Skip to main content

இன்று முதல் ஐந்து நாட்களுக்கு இன்டர்நெட் சேவை முடக்கம்!!

Published on 20/07/2018 | Edited on 20/07/2018

 

 

INTERNET

 

 

 

இன்று முதல் ஐந்து நாட்களுக்கு மொபைல் இணையதள சேவை முடக்கப்படும் என மணிப்பூர் மாநில அரசு தெரிவித்துள்ளது.

 

 

ஏற்கனவே குழந்தைகள் கடத்த சில வெளிமாநில நபர்கள் வருகிறார்கள் போன்ற போலி செய்திகளால் தாக்கப்பட்டவர்களின் எண்ணிக்கையும், இறப்புகளின் எண்ணிக்கையும் அதிகரித்துக்கொண்டே வருகின்ற சூழலில் போலிசெய்திகளால் இதுவரை 20 மேற்பட்டோர் பொதுமக்களால் தாக்கப்பட்டு இறந்துள்ளனர்.

 

நாடு முழுவதும் அதிர்வலையை ஏற்படுத்தியுள்ள இந்த சம்பவம் போன்ற பல போலிசெய்திகளால் பரவும்  வீடியோக்கள், புகைப்படங்களால் மணிப்பூர் மாநிலத்தின் சட்ட ஒழுங்கு முற்றிலும் பாதிக்கப்பட்டுள்ளது என்று தெரிவித்த மணிப்பூர் மாநில உள்துறை அமைச்சகத்தின் செயலர் ரகுமணி  இன்று முதல் ஐந்து நாட்கள் மணிப்பூர் மாநிலத்தில் மொபைல் இன்டர்நெட் சேவை தடைசெய்யப்பட்டுள்ளது என தெரிவித்துள்ளார். மாநிலத்தின் சட்ட ஒழுங்கை பாதுகாக்கவே இந்த நடவடிக்கை எடுக்கப்பட்டுள்ளது எனவும் கூறியுள்ளார். 

சார்ந்த செய்திகள்

 

Next Story

71 லட்சம் இந்தியப் பயனர்களுக்குத் தடை; அதிரடி நடவடிக்கை எடுத்த வாட்ஸ்அப்!

Published on 03/06/2024 | Edited on 03/06/2024
WhatsApp banned 71 lakh Indian users!

உலகம் முழுவதும் உள்ள கோடிக்கணக்கான மக்கள் உபயோகிக்கும் செயலி தான் வாட்ஸ் அப். இந்த செயலி மூலம், தகவல்களை பரிமாறவும், இணைய சேவை மூலம் எந்தவித கட்டணமுமின்றி வீடியோ கால், ஆடியோ கால் போன்றவற்றை பயன்படுத்தவும் முடியும். மேலும், புகைப்படங்கள், வீடியோக்கள், ஸ்டிக்கர்கள் என அனைத்து விதமான பரிமாற்றங்களையும் இந்த செயலி மூலம் அனுப்பக்கூடிய வசதிகள் உண்டு. இந்த செயலியை உபயோகிக்காத மக்கள் மிகவும் சொற்பமாக தான் இருக்க முடியும் என்றுதான் கூற வேண்டும். இதற்கிடையில் வாட்ஸ் அப் பயனர்களின் வசதிகளுக்கு ஏற்றவாறு வாட்ஸ் அப் நிறுவனம் அவ்வப்போது புதிய அப்டேட்களை அறிமுகப்படுத்தி வருகிறது.

இந்த நிலையில், ஒவ்வொரு மாதமும், ஸ்கேமர்கள் அல்லது தளத்தின் தனியுரிமைக் கொள்கைகளை மீறுவதாகக் கூறப்படும் லட்சக்கணக்கான இந்திய பயனர்களை வாட்ஸ்அப் நிறுவனம் தடை செய்து வருகிறது. அதன்படி, கடந்த ஏப்ரல் 1ஆம் தேதி முதல் ஏப்ரல் 30ஆம் தேதி வரையிலான இந்திய மாதாந்திர அறிக்கையை வாட்ஸ்அப் நிறுவனம் வெளியிட்டுள்ளது. அதில், ‘பயணர்கள் தொடர்ந்து விதிகளை மீறுவதாலும், தடைகளை தொடர்ந்து செயல்படுத்துவதாலும் கடந்த ஏப்ரல் மாதத்தில் மட்டும் 71 லட்சம் இந்திய கணக்குகளுக்கு தடை விதிக்கப்பட்டுள்ளது. இவற்றில் 1,302,000 கணக்குகள் பயனர்களிடமிருந்து எந்த புகாரும் வருவதற்கு முன்பே தடை செய்யப்பட்டுள்ளது’ என்று கூறப்பட்டுள்ளது.  

வாட்ஸ்அப் நிறுவனம், அதன் பயனர்களுக்கு பாதுகாப்பான சூழலை பராமரிக்க பயனர் கணக்குகளை தடை செய்கிறது. ஸ்பேம், மோசடிகள், தவறான தகவல், உள்ளூர் சட்டங்களை மீறும் கணக்குகள் போன்ற காரணங்களுக்காக பயணர்களின் கணக்குகளை வாட்ஸ்அப் நிறுவனம் தடை நடவடிக்கை எடுத்து வருகிறது என்பது குறிப்பிடத்தக்கது. 

Next Story

விடுதலைப் புலிகளுக்கு மேலும் 5 ஆண்டுகள் தடை; மத்திய அரசு உத்தரவு!

Published on 14/05/2024 | Edited on 14/05/2024
Central government order for banned for another 5 years

முன்னாள் பிரதமர் ராஜீவ் காந்தி கடந்த 1991ஆம் ஆண்டு மே 21ஆம் தேதி படுகொலை செய்யப்பட்டார். இதனைத் தொடர்ந்து, இந்தியாவில் விடுதலைப் புலிகள் மத்திய அரசால் தடை விதிக்கப்பட்டது. அதன் பின்னர், குறிப்பிட்ட கால இடைவெளிக்கு இந்தத் தடை உத்தரவு நீட்டிக்கப்பட்டது. கடைசியாக கடந்த 2019ஆம் ஆண்டு தடை நீட்டிப்பு உத்தரவு பிறப்பிக்கப்பட்டது. இந்த நிலையில், விடுதலை புலிகள் மீதான தடையைத் தற்போது மேலும் 5 ஆண்டுகளுக்கு நீட்டித்துள்ளதாக மத்திய உள்துறை அமைச்சகம் தெரிவித்துள்ளது. 

இது குறித்து மத்திய உள்துறை அமைச்சகம் வெளியிட்டுள்ள அறிவிப்பில், ‘நாட்டின் ஒருமைப்பாட்டிற்கும், பாதுகாப்பிற்கும் பாதகமான செயற்பாடுகளில் விடுதலைப் புலிகள் இன்னமும் ஈடுபட்டு வருவதாக மத்திய அரசு கருதுகிறது. கடந்த மே, 2009 இல் இலங்கையில் இராணுவத் தோல்விக்குப் பிறகும், விடுதலைப் புலிகள் 'ஈழம்' என்ற கருத்தை கைவிடவில்லை. மேலும் நிதி திரட்டுதல் மற்றும் பிரச்சார நடவடிக்கைகளை மேற்கொள்வதன் மூலம் 'ஈழம்' பிரச்சினையை நோக்கி இரகசியமாக செயல்பட்டு வருகின்றனர். எஞ்சியிருக்கும் விடுதலைப் புலிகளின் தலைவர்கள் அல்லது அங்கத்தவர்கள் சிதறிய செயற்பாட்டாளர்களை மீண்டும் ஒருங்கிணைத்து உள்நாட்டிலும் சர்வதேச அளவிலும் அமைப்பினை மீண்டும் எழுப்புவதற்கான முயற்சிகளை ஆரம்பித்துள்ளனர்.

விடுதலைப் புலிகளுக்கு ஆதரவான குழுக்கள் மக்கள் மத்தியில் பிரிவினைவாத போக்கைத் தொடர்ந்து வளர்ந்து, இந்தியாவிலும் குறிப்பாகத் தமிழ்நாட்டிலும் விடுதலைப் புலிகளுக்கான ஆதரவுத் தளத்தை மேம்படுத்துகின்றன. இது இறுதியில் இந்தியாவின் பிராந்திய ஒருமைப்பாட்டின் மீது வலுவான சிதைந்த செல்வாக்கைக் கொண்டிருக்கும். விடுதலைப் புலிகளின் தோல்விக்கு இந்தியாவே காரணம் என வெளிநாடுகளில் வாழும் விடுதலைப் புலிகள் அனுதாபிகள் இந்தியாவுக்கு எதிரான பிரச்சாரத்தை தமிழர்கள் மத்தியில் தொடர்ந்து பரப்பி வருகின்றனர். அதைத் தடுக்காவிட்டால் மத்திய அரசு மீதும் இந்திய அரசியலமைப்புச் சட்டம் மீதும் தமிழ் மக்களிடையே வெறுப்பு உணர்வு உருவாக வாய்ப்புள்ளது’ என்று கூறி தடைக்கான காரணங்களாக மத்திய உள்துறை அமைச்சகம் தெரிவித்துள்ளது.

The website encountered an unexpected error. Please try again later.