Skip to main content

10 லட்சம் பேருக்கு வெறும் 180 ஏ.டி.எம். மெஷின்கள்! - இதுதான் வளர்ச்சியா?

Published on 02/04/2018 | Edited on 02/04/2018

மத்தியில் பா.ஜ.க. ஆட்சியைப் பிடித்தபோது ஸ்மார்ட் சிட்டிகளை அமைத்து இந்தியாவை டிஜிட்டல் மயமாக்குவோம் என வாக்குறுதி அளிக்கப்பட்டது. இனி பலவீனமான பணப்பரிவர்த்தனைகளைத் தவிர்த்துவிட்டு டிஜிட்டல் பரிவர்த்தனைக்கு மாறவேண்டும் என்று வலியுறுத்தியது மத்திய அரசு. 

 

atm

 

2016ஆம் ஆண்டு நவம்பர் 8ஆம் தேதி பிரதமர் மோடி பணமதிப்பு இழப்பு நடவடிக்கையை அறிமுகம் செய்தார். ஊழல் மற்றும் தீவிரவாதத்தை ஒழிக்கும் இந்த முடிவை அனைவரும் ஆதரிக்கவேண்டும் என்று கேட்டுக்கொண்ட அவர், டிஜிட்டல் பரிவர்த்தனைகளை ஊக்குவிப்பதற்கான வேலைகளில் ஈடுபடவேண்டும் என வலியுறுத்தினார். 

 

பணமதிப்பு இழப்பு நடவடிக்கை மேற்கொள்ளப்பட்டு கிட்டத்தட்ட ஒன்றரை ஆண்டுகள் நிறைவடைந்த நிலையில், இந்தியாவில் பணப்புழக்கம் 99% இருப்பதாக இருப்பதாக அறிவித்தது ரிசர்வ் வங்கி. அந்தளவிற்கு பணமதிப்பு இழப்பு தோற்றுப்போய்விட்டது என்பதை நாட்டின் பணப்பரிவர்த்தனை உணர்த்தியது.

 

இந்நிலையில், ஹிட்டாச்சி பேமண்ட் சர்வீஸ் என்ற நிறுவனத்தின் தகவல்படி, இந்தியாவில் 10 லட்சம் பேருக்கு வெறும் 180 ஏ.டி.எம். இயந்திரங்களே இருப்பதாக கூறப்பட்டுள்ளது. அதாவது இந்திய மக்கள்தொகைக்கு போதுமான அளவு ஏ.டி.எம். இயந்திரங்கள் இன்னமும் அமைக்கப்படவில்லை என அந்தத் தகவல் கூறுகிறது. இந்தப் பட்டியலில் முதல் மூன்று இடங்களில் கொரியா - 2,423, கனடா - 1,859, பிரான்ஸ் - 1,745 ஆகிய நாடுகள் உள்ளன. 

சார்ந்த செய்திகள்

 

Next Story

100 ரூபாய் கேட்டால் 500 ரூபாய் கொடுத்த ஏ.டி.எம்; புதுக்கோட்டையில் பரபரப்பு!

Published on 23/05/2024 | Edited on 23/05/2024
ATM in Pudukkottai gave 500 rupees when asked for 100 rupees
கோப்புப்படம்

புதுக்கோட்டை கீரனூர் பகுதியில் தனியார் வங்கியின் ஏ.டி.எம் இயந்திரம் ஒன்று உள்ளது. இந்த நிலையில் அந்த ஏ.டி.எம் இயத்திரத்தில் நேற்று பணம் எடுக்க வந்தவர்களுக்கு 100 ரூபாய்க்கு பதில் 500 ரூபாய் வந்துள்ளது. இதனால் அவர்கள் அதிர்ச்சியடைந்தனர். இந்தச் செய்தி காட்டு தீ போன்று பரவ பலரும் அந்த ஏ.டி.எம் இயத்திரத்தில் பணம் எடுத்துள்ளனர். அப்போது அவர்களுக்கு 100 ரூபாய்க்கு பதில் 500 ரூபாயை இயந்திரம் தந்துள்ளது.

இதனையடுத்து தகவலின் பேரில் சம்பந்தப்பட்ட ஏ.டி.எம் வங்கியின் ஊழியர்கள் இயந்திரத்தை பரிசோதனை செய்தனர். அதில் ஏ.டி.எம் இயந்திரத்தில் பணம் வைக்க வந்த ஊழியர்கள் 100 ரூபாய் நோட்டுகள் வைக்க வேண்டிய இடத்தில் 500 ரூபாய் நோட்டுகளை வைத்ததால் தான் இந்தக் குளறுபடி நடத்தாக தெரிவித்தனர். பின்பு அது சரிசெய்யப்பட்டது.

இந்தக் குளறுபிடியால் ஏ.டி.எம்மில் இருந்து ரூ.2 லட்சததிற்கு மேல் பணம் எடுக்கப்பட்டுள்ளது. சிலர் தவறுதலாக வந்த பணத்தை சம்பந்தப்பட்ட வங்கியில் மீண்டும் ஒப்படைத்தாக கூறப்படுகிறது. அப்படி ரூ.60 ஆயிரம் வரை வந்துள்ளதாக கூறப்படுகிறது. மீதமுள்ள பணத்தைத் திரும்ப பெற அந்த நேரத்தில் ஏ.டி.எம்மில் பணம் எடுத்தவர்களின் வங்கி கணக்குகளை ஆராய்ந்து வருகின்றனர்.

Next Story

வங்கி மேலாளரைத் தாக்கிய பா.ஜ.க. நிர்வாகி; வீடியோ வெளியாகி அதிர்ச்சி!

Published on 14/03/2024 | Edited on 14/03/2024
BJP Administrator vs bank manager Shocked when the video was released

திருவள்ளூர் மாவட்டம் மணவாளநகர் பகுதியில் உள்ள தனியார் வங்கிக்குச் சொந்தமான  ஏ.டி.எம். ஒன்று உள்ளது. இந்த ஏ.டி.எம். மையத்திற்கு நேற்று (13.03.2024) பா.ஜ.க. மாநில இளைஞரணி செயற்குழு உறுப்பினர் அபிலாஷ் என்பவர் பணம் எடுப்பதற்காக சென்றுள்ளார். அப்போது வங்கியின் மேலாளர் பிரதீப், “ஏ.டி.எம். மையத்தில் சர்வீஸ் பணிகள் நடந்து கொண்டு இருப்பதால் பணம் எடுக்க கூடாது” எனத் தெரிவித்துள்ளார்.

இதனால் கோபமடைந்த அபிலாஷ் மேலாளரை கடுமையாக தாக்கியுள்ளார். இது குறித்து வங்கியின் மேலாளர் பிரதீப் மணவாளநகர் போலீஸில் புகார் அளித்துள்ளார். இந்த புகாரின் பேரில் போலீசார் அபிலாஷை தீவிரமாக தேடி வந்தனர். இதனையடுத்து போலீசார் அபிலாஷை அதிரடியாக கைது செய்து நீதிமன்றத்தில் ஆஜர்படுத்தி கிளை சிறையில் அடைத்தனர்.

இந்நிலையில் அபிலாஷ் வங்கியின் மேலாளர் பிரதீப்பை கொடூரமாகத் தாக்கும் சி.சி.டி.வி. காட்சிகள் வெளியாகி மக்கள் மத்தியிலும், வங்கி ஊழியர்கள் மத்தியிலும் அதிர்ச்சியை ஏற்படுத்தியுள்ளது. இது தொடர்பான வீடியோ காட்சிகள் சமூக வலைத்தளங்களில் வெளியாகி அதிர்ச்சியை ஏற்படுத்தியுள்ளது.