Skip to main content

இறுதி நேரத்தில் தொய்வு; பரபரப்பில் உத்தரகாசி

Published on 22/11/2023 | Edited on 22/11/2023

 

Delay in closing time; Uttarakhand is in a frenzy

 

உத்தரகாண்ட் மாநிலம் உத்தரகாசி அருகே உள்ள சில்க்யாரா என்ற பகுதியில் அமைந்துள்ள யமுனோத்ரி தேசிய நெடுஞ்சாலையில் சுரங்கம் தோண்டும் பணி நடைபெற்று வந்தது. இந்த சூழலில் கடந்த 12ஆம் தேதி (12/11/2023) காலை வழக்கம்போல் தொழிலாளர்கள் சுரங்கம் தோண்டும் பணியில் ஈடுபட்டிருந்தனர். அப்போது திடீரென எதிர்பாராத விதமாகச் சுரங்கப்பாதை இடிந்து விழுந்து விபத்து ஏற்பட்டது. இந்த விபத்தில் சிக்கி பணியில் இருந்த 41 தொழிலாளர்கள் சுரங்கத்தின் உள்ளே சிக்கினர். சுமார் 4.5 கி.மீ. நீளமுள்ள சுரங்கப் பாதையில் 150 மீட்டர் இடிந்து விழுந்து இந்த விபத்து நிகழ்ந்தது.

 

மீட்புப் பணிகளில் 11வது நாளாகத் தேசிய மற்றும் மாநில பேரிடர் மீட்புப் படைகள், தீயணைப்புத் துறையினர் ஈடுபட்டுள்ளனர். சுரங்கப்பாதை விபத்தில் சிக்கியுள்ள 41 தொழிலாளர்களை பாதுகாப்பாக வெளியேற்றும் முயற்சி இறுதி கட்டத்தை எட்டியுள்ளது என தகவல்கள் வெளியாகி இருந்தது. அதனைத் தொடர்ந்து சற்று நேரத்தில் உள்ளே உள்ளவர்கள் மீட்கப்படுவார்கள் எனவும் எதிர்பார்க்கப்பட்டது.

 

இந்தநிலையில் இறுதிக் கட்டப் பணியில் தொய்வு ஏற்பட்டுள்ளதாக தற்போது தகவல்கள் வெளியாகி உள்ளது. சுரங்கப்பாதையின் மேலே இருந்து செங்குத்தாக துளையிடும் பணியில் தாமதம் ஏற்பட்டுள்ளது. கம்பி போன்ற பொருள் குறுக்கே இருப்பதால் எந்த உபகரணத்தை கொண்டு அகற்றலாம் என மீட்புக் குழு மீண்டும் ஆய்வு செய்து வருகிறது. 15 பேர் கொண்ட தேசிய பேரிடர் மீட்பு படையினரின் ஆய்வுக்கு பின் மீண்டும் துளையிடும் பணி தொடங்கும். அதன் பின்னரே உள்ளே இருப்பவர்கள் மீட்கப்படுவார்கள் என கூறப்படுகிறது. இந்தத் தொய்வு அங்கு மீண்டும் பரபரப்பை ஏற்படுத்தி உள்ளது.

 

 

 

 

சார்ந்த செய்திகள்

 

Next Story

தீப்பிடித்து எரிந்த ஆம்னி பஸ்-ஓட்டுநரால் தப்பிய பயணிகள்

Published on 18/07/2024 | Edited on 18/07/2024
Omni bus catches fire - passengers luckily escape

சென்னை கோயம்பேட்டில் இருந்து கோவை செல்லும் தனியார் ஆம்னி பஸ் நேற்று இரவு  சுமார் 40-க்கும் மேற்பட்ட பயணிகளை  ஏற்றிக் கொண்டு வந்து கொண்டிருந்தது. இந்த பஸ்சை ஓட்டுநர் கார்த்திகேயன் இயக்கிய நிலையில், பயணிகளில் சிலர் ஆங்காங்கே அவர்களுக்கு தேவையான இடங்களில் இறங்கினர்.

இந்நிலையில் சுமார் 15 பயணிகளுடன் ஈரோடு மாவட்டம் சித்தோடு அருகே செல்லும் தேசிய நெடுஞ்சாலையில், பஸ் இன்று அதிகாலை சென்று கொண்டிருந்த போது, பஸ்சின் முன் பகுதி திடீரென தீப்பிடித்து எரியத் தொடங்கியது. இதனால் அதிர்ச்சியடைந்த ஓட்டுநர் கார்த்திகேயன், பஸ்சை உடனடியாக சாலையோரமாக நிறுத்தியதோடு, உள்ளே இருந்த பயணிகளுக்கு தகவல் தெரிவித்து உடனடியாக வெளியேற்றியுள்ளார். 

ஓட்டுநரின் இந்த துரித நடவடிக்கை காரணமாக உயிரிழப்புகள் ஏதும் ஏற்படாத நிலையில், பஸ் முற்றிலும் எரிந்து சேதமானது. இதுகுறித்து தகவலறிந்து வந்த சித்தோடு போலீசார், தீயணைப்புத் துறை வீரர்கள் உதவியுடன் பஸ்சில் பற்றி எரிந்து கொண்டிருந்த தீயை அணைத்ததோடு, சம்பவம் தொடர்பாக வழக்குப்பதிவு செய்து விசாரணை மேற்கொண்டு வருகின்றனர்.

Next Story

கணவரைப் பயமுறுத்த மனைவி அனுப்பிய வீடியோ; போலீசார் தீவிர விசாரணை

Published on 18/07/2024 | Edited on 18/07/2024
Video sent by wife to scare husband in uttarkhand

உத்தரகாண்ட் மாநிலம், ஹரித்வார் பகுதியில் பெண் ஒருவர், தனது 11 வயது மகனை தாக்கும் வீடியோ சமூக வலைத்தளங்களில் வெளியாகி பரபரப்பை ஏற்படுத்தியுள்ளது. இது தொடர்பான வீடியோவில், ஒரு பெண் தனது மகனை அடிப்பைதை மற்றொருவர் அருகில் நின்று அதனை வீடியோவாக எடுத்துள்ளார். இந்த வீடியோ வைரலானதை தொடர்ந்து, ஹரித்வார் போலீசார் வழக்குப்பதிவு விசாரணை நடத்தினர்.

அந்த விசாரணையில், அந்த பெண்ணின் கணவர் குடிப் பழக்கத்திற்கு அடிமையாகி, வீட்டு செலவுக்கு பணம் கொடுப்பதில்லை. மேலும், கடந்த 10 வருடங்களாக குடிப்பழக்கத்தால் அந்த பெண்ணின் கணவர், அவரிடம் அடிக்கடி தகராறிடம் ஈடுபட்டு வந்துள்ளார். இதனையடுத்து, அந்த பெண்ணின் கணவர், உத்தரப் பிரதேச மாநிலத்தில் ஒரு கடையை நடத்தி கொண்டு அங்கேயே இருந்து சில மாதங்களாக வீட்டுக்கு வரவில்லை. இதனால், மனமுடைந்த அந்த பெண், தனது கணவரை பயமுறுத்துவதற்காக தனது மகனை அடித்து அதை, தனது மூத்த மகனிடம் வீடியோவாக எடுக்கச் சொல்லி அந்த வீடியோவை தனது கணவருக்கு அனுப்பியுள்ளார் என்பது தெரியவந்தது. 

அதன் பின்னர், அந்த பெண்ணின் பக்கத்து வீட்டார் பலரிடம் போலீசார் விசாரணை நடத்தினர். அதில், அந்த பெண் தனது குழந்தைகளை நன்றாக கவனித்து வருவதாகத் தெரிவித்தனர். இதனையடுத்து, மகனை அடித்து வீடியோவாக எடுத்த அந்த பெண்ணுக்கு பல கட்ட கவுன்சிலிங் நடத்தப்பட உள்ளதாக போலீசார் தரப்பில் தெரிவித்தனர். மேலும், கணவர் மீது பெண் கூறிய புகார்கள் குறித்தும் போலீசார் விசாரணை நடத்தி வருகின்றனர்.