Skip to main content

கடும் பனிப்பொழிவு... 500க்கும் மேற்பட்ட விமானங்களுக்கு சிக்கல்!

Published on 30/12/2019 | Edited on 31/12/2019

நாடு முழுவதும் தற்போது கடுமையான குளிர் நிலவி வரும் சூழ்நிலையில், வட மாநிலங்களில் இதுவரை இல்லாத அளவிற்கு வரலாறு காணாத வகையில் குளிர் நிலவி வருகிறது. புதுதில்லி, பஞ்சாப், உத்தரபிரதேசம், இமாச்சல பிரதேசம் உள்ளிட்ட இடங்களில் கடுமையான பனிப்பொழிவு நிலவி வருகிறது.  இரவு நேரங்களில் சில மாநிலங்களில் குளிர் 10 டிகிரி வரை இருக்கின்றது.



குறிப்பாக புதுதில்லியில் முன் எப்போது இல்லாத அளவில் குளிர் வாட்டி வதைக்கிறது. நேற்று உச்சகட்டமாக 2 டிகிரி செல்சியஸ் வரை குளிர் இருந்துள்ளது. இதுவரை வட மாநிலங்களில் குளிரின் காரணமாக 30க்கும் மேற்பட்டவர்கள் பலியாகி உள்ளதாக தகவல் வெளியாகி உள்ளது. இந்நிலையில் நேற்று தில்லியில் மட்டும் 6 பேர் பலியாகி உள்ளார்கள். உயிர்பலிகளை தாண்டி விமானங்கள் தரையிரங்குவதிலும் சிக்கல் ஏற்பட்டுள்ளது. இதனால் 500 விமானங்கள் தரையிறங்குவதில் சிக்கல் ஏற்பட்டுள்ளது. மேலும் 5 விமானங்கள் ரத்து செய்யப்பட்டுள்ளது. பனிப்பொழிவு குறையும் வரையில் இந்த நிலையே நீடிக்க வாய்ப்பிருப்பதாக அதிகாரிகள் தெரிவித்துள்ளார்கள்.

 

சார்ந்த செய்திகள்

 

Next Story

விமான நிலைய மேற்கூரை சரிந்து விழுந்து விபத்து!

Published on 28/06/2024 | Edited on 28/06/2024
Airport roof collapse incident

டெல்லியில் இரவு முழுவதும் பெய்த கனமழையால் டெல்லியின் பல பகுதிகள் வெள்ளத்தில் டெல்லியில் இரவு முழுவதும் பெய்த கனமழையால் டெல்லியின் பல பகுதிகள் வெள்ளத்தில் மூழ்கியுள்ளன. டெல்லியில் உள்ள முக்கிய சாலைகள்,  ரயில் நிலையம்,  மெட்ரோ ரயில் நிலையம், விமான நிலையம் உள்ளிட்ட பல்வேறு இடங்கள் வெள்ளம் சூழ்ந்துள்ளன.  இத்தகைய சூழலில் தான் டெல்லி விமான நிலையத்தின் மேற்கூரை சரிந்து விழுந்து விபத்து நிகழ்ந்தது.

இந்த விபத்தில் சிக்கி படுகாயமடைந்த 4 பேர் மீட்கப்பட்டு சிகிச்சைக்காக மருத்துவமனைக்குக் கொண்டு செல்லப்பட்டனர். இந்த தகவலை தீயணைப்புத்துறை மற்றும் மீட்புப் பணிகள் துறையின் இயக்குநர் அதுல் கர்க் உறுதிப்படுத்தியுள்ளார். தொடர்ந்து மீட்புப் பணிகள் நடைபெற்று வருகிறது.

இந்த சம்பவம் தொடர்பாக விமான  பயணி ஒருவர் கூறுகையில், " நான் பயணிக்க உள்ள விமானம் காலை 9 மணிக்கு  புறப்பட  உள்ளது. விமான நிலையத்தின் மேற்கூரை சரிந்து விழுந்ததை அறிந்தேன். இதனால் சில விமானங்கள் ரத்து செய்யப்பட்டுள்ளன” எனத் தெரிவித்தார். மேலும் இது குறித்து யாஷ் என்ற பயணி கூறுகையில், "பெங்களூருவில் இருந்து டெல்லிக்கு  காலை 08 : 15 மணிக்கு விமானத்தில் வந்தேன். இங்கு காலை 05 : 00  - 05 : 15 மணியளவில் மேற்கூரை இடிந்து விழுந்தது எனக் கேள்விப்பட்டேன்” எனத் தெரிவித்தார். 

Next Story

'அத்தி சாட்டில் பிளேடு துண்டு' - மன்னிப்பு கோரிய ஏர் இந்தியா

Published on 19/06/2024 | Edited on 19/06/2024
Air India Apologizes for 'Blade Piece in Fig Chat'

விமானத்தில் வழங்கப்பட்ட உணவில் பிளேடு துண்டு கிடந்தது தொடர்பாக பத்திரிகையாளர் ஒருவர் சமூக வலைத்தளத்தில் செய்தி வெளியிட்ட சம்பவமும், அதற்காக விமான சேவை நிறுவனம் கொடுத்த இழப்பீட்டை வாங்க மறுத்த சம்பவமும் நிகழ்ந்துள்ளது.

பெங்களூரிலிருந்து சான் பிரான்சிஸ்கோ சென்ற ஏர் இந்தியா விமானத்தில் கடந்த ஒன்பதாம் தேதி மதுரஸ் பால் என்ற பத்திரிகையாளர் பயணித்துள்ளார். பயணத்தின் போது ஏர் இந்தியா நிறுவனத்தின் சார்பில் அத்தி சாட் உள்ளிட்ட பல உணவுகள் வழங்கப்பட்டுள்ளது. அதில் அத்தி சாட் உணவில் பிளேடு ஒன்று இருந்துள்ளது. இதனை அறியாமல் பத்திரிகையாளர் மதுரஸ் பால் மென்று சாப்பிட்டுக் கொண்டிருக்கும் பொழுது திடீரென வாயில் ஒரு தடிமனான பொருள் சிக்கியது. அதனை எடுத்து பார்த்த பொழுது பிளேடு துண்டு எனத் தெரியவந்ததைக் கண்டு அதிர்ந்து போனார்.

இதை ஒருவேளை சிறுவர்கள் அல்லது முதியவர்கள் சாப்பிட்டிருந்தால் என்னவாகி இருக்கும் எனக் கேள்வி எழுப்பி சமூக வலைத்தளபக்கத்தில் இது தொடர்பான புகைப்படங்களை மதுரஸ் பால் ஏர் இந்தியா நிறுவனத்தின் சமூக வலைத்தள பக்கத்தை டேக் செய்து வெளியிட்டு இருந்தார். காய்கறிகளை வெட்டிய போது பிளேடு உடைந்து உணவில் கலந்துள்ளது தெரியவந்தது. இதைத் தலைமை வாடிக்கையாளர் அனுபவ அதிகாரி ராஜேஷ் டோக்ரா உறுதி செய்துள்ளார். இதனைத் தொடர்ந்து ஏர் இந்திய நிறுவனம் தன்னுடைய சமூக வலைத்தள பக்கத்தில் மதுரஸ் பாலிடம் மன்னிப்பு கோரியதோடு, இழப்பீடு வழங்குவதாகவும் அறிவித்திருந்தது. ஆனால் அதனை தான் வாங்க மறுத்ததாக சமூக வலைத்தளத்தில் மதரஸ் பால் தெரிவித்துள்ளார்.