Skip to main content

சியாச்சினில் பனிச்சரிவில் ராணுவ வீரர்கள் சிக்கித்தவிப்பு - மீட்பு பணி தீவிரம்!

Published on 18/11/2019 | Edited on 18/11/2019

சியாச்சினில் ஏற்பட்ட பனிச்சரிவில் ராணுவ வீரர்கள் சிக்கி கொண்டதாக தகவல்கள் வந்துள்ளது.

 

army

 

காஷ்மீரின் மிகவும் உயரமான போர்க்கள பகுதியான சியாச்சின் மலைப் பகுதியில் ராணுவ வீரர்கள் தங்கியிருந்த இடத்தின் அருகே திடீர் பனிச் சரிவு ஏற்பட்டுள்ளதாக தகவல் வெளியான நிலையில், பனிச்சரிவில்  8 ராணுவ வீரர்கள் சிக்கி இருக்கலாம் என்ற தகவலும் வெளியாகி உள்ளது. பனிச்சரிவில் சிக்கிக் கொண்டிருக்கும் ராணுவ வீரர்களை மீட்கும் பணி தொடர்ந்து நடைபெற்று வருகிறது.

 

சார்ந்த செய்திகள்

 

Next Story

பயங்கரவாத தாக்குதல்; 4 ராணுவ வீரர்கள் உயிரிழப்பு!

Published on 08/07/2024 | Edited on 08/07/2024
Jammu and Kashmir Kathua dt incident 
கோப்புப்படம்

ஜம்மு காஷ்மீரில் பயங்கரவாதிகள் நடத்திய தாக்குதலில் இந்திய ராணுவ வீரர்கள் நான்கு பேர் பலியாகியுள்ளனர்.

ஜம்மு காஷ்மீர் மாநிலம் கதுவா மாவட்டத்தில் உள்ள மச்சேடி பகுதியில் இந்திய ராணுவ வாகனம் மீது இன்று (08.07.2024) பயங்கரவாதிகள் தாக்குதல் நடத்தினர். இந்த தாக்குதல் நடைபெற்ற பகுதி இந்திய ராணுவத்தின் 9வது படையின் கீழ் வருகிறது. பயங்கரவாதிகளின் இந்த துப்பாக்கிச் சூட்டையடுத்து ராணுவத்தினரும் பதிலடி கொடுத்தனர்.

இந்நிலையில் கதுவாவின் மச்சேடி பகுதியில் பயங்கரவாதிகள் நடத்திய தாக்குதலில் 4 இந்திய ராணுவ வீரர்கள் கொல்லப்பட்டனர் என்ற தகவல் வெளியாகியுள்ளது. இந்த மோதல் சம்பவத்தில் 6 ராணுவ வீரர்கள் காயமடைந்துள்ளனர். ராணுவத்தினருக்கும் பயங்கரவாதிகளுக்கும் இடையே துப்பாக்கிச் சண்டை நடந்து வருகிறது எனப் பாதுகாப்பு அதிகாரிகள் தெரிவித்துள்ளனர். 

Next Story

காஷ்மீரில் தீவிரவாத அமைப்பின் தலைவன் என்கவுண்டர்!

Published on 07/05/2024 | Edited on 07/05/2024
 encounter in Kashmir

காஷ்மீரில் தீவிரவாத அமைப்பின்  தலைவன் சுட்டுக் கொல்லப்பட்ட சம்பவம் நிகழ்ந்துள்ளது.

காஷ்மீரில் சட்டப்பிரிவு 370 நீக்கப்பட்டதற்கு பின்பு அமைதி திரும்பி இருந்தாலும் காஷ்மீரின் தெற்கு காஷ்மீர் பகுதியில் தொடர்ச்சியாக தீவிரவாத தாக்குதல் மற்றும் அச்சுறுத்தல்கள் இருந்து வந்தது. இந்நிலையில் குத்வானி பகுதியில் பதுங்கி இருந்த தீவிரவாத அமைப்பின் தலைவர் பாசித் தர் என்பவர் என்கவுண்டரில் சுட்டுக் கொலை செய்யப்பட்டுள்ளார். பாசித் தர்ருடன் அவனது கூட்டாளி ஒருவரும் என்கவுண்டர் செய்யப்பட்டதாகக் காஷ்மீர் காவல்துறை ஐ.ஜி விகே பிர்தி சார்பில் தகவல்கள் வெளியிடப்பட்டுள்ளது.

கடந்த சனிக்கிழமை ராணுவப் படை வீரர்கள் அணிவகுப்பாக சென்ற பொழுது தீவிரவாதிகள் ராணுவ வீரர்கள் மீது தாக்குதல் நடத்தி இருந்தனர். அதில் ஒரு விமானப் படை அதிகாரி கொல்லப்பட்டிருந்தார். இதனால் அந்தப் பகுதியில் ராணுவத்தினர் தீவிர தேடுதல் பணியில் ஈடுபட்டிருந்தனர். இதனையடுத்து நேற்றைய தினம் தீவிரவாதிகளுக்கும் ராணுவத்திற்கும் இடையே கடுமையான சண்டை ஏற்பட்டது. இந்நிலையில் டி.ஆர்.எஃப் எனும் தீவிரவாத அமைப்பின் தலைவன் பாசித்தர் மற்றும் அவனுடைய கூட்டாளி என இருவர் கொல்லப்பட்டுள்ளனர். இதனால் அந்தப் பகுதியில் நடைபெற்ற தீவிரவாத தேடுதல் வேட்டை முற்று பெற்றுள்ளதாக இந்திய ராணுவம் அறிவித்துள்ளது.