Skip to main content

யூ டியூப் பார்த்து பிரசவம்; பிறந்த குழந்தையை பெல்ட்டால் கொலை செய்த 15 வயது சிறுமி

Published on 06/03/2023 | Edited on 06/03/2023

 

Childbirth by watching YouTube; A 15-year-old girl k her newborn with a belt

 

யூ டியூப் பார்த்து பிரசவம் செய்து கொண்ட சிறுமி தனக்கு பிறந்த குழந்தையின் கழுத்தை பெல்ட்டால் நெறித்துக் கொலை செய்த சம்பவம் அதிர்ச்சியை ஏற்படுத்தியுள்ளது.

 

மராட்டிய மாநிலம் நாக்பூர் பகுதியைச் சேர்ந்த 15 வயது சிறுமி அப்பகுதியில் உள்ள பள்ளியில் படித்து வருகிறார். தனது செல்போனில் இணையத்தில் அதிக நேரம் செலவிட்டு வந்த அந்த சிறுமிக்கு இன்ஸ்டாகிராம் மூலம் தாக்கூர் என்ற இளைஞருடன் பழக்கம் ஏற்பட்டுள்ளது. நாளடைவில் இந்தப் பழக்கம் இருவரும் தனிமையில் சந்திக்கும் அளவிற்குச் சென்றுள்ளது. இதனால் கருத்தரித்த சிறுமியின் வயிறு நாளைடைவில் பெரிதாகியுள்ளது. இதனைக் கண்ட அவரது தாய் இது குறித்து கேட்கையில் பொய் சொல்லி சமாளித்துள்ளார். 

 

இந்த நிலையில் மருத்துவமனைக்குச் சென்றால் மாட்டிக்கொள்வோம் என்று நினைத்த சிறுமி வீட்டில் யூடியூபில் பிரசவம் செய்வது குறித்தான வீடியோக்களைப் பார்த்துள்ளார். கடந்த 3 ஆம் தேதி வீட்டில் தனியாக இருந்த சிறுமி வீட்டில் யூடியூப் பார்த்து தானாகவே பிரசவம் செய்துகொண்டுள்ளார். குழந்தையைப் பெற்றெடுத்த பின் குழந்தை அழுதுள்ளது. குழந்தையின் சத்தத்தால் மாட்டிக்கொள்வோம் என்று நினைத்த சிறுமி பெல்ட்டால் குழந்தையின் கழுத்தை நெரித்துக் கொலை செய்துள்ளார். குழந்தையின் உடலை வீட்டில் உள்ள பெட்டியில் மறைத்து வைத்துள்ளார்.

 

வேலை முடிந்து வீட்டிற்கு வந்த சிறுமியின் தாயார் வீட்டில் இரத்தக் கறைகள் இருந்ததைக் கண்டதும் அதிர்ச்சி அடைந்து சிறுமியிடம் இது குறித்து கேட்டுள்ளார். மாதவிடாய் காரணமாக ஏற்பட்ட ரத்தக் கறைகள் எனச் சிறுமி கூறியுள்ளார். எனினும் சந்தேகம் தீராத தாய் சிறுமியிடம் தொடர்ந்து விசாரிக்க சிறுமி அழுது கொண்டே நடந்ததைக் கூறியுள்ளார். இதனைக் கேட்டு அதிர்ந்த தாய் இது குறித்து காவல்துறையில் புகார் செய்ய சம்பவ இடத்திற்கு காவல்துறையினர் விரைந்துள்ளனர். குழந்தையை மீட்டு பிரேதப் பரிசோதனைக்கு அனுப்பி வைத்து சிறுமியையும் மருத்துவமனையில் சிகிச்சைக்காக அனுமதித்தனர். இது குறித்து தொடர்ந்து விசாரித்து வருகின்றனர்.

 

 

சார்ந்த செய்திகள்

 

Next Story

கணவனின் திருமணத்தை மீறிய உறவைக் கண்டித்த மனைவி; அடுத்து நடந்த சோகம்!

Published on 20/07/2024 | Edited on 20/07/2024
A wife who condemned her husband's adulterous relationship

நீலகிரி மாவட்டம் குன்னூர் பகுதியைச் சேர்ந்தவர் மணிகண்டன் (32). இவர் எலெஜ்ட்ரீசியனாக வேலை பார்த்து வந்தார். இவருக்கு திருமணமாகி பெண் குழந்தைகள் உள்ளனர். இந்த நிலையில், மணிகண்டனுக்கும், அதே பகுதியைச் சேர்ந்த ஒரு பெண்ணுக்கும் பழக்கம் ஏற்பட்டுள்ளது. 

அவர்களுக்குள் ஏற்பட்ட பழக்கம் நாளடைவில், திருமணத்தை மீறிய உறவாக மாறியது. இந்த விவகாரம், மணிகண்டனின் குடும்பத்துக்கு தெரியவர, தனது பெண் தோழியோடு எடப்பாடி அருகே வளையசெட்டியூர் பகுதியில் வசித்து வந்துள்ளார். இதனிடையே, தனது கணவர் காணாததைக் கண்டு அதிர்ச்சியடைந்த மணிகண்டனின் மனைவி மற்றும் உறவினர்கள் பல்வேறு இடங்களில் தேடி வந்தனர். 

பின்னர், மணிகண்டன் வளையசெட்டியூர் பகுதியில் இருப்பதை அறிந்த அவரது மனைவி அந்த இடத்துக்கு சென்று மணிகண்டனின் தகாத உறவைக் கண்டித்ததோடு மட்டுமல்லாமல் தன்னோடு வரும்படி அழைத்துள்ளார். இதில் கோபமடைந்த மணிகண்டன் வீட்டை விட்டு வெளியேறி அருகே உள்ள மதுபானக் கடை அருகில் விஷம் குடித்துள்ளார். இதுகுறித்து தகவல் அறிந்த உறவினர்கள், மணிகண்டனை மீட்டு மருத்துவமனையில் அனுமதித்தனர். ஆனால், அங்கு அவர் சிகிச்சை பலனின்றி பரிதாபமாக உயிரிழந்தார். இந்தச் சம்பவம் தொடர்பாக, போலீசார் வழக்குப்பதிவு செய்து விசாரணை நடத்தி வருகின்றனர். கணவன் வைத்திருந்த தகாத உறவை மனைவி கண்டித்ததால், எலெக்ட்ரீசியன் தற்கொலை செய்துகொண்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது. 

Next Story

கொடூரக் கொலை; விரலை வைத்து குற்றவாளியைத் தூக்கிய போலீஸ் - அதிரவைக்கும் வாக்குமூலம்

Published on 20/07/2024 | Edited on 20/07/2024
Accused in Cuddalore family case arrested in Chennai
சங்கர் ஆனந்த் -  சாகுல் அமீது

கடலூர் மாவட்டம் காராமணிக்குப்பம் பகுதியைச் சேர்ந்தவர் சுகந்தகுமார்(43) இவர் தனது தாய் கமலேஸ்வரி(60) மற்றும் 10 வயது மகனுடன் காராமணிக்குப்பம் பகுதியில் வசித்து வருகிறார். சுகந்தகுமாருக்கு இரு திருமணமாகி இரண்டு மனைவிகளையும் பிரிந்து தாய் மற்றும் 2வது மனைவிக்குப் பிறந்த 10 வயது மகனுடன் வாழ்ந்து வருகிறார். இந்த நிலையில் கடந்த 15 ஆம் தேதி சுகந்தகுமார், கமலேஸ்வரி, 10 வயது மகன் மூவரும் வெட்டிக்கொன்று எரிக்கப்பட்டு சடலமாகக் கிடந்துள்ளனர். பின்பு வீட்டில் இருந்து துர்நாற்றமும், புகையும் வெளி வந்ததால் அருகே இருந்தவர்கள் போலிசாருக்கு தகவல் கொடுத்துள்ளனர். 

தகவலின் பேரில் சம்பவ இடத்திற்கு வந்த போலீசார் வீட்டிற்குள் சென்று மூவர் உடலையும் கைப்பற்றி பிரேதப்பரிசோதனை செய்ய மருத்துவமனைக்கு அனுப்பி வைத்தனர். மேலும் சுற்றியிருந்தவர்களிடம் போலீசார் விசாரணை நடத்தியதில், சுகந்தகுமாரின் எதிர்வீட்டில் வசிக்கும் சங்கர் ஆனந்த் மீது போலீசாருக்கு சந்தேகம் ஏற்பட்டுள்ளது. அவரை போலீசார் நோட்டமிட்டதில் சங்கர் ஆனந்த் திடீரென தலைமறைவாகியுள்ளார். மேலும் சங்கர் ஆனந்தின் கையில் ஒரு விரலில் வெட்டுப்பட்டுக் கட்டுப்போட்டிருந்ததும் போலீசாருக்கு கூடுதல் சந்தேகத்தையும் கொடுக்க, தலைமறைவாக இருந்த ஆனந்தை செல்போன் சிக்னல் மூலம் தேடினர். அதில் சென்னை மறைமலைநகர் பகுதியில் பதுங்கி இருந்த சங்கர் ஆனந்த் மற்றும் அவரது நண்பர் சாகுல் அமீது இருவரையும் போலீசார் கைது செய்தனர். 

போலீசார் நடத்திய விசாரணையில் சங்கர் ஆனந்த், எனது அம்மாவிற்கும் சுகந்தகுமாருக்கும் திருமணத்தை மீறிய உறவு இருந்ததாக ஊரில் பலரும் பேசினர். அதனால் மனமுடைந்த எனது தாய் ரயில் முன் பாய்ந்து தற்கொலை செய்துகொண்டார். இதற்காக சுகந்தகுமாரை பழிவாங்க வேண்டும் என்று நினைத்தேன். ஆனால் அவர் பெங்களூரில் பாதி நாளும் வீட்டில் பாதி நாளும் வேலை பார்த்து வந்தார்.

இந்த நிலையில் அவரது மகனை அழைத்துக் கேட்டபோது அவன் என்னை மரியாதை இல்லாமல் திட்டினான். அதனால் அவனை நான் அடித்ததை அவனது பாட்டி கமலேஸ்வரியிடம் கூறி அவர், என்னைக் கடுமையாகத் திட்டினார். காரி துப்பி அசிங்கப்படுத்தினார். இதனைத் தொடர்ந்து சுகந்த குமாரைத் தீர்த்துக்கட்ட முடிவு செய்ய  நானும் எனது கூட்டாளிகளும் சேர்ந்து 13 ஆம் தேதி இரவு சுகந்தகுமார் வீட்டின் கதவைத் தட்டினோம். அப்போது கதவைத் திறந்த சுகந்தகுமாரை வெட்டி கொலை செய்தேன் பதிலுக்கு அவர் என் கை விரலை  வெட்டிவிட்டார். பின்பு எங்களைத் தாக்க வந்த கமலேஸ்வரியையும் கொலைசெய்தேன். 10 வயது சிறுவனை வெளியேவிட்டால் மாட்டிக்கொள்வோம் என்று கூறி அவனையும் கழுத்தை அறுத்து கொலை செய்தேன்.

பின்பு மறுநாள் பக்கத்து வீட்டு வழியாகத் தப்பித்துச் சென்றோம். ஆனால் துர்நாற்றம் வந்தால் மாட்டிக்கொள்வோம் என்று 14 ஆம் தேதி   நண்பர் சாகுல் அமீதிடம் பெட்ரோல் வாங்கி வரச்சொல்லி மீண்டும் வந்து மூன்று பேரின் உடலிலும் ஊற்றி எரித்துவிட்டேன். பின்னர் வீட்டிலிருந்த நகை, பணம் ஆகியவற்றை கொள்ளையடித்துச் சென்றுவிட்டோம். இதனிடையே சுகந்தகுமார் வெட்டியதில் எனது கட்டை விரல் பாதி துண்டாகித் தொங்கிக்கொண்டிருந்தது. அதனை வெட்டி புதரில் வீசிவிட்டு சென்னைக்கு வந்து தலைமறைவாகிவிட்டேன்” என்று வாக்குமூலம் அளித்துள்ளார் இதனைத் தொடர்ந்து கொலைவழக்குப் பதிவு செய்த போலீசார் இருவரிடமும் விசாரணை நடத்தி வருகின்றனர்.