Skip to main content

யாராவது பாகிஸ்தான் ஆதரவு கோஷம் எழுப்பினால்...; கர்நாடகா அமைச்சர் ஆவேசம்

Published on 04/05/2024 | Edited on 04/05/2024
 Karnataka Minister says on If someone raises pro-Pakistan slogans


இந்தியத் தேர்தல் ஆணையம் சார்பில் 15 மாநிலங்களில் கடந்த ஏப்ரல் மாதம் 2 ஆம் தேதியுடன் காலியாகவுள்ள 56 மாநிலங்களவை உறுப்பினர் பதவிகளுக்கான தேர்தல் தேதி அறிவிக்கப்பட்டு கடந்த பிப்ரவரி 27ஆம் தேதி நடைபெற்றது. அதன்படி ஆந்திரப் பிரதேசம் (3 தொகுதி), பீகார் (6), சத்தீஸ்கர் (1), குஜராத் (4), ஹரியானா (1), ஹிமாச்சல பிரதேசம் (1), கர்நாடகா (4), மத்தியப் பிரதேசம் (5), மகாராஷ்டிரா (6), தெலுங்கானா (3), உத்தரப் பிரதேசம் (10), உத்தரகாண்ட் (1), மேற்கு வங்கம் (5), ஒடிசா (3), ராஜஸ்தான் (3) உள்ளிட்ட இடங்களுக்கு மாநிலங்களவை உறுப்பினர் பதவிகளுக்கான தேர்தல் நடைபெற்றது. 

இதில் கர்நாடகா மாநிலங்களவை எம்.பி.க்களுக்கான தேர்தலில் காங்கிரஸ் சார்பில் 3 பேரும், பா.ஜ.க மற்றும் மதச்சார்பற்ற ஜனதா தளம் சார்பில் தலா ஒருவரும் போட்டியிட்டனர். அதில், காங்கிரஸ் வேட்பாளர்கள் அஜய் மக்கான், சையத் நசீர் உசேன், ஜிசி சந்திரசேகர் ஆகிய மூன்று பேரும் வெற்றி பெற்றனர். 

அதன்படி, கர்நாடகா சட்டசபையான பெங்களூர் விதானசவுதாவில் காங்கிரஸ் கட்சியினர், வெற்றிப் பெற்ற வேட்பாளர்களுக்கு மாலை அணிவித்து தங்களது மகிழ்ச்சியை வெளிப்படுத்தினர். அதில், வெற்றி பெற்ற காங்கிரஸ் வேட்பாளர் சையத் நசீர் உசேனை சூழ்ந்து அவருக்கு ஆதரவாக காங்கிரஸ் கட்சியினர் கோஷங்களை எழுப்பினர். அப்போது, அங்கிருந்த சிலர்,  ‘பாகிஸ்தான் ஜிந்தாபாத்’ எனக் கோஷங்களை எழுப்பினர். இது தொடர்பான வீடியோ அப்போது சமூக வலைத்தளங்களில் வெளியாகி பெரும் அதிர்வலைகளை ஏற்படுத்தியது. இதற்கு பா.ஜ.க.வினர் கடும் எதிர்ப்பு தெரிவித்து வந்தனர். 

இதனையடுத்து, கடந்த சில நாட்களுக்கு முன்பு ராய்ச்சூர் பகுதியில் நடந்த காங்கிரஸ் தேர்தல் பிரச்சாரப் பொதுக்கூட்டத்தில் பாகிஸ்தான் ஆதரவு கோஷம் எழுப்பியதாகக் கூறப்பட்டது. இந்த நிலையில், வரும் மே 7ஆம் தேதி கர்நாடகா மாநிலத்தில் நடைபெறும் மூன்றாம் கட்டத் தேர்தலையொட்டி காங்கிரஸ், பா.ஜ.க, ம.ஜ.க ஆகிய கட்சிகள் தேர்தல் பிரச்சாரத்தில் ஈடுபட்டு வருகின்றன.

அந்த வகையில், நேற்று (03-05-24) கர்நாடகா வீட்டு வசதி மற்றும் சிறுபான்மையினர் நலத்துறை அமைச்சர் ஜமீர் அகமதுகான், ராய்ச்சூர் பகுதியில் தீவிர வாக்கு சேகரிப்பில் ஈடுபட்டு வந்தார். இதையடுத்து, அவர் செய்தியாளர்களைச் சந்தித்து பேசினார். அப்போது, அவரிடம் பாகிஸ்தான் ஆதரவு கோஷம் தொடர்பாக செய்தியாளர்கள் கேள்வி எழுப்பினர். அதற்கு பதில் அளித்த அவர், “நாம் ஒரு சட்டம் கொண்டு வர வேண்டும். போலீஸ் அவர்களை சுட வேண்டும். அந்த மக்கள் அனைவரையும் சுட்டுக் கொல்ல வேண்டும் என்று நீதிமன்றத்தின் மூலம் திருத்தம் கொண்டு வர வேண்டும். யாராவது பாகிஸ்தான் ஆதரவு கோஷம் எழுப்பினால் உடனடியாக சுட்டுக் கொல்லப்பட வேண்டும்” என்று கூறினார். 

சார்ந்த செய்திகள்

 

Next Story

பிலிகுண்டுலுவிற்கு நீர்வரத்து அதிகரிப்பு!

Published on 16/07/2024 | Edited on 16/07/2024
Increase in water flow to Pilikundulu

காவிரி ஒழுங்காற்றுக் குழுவின் 99வது கூட்டம் காணொளி காட்சி வாயிலாக கடந்த 11 ஆம் தேதி (11.07.2024) நடைபெற்றது. இந்தக் கூட்டத்தில், “தமிழகத்திற்கு ஜூலை 12 ஆம் தேதி (12.07.2024) முதல் வரும் 31ஆம் தேதி வரை நாள்தோறும் 1 டிஎம்சி தண்ணீர் திறந்துவிட வேண்டும்” எனக் கர்நாடகாவுக்கு பரிந்துரை செய்திருந்தது. இதனையடுத்து தமிழகத்திற்கு காவிரியில் இருந்து நீர் திறப்பது தொடர்பாக கர்நாடக முதல்வர் சித்தராமையா தலைமையில் நேற்று  முன்தினம் (14.07.2024) அனைத்து கட்சி கூட்டம் பெங்களூருவில் நடைபெற்றது.

அனைத்துக் கட்சிக் கூட்டத்துக்குப் பிறகு முதல்வர் சித்தராமையா செய்தியாளர்களைச் சந்தித்துப் பேசுகையில், “காவிரியில் நீர் இருப்பின் தற்போதைய நிலவரத்தைக் கருத்தில் கொண்டு கே.ஆர்.எஸ், கபினி அணைகளில் இருந்து ஜூலை 15 ஆம் தேதி முதல் 8 ஆயிரம் கன அடி நீரைத் திறந்து விடலாம் என்று முடிவு செய்யப்பட்டது. எனவே நாள்தோறும் ஒரு டிஎம்சி தண்ணீரைத் தமிழகத்திற்குத் திறக்க முடியாது. இந்த மாதம் இறுதிவரை தினமும் ஒரு டிஎம்சி என மொத்தமாக 20 டிஎம்சி நீர் திறக்க வேண்டுமெனக் காவிரி ஒழுங்காற்றுக் குழு பிறப்பித்துள்ள உத்தரவை எதிர்த்து காவிரி மேலாண்மை ஆணையத்தில் மேல்முறையீடு செய்வோம்” எனத் தெரிவித்திருந்தார். 

Increase in water flow to Pilikundulu

இதன் மூலம் ஜூலை 12 முதல் 31 வரை தினமும் 1 டிஎம்சி (11 ஆயிரத்து 500 கன அடி) தண்ணீர் திறக்க வேண்டும் என்ற காவிரி ஒழுங்காற்று குழுவின் உத்தரவைக் கர்நாடக அரசு ஏற்க மறுத்திருந்தது குறிப்பிடத்தக்கது. இதனையடுத்து கர்நாடகாவில் இருந்து காவிரி நீரைப் பெறுவதற்குத் தேவையான நடவடிக்கைகளை மேற்கொள்வது குறித்து தமிழக நீர்வளத்துறை அமைச்சர் துரைமுருகன் தலைமையில் அனைத்து சட்டமன்ற கட்சித் தலைவர்களின் கூட்டம் இன்று (16.07.2024) காலை 11.00 மணிக்குச் சென்னை தலைமைச் செயலகத்தில் நடைபெறும் என  முதல்வர் மு.க. ஸ்டாலின் அறிவித்திருந்தார்.

இந்நிலையில் கர்நாடகாவில் உள்ள காவிரி நீர்பிடிப்பு பகுதிகளில் தொடர்ந்து கனமழை பெய்து வருவதன் காரணமாக பிலிகுண்டிலுவிற்கு வரும் நீர்வரத்தின் அளவு அதிகரித்துள்ளது. அதன்படி காவிரியில் நீர்வரத்து அதிகரிப்பால் காவிரி ஆற்றின் தமிழக எல்லையான பிலிகுண்டுலுவிற்கு நீர்வரத்து 15 ஆயிரம் கன அடியில் இருந்து 18 ஆயிர கன அடியாக அதிகரித்துள்ளது. வெளிக்கொண்டு வைக்க வரும் நீரின் அளவு 15 ஆயிரம் கன அடியில் இருந்து 18 ஆயிரம் கன அடியாக உயர்ந்து அதிகரித்துள்ளது. பிலிகுண்டுலுவிற்கு நேற்று (15.07.2024) இரவு 15 ஆயிரம் கன அடி நீர் வந்து கொண்டிருந்தது. இத்தகைய சூழலில் தான் இன்று (16.07.2024) காலையில் இருந்து 18 ஆயிரம் கன அடியாக நீர் கொண்டிருக்கிறது. இந்த நீர்வரத்து மேலும் அதிகரிக்கும் என எதிர்பார்க்கப்படுகிறது. 

Increase in water flow to Pilikundulu

அதே சமயம் கர்நாடகாவில் உள்ள அணைகளுக்கான நீர்வரத்தும் அதிகரித்துள்ளதால் கர்நாடகாவில் இருந்து காவேரி ஆற்றில் வினாடிக்கு 25 ஆயிரம் கன அடி தண்ணீர் திறக்கப்பட்டுள்ளது. கபினி அணைக்கு வினாடிக்கு 20 ஆயிரம் கன அடி தண்ணீர் வந்து கொண்டிருக்கிறது. கபினி அணையின் நீர்மட்டம் 82 அடியாக உள்ளது 84 அடி கொள்ளளவு கொண்ட கபினி அணையில் 82 அடி அளவிற்கு நீர்மட்டம் உள்ளதால் அணையின் பாதுகாப்பு கருதி அணையில் இருந்து நீர் திறப்பு அதிகரிக்கப்பட்டுள்ளது. அதன்படி வினாடிக்கு 20 ஆயிரம் கன அடி முதல் 25 ஆயிரம் கன அடி வரை நீர் திறக்கப்பட்டுள்ளது. மேலும் கிருஷ்ணராஜ சாகர் அணையில் இருந்து விநாடிக்கு 500 கன அடி தண்ணீர் திறக்கப்படுகிறது. இரு அணைகளிலும் இருந்து மொத்தமாக நேற்று காலை வரை வினாடிக்கு 21 ஆயிரம் கன அடியாக நீர் திறக்கப்பட்டு வந்த நிலையில் தற்போது 25 ஆயிரம் கன அடியாகத் திறக்கப்பட்டு வருகிறது. 

Next Story

‘தமிழகத்திற்கு நீர் திறக்கப்படும்’ - முதல்வர் சித்தராமையா அறிவிப்பு!

Published on 14/07/2024 | Edited on 14/07/2024
Water will be opened to Tamil Nadu CM Siddaramaiah announcement

காவிரி ஒழுங்காற்றுக் குழுவின் 99வது கூட்டம் காணொளி காட்சி வாயிலாக கடந்த 11 ஆம் தேதி (11.07.2024) நடைபெற்றது. இந்தக் கூட்டத்தில், “தமிழகத்திற்கு ஜூலை 12 ஆம் தேதி (12.07.2024) முதல் வரும் 31ஆம் தேதி வரை நாள்தோறும் 1 டிஎம்சி தண்ணீர் திறந்துவிட வேண்டும்” எனக் கர்நாடகாவுக்கு பரிந்துரை செய்திருந்தது. இதனையடுத்து தமிழகத்திற்கு காவிரியில் இருந்து நீர் திறப்பது தொடர்பாக கர்நாடக முதல்வர் சித்தராமையா தலைமையில் இன்று (14.07.2024) அனைத்து கட்சி கூட்டம் பெங்களூருவில் நடைபெற்றது. இந்தக் கூட்டத்தில் மாநில துணை முதலமைச்சரும், நீர்ப்பாசனத்துறை அமைச்சருமான டி.கே.சிவகுமார், பாஜக மாநில தலைவர் சி.டி.ரவி, நீர்ப்பாசனத்துறை துறை அதிகாரிகள், அமைச்சர்கள், நாடாளுமன்ற மற்றும் சட்டமன்ற உறுப்பினர்கள் உள்ளிட்டோர் பங்கேற்று உள்ளனர்.

இந்நிலையில் அனைத்துக் கட்சிக் கூட்டத்துக்குப் பிறகு முதல்வர் சித்தராமையா செய்தியாளர்களைச் சந்தித்துப் பேசுகையில், “இன்று அனைத்துக் கட்சிக் கூட்டம் நடந்தது. இதில் துணை முதல்வர் டி.கே. சிவக்குமார், பாஜக தலைவர்கள், மைசூரு ஆற்றுப் பள்ளத்தாக்கு பகுதிகளைச் சேர்ந்த தலைவர்கள் கலந்து கொண்டனர். தமிழகத்திற்குத் தண்ணீர் திறந்து விடக்கூடாது என்றும், காவிரி ஒழுங்காற்றுக் குழுவின் முன் மேல்முறையீடு செய்ய வேண்டும் என்றும் இந்த கூட்டத்தில் கலந்து கொண்டவர்கள் கருத்துகளைத் தெரிவித்தனர். 

Water will be opened to Tamil Nadu CM Siddaramaiah announcement

இருப்பினும் காவிரியில் நீர் இருப்பின் தற்போதைய நிலவரத்தைக் கருத்தில் கொண்டு கே.ஆர்.எஸ், கபினி அணைகளில் இருந்து நாளை (15.07.2024) முதல் 8 ஆயிரம் கன அடி நீரைத் திறந்து விடலாம் என்றும், மழை பெய்தால் இந்த எண்ணிக்கையை அதிகரிப்போம் என்றும் முடிவு செய்யப்பட்டது. இதனைச் சட்ட ஆலோசனை குழுவின் உறுப்பினர் மோகன் கட்டார்கி முன்மொழிந்தார். எனவே நாள்தோறும் ஒரு டிஎம்சி தண்ணீரைத் தமிழகத்திற்குத் திறக்க முடியாது. இந்த மாதம் இறுதிவரை தினமும் ஒரு டிஎம்சி என மொத்தமாக 20 டிஎம்சி நீர் திறக்க வேண்டுமெனக் காவிரி ஒழுங்காற்றுக் குழு பிறப்பித்துள்ள உத்தரவை எதிர்த்து காவிரி மேலாண்மை ஆணையத்தில் மேல்முறையீடு செய்வோம்” எனத் தெரிவித்தார். இதன் மூலம் ஜூலை 12 முதல் 31 வரை தினமும் 1 டிஎம்சி (11 ஆயிரத்து 500 கன அடி) தண்ணீர் திறக்க வேண்டும் என்ற காவிரி ஒழுங்காற்று குழுவின் உத்தரவைக் கர்நாடக அரசு ஏற்க மறுத்துள்ளது குறிப்பிடத்தக்கது.