது. அந்த பேருந்துக்கு மட்டும் அப்படி என்ன விசேஷம் என்று கேட்க தோன்றுகிறது அல்லவா?

 

ஆலப்புழயை சோ்ந்த இளம் தம்பதி கிரி - தாரா. கரோனா காலக்கட்டத்திற்கு முன் பஸ்சில் பயணம் செய்த போது கிரியும் தாராவும் பழகி காதலா்களாக மாறினார்கள். பின்னா் சுமார் 2 ஆண்டு காலம் கரோனாவால் பஸ் பயணம் இல்லாமல் கரோனா முடிந்ததும் திருமணம் செய்து கொண்டு திருமணம் முடித்த கையோடு அவா்கள் இருவரும் கண்டு பழகிய அந்த பஸ்சில் ஏறி 5 கிமீ தூரம் பயணம் செய்தனா்.

 

Kerala government bus that surprises people

 


இருவரையும் மண வாழ்க்கையில் இணைத்த கேரளா அரசு பேருந்தில் ஊழியராக சேர கணவன் மனைவி இருவரும் முடிவு செய்தனா். இதற்காக கேரளா பப்ளிக் சா்வீஸ் கமிஷன் தோ்வு எழுதினார்கள். இதில் முதலில் கணவா் கிரிக்கு ஹரிப்பாடு டிப்போவில் ஹரிப்பாடு - ஆலப்புழ செல்லும் வழித்தடத்தில் டிரைவா் வேலை கிடைத்தது. அதன் பிறகு 3 மாதம் கழித்து கிரி ஓட்டும் அதே பேருந்தில் தாராவுக்கு நடத்துநர் வேலை கிடைத்தது.

 

கணவன் மனைவி இருவரும் ஒரே  பேருந்தில் வேலை செய்வது பயணிகளுக்கு ஆச்சரியத்தை ஏற்படுத்தியது. இந்த நிலையில் தினமும் அதிகாலை 5.30 மணிக்கு பேருந்தை இயக்குவதற்கு முன் இருவரும் சோ்ந்து சொந்த வாகனம் போல் அதை கழுவி தூய்மை படுத்திய பிறகு தான் பேருந்தை இயக்குவார்கள். அதன் பிறகு இரவு பேருந்தை நிறுத்தும் போது சுத்தம் செய்து கற்பூரம் காட்டி திரி கொளுத்தி வைத்து செல்கின்றனர்.

 

Kerala government bus that surprises people

 


அவா்களுடைய சொந்த செலவில் பயணிகளின் பாதுகாப்புக்காக பேருந்துக்குள் 6 சிசிடிவி காமிராக்கள், ஆபத்து நோ்ந்தால் டிரைவருக்கு தெரியப்படுத்த எமா்ஜென்சி சுவிட்ச், குழந்தைகளுக்கு மகிழ்ச்சியை ஏற்படுத்த விளையாட்டு பொம்மைகள், பயணிகளுக்கு மனோகரமாக பாட்டு கேட்டு பயணிக்க ஆடியோ, இரவு நேரங்களில் கண்ணை கவரும் விதத்தில் எல்.இ.டி அலங்கார லைட்டுகள் பயணிகள் படிப்பதற்கு பத்திரிகை எனப் போக்குவரத்துத் துறை அனுமதியோடு இதையெல்லாம் செய்துள்ளனர். 

 

Kerala government bus that surprises people

 

 

அதுபோல் பயணிகள் பேருந்துக்குள் ஏறி சீட்டில் உட்கார்வது, பேருந்தில் இருந்து இறங்கியபின் கதவை அடைப்பது உள்ளிட்டவற்றை உறுதிபடுத்திய பின்பு தான் பேருந்தை இயக்குகிறார் டிரைவா். வயதானவா்கள் குழந்தைகள் பேருந்தில் ஏறும் போதும் இறங்கும் போதும் நடத்துநர் தாரா கையை பிடித்து உதவி செய்கிறார். பயணிகளும் இந்த பேருந்தில் சுற்றுலா போறது போல் சுகமாக இருப்பதாகவும் கூறுகிறார்கள்.

 


இது குறித்து கிரியும் தாராவும் கூறும் போது, “இருவரும் சோ்ந்தே வீட்டிலும், பேருந்திலும் வேலை செய்வது மகிழ்ச்சியாக இருக்கிறது. இது கடவுள் தந்த பாக்கியம் தான். பேருந்தை எங்க குழந்தை போல் பார்த்து பொன்னு போல் பாதுகாக்கிறோம். இந்த பேருந்தில் ஏறுவதற்கு என்று ஒரு பயணிகள் கூட்டமே காத்து நிற்கும். எம்.எஸ்.என் மற்றும் டி.கே.என் கல்லூரி மாணவ மாணவிகள் இந்த பேருந்தில் மட்டும் தான் ஏறுவார்கள். இது அவா்களுக்கு ஒரு வகுப்பறை போல் இருப்பதாக கூறுகிறார்கள் என்பது சந்தோஷமாக உள்ளது. இதுவரையில் இந்த பேருந்தில் எந்த வித அசம்பாவித சம்பவங்களும் நடந்ததில்லை. அதே போல் வசூலும் அதிகம் கொடுப்பதால் அதிகாரிகளும் பாராட்டுகின்றனா்” என்றனா். 


 

சார்ந்த செய்திகள்

Next Story

பாபநாசம் பட பாணியில் கொலை; போலீசாரே அதிர்ந்த சம்பவம்

Published on 23/04/2024 | Edited on 23/04/2024
Papanasam film style incident; The incident shocked the police

கேரள மாநிலம் ஆலப்புழா மாவட்டத்தில் உள்ளது மாதாரி குளம் கிராமம். அங்கே உள்ள பூங்கா பகுதியில் வசித்து வந்தவர் ரோஷம்மா. கடந்த புதன்கிழமை அன்று ரோஷம்மா திடீரென மாயமானார். இதனால் பல இடங்களில் அவரை உறவினர்கள் தேடி வந்தனர். எங்கு தேடியும் அவரை கண்டுபிடிக்க முடியாததால் இறுதியாக காவல் நிலையத்தில் உறவினர்கள் புகார் அளித்தனர்.

போலீசார் ரோஷம்மா தொடர்பான நபர்களிடம் விசாரணை மேற்கொண்டு வந்த நிலையில் ரோசம்மாவின் உறவினர்களிடமும் விசாரணை நடத்தப்பட்டது. அப்போது ரோசம்மாவின் சகோதரர் பென்னி என்பவரிடத்தில் போலீசார் விசாரித்த போது அவர் முன்னுக்கு பின் முரணாக பதில் கொடுத்தார். இதனால் சந்தேகமடைந்த போலீசார் அவரிடம் விசாரணையை தீவிரப்படுத்தினர். அப்பொழுது சுத்தியலால் ரோசம்மாவை அடித்து கொலை செய்து வீட்டு வளாகத்திலேயே புதைத்தது தெரிய வந்தது.

புதைத்த இடத்தை பென்னி அடையாளம் காட்டிய நிலையில் ரோஷம்மாவின் சடலம் தோண்டி எடுக்கப்பட்டது. கைப்பற்றப்பட்ட சடலமானது பிரேத பரிசோதனைக்காக அனுப்பி வைக்கப்பட்டது. கொலைக்கான காரணம் குறித்து பெண்ணிடம் விசாரித்த போது கணவரை பிரிந்து வாழ்ந்து வந்த ரோசம்மாவுக்கும் பென்னிற்கும் இடையே முன்விரோதம் இருந்துள்ளது. இந்நிலையில் கடந்த புதன்கிழமை ஏற்பட்ட தகராறின் போது ஆத்திரத்தில் சுத்தியலால் ரோசம்மாவை அடித்து கொலை செய்து வீட்டு வளாகத்திலேயே புதைத்தது போலீசார் விசாரணையில் தெரியவந்துள்ளது. பாபநாசம் பட பாணியில் நடந்த இந்தக் கொலை போலீசாருக்கே அதிர்ச்சியைக் கொடுத்துள்ளது.

Next Story

“ராகுல், நேரு குடும்பத்தில் பிறந்தவர் தானா?” - கேரள எம்.எல்.ஏ பரபரப்பு பேச்சு

Published on 23/04/2024 | Edited on 23/04/2024
Kerala MLA sensational speech on Rahul was born in the Nehru family?

நாட்டின் 18ஆவது நாடாளுமன்றத் தேர்தல் நாடு முழுவதும் களைகட்டி வருகிறது. அதன்படி வாக்குப்பதிவானது முதற்கட்டமாக கடந்த ஏப்.19 ஆம் தேதி தொடங்கி, வரும் ஜூன் 1 ஆம் தேதி வரை 7 கட்டமாக நடைபெறவுள்ளது. அதில் பதிவாகும் வாக்கு எண்ணிக்கையானது ஜூன் 4ஆம் தேதி நடைபெற்று அன்றே முடிவுகள் அறிவிக்கப்பட இருக்கின்றன. இதனிடையே, முதற்கட்டமாக தமிழ்நாடு உள்ளிட்ட 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு கடந்த ஏப்.19 ஆம் தேதி வாக்குப்பதிவு நடைபெற்றது.

அதே வேளையில், மொத்தம் 20 மக்களவைத் தொகுதிகள் கொண்ட கேரளா மாநிலத்தில், இரண்டாம் கட்டமாக வருகிற ஏப்ரல் 26ஆம் தேதி ஒரே கட்டமாக தேர்தல் நடைபெறவிருக்கிறது. இங்கு நடைபெறும் தேர்தலை எதிர்கொள்ள மார்க்சிஸ்ட் கம்யூனிஸ்ட் கட்சி, காங்கிரஸ், பா.ஜ.க ஆகிய கட்சிகள் தீவிர பிரச்சாரத்தில் ஈடுபட்டு வருகின்றன. இதற்கான தேர்தல் பிரச்சாரம் இன்று (23-04-24) மாலையுடன் நிறைவு பெற்றது.

மார்க்சிஸ்ட் கம்யூனிஸ்ட் கட்சியும், காங்கிரஸ் கட்சியும் தேசிய அளவில் இந்தியா கூட்டணியில் ஒருசேர இருந்தாலும், கேரளாவைப் பொறுத்தவரை இந்த இரு கட்சிகளும் தனித்தே போட்டியிடுகின்றன. அதே வேளையில், இந்த இரு கட்சி தலைவர்களும் மாறி மாறி விமர்சனம் செய்து வருகின்றனர். இது இந்தியா கூட்டணியில் குழப்பம் ஏற்பட வாய்ப்புள்ளதாக கூறப்படுகிறது.

அந்த வகையில், கேரளாவில் தேர்தல் பிரச்சாரத்தில் கலந்து கொண்ட காங்கிரஸ் கட்சியின் மூத்த தலைவர் ராகுல் காந்தி பேசும் போது, “பினராயி விஜயனுக்கு எதிராக பல்வேறு ஊழல் குற்றச்சாட்டுகள் உள்ள போது, மத்திய விசாரணை அமைப்புகள் அவரை ஏன் விட்டு வைத்திருக்கிறது?” என்று கூறி கேரள முதல்வர் பினராயி விஜயனை கடுமையாக சாடினார்.

இந்த நிலையில், பினராயி விஜயன் இருக்கும் இடதுசாரி ஜனநாயக முன்னணி கூட்டணியின் எம்.எல்.ஏ. பி.வி அன்வர், ராகுல் காந்தியைக் கடுமையாக சாடியுள்ளார். அதில் அவர், “காந்தி பெயரை பயன்படுத்த ராகுலுக்கு உரிமை இல்லை. அவர் நான்காம் தர குடிமகன் நிலைக்குத் தள்ளப்பட்டுள்ளார். அவர் நேரு குடும்பத்தில் பிறந்தவரா? எனக்கு சந்தேகம் உள்ளது. அவரது டி.என்.ஏ ஆய்வு செய்யப்பட வேண்டும்” என்று பரபரப்பு கருத்தை கூறியுள்ளார்.