ராயல் என்ஃபீல்டு வச்சு கெத்து காட்டுறீங்களா? - உங்களுக்கு ஒரு போட்டி வருது...

இந்தியாவில் 1970-களில் தொடங்கி 90-களின் தொடக்கம் வரையில் இருசக்கர வாகன ஓட்டிகளின் முக்கிய தேர்வாக இருந்தது ஜாவா பைக். 90-களுக்கு பின் அதன் தயாரிப்பு நிறுத்தப்பட்டுவிட்டது. இப்போது மீண்டும் மஹிந்திரா அண்ட் மஹிந்திரா நிறுவனம் மூலம் ஜாவா பைக் விற்பனைக்கு வரவிருக்கிறது. 

புதிய ஜாவாவின் இன்ஜின் 293 சி.சி திறன், 27 பிஎச்பி 6 கியர்கள் மற்றும் ஃபியூல் இன்ஜக்‌ஷன் தொழில்நுட்பத்துடன் இந்தியாவில் தயாரிக்கப்படுகிறது என்று மஹிந்திரா அண்ட் மஹிந்திரா நிறுவனம் அறிவித்துள்ளது. இதன் பழைய இன்ஜின் சி.சி 350 என்பது குறிப்பிடத்தக்கது. புதிய ஜாவா நவம்பர் 15-ஆம் தேதி முதல் விற்பனைக்கு வரும் என்று அந்நிறுவனம் அறிவித்துள்ளது. இதன் விலை இன்னும் அதிகரப்பூர்வமாக அறிவிக்கப்படவில்லை.